ابوجبيهه

حباكي وين !

استعرض الموضوع السابق استعرض الموضوع التالي اذهب الى الأسفل

حباكي وين !

مُساهمة من طرف ود المحلج في 15th يونيو 2011, 17:04

سلامات ؛
كلما اكتب لك تجدني أكشط وامسح الكلمات ؛ ابداك من وين؟
ياخي سيبك من الكلمات ؛ مشتاق لسرد تاريخي يأجج الدواخل والحنين ؛ انتظرتك كثيرا ؛ غبت عن المنتدي ما يقارب
الثلاث اشهر ؛ وعدت بسببك ؟ تصدق؟
يأخي اكتب السيره والسريره ؛ كلي شوق لقراءه ما تكتب (عنهم )

غدا ألقاك ؛
avatar
ود المحلج
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

حباكى وبن !

مُساهمة من طرف التجانى الطيب الزين في 16th يونيو 2011, 09:41

ابوحمد تحياتى ومشتاقين كتير والله سالت عن رائع ونفس الشعور والحال ان لحبره مزاق خاص ونكهة دعاش بلدى هو يكتب عن اناس لهم مساحات واسعة فى قلوب الجميع اناس تحمل عبق الزمان والمكان يكتب عن عظماء واجلاء فى حياتنا بطريقة المبدع الموهوب ياخذنا الى ايام رائعات فى حياتنا يجعلنا نتزوق حلاوتها من جديد عبر كتاباته الرائعة مبدع انت يا حباكى وعليك الله ما تنقطع

التجانى الطيب الزين
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: حباكي وين !

مُساهمة من طرف HUBBAKI في 16th يونيو 2011, 12:02

ود المحلج
التجاني الطيب
:
ياااااااااااااهـ .
وقفت مشدوه ؛ امسح في عيني و أقرا .. في الكلام الحلو دا ..
و إتأمّل كمان ..
كدا انتو ختيتوني في حتة تخوف .. و مكمن الخوف ألا أكون قدرها ..
...
يا لكما من رائعين ..
ممتن لكما ..
سؤالكم دا براااااااو كدا يسوى كتير و الله ..

شكراً جزيلاً ..


avatar
HUBBAKI
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: حباكي وين !

مُساهمة من طرف فيصل خليل حتيلة في 16th يونيو 2011, 12:21


شكرا النقر و محمود العجوز

حباكى السؤال كتر عنك يا سيدى دا السبب

مؤكد انت قدرها يا عزيزى فقط لانك حباكى

ايه اخبار االشرارة؟

تحياتى
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: حباكي وين !

مُساهمة من طرف أزهرى الحاج البشير في 16th يونيو 2011, 12:34

ود المحلج يا حبّاكي أورد أول الخاطرة وترك لنا سبر أغوارها :





حُبــّـاكي وين...
كان التعب قفـّل
مسامات الضياع
غناكى مزمار الزمن ..
إرشيف عِشِق اصوات نغم
وتر التراخى .. موشحات
****************
ألقاكى وين
من غبت ما شرقت شمِس
والدهشة ساساق الدروب
لى وين تمِش
نار النضال لو تنهبِش
توقِد سنون المتعبين
تعقد زفاف آخر ضمير
إتباع مقنّن بالقِرِش
**************
ألقاكى وين
كان التعب ما ختّ إيدو
على جبين تربال يخم
رمل الشقا المليان غُلُب
دقست قوافلو مع السراب
ورابط جِلَيد الهم سِعِن
محزوم خِشيمو من الصَبُر
راجى السحاب
**************
نلقاكى وين
أنا .. وإنتى .. والنيل .. والأرض
والبور مشتّت متنسى
نجامة التعب .. الكَعب
ما كان عَوَل ريدى الصِبِح
صفصاف هدير البر
أيامى توب شحاد ..
هداها خمّ وخمْ
أنا ما لقيتِك ليه
طعم الفراق دم.. دمْ
ختيتى فوقى الليل
والليل سقانى السّمْ
أنا خاطرى فى المطرة
ريحة الدعاش .. والشّمْ
.. ألقاكى وين

أو لعله تعلل والهوى علل




أبداكى من وين ..
وفينى منك لسة حاجات

من مخاوف ومن شجن
أبداكى من وين ..
وظنى إنك

فكرة إعلان الحياة
وإنتهاءات العوارض
والمحن

نفسى ألقاكى وأكون
أنا كلى من بعضك
أو .. بعضى من كلك
بدن

وداير أبقاكى وأوحد
دورة الدم

المقسمة بينى ..
بينك .. والسحن
..........
أبداكى منى ..
ولاّ منِّك
أبتديكى محل .. محل
من ياتو منفذ أدخلك
وكل المنافذ فيكى

..سدّاها النحل
من ياتو شارع أوصلك
وكل الدروب معطونة لى
آخر الوحل

.. أستبيح كل الحواجز ..
وأدخلك

من كلامك بدخلك
من بين مسامك بدخلك
من أى قاسم مشترك
وشبهة تشابه .. ادخلك

ونتلاقى نهرين من
تسامى .. وإشتها

وأبداكى من حيث أنتهت
عندك خواتم الإنتها

أبداكى .. وأخلع خيام
عمرى المضى

وألقاكى مبسوطة
اليدين

مفتوحة أبواب الرضا
أبداكى من لحظة
أنستِكْ نار

وأخدت من قبسك ..
هُدى

وأنا ضُمـّة زاهد
فى الدروب الما بتجيك
.. ولا بترجِّع ليا من
تالاك صدى











بعيدا عن السياسة
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: حباكي وين !

