الفنان موسى محمد عيسى

حباب ابومحمد
منتظرنك

حباب موسى مرحبتين حبابك وحباب اليوم السعيد الليله جابك وبعدين يا جماعه موسى ده غير البتعرفو عنو هو كمان مزارع محترف الزراعه ويعشقها حتى الثماله وبالمناسبه قاعد يمشى المشروع وبصبر فى الخلا صبر شديد بالشهور وبياكل اكل المشاريع هذا وجه اخر للفنان موسى محمد عيسى فمرحبا به

طيب يا اخوانا ..
الخروف جبنا ياهو مربوط و الضيف دا مرق قال بجي حسي تلاته يوم راجينا لليوم ما شفنا نضبح الخروف نكرم بيه و لا الراي شنو ؟؟

الفنان الكبير زو الحنجره الذهبيه موسي محمد عيسي حبابك مليون و ابقي مارق اطربنا

شكرا يا فيصل ..

نتشرف بوجودك معنا بالمنتدى
وأسعدنا خبر انضمامك إلى اسرتنا المتواضعه
نأمل من الله أن تنشر ابداعاتك في هذا المنتدى
فأهـــــــــلاً وسهـــــــــــــــلاً بك
ننتظــــــــــر الابداعات وننتظر المشاركات
ونكرر الترحيب بك
وتقبل خالص شكري وتقديري

أخي فيصل ...ود عشمان مش لفيف ...صدقني هذا الإنسان ظريف جداً ...ودمو هفيف ...!!!؟؟ إنت زهرة هذا المنتدي يا ود عشمان ... الله يحفظك لنا دائماً أيها الراقي الصافي ....
... طبعاً أنا زعلان من أخي موسي محمد عيسي ... لقد رحبنا به ترحاباً حاراً سابقاً ... ( وزاغ منا ) ولم يعبرنا بعدها ...والآن أخشي أن أرحب به وتكون كسابقتها ... وهذا خوفي ...
موسي الإنسان الفنان أعرفه حق المعرفة وقد عشت معه شقاوة الطفولة ... وتمتعت بلعب البلي بجواره ... وهو من أوائل مبتكري طبالي الحلويات بالحباك...وكانت طبليته راقية مرتبة نظيفة منظمة ...(( بس ما كان بخلينا نلحس دقيق حلاوة لكوم ))
موسي أخشي أن أرحب بك وتخذلني ...
المهم توكلنا على الله :
مرحب بالفنان المبدع الأستاذ/ موسي محمد عيسي بين أهله وأخوانه وأسرته ..... محبتي

مرحب بأخي الأكبر وجاري موسي الكريم إبن الكريم لقد بسط لنا يديه عندما كنا في الجامعة وبعدها وأيام رابطة ابناء ابوجبيهة بالجامعات تلك ايام لن انساها انا شخصيا وسأظل اذكرها فمرحباً به بين أهله وإخوانه. و التحية لأخوي جاري الثاني جاويش. إنت عارف ذكرتني حلاوة لكوم ولحس دقيقها .

موسى اضافة حقيقة للمنتدى ايها الاخوة

مرحب ابو محمد و البيت بيتك