جمعة التغييييييييييير والتحدي!!!1

اليوم جمعة تغيير الصور
وانطلاقا من هذا العهد الذي قطعناه انا وودعشمان على ان نقوم بتغيير الصور كل جمعة نتمنى من الجميع ان يحذو حذونا ويبعدونا عن صور السيارات لانو ود عثمان ممكن يتصور جنب سيارة الملكة اليزا بث ويقول ليكم دي سيارتي وانتو عارفنو قاعد في لندن وشغال حارس في القصر الملكي ومفاتيح السيبارات الملكية كلها عندو... الف تحية

الفاتتح التوم عامل نايم؟؟
فيصل خليل عامل ما شايف؟؟؟؟
اهي صورة جديده اتصورتها اليوم لا واقف جنب سيارة ولا شايل ابكر ارح على قولة اقبال عبد اللطيف..
تاني عندكم كلام؟؟
الف تحية

الاخ العزيز .. الصديق .. الزميل .. الوفي رفيق الدرب الطويل .. محمود .. ايمانا منّا بالعهد الذي قطعناه لقد تم تغير صورتي .. و هذه الصوره تم التقاطها بعاصمة النور ( باريس ) انا حبيت اوضح مكان الصوره لانو اصحابك ناس ابوهريره و فيصل خليل و التابعين لهم ممكن يقول البوابه التي من خلفي هي بوابه عبدالقيوم في ام درمان لانهم غير مثقفين و لا عارفين العالم دا فيه شنو .. و بعدين اسم الشارع اليّ انا فيه دا اسمو الشانزلازي و هو يعتبر اشهر شارع في العالم و لو سألت الاخت صباح بتقول ليك الكلام دا صاح بحكم انها قاعده في عاصمه تعتبر من العواصم الجميله في العالم .. انا عارفك انت زول مثقف بس بحاول افهم هؤلاء .. لا اريد ذكر الاسماء و اكيد بتكون فهمتني ..

لك التحيه اخي العزيز مهما يكن من شيء بصورتك الجميله هذه انت عبرت للمرحلة القادمه في المنافسه من برنامج سحر القوافي ..

ما تشتقل بالجماعه نحن حنظل في تغير الصور حتي تصل الي المائه صوره و ممكن نسميه مشروع ( المائه صوره ) رايك شنو في الفكره دي .. طبعا انا بجيب افاكر لكن الانتهازين بياخدوها مني و ما بقولو شكرا و اضرب ليك مثل صغير زي برنامج الاخ محمد نويه و انت براك شايف ..

لك التقدير

الف تحية فارس امبرمبيطة الاصيل المغوار
ماشاء الله على الصورة الجميلة ما شاء الله وانا خايف عليك من عين باغبو
وفيصل خليل وعود الصندل ابعوينات ده.. لكن اربط ليك كمون اسود وعلقو في رقبتك دي وان شاء الله ما تصيبك عين.. الف تحية

ياجماعة دا محمود ولا اللمين البنا؟كدي شوفو تاني.
ودعشمان الصورة مدبلجة ..صدقت ياعمو فيصل..
ياخي نزل صورة واضحة زي عمك ودالبنا دا..احترامي

يا فيصل و اقبال ..

البسو نضاراتكم و شوفو الصور دي كويس ديل نحن و لا لا .. وقت قالوا الصوره بتاعتي مدبلجه كلامهم دا وجعني شديد لكن في مثل بقول الما بعرفك ما بعزك .. يا محمود ما ترد علي تشككاتهم لانو الاخت صباح حسن ردها كان كافيا و ما في داعي نضيع وقت مع هؤلاء ..اليوم لو جاك وجع راس و لا شي بكون ديل الجماعه ديل سحروك ..

يا استاذة صباح
نحن منتظرين محمد نوية عشان معاه صور للجماعة
وبعدين شوفي الصور الحنزلها انشاء الله قريب
الف شكر

فيصل خليل البلطجي
كنت عاوز ارد عليك لكن اكتفيت بدفاع الفارس الجحجاح ود امبرمبيطة التمساح ود عشمان وكذلك كلام الاستاذة صباح الصحفية المتالقة
اما اقبال دي انا شايفا بدات تتزاوغ وهي عاوزة تهرب من الجمعية عشان كدة بتقول اي كلام وتعملني انا وود عشمان سبب
الف تحية

دا كلام صور ساكت يامحمود على وزن كلام جرايد..اقيف النسعلك ودعشمان سباري ولا بضرب الرمل؟
احترامي وسلامي للعيال

يديكم العافية بناتنا الاعزاء اقبال وصباح
طبعا الاستاذ ياسر نزل صور لكن غير واضحة وما فهمنا منها اي حاجة
والصور عند محمد نوية!! اصبرن لم يجي
حتى ود نوية لازم يغير الصورة القديمة دي
مشكورين على الظرافة وخفة الدم وبعدين يا استاذة اقبال ودعشمان ما ناكر انو سباري محترف.. الف تحية