مُساهمة من طرف ود المحلج في 16th يونيو 2011, 17:03

بعيدا عن السياسة
بل قريبا جدا ؛ بحيث لا انفكاكه ....
***
العزيز التجاني : سلامات ؛ ونحن بالاكتر. تحياتي لك وصديقنا عبدالرازق سليمان
وبقية الشله وعموم آل نهيان و زايد .
***
شكرا يا فيصل علي المرور.
****
ويا عمنا العزيز ابو الزهور .
***
اما انت يا حباكي ؛ لسه مطلوب منك الكثير
واصل يا عزيزي
كلنا شوق .
avatar
ود المحلج
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: حباكي وين !

مُساهمة من طرف غريق كمبال في 2nd يوليو 2011, 16:36

اظهر يا حباكى
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: حباكي وين !

مُساهمة من طرف ابوهريرة عثمان عبدالسلام في 2nd يوليو 2011, 16:54

حباكى حباكى
الكل فى انتظارك
avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: حباكي وين !

مُساهمة من طرف بوعزيزى في 13th سبتمبر 2011, 12:49

أخيراً عاد وعمٌا البلد اعياد,,
وعادت حلاوة البوستات,,

حباب الحباكي,,
avatar
بوعزيزى
نشط مميز
نشط مميز


الرجوع الى أعلى الصفحة اذهب الى الأسفل

رد: حباكي وين !

مُساهمة من طرف nashi في 14th يناير 2012, 05:10

وتاني قام غاب!!!
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: حباكي وين !

مُساهمة من طرف كرم هجانه في 14th يناير 2012, 11:22

ود المحلج ـ حباكى ـ فيصل ـ أبوهريرة ـ غريق ـ بوعزيزى ـ إحسان و بعد فاصلة طوييييييييييلة
أبو الزهور
حيث نتكى مثل اشجار المنقة حين يغلبها النوار ...
إليك ... و إليكم جميعاً حفنة رملة بيضاء نقية نقاء قلوبكم الريانة بعنفوان أبوجبيهة
ما تكتروا الغيبة
إلى أبو الزهور مع خاص الود
أصلوا التعب قفْل مسامات الدعاش ...
خلا الخريف يرجع سنين .. و ينسى المطر ..
ينسى الطيور .. وكتين تلملم غربتا و ترجا الجفاف ..
أصلوا التعب .. غار و ارتكز فى عصب الكلام .. الإبتسام .. الضحك المقهقه..
أصلوا التعب يا بو الزهور .. كان شفتو ..
كشر فى وشي الناس العزاز ..
خلا القريب أصبح غريب ..
خلا الدليب ذاتو انحنى..
و حتى الضكير أصبح صبى ..
دا التعب يا بو الزهور ..


كرم هجانه
نشط مميز
نشط مميز


الرجوع الى أعلى الصفحة اذهب الى الأسفل

رد: حباكي وين !

مُساهمة من طرف nashi في 14th يناير 2012, 12:24

كرم هجانه إزيك عساك ووليداتك طيبين
والاهل جميع
شكرا اخوي علي السؤال والتواصل
الناس ديل الواحد فيهم يعودنا علي كتاباته ويقوم بعد داك يخلينا
منهم سماعين اخوك ويس محمد يس
ومنهم عمو ابوالزهور
والقائمة تطول
تحياتي
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: حباكي وين !

مُساهمة من طرف غريق كمبال في 15th يناير 2012, 17:55

الحباكى ده يا جماعه مشى الدهب بلقط ليه دهبات من الليرى وكم يوم بشرف

والايام دى فى هجره جماعيه الى مواقع الدهب

الاعمى شايل الكسيحه والناس ماشين لقاوه لمواقع الدهب الجديده
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: حباكي وين !

مُساهمة من طرف nashi في 20th يناير 2012, 09:29

غريق كمبال كتب:الحباكى ده يا جماعه مشى الدهب بلقط ليه دهبات من الليرى وكم يوم بشرف

والايام دى فى هجره جماعيه الى مواقع الدهب

الاعمى شايل الكسيحه والناس ماشين لقاوه لمواقع الدهب الجديده


بس يا غريق انت متأكد؟
بالجد انا بخاف علي الشباب من اماكن الدهب لانه سمعت انه في اغتيالات للبلقي ليه دهب!
والله ربنا يستر علي الجنيات كلهم ويحفظهم ويرزقهم ويردهم سالمين امنين
اللهم آميييييين
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: حباكي وين !

مُساهمة من طرف ابوهريرة عثمان عبدالسلام في 26th أبريل 2012, 15:18

ياجماعة حباكى وين
avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى