ابوجبيهه

فرفش ودردش (نكاااااااااااااااااااااااااااااااااات)

استعرض الموضوع السابق استعرض الموضوع التالي اذهب الى الأسفل

فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 7th يونيو 2011, 16:42

حلفاوي غنمايتو تعبت تعب شديد قالو ليه صوم سبعة أيام لله وانشاءالله الغنماية حتبقى كويسة المهم صاحبك صام وفي اليوم السابع بعد المغرب الغنماية ماتت قام صاحبك عاين ليها وهو زعلان قال ـــ وديني سبع يوم ده نهصم من رمضان ودهيا مافي السنة ده
----------------------------
حلفاوى ولدو ليهو عشرين سنه فى أمريكا مشا يفتشو وأول مانزل فى المطار قابلو سودانى فسألو ياولدى أنا عمك صالح وعندى ولدى هنا ليهو زمن أخبارو مقطوعه فالسودانى قال ليهو تعرف ياعمى ربنا بيحبك محمد ولدك ساكن معاى فى غرفه واحده وساقو طالع بيهو فى ناطحات السحاب فى نييورك والأرض بدت تختفى والعربات عمك عاين للسودانى قل ليهو بقول ليك إيه ياإبنى إنت مودينى لمحمد إياتو ؟؟
--------------------------
دينكاوي جاء لي بتاع دكان حلفاوي قال ليهو عندك كيت , الحلفاوي قال ليهو دا شنو دا كمان , الدينكاوي قدر ما حاول يشرح ما قدر , قام دخل جوا الدكان ومسك الخيط وقال ليهو دا ما كيت , الحلفاوي قال ليهو ياهي ما تقول هيت
------------------------
ادروب قالو ليهو : تمشي الجنة ولا النار
قال : القريب من كسلا نمشي
-------------------------------
حمار اتعود يحك راسوبشباك فصل في مدرسة الاستاذ قال للطلبة الحمار ده كل يوم بيعمل كده عندو ولد عم ليه هنا والا شنورد عليه تلميذ رباطابي قال لي ليه والله مابيجي هوالا في حصتك يا استاذ
----------------------------------------
شافع من شفع الرباطاب جابو ليه استاذ راسو مطاول شكلو غريب جدا وقال ليهم الاستاذ اسالكم سؤال المابجاوب بطردومن الحصة فرد الشافع اسعلني فقال الاستاذ الله كم واحد ولا اثنين فضحك الشافع ضحكا شديدا البضحكك شنو فزاد الشافع في الضحك وقال ليهو لو كاانو اتنين ماكان اتشاوروا في راسك ده
----------------------------------------
قالو ادروب شاحن ليه عربية بتاعت جداد جاي من بور سودان في المحطة الاولي وقفوه قالو ليه ليه يا ادروب جدادك ده سمين كده بتاكلو شنو ادروب حب يقشر وكده والله باكلو قمح بس قامو مسكوه ليك كسروه الجماعة قالو ليه يا ادروب الناس مالاقيه تاكل انت تاكلو قمح
مش في المحطة التانية سالوه ادروب جدادك ده بياكل شنو قال ليهم بناكلو عيش برضو مسكهو هبتوه ليك في المحطة التالته داخل مدني سالوه برضو قال ليهم والله انا مابعرف ياكل شنو هو المهم انا نصح الصباح نديه مصاريف بتاعو هو براه يصرف
رباطابي عنده فرن جاهو مسكين قال ليهو ( لي يومين ما ضقت طعم الرغيف ) الرباطابي قال ليهو : ( ياهو طعمو زاتو ما اتغير ) .

****************************** ******************** ******************************
الشايقى الجعلى قاعدين تحت شجرة لالوب يتونسوا ، الشايقى قال للجعلى اطلع جيبلى لالوبات من الشجرة ! الجعلى قال ليهو انت محنن ??? فجأة ظهر أسد ! الجعلى طلع فوق الشجرة ، والشايقى جرى بعيد ! لما الأسد فات ، الشايقى لقى ليهو عود صغير ، قال للجعلى الأسد فات ! خوفتوا ليك بالمطرق دا ! لكن انت وقتالله رفع قدمك ، لا تنسى اللالوبات جيبن معاك
واحد مسطول عزم صاحبه على الغداء ...المسطول شابك ليك مرتو الله عليكي يابركةو و كل ما يطلب منها حاجه يقول ليها يا روحى يا انفاسي الاكل جاهز ولا لسع ؟ ياعيونى شوية ملح ، يا سنتر قلبي جيبي بالله عيش يا قمرة ياحياتي يا انفاسي عايزين زيادة أهــا صحبو اتكيف شديد من الكلام دة وقال : ليهو ماشاء الله اكتر من 18 سنة متزوجين ولسع بدلعة ياروحي وياحياتي وماعارف شنو؟ قام المسطول قال ليو: يازول ها انا بس ناسي اسمها

مسطول مشى يعزى وهو متأثر شديد وهو طالع قال لأخو الميت يعنى مافى امل؟

عريس ساطل سطلة جامدة، يوم عرسو وبعد الناس مشو دخل البيت لقي العروس قاعده منتظره قال : والله انا كنت عارف بي جوطتم دى حينسو ليهم زول
-------------------------------
واحده عجوز مشت للجيران للزياره لقت الولد قالت
ليهو كلبكم فى ردعليها وقاليها مافى
الحاجه خشت كده لقت الكلب قعدت تكورك بوبى بوبى
انا مانى حبوبتك
----------------------
بياع الفحم جنوا كضب على الزبائن
وأصلوا ما بسكت ساكت لازم يعلق على كلام الزبون
جاتو حاجة كبيرة تشتري فحم
الحاجة : يا ولدي أديني فحم بي ألف
بتاع الفحم : اتفضلي يا أمي
الحاجة تعاين للفحم الكباه ليها في القفة وتقبل على بتاع الفحة
الحاجة : ما تزيدوا شوية فحم الياباني
بتاع الفحم : والله يا حاجة الفحم غالي وبعدين الفحم ده من سنار
لكن اللوري الجابوا ياباني


عيان مشى الدكتور

الدكتور قعد يحذر فيهو من اعراض ضغط الدم
ما تأكل لحمه سمينه وكبده نيه
والبيض المقلي والمسلوق ولا السمنه البلدية
وابعد عن الزبادي والجبنه المضفرة و...!!
العيان قاليهو
ها آزول اقيف ها...
انا لو بأكل جنس ده... اكان جيتك؟
-------------------------------
ومسطول
سالوه الفرق بين زمان وهسي شنو
قال ليهم زمان لما يجيبو الاكل الناس تقول بسم الله وتبدا
وفي النهايه تقول الحمد لله .هسي لما يجيبو الاكل الناس تقول
الحمد لله الاكل جا ، ولما تنتهي تقول بسم الله كمل متين
-------------------------
جعلي راكب حماره في الخلا .. دخل في كومة قش طارت منها (فرة) خلعت الجعلي لغاية ما وقع من الحماره
اتلفت يمين وشمال ما شاف زول
قال والله لو دا شايقي كان مات عديل
---------------------------------------
ادروب سألو تمش الجنة والا النار قال ليهم الشوايقة ماشين وين ؟؟ قالو ليهو ماشين النار قال خلاص بامش معاهم النار يا ادروب الكلام ده كيييف بس قال ليهم الشوايقة ديل ما بمشو حتة الا يكون فيها منفعة وكده
-------------------------------------------------------------------------
شايقي داخل يزور امه في المستشفي لقي مكتوب على الباب (إدفع) قال اخير اشوفها في البيت
-----------------------------------
مسطول بيسـأل صاحبه

هـا أخبار ابوك شنو؟

وفجـأة تذكـر أن أبـو صاحبـه مـتوفي

"فكمـل الموضوع وقال " لسه برضو فى نفـس القبر
--------------------
مسطول مثقف قال لصاحبه قل لي ماذا تقرأ أقل لك من أنت.... قام صاحبو قال ليو.. ماذا تقرأ؟؟
قام المسطول قال ليو:: من أنت؟؟

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف سومه العمدة في 7th يونيو 2011, 22:23

هههههههههههههههههههه
شكرآ محمود
تسلم يارب

سومه العمدة
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف الحازمي في 7th يونيو 2011, 23:34

ههههههههههههههههههههههههههههههه
تسلم يا محمود النكات دي جبتها من وين والله ضحكتنا

الحازمي
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود منصور محمد علي في 8th يونيو 2011, 07:57

الاستاذ والابن والمبدع النشط محمود2 كما ميزك شاويش بهذا الرقم
انت باين عليك جيتنا من مجموعة تيراب الكوميديا
الف شكر على حملك لنا عنوة الى دائرة الضحك والمتعة والبهجة والسرور.. في هذا الزمن الذي غابت فيه البسمه عن الوجوه واحتبست فيه الضحكة داخل الفوس
الف شكر على نشاطك المتزايد وحماسك المتدفق والى الامام .. الف تحية

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف فيصل خليل حتيلة في 8th يونيو 2011, 09:06


ههههههههههههههههههههههههههها

شكرا محمود اسعدت صباحنا يا عزيزى من الهموم

تحياتى

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 8th يونيو 2011, 12:55

تسلموا علي المرور
وشكرا ي عم محمود علي
التحفيز والكلمات الدرر
***********
حبيت التنوع بشئ جديد ومتفرد

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف Suhad Abduelgfaar في 10th يونيو 2011, 09:31


حقيقى انت متفرد
لانك خلقت فينا
الضحكه
وسط الهم والغم
والقلق على اهلنا
فى الحباك
وهو ده الوقت المناسب
لكى تنقلنا
بالدردشه الممتعه
ربنا يديك العافيه
تحياتى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 12th يونيو 2011, 17:37

الله يخليك يا استاذه سهاد
تسلمي علي الاطلاله الجميلة
والمفردات الرائعة

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 2nd يوليو 2011, 16:38

استلموا ده جديد كرت مساطيل ............
[size=21]مسطول وقف تكسي ...وقال للسواق توديني وين وادفع ليك كم, السواق طلع مسطول قال ليه انزل هنا وادفع البتدفع.
*******
مسطول سوداني قاعد مع مسطول مصري قام قال ليه الدنيا دي كلها مأسي...!
رد المصري لي هو مقاسك اد ايه..؟
*******
مسطول باب بيت دقه كورك منو؟ قال ليه الضيف انا حفيدك..
قال ليه اها حتفيدني بي شنو.
******
مسطول سال بتاع صيدلية قال ليه عندك شريط بندول..؟ رد نعم
قال ليه كدي شغلو نسمعوا.
******
مسطول اتزوج صينية دخلا الفرن.
******
مسطول ام صحت قالت لي الشمس طلعت...
قاليها دخليها واقفلي الباب.
[/size]

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 25th يوليو 2011, 13:10

المساااااااااااااااااطيل
اثنين مساطيل .. راكبين عربية الأول
سايق والثاني راكب ورا .. الراكب ورا سطل سطلة شديدة .. ماشين في شارع
النيل .. السايق شاف الشجرة (مضروبة جير أبيض نصها التحت) أفتكرها عسكري
حركة .. راح واقف .. لما شافها شجرة ضحك وطلع طوالي .. بعد مسافة الثاني من
ورا .. قال ليه .. التافه دا قال ليك شنو ؟

مسطول قال : بعد ما رفعت الفاتحة إتذكرت إنهم أقباط ، قمت رشيتهم بـ يا
أيها الكافرون

مسطول قالوا ليهو : الصينيين بولدوا كل دقيقة طفل .
قال : دا التقدم مش زي هنا كل 9 شهور طفل

مسطول ... مفلس فلس شديد
لقى ليه زير وحضنو وقاليه: وين يا مرطب

مسطول سمع دقه باب البيت فتح الباب ما لقي زول ..قال ده مس كول ولا شنو ؟؟؟

مسطول جارى مخلوع سالوه مالك
قال انا ماشى فى الكلب عفصت لى شارع
فى جلابيتو مسكنى من ضنبى..

مسطول بيصلى قام صاحبو ضرب ليهو تلفون قال ليهو انت وين ؟؟ قال انا فى
التحيات لله .......!!!!!!!!!

خمسة مساطيل يصلو .. واحد منهم عطس وقال الحمد لله.. قال الثاني يرحمك الله
..قال الثالث ما صاح تتكلمو في الصلاة .. قال الرابع كلكم صلاتكم باطلة..
قال الخامس الحمد لله انا ما تكلمت!

مسطول يقول لاخوه :
أتحداك تجيب اسم دولة أوروبية ....لو ختيت نقطة على آخر حرف ‏فيها ....يطلع
لك اسم عَالِم ذرَّة
قال المسطول التانى :بصراحة ماعارف !!
قال المسطول :
الدولة هي قطر وإذا ختيت النقطة بتصير قطز
قال التانى :
قطز عالِم ‏ذرَّة ؟؟!!
قال المسطول :
يعني قطر هي اللي دولة أوروبية ؟؟

مسطول مشى سوق 6 قال ليهم داير لي نقاش ... جوهو (40) نقاش قال ليهم... يلا
انقشوني انا جايي من وين ؟.

اثنين مساطيل راقدين في أوضة قصادها برندة واحد قال للتاني انا شايف مرق
الأوضة دي يطلع ويجي التاني قالو خليهو يمكن شغال أوضة - برندة.


مسطول لقي نفسه قدام نمر ما عرف يتصرف قال ليهو : أكلني تاكل السم .

مسطول راسه مصدع؟ اشترى بنادول ومالقى مويه بلع الحبة وتيمم

مسطول ولدو عيان وداهو الدكتور
الدكتور قال ليهو: ولدك دا عندو تسمم شرب لبن مدتو منتهيه
المسطول قال ليهو: تكون رضعتو حبوبتو...


في مدرّس نقلوهو جهة الرباطاب ومن أول يوم في المدرسة
لاحظ حمار في الشارع يتاوق بشباك الفصل ويدعك جسمه ويمشي كل يوم كده
قام الأستاذ قال للطلاب : الحمار دا عندو ود عم هنا ولا شنو؟؟
قام طالب من أولاد الرباطاب قال ليهو : يا أستاذ الحمار دا بيجي في حصّتك
بس.

مسطول سألوه عن الفرق بين الشهد والشهيد؟
قال : الإتنين بيتلحْســــو


واحد مسطول داير يحتفل بيوم الطفل بال في لباسو

اثنين عساكر مساطيل في حفلة بنادي الضباط شا فوا العروس لابسه فستان كله
نجوم
واحد سأل صحبه دي رتبتها شنو ؟

مسطول مرتو ماتت قالو ليه نديك أختا؟ قال ليهم: معقول ياخي .. ديل نسابة
ولا شركة تأمين أًصلو

مسطول طالع من الدكتور بتكلم مع روحه:
ضب في صحن؟ .. لا لا
سحليه فى جك؟ .. لا لا
قعونجه فى جردل؟ .. لا لا
تمساح فى بانيو؟ .. لا لا
رجع للدكتور تانى وقاليهو: إنتا يا دكتور قلت عندي شنو؟؟
قاليهو : عندك سرطان فى الحوض...

اربعة مساطيل دخلوا امتحان جاهم سؤال فى الامتحان : كم
عددارجل الغنماية وكلهم سألوا صاحبهم حسين وما كان بيرد عليهم ولما خلص
الامتحان ولاقوه برة قالوا ليهو : ليه ما بترد ..!؟ قاليهم : المراقب كان
جنبى وما قادر اطلع
الغنماية

رباطابي مشى لسيد الدكان قال ليه ادينى سيجارة وعلبة امواس
صاحبنا بتاع الدكان اضانو تقيلة مشى جاب ليه قلم وكراس وقال ليه اديك
بالباقى شنو الرباطابي عاين ليه وقال ليه ادينى بيه إملاء

مسطول سايق اسعاف في الحرب
نقل 35 قتيل ...
سمع بالراديو سقوط 30 قتيل !
وقف وفتح الباب وقال: الخمسه الراكبين حنك ينزلوا .!

مسطول قال : والله من شدة السخانة طلعت الشارع لقيت الشارع قاعد فى الضل

مسطول بيحكي لي واحد مسطول نكتة قال ليهو في واحد ماشي في الصحرا طلع ليهو
تمساح من البحر قال ليهو عندك معجون قال ليهو ليه شايفني محامي

سواق أمجاد راكب جنبو واحد سمـــــــــين لدرجة انو ما قادر يسوق،
في واحد مسطول في الكنبة الخلفية قال للسواق: يا ابن العم شيل دركسونك
وتعال معانا بي وراء

شايقى جاهو شحات فى عيد الضحية فقام الشايقىوقال ليهو:
اللحم اكلنا,والراس عملنا باسم, والكرعين كوارع,والجلد مصلاية,وكان فى
طريقة(باااااااااااااااااع)ذاتها نعملها نغمة للموبايل

مسطول عجبتو بت في الحافلة لما نزل شال رقم الحافله

مسطول سأل صاحبو قال ليهو: الشيء البقول ناووو وبطير ده شنو؟ قال: كديسة
وشايتنها شلوت!!

واحد عندو غنماية ضعيييييييييييفه وداها السوق عشان يبيعا .. اول ما دخل
السوق لاقاو تاجر سألو الغنماية دي ادوك فيها كم ؟ الزول قال ليو ادوني
فيها 750 الف .. الغنماية دنقرت راسا و قعدت تضحك

فار اتزوج دودة ام اربعة واربعين طلقها عشان قروش الحنانه !

اتنين مساطيل حضرو ليهم حادث انقلاب بوكسي
بقى واحد فيهم يمسك الزول ويقول ليهو
1+1 كم
وطاخ...يديهو كف
1+1 كم
وطاخ.. كف
التاني عاين ليهو كويس
وقال ليهو
هوي ما تكفتن ساي
يمكن بليدين

المسطول مربى ليهو قرد فى البيت .. القرد صاحبنا عيان راقد فى المستشفى، جا
المسطول الصباح يسال الدكتور من صحة القرد..
الدكتور (ضارب سجارة الصباح): واللهى يا عمك القرد ده بين الحياة والموز ..


المسطول مشى للدكتور يشتكي من الصداع فسأله الدكتور انت لما تكون نايم
بيكون الشباك مفتوح او مقفول؟ المسطول قال ليهو مقفول .. قام الدكتور قال
ليهو سيبوا مفتوح ونوم .. اليوم التاني جاء صاحبنا فساله الدكتور راح
الصداع ؟؟؟؟
قال ليهو ه الصداع راح والمكيف راح والثلاجة راحت..

مسطول دخل مطعم .. قال للجرسون:" عايز واحد فول .. بس يكون من غير سلطة
الجرسون قال ليه:" السلطة الخضراء العندنا شطبت ما عندنا غير سلطة طحينة
المسطول قال ليه:"ما فى مشكلة .. طيب أعمله من غير سلطة طحينة..

قال ليك واحد مسطول زار ناس كدة و قاعد يسأل فى بتهم الصغيرة اسمك منو
ياشاطرة؟
قالت ليهو : أسماء
قال ليها يعنى مافى اسم محدد..!!!!!!!!!!!

مساطيل إحدي القرى على طريق مدني - الخرطوم
اخترعوا يلعبوا في شارع الزلط لعبة البتطقة العربية مرتين يطلع برة ...

مساطيل بيتسطلوا جنب خزان سنار .. واحد وقع جوه الخزان .. التاني مشى
يستناهو جنب الماسوره..

واحد مسطول وقع من السلم مشى للدكتور ...اداهو دواء قال ليهو: امسح مكان
الوقعة
تتصوروا صاحبنا عمل شنو ؟؟؟ مشى مسح السلم

اتنين مساطيل الاول سال التاني : جرحتي كبيرة ولا صغيرة . داك قال ليو
مناسبة

واحد مسطول راكب عربية في عز الشتاء
شايل معاه عيش حااار في الكنبة الورا
حاول يشيل عيشة ما لحق
خته خلف..


الاستاذفى نص الحصة بيقول للطلبة طبعا نحن كلنا جينا من ادم وحواء
نط شافع شليييق قال ليهو : انا ابوى قال لى الانسان اصلو قرد
الاستاذ عاين ليهوا لقاهوا شيييييين قاليهو : يا ابنى نحن بنتكلم بصورة
عامة ما عن اسرتكم على وجه التحديد ..

واحد مسطول سال ناس بيتهم جيرانا ديل ضابحين ولا شنو قالو ليهو ليه!!
قال ليهم (صوت ) الابرى ده شنو؟؟

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف Suhad Abduelgfaar في 26th يوليو 2011, 07:57

تسلم اخى محمود2
على النكات والفرفشه
علا جماعتك ديل كترت عليهم خلاص
شيل شيلتك معاهم.
تحياتى


Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 31st يوليو 2011, 14:43

ههههههههههه انا ما عندي ليهم حاجه يا استاذه سهاد
الله معاهم شديد

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف ابوهريرة عثمان عبدالسلام في 1st أغسطس 2011, 00:02

ادروب شغال بيحرس مخزن بتاع دقيق يوم شاف فى التلفزيون ساحات الفداء ولقى واحد مجاهد بيقول والله كتلنا الخوارج وكانت معركة شرسة وكنا جيعانين بس فجاة السماء نزل فينا دقيق وقمح . ادروب رجع المحزن وباع الدقيق كله وقبض الفلة . الجماعة ناس الحكومة جوا تانى يوم سالوه :يا ادروب وين الدقيق . ادروب قال ليهم : والله ادروب ليل كله امبارح ما نام الملائكةتشيل دقيق تودى جنوب





واحد مسطول بيشرب سجارة وبيرجع البيت يفتح الباب بالمفتاح و يرقد ينوم
مرة كان مقرش اشترى سجارتين
ولع واحدة ونسى التانية لما رجع البيت عاوز يطلع المفتاح طلع السجارة التانية
استغرب و قال ياربي أكون أنا شربت المفتاح








قال ليك واحد تكاسى راكبة معاهو بنت كل ما بطنو تكركب يروح ضارب البورى شديد
الحكاية دى كررها ليك عدة مرات و فجاة كدة جات غنماية قاطعة الشارع البنت قالت ليهو : موش الغنماية دي
اصدمها بس عليك الله بوريك العفن دا تانى ماتضربو )







واحد ادروب سافر الى كسلا بحافلة جديدة لنج والسواق من قام لحدى ما وصل مشغل اذاعة القران وصاحبنا الشغلة دى ما ركبت ليو فى راسوا ولما وصل سالة احد اقربائه جيت بشنوا فرد عليه , جيت بالجامع ده

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 4th أغسطس 2011, 22:38

ههههههههههههههههههههههههههههههههه
تشكر علي الاضافاااااات اللذيذه

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف فيصل خليل حتيلة في 6th أغسطس 2011, 15:59



مسطول قال : والله من شدة السخانة طلعت الشارع لقيت الشارع قاعد فى الضل

الله يستر

مسطول سايق اسعاف في الحرب
نقل 35 قتيل ...
سمع بالراديو سقوط 30 قتيل !
وقف وفتح الباب وقال: الخمسه الراكبين حنك ينزلوا .!

ابداع يا محمود

شكرا على تخفيف المعاناة يا محمود

ربنا يجزيك عنا كل خير عزيزى

رمضان كريم

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 6th أغسطس 2011, 17:42

الله اكرم ي فيصل تصوم وتفطر علي خير ،

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف فيصل خليل حتيلة في 10th أغسطس 2011, 14:37


محمود ابوراس سلامات

الشعب يريد نكات رمضان يا عزيزى

تسلم

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 14th أغسطس 2011, 13:34

جدا ي فيصل ترقب . .
انشاء الله بس كنا جارين في البدايات جري شديد

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف ود المحلج في 15th أغسطس 2011, 09:25

مسطول قالو ليه انتقد البلد زي ما انت عايز ..........

قال:ـ

وين حرية الرأي



...وين المساواة



وين قروش الشعب



وين الشغل



وين موديني



وين انا



وين النور



واااااااااااااي




ود المحلج
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف Suhad Abduelgfaar في 15th أغسطس 2011, 12:54

(دى بلدا هيلى انا)
والله كلنا
قلنا (الروووووووووووب )زى زولك ده علا ما ادونا الفرصه دى .
(اول مره اشوف لى مسطول واعى كده )
ضحكتنى ود المحلج وربنا يجعل ايامك كلها ضحك
ورمضانك مقبول
تحياتى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 16th أغسطس 2011, 12:34

مين قطـــــــــــع النور .....

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف فيصل خليل حتيلة في 16th أغسطس 2011, 13:50


وين مطالب الشعب يا محمود ابوراس

تحياتى

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 16th أغسطس 2011, 14:19

جااااااااااااااااااري البحث ي فيصل

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 16th أغسطس 2011, 14:22

مع الاعتذار ي استاذ فيصيل اليومين كان الجري شديد ومع رمضان ده انسي بس لكن مافي
عوجه كله يهون

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 16th أغسطس 2011, 14:28

دي تصبيره للجاياااااااات
************
جعلي ركب الطيارة حلف على بناته بالطلاق يساعدن المضيفات

....


مسطول شاف جني بالليل و صاحبنا ماحافظ القران قام غنى طلع البدر علينا


واحد عندو حب استطلاع قالو ليهو لو بطلتا حب الاستطلاع نديك نص مليون ..قال ليهم والنص التاني حتدوهو لمنو

مسطول اشترى خروف ضعيف شديد ..ابوهو قال ليهو دشنو الخروف الضعيف ده قال ليهو ماتشوف الجسم شوف العيون كيف؟

بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها

سكران أبوه مات وداه مغسلة الاموات وقاليهم بالله غسيل وكي مستعجل

ندل أبوه طرده من البيت كتب على البيت مقر تنظيم القاعدة

مدرس سأل تلميذ عبيط : مين الحيوان اللي يصحّينا ل صلاة الفجر ؟ قال له : أبويا

حنكوشه بتحب زميلها في الجامعه من اهل العوض في عيد الحب اهدتو ببغاء تاني
يوم سالتو : بالله رايك شنو في الببغاء قال ليها : طعمو جداد جداد.

سكير لاقي ست العرقي في الحج
حلفها قدام الكعبة
تاني ما تزيدو موية .

مسطول متفلسف سألوة
إنتربول يعني شنو؟
قال ليهم يعيني كفر جواني

مسطول جا جنب يافطة
طلمبة أجب
طلع بالسلم وكتب بعدها
بلا أو نعم

مسطول بيضرب بوهية
قالو ليهو خت جريدة تحتك
قال: لا لا كدة محصل

أنصار سنه مشو رحلة
الأولاد مشو الجريف شرق
والجكس مشو الجريف غرب

مسطول سألوهو ماهو الحب؟
قال ليهم : أكوله في القلب ما بتقدر تحكها

سواق حافله مسطول الكمساري قال ليه: اللستك نزل, قال ليهو: ما تشيل منو

مسطول دقنو كبيره دخل الجامع لأول مرة واحد يسأله يا شيخنا فاتتني ركعتين
أعمل شنو؟ قاليهو في زول شافك؟ قاليهو لا, قال ليهو: أعمل نايم
.
مسطول دخل عنبر في المستشفي لقى واحد مركبين ليه درب و التاني عنده شلل رعاش
قال ليهم ده مستشفي شنو دي واحد خاتينو في الشاحن و التاني على الهزاز

مسطول قامت ليه حبة فوق حاجبه .. وقف قدام المراية وعاين ليها وقال : هسة دي يقولوا عليها عين ولة غين

مسطول مرتو ماتت قالوا ليه :نديك اختها قال:دي نسابة ولا شركة تأمين

واحد مسطول محكوم عليهو بالاعدام كل ما يجي يشنقوه ، الحبل ينقطع ....عاين للسجان وقال ليهو وهو متغاظ
احنا جايين ننشنق ولا جايين نلعب!!

دنقلاويه فتحت جواز راجلها لقت مكتوب رجل اعمال
مسحت اعمال وكتبت عوضيه

مسطول عجبتو بت في الحافلة لما
نزل شال رقم الحافله

حلفاوي جا يستلم مرتبه آخر الشهر
الصراف قال ليه خصموا منك 50 ألف للتبرع لفلسطين
قام زعل( تلت الراتب راح )
رجع للصراف وأداه باقي المائة ألف وقال ليه
طيب أدي الباقي دا لشارون خلي يطلع روحهم

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

كشكول فرفشه

مُساهمة من طرف محمود محمد ابراس في 27th سبتمبر 2011, 16:07

مسطول وقف تاكسى .. و قال للسواق: "
يا ابن العم وين توديني وكم ادفع لك ؟

.. صاحب التاكسي نفسه طلع مسطول وقاله :" انزل هنا وادفع اللي بتدفعه
* * * * * *
ولد مشى لى سيد الدكان .. و قال ليه:" عندك

"حلاوة؟

"..سيد الدكان قال ليه:" أيوة "

الولد قاله " ادينا بيبسي

الولد مشى و جاء راجع مرة تانية ..و قال ليه :" عندك

"طحنية ؟

".. قال ليه:" أيوة فى

! "الولد قال ليه:" طيب أدينا سكر

سيد الدكان زعل و مشى كلم أبو الولد

و قاله:" ولدك دة عذبنا.. يسأل من حاجة و

".. يقول عايز حاجة تانية

أبو الولد زعل و قال ليه:" دة ولد قليل أدب

"و لازم ينضرب.. عندك عكاز ؟

".. سيد الدكان قاله:" أيوة موجود

"أبو الولد قال ليه:" طيب أدينا سوط عنج
* * * * * *
مسطول عملوا معاه لقاء فى التلفزيون

"المذيع سأله:" ماهو أصعب موقف مرّ بك فى حياتك ؟

المسطول قاله:" يوم ما كنت بحلق فى دقنى وبمدغ في لبانة
* * * * * *

تلاته مساطيل راكبين في طيارة هلوكوبتر قاعدين يسطلوا والطيارة في الجو

قاموا قالوا لي واحد منهم يمشي يجيب ليهم سجارة من الدكان

صاحبنا قام وعلي حسب السطلة الفيه طلع بي واحد من ابواب الطيارة

لحسن حظو لاقتو مروحة الطيارة وخمشتو من لياقة القميص

صاحبنا بقى معلق والمروحة تدور

الجماعة بي جوة انتبهو للموقف وصاحبنا معلق في المروحة ويدور معاها

وهم برضو علي حسب سطلتهم قعدو يقولوا له "

آيوة اقعد لف ودور كدة لحد ما الدكاكين تقفل
* * * * * * *

كان في مسطول سودانى قاعد مع مسطول مصرى قام المسطول السوداني قال للمسطول
المصري:
" تعرف الدنيا دي كلها مأسي "

المسطول المصرى قاله: " هو مقاسك أد آيه ؟ "


* * * * * *

طالب في المدرسة ابوه وعده انه بيذبح خروف لو نجح فى الامتحان وجاء يوم
توزيع الشهادات ...و لما رجع الطالب للبيت ..ابوه ساله ها...بشر؟؟قال :
الله وسبحانه وتعالى كتب للخروف عمر جديد

* * * *

مدرسة سالت طفل :: ما اسم أمك ؟ فأجاب الطفل: لا أعرف فالجيران يسمونها
_مدام_. وابوى بسميها _حياتي_. وأنا أسميها _ماما_ حيرونا والله

* * * *
القاضى سال المتهم بقتل شخص : ليه قتلت الرجل بالسكين؟
فقال: ظروفي صعبة، وما اقدر اشتري مسدس

********
دخل راجل فى بيته واتفاجأ بلص بيتفرج فى مباراة الهلال والمريخ فى الصالة
..الراجل مسكه من رقبته وساله :انت مين؟؟؟
الحرامى قال ليهو : أنا لاعب مطرود.

* * * *
مسطول سأل موظف الاتصالات : عندكم مفتاح امريكا
رد عليه الموظف : ايوة عندنا
المسطول قاله : اعملوا لي منو نسخة
مسطول لقي كنز , قال الحمد لله باقي الخريطه

******

مسطول خطيبته قالت ليه انا اهم حاجه عندي الاخلاص !
قال ليها : وانا الحمدو
******
مسطول سأل اذا اتزوجنا الحور العين نسوانا ديل بودوهم وين ؟؟
رد صحبو : عزاب للكفار







محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف فيصل خليل حتيلة في 27th سبتمبر 2011, 17:07


مسطول خطيبته قالت ليه انا اهم حاجه عندي الاخلاص !
قال ليها : وانا الحمدو

هههههههههههههههههههههههههها

تسلم يا محمود و الله انت رايع فى الرياضى و فى كلو ( دى طبعا ما تابعة للنكات ) هههههههههههها

تحياتى

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف حامدونا حامدونا في 27th سبتمبر 2011, 18:04

حمدو فى بطنوووووووووو(تحياتى محمود*فيصل

حامدونا حامدونا
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 27th سبتمبر 2011, 21:29

مرور ذي طعم الشهد ي استاذ فيصل اند استاذ حامد . . .
الناس ديل لو سكتنا ليهم بشدوا ويركبو

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 30th سبتمبر 2011, 00:25

والله ي ودالمحلج لكن جبتها كبيره

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

نكات حناااااااااااااااااااااااكيش

مُساهمة من طرف محمود محمد ابراس في 30th سبتمبر 2011, 00:32










نكات حناكيش موبالغه
حنكوشة فى معسكر الخدمه
الوطنية سألوها
لو العدو وقف قدامك بتعملى شنو ؟
قالت برمى السلاح فى وشو واقول ليهو ....بكرهك ..بكرهك
حناكيش فى الجامعة عملوا مسابقة فى الكاراتيه وجابوا كمية من البسكويت عشان
يكسروه ،، الجكس بيشجع فى هيثم عشان يكسر البسكويتة بى ضربة واحدة المهم
صاحبنا هيثم جاء جارى من هناك وهو يصيح صيحة الكراتيه يااااااااااااااااى
وضرب البسكويتة بكل قوته ولم تنكسر البسكويتة

الجكس قعد يكورك ليهو

هيثم بلها ، هيثم بلها ، هيثم بلها



حنكوشة فى جامعة القران الكريم فى أمتحان حفظ القرآن
الممتحن قال ليها

أقرى لينا سورة النساء

قالت ليهو

ما بنفع أديك الــــ Main Points

بنات حناكيش طلعن رحلة لجنائن سوبا نسن اهم حاجة
مبرد الماء واحدة فيهن حنكوشة بدرجة الإمتياز وعطشانة شديد ومنقرفة انها
تشرب من النيل مشت معاها صاحبتها لغفير الجنينة أونكل عمو يا إنت عمو نسينا
الكولر وماعارفين كيف نتصرف ، يابتى الكولر ده ذاته يطلع شنو، شفت ياعمو
ده نحن بندشدش الثلج ونضعه في داخله ونضيف عليه مقدار 4لتر ماء ونغطيه على
كده، فهمت يابتى قصدك صبارة، المعنى هسع انتو ماعندكم موية طيب حاضر
حاتشربن ، عنده قربة معلقة في المشلعيب اعطى اي واحدة كوز (كوز موية) موية
ساااااقطة ، طلعن فرحانات ، سوسو بعدما رجعت قاعدة تحكى لصاحبتها مغامرات
الجنينة قالت ليها كان شفتى ياانتى مانسينا الكولر بس عمو الحارس بتاع
الجنينة ادانى موية كان خاتيها في فستان الغنماية روعة بس


قالوا بنات سستر اسكول طلعوا مظاهرات فى شارع النيل
وكانت هتافاتهم
(مافيش زيتون ما فيش جبنه أونكل عمر ما عاجبنا)

حنكوش دخل الدفاع الشعبي
التعلمجية ادوهو جزاء انو يؤذن لي صلاة الصبح
فقام الصباح بدري وإتذكر انو ناسي الآذان ده خالص
فوقف في نص الساحة وبي طول حسو
آآآآآي دا الصبح دا الصبح آآآآي دا الصبح دا الصبح



بـــــــايرة قالت لي واحد نلعب دسوسية
لو لقيتني تعرسني ولو مالقيتني أنا ورا الدولاب


مجموعة حناكيش كانوا بيحضروا فى عرس والفنان
المرحوم خلف الله حمد كان بغنى.. واول ما غنى اغنية (الليلة الاسد جاى من
بلاده يكر) حنكوشة قالت لزوله نونو احسن نمشى انت ما سامع عمو بيقول الاسد
جاى


حنكوشة في الجامعة الاهلية معجبة بواحد اقليمي فمرة قالت ليهو ممكن نمشي
نشتري بيج ماك فقال ليها انا زاتي عطشان

حنكوش عرس ليهو حنكوشة
جابو ولد
سموهو:
يااااااي


حنكوشة جاية من الخليج بعد فضاء فترة طويلة وما عارفة التكتح ، قاموا
صاحبتاها قالوا يعملوا ليها رحلة فى البادية ،،المهم مشت معاهم ومبسوطة
شديد بالذات من الجمال وقالت الا تركب الجمل

الجماعة جابوا ليها جمل وقالوا ليها أركبى ،، صاحبتنا أول ما ركبت طبعا
الجمال قام وفجأة لقت نفسها فى العلالى ،، خافت شديد و قعدت تكورك لبتاع
الجمل بصوت أقرب للبكاء ...

طبقوا خلينى أنزل ،، طبقوا ،، طبقوا
....














[/size]

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف nashi في 30th سبتمبر 2011, 02:11

موباااااااااااااااااااااااالغة هههههههههههههههههههههه

واها ان شاء الله طبقوا ليها

nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 30th سبتمبر 2011, 10:26

دي راااااااااااااااااااااحت عليها الكلام ده هي وصلت الواطه قبيل
الكواريك دي خلعه ساااااااااااي ......

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 30th سبتمبر 2011, 11:25

وشايقي قام من نومه نص الليل
على صوت الجيران بيصرخوا
قالوا في تسمم في خزانات الموية
رجع البيت سألته زوجته:
الحاصل شنو !!
قال ليها مافي حاجة ..
أشربي ليك مويـــة ونومي
*** *** ***
شايقي دخل البيت زعلان شديد .. مَرَتُو سألتو مالك يا راجِل
قال ليها تخيلي الصيدليه عامله تخفيض كبير في الدواء
وما عندنا زول ! عيان...
*** *** ***
واحد غرق فى النيل مافى جنبو الا شايقى .
قال للشايقى عليك الله انقذنى :
الشايقى قال ليه يازول ما تستغفر الله ... ده م يومك .....
==========================================
شايقيه بخيييله سألوها يعني شنو ( الشده عند الفرج ؟؟؟)
قالت الشده يجيك ضيف وقت الغداء , والفرج انو يقول صايم..

==========================================
واحد سكران فى بص قا عده جنبو واحده شينه عاينت ليهو وقالت بس دا شنو السكران ده قال ليهااناسكرتىدىبتفك وانتىالله يفك شناتك دى
==========================================

رباطابيه ذهبت المستشفى لعلاج
بتها الصغيرة وهى صائمه وعند الرجوع بتها اصرت الا تشيلهافهى رفضضت بحجة
انها صائم فردة بتها انا قلت ليك ضوقينى

==========================================

شايقي ورباطابي مسافرين
الشايقي شايل اكل كتير
بالليل الرباطابي شايل معاهو بطانيه اتغطي
وخلي الشايقي في البرد
الشايقي اتغاظ وقعد يقول:
والله انا عندي قراصه سمحه وفطير مافي زيو
وبلح كتير لكن ما جعان
هسي اعمل بيهم شنو
الرباطابي قال ليه:
اعمل بيهم سويتر

==========================================
شـايـقى واقـــف في بص شـاف بنت قـاعـــدة قـام عاين ليها .

عــاينت ليه أبتـــسم ليها أبتســمت ليه غمـــز ليها . غمــزت ليه.

أشـــــر ليها علي المحطة نزلت . . . قعـد محلــــــــــــــها !!!.

==========================================

.واحد ايمانوا ضعيف وفى نفس الوقت غبى جدآ اتلموا فيهو عشره شياطين......


واحد يوسوس وتسعه يشرحو ليهو...

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف صباح حسن عبد الرحيم في 30th سبتمبر 2011, 12:25

ههههههههههههههههههها
والله ضحكتني يا محمود
تشكر علي الدردشة

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 30th سبتمبر 2011, 13:23

تسلمي علي المرور استاذه صباح

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: فرفش ودردش (نكاااااااااااااااااااااااااااااااااات)

مُساهمة من طرف محمود محمد ابراس في 24th أكتوبر 2011, 01:35

استاذ سأل الطلاب قال لهم ماهو الاحتباس الحراري ؟
رد عليه طالب خياله واسع قال هو ان تجرس نفس طويل من السجاره ويخوش عليك ابوك

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى