ابوجبيهه

&&&لغة العصر الحديث&&&

استعرض الموضوع السابق استعرض الموضوع التالي اذهب الى الأسفل

&&&لغة العصر الحديث&&&

مُساهمة من طرف Suhad Abduelgfaar في 24th يونيو 2011, 08:40

يلا يا احباب الحباك
الشاطر يترجم
وهناك جوائز قيمه لا
تنسو المنافسه قويه من قبل الاعضاء.
التحيه الى اخى الصغير الكبير ود نويه
وهو وسط اهله واحبابه وافتقدناك كثيرا
واكيد كنت حتاخد الجائزه معانا .

(السان داك دقس السولب غرفو ودو الخور فسحو وودو النادي ابو الشباب قال ارفعو ودى الرج لكن الشماسه طلعو بيض ساى ).
مع خالص تمنياتى لكم
بالتوفيق فى الترجمه.
تحياتى
جمعه مباركه


عدل سابقا من قبل Suhad Abduelgfaar في 24th يونيو 2011, 17:02 عدل 1 مرات

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف ود عشمان في 24th يونيو 2011, 08:58


سهاد ..

رطانتك دي مالها تشبه لي كلام التكرنجا ( الحبش )

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف Suhad Abduelgfaar في 24th يونيو 2011, 15:04

الاخ حبشتى ولا شنو؟؟؟؟؟؟؟؟؟؟؟؟؟
ضحكتنى يا اخوى ود عشمان
والله
دى رطانه محليه بحته والما بعرفها
يدقس جنس دقيس .
تحياتى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف سومه العمدة في 24th يونيو 2011, 15:21

هاهاهاهاهاها
ديل منو الدقسو ديل ياسهاد ؟
كما نخاف الكدب كان قلتا ناس......
تحياتي عزيزتي


سومه العمدة
نشط مميز
نشط مميز


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف Suhad Abduelgfaar في 24th يونيو 2011, 16:52

ضحكتينى
حبيبتى بت العمده
والله طلعتى عرافه جنس عرفه
ياهم زاتهم ناس ...
تحياتى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف سومه العمدة في 24th يونيو 2011, 17:07

شفتي اخيتك كيف؟؟ علمنا ود نويه ووصانة نمسك محلو لمن يجي،،الا بلحين طول هههههه

سومه العمدة
نشط مميز
نشط مميز


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف صباح حسن عبد الرحيم في 24th يونيو 2011, 17:12

الغالية سهاااااااااااد
سلامات وكيف الاسرة الكريمة
هههههههههههههها
لكن ما تقولي لي لغة
عجيييييييييييبة
تسلمي


صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف محمد عبد الرحمن كمبال ادم في 24th يونيو 2011, 17:33

هو دقس دقسة شديدة .....لكن مافي داعي افسحوا كدا.....

وبالجد لغة عجيبة او بالاصح لهجة عجيبة...

تحياتي...

محمد عبد الرحمن كمبال ادم
عضو نشط
عضو نشط


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف Suhad Abduelgfaar في 5th يوليو 2011, 11:25

تسلمى اخيتى الصبوحه
اخبارك والعيال وابوهم
والتجهيزات لسفر؟
قلنا كدى الناس دى بتدفع دم قلبها
عشان يتعلمو لغات وناسين (لغة العصر الحديث)
تحياتى


Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف Suhad Abduelgfaar في 5th يوليو 2011, 11:28

تسلم عزيزى محمد
مشكور على المرور الجميل
بس
ما قلت لى الترجمه
شنو ؟؟؟؟؟؟؟؟؟؟
وحاديك الجائزه طوالى
تحياتى لماما سعاد
وتحياتى لك

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف الفاتح محمد التوم في 5th يوليو 2011, 11:42

قاضي سأل واحد من بتاعين لغة العصر
القاضي : الجابك هنا شنو ؟؟؟؟؟؟؟
هـــــو: و الله يامولانا ضربنا الجومة و دنكلنا السـيـنه , قلنـا نكسر ركبه دورنـا طرة
كجنكة بالشرتيت ,جــارين هوا كده بــب النميتي كبس يا راسطه اتنين دقو قيام اخوك الفارة دقس و اهو الكراكة ماثل امامكم....

يالله فســـريها يا سهــاد ؟؟؟

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف nashi في 5th يوليو 2011, 11:45

سلام
والله اعلن اميتي وجهلي
ههههههههههههههه
انتظر الترجمه بفارغ الصبر Surprised

nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف Suhad Abduelgfaar في 5th يوليو 2011, 11:56

ضحكتنى يا اخوى الفاتح
خلينى امشى اشوف القاموس واجيك راجعه
وما تقول اختك( الفاره دقست )
تحياتى


Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف Suhad Abduelgfaar في 5th يوليو 2011, 12:02

ههههههههههه
حبيبتى الدكتوره
قلتى لى قرايتك
دى كلها راحت شمار فى مرقه
(تقول لى شنو ده الالم ياخ خليكى تفتيحه)
مشتاقه ليكى والله
بس ما تشيلى هم
برسل ليكى القاموس
وامشى دقسي لينا ناس جاو وناو ديل .
تحياتى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف الفاتح محمد التوم في 5th يوليو 2011, 12:07


إحسان ازيك ..... صحبتك دي إلاّ تفتش ليها دار وثايق
ده قاموس طبعة قديمة ... غير متوفر !!!ههههها
ضربنا الجومة و دنكلنا السـيـنه :
يعني ضــربوا...
(قلنـا نكسر ركبه دورنـا طرة ..كجنكة بالشرتيت )..
قلنا نقعد ونلعب طرة كتابة بالقروش ...
(جــارين هوا كده)

ونحن سارحين
( بــب النميتي كبس يا راسطه )

فجأة جا البوليس ياسعادة القاضي
(اتنين دقو قيام )
اتنين قاموا جارين
(اخوك الفارة دقس )
أنا اتمقلبتا
(اهو الكراكة ماثل امامكم)
أجرجر رجليني وواقف قدامكم
................

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف الطيب الشيخ حسين كندة في 5th يوليو 2011, 15:52

الأخوةالأعزاء : هذه حصة تاريخ بعنوان مقتل محمد علي باشا في احدى دور المشردين):
الاستاذ: ياراوات . الوضع كيف؟
التلاميذ: كبس ... كبس
الاستاذ: كلو برتكان:
التلاميذ. زيت فليت...كلو رمان
الاستاذ: جكيكو
التلاميذ:ظابط
الاستاذ:اليوم عندا جكه بيصيطه في راتيخ الدوسان. تينج وفنبج؟
التلاميذ:فنج وتنج.
الاستاذ : ظابط
التلاميذ: دق الحنك ..
الاستاذ: ونكمل ليكم الفلم: قام عمكم نمر عزم الجوكي اسماعيل باشا وكان خاتيها ليهو
. اها دخلو الكور وجهز السنة والجاحات. وبعد ما الفارت ربطت معاهم. عمك شخط البكريت ورمى الجسارة .في المودرين . والجماعة كبرتو وأي زول بجي مارق يجقدهو بالجقدي..
احد التلاميذ: الجماعة فاتو كلهم. مافي زول اتجارخ؟
تلميذ آخر : وين في الطين دا
الاستاذ: عمك وداهم.
أحد التلاميذ :جن!!!!
الاستاذ:أها كلو في محلو وكل جركانة في مكانها
التلاميذ:تك تاك
الاستاذ: جاو
التلاميذ: جاو الله والرسول.



كل الجروح بتروح  **** إلا التي في الروح

خلي الــقلب شــــــباك **** نحو الأمل مفتوح


الطيب الشيخ حسين كندة
مشرف التراث
مشرف التراث


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف Suhad Abduelgfaar في 5th يوليو 2011, 17:07

هههههههههه استاذنا الطيب
كلو سته فى سته.
ده التاريخ كده
الفيزياء والكمياء بكونو كيف ؟
تسلم على الحصه بس منتظرين الدرس الخصوصى
لتوضيح وما تنسى معانا
فارات ما عايزين ندقسهم
تحياتى

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف فيصل خليل حتيلة في 5th يوليو 2011, 21:02


قلنا ول نويه كبابى رندوق فى ابوجبيهه اليومين دى لقينا الناس كلها مرندقه

الحاصل شنو يا شباب

كلامكم جامد يا فرد

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف ابوهريرة عثمان عبدالسلام في 5th يوليو 2011, 23:16

والله كلامكم دسيس لكن لمبة الزيت بتاعتنا ولعت نمشى نطفيها ونجكك

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف الطيب الشيخ حسين كندة في 7th يوليو 2011, 02:06

مفاوضة بين تمساحيين
الأول:عمك سلمك الكنجالات؟
الثاني : كنجلات شنو؟
الأول : اها داير تعمل لي فيها مفتاح؟
الثاني: قصدك ربطة الوزارة. عمك سلمني ماسورة.
الأول: ياريف انت عايز توزني .انا سندالة.كب الضحاكات وبطل ورورة
الثاني :قلت ليك الوزنة مامسكت فيهو . والمكنة ماشالت. عمك اليومين دي عامل تينج وفنق عشرة ريال.
الأول :والمخارجة كيف أنا مركب لي كم زول.وكان ما اتفكفكت ياهو الرج
الثاني :نعمل لينا اي مشروع اسلامي ندق الطاسات ونكب صراخات حنك حنكين نبركت السان ونتفكفك. فهم؟؟
الأول قافلة!!! بس كف جف



كل الجروح بتروح  **** إلا التي في الروح

خلي الــقلب شــــــباك **** نحو الأمل مفتوح


الطيب الشيخ حسين كندة
مشرف التراث
مشرف التراث


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف فيصل خليل حتيلة في 7th يوليو 2011, 08:52


شيخ الطيب ياخى بالجد تسلم يا عزيزى

ههههههههههههههههههههههههها

شكرا ليك رندوق على اصولو مش زى رندوق ول ابا نويه



فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف nashi في 7th يوليو 2011, 11:33

موبااااااااااااااااااالغة لكن
هههههههههههههههههههههه

nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف محمد قادم نوية في 26th يوليو 2011, 09:38

رندوق علي أوصولو لكن!!!
هنالك ثلاثة شباب مجتمعين فى منزل احد اصدقائهم يستعدون بعدها الى الذهاب الى حفلة فالنستمع الى حديثهم :
راستة يخاطب فى بوكش : شنو يا ( بوكش ) انت ( الجلك ) بتاعك دة ما ( متجارخ ) الليلة والله قاعد لينا ( حقنة ) كدة بس ... عايزين ( نركب الفيل ) ده عشان الواحد يمشى ( الطرب ) ده ويكون فى ( السلك ) ...
رد عليه : اصبروا شوية كدة هسى ( بشتت ) .. لكن ( كشكوش ) نجيب بيه ( الفلم ) دة ماعندنا ...!!
رد عليه المقرم : شنو ( يافردة ) انت ( مامصبن ) ليك اى ( فلة ) ( بالكرباوى ) كدة ..؟
رد عليه : وين ( يامان ) انت ( ماناقش ) ( الجلك ) دة ( جلدا ) و ( مقرضها اخر حاجة ) و ( مابفكها ) بالساهل ..
رد عليه راستة : ياخ خش عليه باى ( مكنة دقااااااقة ) كدة وخليها ( تقسم فيه ) خليك ( تفتيحة ) خلى ( حنكك سنين ) معاه خليك كــدة
رد عليه : انت ماعارف ( الحاج ) دة نهائى ( مابتحنك ) ..
رد عليه المقرم : ( يافرد ) مافى مشكلة .. انا عندى شوية ( شرديت ) ... ورقتين ( عشرة زرقاء ) مش كفاية ؟
رد عليهم راستة : تماااااااام كدى الوضع ( استاش بالغدوغدو ) ( وكلو فى محلو ) ..
رد عليهم بوكش : خلاص ياللا ( حركونا ) خلونى ( ارحل ) اجيب ( الدوكو ) ( وانبرم ) امشى اكب بنزين ( للحديدة ) ...
بوكش اتأخر عليهم ... قام المقرم قال ليهم : ( يافرد ) ( المان ) دة اتأخر كدة مالو اوعى يكون ( اتعكش ) صاحبنا ( بوكش ) مشى لبس ( الجزمة ) الاشتراها جديدة وجاهم ...
قال ليه راستة : شنو ( الخيانات ) دى ( ياعمك ) ... من وين اشتريت ( الشلوت ) ( الفاهم ) دة ؟ .. لكن والله ( عفن ) عديييييييل كدة ..
رد عليه بوكش : من ( سوق الاخوان ) ... سيدو ( شطح ) لى فى البداية ( ومسك لى فوق ) لكنى ( فطستو ) ليه ( وجازفتو ) منو فى النهاية بخمسين ( حبة ) قايلنى ( دقوس ) لكن لقانى ( ود سوق ) ( وتفتيحة ) ( ومقرم ) ...
المهم بعد ماركبوا العربية وهم فى طريقهم الى الحفلة سألهم المقرم : اسمعوا ( يافرد ) انتو ( القون ) الجايبنو فى ( البهجة ) دى الليلة منو ؟
رد عليه بوكش : انا ( الشمار ) الجانى انو ( ود اللمين ) حيغنى فى البداية ( فاطمة جمكو ) . ياللا ( انهر الحديد دة ) يابوكش خلينا نحصل بسرعة بس ( اكتل الملف ) القدامك دة براحة ماتقوم ( تلحسنا ) قبل مانصل ( ود اللمين ) ...
رد عليه راستة : ياخ ود اللمين ( بتاع حنانك ) انت ( وهم ) ... نحنا نمشى ( نتكل ) برة فى الاول ( نرطب شوية ) ولمن ( فاطمة جمكو ) تبدأ تغنى ( ننبرم ) نخش ...
وصلوا الحفلة ووقفوا بالعربية جوار الخيمة ... قال ليهم المقرم:
( اللقو ) لكن ( مااااااااااشرط للارض ) ...
رد عليهم المقرم : يااخوانا نحنا ( هوينا ) خشاكم جوة . خلونا نخش ( نعضى ) نشوف لينا ( عشمانة كااااااربة ) فى الاول وبعد داك نشوف ( الفهم ) شنو
دخلوا وقعدوا واتعشوا .... قام قال ليهم بوكش : شنو يااخوانا ما ( اندفسنا ) خلاص مانقوم ( نهجج ) بعد دة ؟ ... قوموا ( نربها ) ( ونفتوا فت صاح ) ... اتنوا ماسامعين بتاع الجيتار دة ( مجضم ) ( القرد ) دى كيف ؟! ... ياخ دة ( معلم ) عدييييييل كدة ( مكفت ) مزيكا صاح ...
رد عليه راستة : ( يابصحى ) كدى ( كشف ) معاى كويييييييس بتاع الجيتار دة مش ( المان ) ( الاتكافتنا ) معاه فى ( الهجمة ) الفاتت ؟! ...
رد عليه بوكش : اى والله لكن المرة الفاتت كان عامل لينا فيها ( ود فجتة ) و ( مقطعها ) ومعاه شوية ( شفاتة ) كدة وعملوا فيها ( هرشونا ) لكن الليلة ( حنطلع .......... ) ...
رد عليه راستة بهدووووووء لانه كان ( منعنش ) عالاخر : يااخوانا ( روقوا المنقة ) شوية ... انتوا جايين ( ضهب ) وكمان عايزين تشاكلوا ؟؟!! ... ياخ ( جلو ) بتاع الجيتار دة هسى وخلونا فى ( الهجيج) ( البهول ) دة ...
لم يلتفت بوكش الى كلام الراستة وعلى حسب ( الفى راسو ) قام جارى على بتاع الجيتار ...!!
وقف مقرم على حيلو وقال : يااخوانا الزول دة ( مفحط ) وين ؟!
وقبل ان يكمل صاحبنا حديثه كان بوكش وبتاع الجيتار فى عراك مع بعض وتوقفت الحفلة وامسكوا بهم جميعاً واوسعوهم ضرباً مبرحاً حتى سالت دمائهم ... ونقلوا الى المستشفى وفى المستشفى سألهم الطبيب : انتو مالكم ؟
فردوا عليه بصوت واحد : نحنا ( فارات ) ( دقوسات ) ( وهم ) ... قايلين نفسنا ( تفاتيح ) لكن طلعنا كــدة

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: &&&لغة العصر الحديث&&&

مُساهمة من طرف Suhad Abduelgfaar في 26th يوليو 2011, 15:45

سلامات يا (تفتيحه)
كل جركانه
فى مكانه.
ما قلنا
اخونا ود نويه ده( مقرم)
و(بجدم) ليكم الرندوق ده ( جديم )صاح
تحياتى


Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى