ابوجبيهه

== من الذاكرة رقم / 1==

استعرض الموضوع السابق استعرض الموضوع التالي اذهب الى الأسفل

== من الذاكرة رقم / 1==

مُساهمة من طرف الزبيرمحمدأحمد في 10th يونيو 2011, 23:49

بسم الله الرحمن الرحيم
== من الذاكرة رقم/ 1==
------------
لكل اِنسان في هذه الدنيامخزون من الذكريات لا تفارق مخيلته طالما انه علي قيد الحياة وانا بالذات لدي ذكريات طيبة مخزونه في الذكرة سوف اسردها لكم في حلقات لتعرفو من خلالها حبي لتقلي وقراهاومدنهاالتابعة لهاونبداء بالذاكرة رقم /1
======
خلال الفترة من 1970وحتي1976م تشرفت بالعمل بمجلس ريفي تقلي رشادضابطاللتوعية من قبل وزارة التعاون والتنمية الريفية وكان وزيرها الدكتور / عثمان ابوالقاسم مهتما بالشأن الريف لذلك كون قسم لتطوير الريف وعين شباب لقيادة العمل تحت
شعارالعون الذاتي والعمل التطوعي وقد وقع علي الاختيار للعمل في ريفي تقلي رشادانذاك وخلال هذه الفترة كُنت لازال طالبا بالجامعةولم اسمع عن رشاد من قبل سوي انها في جنوب كردفان وتحت الحاح الوزير بالذات نفذت النقل علما بأنني لم أكون مقتنعا بالوظيفة ومع ذلك نفذت النقل ‘ في شهر سبتمبر 1970م غادرت الخرطوم بمشترك الابيض في جو خريفي يعم كل السودان وخاصة الجزء الغربي وبعد سفر ثلاثةايام وصلنا محطة الرهدفي جوجميل ممطر لم نستطيع مُغادرة القطار الا بعد تلاته ساعات من الوصول فذهبت الي موقف بص الرهد رشاد ابوجبيهةوعلمت من المندوب ان الطريق مغلق حتي منتصف شهر سبتمبر وهناك لواري من وقت لاخر تمر لرشاد أعطيت امري لله وبدأت اُفكر في اين أقضي ليلتي ؟؟ فوجدت الترحاب من المندوب ان امشي معه لبيته وهنا شعرت بطيبة وكرم أهل الريف ‘فجلست بجواره ونتجاذب معا أطرف الحديث كعادة أهل السودان سألني الاخالمندوب الاخ من وين قلت له من الشماليه حته أسمها ناوا ضحك وقال عمنا عبد العظيم رحمه سيد الدكان الفوق المحطه من ناس ناوا ونحن دائما نضحك معاه ونقول ليه انتو سحاحير ضحكت وقلت له عبد العظيم في مقام عمي وأنا ماعارف انه في الرهد الرجل لم يقصر معي ذهبنا معا لدكان عمنا عبد العظيم فوجدناه جالس بجوار المحل ومُجرد اِقتربنا منه قام وسلم علينا وعرفته بنفسي وفرح كثيرابمقدمي وسرنا سوياالي منزله العامر القريب من الدكان فوجدت ترحاب أكثر من الاسرة الكريمة
حتي نلتقي مع الذاكرة رقم /2
تحيا تي
=====

الزبيرمحمدأحمد
نشط مميز
نشط مميز


الرجوع الى أعلى الصفحة اذهب الى الأسفل

رد: == من الذاكرة رقم / 1==

مُساهمة من طرف nashi في 11th يونيو 2011, 03:11

منتظريين الذاكرة2
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: == من الذاكرة رقم / 1==

مُساهمة من طرف خالد عثمان في 11th يونيو 2011, 11:41

وبعدين يا الزبير الحصل شنو؟
avatar
خالد عثمان
نشط مميز
نشط مميز


الرجوع الى أعلى الصفحة اذهب الى الأسفل

رد: == من الذاكرة رقم / 1==

مُساهمة من طرف اقبال عبداللطيف في 11th يونيو 2011, 12:22

السلام عليكم..ياجماعةعمنا الزبير ماشفتو روح شقيش؟راجنك


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: == من الذاكرة رقم / 1==

مُساهمة من طرف صباح حسن عبد الرحيم في 11th يونيو 2011, 15:44

تشكر عمو....
ونحنا منتظرين
احترااااااااااااااااامي

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: == من الذاكرة رقم / 1==

مُساهمة من طرف الزبيرمحمدأحمد في 11th يونيو 2011, 22:12

بسم الله الرحمن الرحيم
الاعزاءالكرام 00
--------
nashi
خالد عثمان
اِقبال عبد اللطيف
صباح حسن عبد الرحيم
----------
لكم التحية والاحترام والشكر علي المُداخلة ‘ وقد هدفت من هذا الموضوع لتقف العضوية الكريمة عن أسباب حبي لهذه المنطقة المحفورة في القلب ‘أنا علي وشك مُغادرةالرهد في الطريق لرشاد ومن ثم أرض الحباك ابوجبيهة
== تحيا تي ==

الزبيرمحمدأحمد
نشط مميز
نشط مميز


الرجوع الى أعلى الصفحة اذهب الى الأسفل

رد: == من الذاكرة رقم / 1==

مُساهمة من طرف محمود منصور محمد علي في 12th يونيو 2011, 07:38

الاستاذ الزبير
نحن منتظرين موكبك في ابوجبيهة وربنا يوصلك بالسلامة
راجع صندوق الرسائل الواردة
الف شكر
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: == من الذاكرة رقم / 1==

مُساهمة من طرف عثمان محمد يعقوب شاويش في 12th يونيو 2011, 09:21


أخي الزبير نتابعك وننتظرك بشغف ...وعبارة المشترك ..زكرتني القطار والزمن الجميل ...يا سلااام عليك ...ولك محبتي
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: == من الذاكرة رقم / 1==

مُساهمة من طرف محمد عبد الله قادم في 12th يونيو 2011, 14:35

يا سلااااام
والله بالجد عموالزبير رجعتنا لاجمل الازمنة وزي ما قال عم شاويش عبارة المشترك زكرتنا القطر والصنفور وشنقل منقل وايام الطفولة
على فكرة انا من مواليد الرهد بالجد بلد تستحق الشكر والعرفان بما فيها من جمال خلاب وتاريخ عريق بس اسرع كمل لينا مشوار الخريف
avatar
محمد عبد الله قادم
نشط مميز
نشط مميز


الرجوع الى أعلى الصفحة اذهب الى الأسفل

رد: == من الذاكرة رقم / 1==

مُساهمة من طرف Suhad Abduelgfaar في 13th يونيو 2011, 16:04

اين انت يا صاحب الذاكره
متشوقين
نعرف
الحاصل
مشكور على السرد الجميل
تحياتى
avatar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: == من الذاكرة رقم / 1==

مُساهمة من طرف اقبال عبداللطيف في 13th يونيو 2011, 17:44

قطار الشوق متين ترحل تودينا..نزور بلدا حنان اهله..ترسى هناك ترسينا


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: == من الذاكرة رقم / 1==

مُساهمة من طرف محمود منصور محمد علي في 13th يونيو 2011, 17:51

لمتين نوصل هناك محبوبنا راجينا
متين نحضن عويناتو ولمتين يسرع يحيينا
تخريمة خارجة عن الموضوع/الاستاذة اقبال ارجو ان تكتبي لنا هذه الاغنية طالما بداتيها......
الف شكر
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: == من الذاكرة رقم / 1==

مُساهمة من طرف اقبال عبداللطيف في 13th يونيو 2011, 19:58

]
قطــــار الشوق متين ترحل تودينا
نشوف بلداً حنان اهلها
ترسى هنــــاك ترسينا

نسايم عطبره الحلوه تهدينا و ترسينا
نقابل فيها ناس طيبين فراقهم كان مبكينا

يا قطار الشوق متين توصل حبيبنا هناك راجينا
متين نحضن عويناتو لـ متين يسرع يحيينا

يا قطار الشوق ده ليل الغربه فيهو ودار
متين تسرع متين تكمل المشوار
عشان ما نلقى سيد الناس
و نطفي البينا من النار
نشوف عينيهو نعسانه
و لونو الزاهي كل نضار

يا قطار الشوق حبيبنا هناك
يحسب في مسافاتك
لو تعرف غلاوة الريد
أكنت نسيت محطاتك
وكان بدرت في الميعاد
و كان قللت ساعاتك
و كان حنيت علي مره
وكان حركت عجلاتك


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: == من الذاكرة رقم / 1==

مُساهمة من طرف محمود منصور محمد علي في 13th يونيو 2011, 21:19

الاستاذة اقبال
تحية عطرة لاستجابتك السريعة والفورية للطلب !!وهذا يدل على انك ماساهلة. ما شاء الله عليك يا ام اواب . هذه الاغنية من الاغاني الشعبية الجميلة الحالدة كتبها شاب مهندس في سكة حديد عطبرة لا اتذكر اسمه وتغنى بها الفنان (عبدالله الذكار )وهو ايضا من ابناء عطبرة جاء الى الخرطوم ليشارك بها في مهرجان الثقافة الاول ,وفازت الاغنية بالمركز الاول في مجال الاغنية الشعبية,, الا ان الفنان عبد الله الذكار هاجر الى المملكة العربية السعودية واستقر به المقام في مكة المكرمة واعتزل الفن وحرمه وقاطعه واصبح من الدعاه والملتزمين كما يسمونهم ... كان صوته عذبا ونديا و جميلا جدا واقرب ما يكون لصوت الفنان الراحل صاحب الصوت الجهور الرخيم التريان (عوض الجاك)
الف شكر يا مبدعة
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: == من الذاكرة رقم / 1==

مُساهمة من طرف الزبيرمحمدأحمد في 14th يونيو 2011, 00:29

بسم الله الرحمن الرحيم
الاعزاء الكرام /
محمود منصور شكرالك علي المرور والرساله وصلت
عثمان محمد يعقوب - مشترك الابيض تحرك في طريقه لابوجبيهة
محمد عبد الله قادم والله الرهد جميله بأهلها
suhad - من الذاكرة رقم 2 اقلعت ووصلت مقرح رشاد
العضوه النشطه اِقبال عبد اللطيف - قطار الشوق تحرك وعلي أعتاب ابو جبيهةوالشكر علي الاغنية تحيا تي لكم جميعا
===============

الزبيرمحمدأحمد
نشط مميز
نشط مميز


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى