محمد نويه فى ضيافة اعضاء الداخل

يا هلا بالحبايب اعنى اليوم بالمسا نشوف الاحباب بتاعين الداخل كلهم والله يا فيصل دى قلبت فيها الهوبه زى ما بقولو انت عارف نحن ناس الداخل محتاجين لمثل هذه الجلسات وكتر خير اخونا محمد قادم ومقدمه علينا اصبح فال خير على الاقل لمانا مع بعض وعلى الاقل نعرف بعض واقترح لناس الداخل ان يكون عندنا ملتقى شهرى او كل تلاته شهور عشان نشوف بعض على الاقل اشكرك يا ود حتيله والله دى نقله كنا ننتظرها من زمان

الجلسة كانت فى غاية الروعة والحضور مشرف ومية المية ونتمنى الاحتفال بقدوم كل الاخوان فى الخارج
بعدين يا فيصل ود عشمان دا بعدين نلاقيهو وين
انا غايتو اقترح سوق ستة مايو

الجلسه كانت قمه بحضور مميز من بنات المنتدى وشرفها السيد بشرى ادريس وتعرفنا فيها على احباب الداخل عرفنا الجبالى وسومه بت العمده والكثير من الاحباب الذين لم نلتقيهم من قبل 0000وبقول ليك يا ابوهريره ود عشمان نستقبلوا فى سوق الناقه احسن

الخيل تجقلب والشكر لحماد
طيب يا جماعة الخير ود عثمان المسكين اول واحد طلب منكم الاحتفال بمحمد نوية تاخدو منو الفكرة وتنفذوها بحذافيرها وما تقولو لود عشمان كتر الله خيرك وتشكرو في فيصل خليل؟؟
ود عشمان الكلام ده بقا حقارة عديل ايه رايك نمشي نسوي لينا منتدى جديد ونسميه منتدى ام برم برم ..لا.. قصدي امبرمبيطة.ايه رايك وكمان نسجل معانا ابوهريرة وعود الصندل؟؟؟

انشاءالله دائما لامين ومبسوطين يا احباب الحباك وود نوية حقيقى يستاهل كل الخير وعقبال نجتمع معاه فى الاحتفال بزواجه والشكر لكم احباب الحباك بالداخل لازم الصور عشان التوثيق وكده ولا ما كده يا اخوى محمود اها شكلها كده الصور بتجيك فى محلك وبظهر المستخبه. تحياتى لجميع وجمعه مباركه

يامحمود هو صاحبك ودعشمان ما لفيف خلاص وما برجى الجماعة يشكروه

ياخى دا خاطب الجلسة بالموبايل

بعدين انا شايف الزعيم غريف اختار محل انسب لاستقبال ول عشمان ما هو قال زول سعية

so exited ya shabab

يا ابوهريرة
انت مالك لايووووووق كده زي ما قالت الاستاذه ناهد ؟؟؟!! ول المحامين كلهم كده؟؟
ود عشمان لانو صاحب الفكرة وصاحب براءة الافكار الناجحة لازم يكون متابع الموضوع على الهواء مباشرة لانو لو ما تابع امكن يفشل.. وبعدين الرجل كان جاي وقطع تذكرة عشان يحضر الحفلة لكن الملكة ماوافقت على سفر لانها معتمدة عليه في كثير من المهام الصعبه التي لا يستطيع غير (عشمان سن ) القيام بها...
تخريمة كلمة سن دي بالانقليزي طبعا اذا ما فهمتها خلينا نترجما ليك.. الف تحية

الاستاذ محمد نوية
نحن في انتظارك عشان نستلم صور الاحتفال ولو امكن نزلها لنا في رابط ...
تحياتنا للاهل هناك
الف شكر

الصور يا جماعه انا كنت شايف الكمرات بتتخابط وهسع مافى زول نزل الصور يلا يا ياسر نزل انت

والله بالجد خبر ساااار جداً أن تلتقي أسرة المنتدي على الطبيعة شئ رائع رائع ...وشكراً يا فيصل شكراً يا زعيم ...شكراً ود قادم وشكراً لكل الحضور ...,اختص بالتحية المحتفي به ...ووالله يستاهل كل خير وكل شئ جميل .... شكرأً لكم على هذا الجمال وهذه الروعة ...وشكراً لسومة ...وشكراص لكل البنات الحضور ...ونتمني أن نراكم دائمأً : تامين و لامين كما قالت أختي الإنجليزية سهاااد ... وشرفتمونا بالجد ورفعتم رأسنا عالياً ...ودوماً إلى الأمام ...محبتي

يا جماعه السلام عليكو ..

الزعيم غريق .. لقاي الحجج ابوهريره .. و التابعين ..

اول حاجه سوق سته شنو .. و سوق الناقه بتاع شنو .. انا معي الاخ محمود ما بنقبل باقل من فندق الهيلتون .. لقيتو الاخ محمد نويه مسكين و قبل ليكم بنادي الظباط بري .. نحن طموحنا تستطيفونا في احدي البواخر السياحيه التي دائما تكون متحركه علي ضفاف النيل مرورا بتوتي دا ابسط جاجه بنقبل بيها و نحن موقتين مع محمود و صباح حسن ننزل سويا انشاء الله و شدو حيلكم ..

كانت اللقاء جميلا وكنا في حضرة من نهوى اهل الحباك..فعصفت بنا الاشواق..حدقنا بلاوجه ورقصنا بلا ساق..فملأت راياتنا وطبولنا الآفاق...عقبال لقاء يجمع الكل...تحايا الاف عمو فيصل

هوى ول عشمان انت جاى خريف تلقانا سرنا كان قريبن خلاص تلقانى فى دبة برمة نقابك هناك نسقيك نسية ونضبح ليك خروف
بعدين صفارتك وكشاكيشك ومركوبك وتلاتلك جيبن معاك ما تنساهن لانو فى نقارة ومردوم جد
ماتجى مجبص بخلقان الخواجات ديل

[img]https://apap.ahlamontada.com/[/img]


[img]https://apap.ahlamontada.com/[/img]

0000 كان لقاء رائع بروعة اهلنا فى الحباك شكراً ود عصمان على الفكرة وشكراً للاعضاء الحضور وعقبال ما نشوف ناس بلاد برة

ياسر اخوي ..

اتا الكاميرا بتاعتك دي لقيتها واقعه و لا شنو .. ياخ غير عمة الزول القاعد و علبة البيبسي ما شايفين اي حاجه .. و الاتكون اثبتم فشلكم تماما يا ناس الداخل يعني كلكم ما في زول عندو كاميرا زي الناس ؟؟

الظاهر يا ودعشمان ناس الداخل ديل الصور غلبتهم 000نستعير واحد من ناس بره ينزل لينا الصور ولا شنو

[img:6434]https://apap.ahlamontada.com/[/img]

شكرا يا اخوي ياسر

علي كل حال صورة اخونا ابوهريره مشاءالله واضحه و الزول ابو جلابيه و عمة سمحه تبارك الله صورتو واضحه طيب يا اخوي ياسر وين صور الجماعه العاملين زوبعه في المنتدي دا ؟؟

نريد توضيح ..

ههههههههه رنت ذاتك يا عشمان بتاع زوبعة
الزول ابو جلابية دا ما غريق ماعرفته

ماشاء الله تبارك الله
ان شاء الله دايما لامين وتامين
وحمدا لله علي السلامة اخي ود نويه

بحمد الله وتوفيقه علي اللمه الرائعه والحضور الجميل والمنظر الاخاد علي اسرة منتدي ابوجبيهه بالداخل كان لنا الشرف بمعرفة الاعزاء والاهل والعشيره من ابناء الحباك والمداخلات الروعة من ناس الخارج وبعدين ود عشمان ده قول ليهو هيلتون داتو غيرو اسموا انت الظاهر ليك طوله بره
وانا الشرف بأن نكون مشاركين في القاء
وناس بره ديل تعالو ساري نحن جاهزين ومرحبين بقدومكم
وبعدين يااخوانا صورتي فتشتها مالقيتها
احترامي

سلامة نظرك يا ود عشمان العلبة علبة سبرايت .....

يا سلااااااااام

الزعيم غريق كمبال .. انا لو ما ابوهريره قال لي ما عرفتك والله قرب احضن شاشة الكمبيوتر وقت عرفته صورتك مشاء الله عليكم جميعا انشاء الله جلسه في الحرم ..

لكم التقدير و شوقا لي رؤياكم و شدو حيلكم يا ناس ابوجبيهه وفد اوربا جاينكم قريب

العزيز خدوره ام بشق

ههههههههههههه والله ضحكت كلمجنون قلت لي احسن البس نضاراتي اخي انا زول خلا المشربات دي كلها بشوفا زي الببسي ما بعرفها حسي الفرق بين الببسي و الكولا شنو.. تقول دارين لها جنزبيل وقت تشربها تطلع ليك في الراس فوق يا عوذبالله ..

صورتك خطيييييرة ... وتسلم ياذوووق .... محبتي

فى صور كتيره ما ظهرت ليييييييييييييه

الزعيم أنا على كل حال وصلتني 9 صور ...وبصراحة لم نعرف منها إلا القليل من الشخصيات ...فأرجو شرح الأسماء ...حتي نعرف ...ولك التحية يا زعيم ...وإنت ماشاء الله صورتك واضحة ...فقط بقية بعض الإخوة ...وصورة إبنتي الصغيرة بنت الأخت إقبال ماشاء الله واضحة ...فقط عرفوا لنا البقية ...ونرسل صوت الشكر لبت العمدة سومة ...والتحايا لكل أسرة المنتدي دون فرز ...ولكم محبتي

أتاري الحكاية كبرت ... والحكومة جات وناس بشرى إدريس

بقدر ذووقك وقدرك العالي أخي فيصل وبالجد تسلم...ونحن نفخر بكم جميعاً لأنكم وجهتنا ...ولا عدمناكم ... محبتي

ياشباب!!!!
دي مؤامرة ول شنو؟؟؟
وين صورة فيصل ود عمي خليل
يا فيصل الناس ديل قصدوك عديل زي ما قصدو ود عشمان
لازم تطالب بحقوقك وتخليهم ينزلو صورتك ومن حقك كمان تطالب بتعويض مادي ومعنوي كمان..
الف تحية

يا فيصل بالله أسألوا عن الغالي أحمد قمرالدين يوسف وبلغوه الحب والتحايا