ابوجبيهه

حوار على التلفون بين بخيتة في القرية وهيـام في الغربة

استعرض الموضوع السابق استعرض الموضوع التالي اذهب الى الأسفل

حوار على التلفون بين بخيتة في القرية وهيـام في الغربة

مُساهمة من طرف أزهرى الحاج البشير في 20th يونيو 2011, 09:41

حوار على التلفون بين بخيتة في القرية وهيـام في الغربة



* هيـام : ألووو ... مين معي ... هل تسمعي .
* بخيتة : آآآي ... معاك بخيتة ... صاحية لي بي فليتة .
* هيـام : معاك هيومة ... طايرة لي نومة .
* بخيتة : أنا صحيت مع النجيمات .. حلبت الغنيمات .. سويت اللقيمات .. وصحيت الوليدات .. وغسلت الهديمات .. وشحدت البصيلات .
* هيـام : يأختي أنا صحيت مدبرسة .. ماقادرة أجر المكنسة .. والعيال في المدرسة .. والغسالة مدفسة
* بخيتة : أنا صحيت أبونا .. عشان يجيب صابونة .. قال لي يامجنونة .. كل دقيقة تصحونا .. وناس الدكان مابدينونا .. ماتريحونا .
* هيـام : أنا قلت لي حمادة .. خلي الفلوس تحت الوسادة .. وبعدين توديني العيادة .. إنت ناسي راجياك ولادة .. والغوايش دايرات زيادة .. والكنب داير نجادة .. والستاير عايزاها سادة .. وماتنسى تجيب معاك جدادة .
* بخيتة : ياحليلي أنا الولدت في برش .. لا تعريفة ولا قرش .. والوليد من الغبينة ينكرش .. وصرتو مابتنهبش .. والشباك جايب الشمش .. وغتاية الحلة سويناها دش .. والتلفزيون يسوي
إششش .. والراكوبة دايرة عرش .. وماعندنا حق الكبش .
* هيـام : أنا قلت لي حمادة لازم تجيب مامي .. أصلو بسمع كلامي .. قال لي حاضر ياهيامي .
* بخيتة : أنا أمي كل يوم تحوم .. تجي العنقريب تقع كوم .. تاني ما بتقدر تقوم .. وكان إتكلمت تديني أمدلدوم ..والوليد مابخليني أنوم .. والحلبة ما سويتها يوم .. الله يكمل الأربعين أقوم .
* هيــام : يااختي أنا حمادة جايب لي لابتوب .
* بخيتة : ما براك أنا برضو جايبين لي لالوب .
* هيـام : مرة تاني نكمل الكلام .. حمادة بجي من الدوام .. سلام سلام
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: حوار على التلفون بين بخيتة في القرية وهيـام في الغربة

مُساهمة من طرف محمود منصور محمد علي في 20th يونيو 2011, 09:57

هههههه ههههه
يادكتور قطعت مصارينا من الضحك من الصباح
اصلو الاتنين ديل كيف اتلمن على بعض؟؟
الف تحية
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: حوار على التلفون بين بخيتة في القرية وهيـام في الغربة

مُساهمة من طرف ود المحلج في 20th يونيو 2011, 10:31

دعوة صريحة للرجوع الي الطبيعة ... طبيعتنا واقاليمنا وقيمنا
شكرا يا حاج
avatar
ود المحلج
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: حوار على التلفون بين بخيتة في القرية وهيـام في الغربة

مُساهمة من طرف الفاتح محمد التوم في 20th يونيو 2011, 11:59

شكراً استاذنا .... حوار موجود فعلاً استاذ محمود
و"كل إناء بمافيه ينضح "
لكن يا محمود الشتاره في البقولو
للمحمول " اللام طوم" و " اللام طَب "

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: حوار على التلفون بين بخيتة في القرية وهيـام في الغربة

مُساهمة من طرف ناهد عبيد في 20th يونيو 2011, 12:07


استاذنا اذهرى لك التحيه

وحات الله الخلقنى هيام وبخيته ديل كن دقوهن فى الفندق ما بندقن سواء اكان بخيته تنط تخلى هيام .
هههههههه
لك التحيه والتقدير
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى