ابوجبيهه

هترشات الأعضاء ..... بمناسبة عودة عوض السيد..

استعرض الموضوع السابق استعرض الموضوع التالي اذهب الى الأسفل

هترشات الأعضاء ..... بمناسبة عودة عوض السيد..

مُساهمة من طرف الفاتح محمد التوم في 3rd يوليو 2011, 00:50

يا من أخترقت قلاع وحصون هذا المنتدى وأزغت بصر القراء وأثرت شجون الزائرين وسرقت النوم من الجفون... ليتابعوا مواضيعك في غياهب الليل .
افتقدك الكل ...... أنا لا أماري و لا أداري .... ولكن دعني أقول .... الكل دخولاً وخروجاً في المنتدى متأرجح ....... قسمتها الى ثلاث فئـــات ....

الفئــة الأولى ....

خليني أبدأ بأخواتي وأخواتك " القوارير " .....


سهاد "منذ أن رحلت شقتها الجديدة " بقت تدخل وتمرق دون ان نحس بها .....يبدو أن الشقة ناصية .... وهي رومانسية تجلس مع وليداتها لترقب الشمس في شروقها وعند الغروب ..... الغريبة سهاد تسكن مدينة الضباب " كيف ورد هذا لمخيلتي ... لا أدري "
*****_*****
ناهد عبيد .... شكلها في كادقلي " دخلتها خوفه لهول ما رأت بعينها " وشكلها معتكفة.... تدعو ألله ما يرجعها لتلك الأيــــام .......
"أنا برّه ده ما كلامي ياناهد ... ده كلام خالك .....!! "
وخالها فيصل هذه الأيـــام في عزاء " وفاة خالتنا شافعيه_ يرحمها الله بالجنة "......

*****_*****
الوريف فيصل خليل نشاط منقطع النظير ..... ما شاء الله ....وطبعاً إنتو عارفين شهادتي فيهو مجروحة ......
*****_*****
ومروة وصفاء ........ قبل أن ترحل استاذه عائشة " عليها الرحمة " ما بعرف بسون في شنو ؟؟؟؟
واحسن صفاء ...... مروة للآن مادخلت وعزتنا في الفقيدة...

*****_*****
إيمان عبدالرازق بعد العمرة .... " غياب "....حتى تلفوناتها الاثنين .... مافي رد !!!*****_*****
سومة بت العمــده ..... اعتذرت وقالت " عندها اختبارات شــهر " ....... ربنا يوفقها انشاء الله ...... من البنات النشيطات ..... منتظرين شرح الصــورة ؟؟؟؟
*****_*****
دكتورة احسان مشغوله باللاب " ألله يوفقها " .... تدخل للحظات في معقلها "المنتدى العلمي"..فقط!!!
والليلة دخلت الإســلامي عشان الدعوات ... مكشوفه يا دكتورة!!
*****_*****
شيخ منير رحبت بيهو بعد العودة من السودان و للآن "محلك ســر" ؟؟؟
*****_*****
الفاضل عبدالرازق ... شكلو " دخل السنيما وجا كداري "
الحازمي ... منذ أحداث الفيض أم عبدالله .... " لم يرفع الفراش "

*****_*****
استاذي الفاضل أبوعلاء عبدالرحمن تيمي " دخل السوق وشال طحنية ... إتسوق واتونس زين مع عمك خدورة ..... "ملأ الكيس وعرّد وما شفناهو للآن ؟؟؟ "
*****_*****
أصغر الأصدقاء الحاج عبدالرازق ...إتصل علي من ام روابه وكان مع محي الدين محمد التوم في العربية .... متجهــاً لأبوجبيهه
*****_*****
عمنا ازهري الحاج ..... لم يعرف أن اولادي سافروا إلاّ من خلال تلفوني .... وسألني ( عندما لم يسمع صوت الأولاد ) إنتا في البيت ؟؟ ....وين الوليدات ؟؟ حينها عرف أنهم غادروا للسودان!!
استاذنا أزهري مرتب و منظم " عامل الخبرة " لذلك لا تحس غيابــه ..... لكنه غاب عن بوستات مهمة كانت تنتظر رده .... لذلك عرفته مخصص مساحات و أزمان لها !!!

*****_*****
أنور خميس ...... بعد المولود الأول " الله يحفظوا ليهو ولينا ".. دخل في دوامة التطعيم ... الحليب ...الصيدلية!!
*****_*****
الحباكي ..... ترواده نفسه للدخول ولكنه ... يهمس فقط طولنا منو ومن قفشاتو المعروفه للجميع !!!
*****_*****
البوعزيزي ..... يدخل ساخراً مرة ... ومرات واعظاً ولا يعود للرد على المتداخلين في بوستاتو.... أنا شخصياً افتقتدته ... رجل يحمل روح المباشرة " سيدا "..مصحوبة بمغالطة منطقية...
*****_*****
الزعيم غريق .... يدخل الى " حكاوي المهجر " فقط شكلو عمنا شاف ليهو شيبتين تلاتة وبدأ في " كتابة مذكراته ".....
*****_*****
عود الصندل .......................... ملأ المكان عبقاً ....ورحل ؟؟؟؟؟؟
*****_*****
العزيز الى قلبي " نمل الســكر أبو عاشــي " ......... عمل كم دوداب ..... وبنى كم قنطور .... نسج بحضوره الجميل ...كم سداده ....... وغاب بعد الشفق ...!!
*****_*****
ناس كادقلي ...... زهير ....وشيخنا في صندوق الخريج و أختنا الصغيرونة دولة ..... وين إنتو ...!! وصلتو أبجبيها ؟؟؟؟؟؟؟؟؟؟؟
*****_*****
الغالي صديقي زميل الدراسة محمد سعيد ( عباسي )
الهــادي وراسي ...... يااااخ وينك !!!
إنتا غاطس ولاّ رجعتأ ؟؟؟؟

*****************_******************
الفئة الثانية ....
هناك مجموعة نيرة من الشباب الجدد من كالوقي الطيب الشيخ .... ول كوكو من امبرمبيطة .... ماشاء الله حضور الأيام دي وتفاعل ....نتمنى لهم الإستمرار على هذا المنوال ...أخونا ياسر جامع حضــور منمذج بتقنية عالية الجودة .......
*****_*****
أختنا الرائعة إقبـــال موجوده .... لكنها مشغولة مع الوليدات في المدرسة الأيام دي ..." بداية سنة دراسية" ولكن وجودها معقول ....وموزون الدســـــم
*****_*****
الصباح بت عمك حسن عبدالرحيم ... من فرنسا تشيل فطورها وتجي ..... ماشاء الله عليها أختي متفاعلة وبنفس هدوء ها المعهود....
*****_*****
أخونا " سايق البوباي " محمود منصور بتلفون ماشاء الله بيسخن وبدخل معانا في اللمة ..... يتحفنا بالظرف المعهود في مداخلاتو ......وروح الدعابة والمشاكسة ....
طبعاً يشترك في ذلك معه الأخ ودعشـــمان ..... هو الآخر مشغول " جري وطيران ....سترليني ... فرنك سويسري ... يورو ... دولار " .... ما بعرفو " بغسّل في شنو ؟؟؟ "
لكن الحق يقال يدخل ويبرطع ويشاكس .......
أنا نفسي محمود وودعشمان ديل يزعلوا مني يوم واحد !!!
وأضحك فيهم ....... غياظين ما بسوووها!!!!


*****_*****
عمنــا وحبيبنــا واستاذنا شيخ الطلاب " خدوة أمبشق "......... ما فيهو كلام " مقنع " وكمان معاها " مقنع بنات جعل " ......مواصل بكل أريحيــه .....طبعاً الخبرة لها دور يا جماعة ولاّ شــــنو ؟؟؟
إلاّ أنه في الرياضي يشــوت الكورة و يسكها لحدي ما يفوتها ...... ولا زول بقول ليهو بتسوي في شنو .... وعشان خبرة يقوم يشوت ضفاري وتضرب " الكشافات " وبعد شوية الكورنجية يجتمعوا ذي النحل في البوست.....

*****_*****
العزيز ود البشــــــــري " الإنجليزي "........ الأيام دي خرج من البيـــات الشــــتوي ...... وسخن وبدا من فوق Englishman........... وبرمجة ...طبعاً بذاك الوقار المعهــــــود
" تشوفو ...... وتشوف كتابتو نفس الشكل و الإنطبـــاع " ........ لذيد جداً بس أول شئ " تقشروا يعني تخلي يتكلم "

*****_*****
أخوهو ود البشري (2) "وانا كلهم عندي واحد...أخوين بلون النبل و المحنة" ... " على الصـــامت "
*****_*****
شيخ ابوهــريرة بعد الإشاعات ......... " يلولي في وليدو ... ألله يخليهو لينا و ليهو " ........ بيان بالعمل ومصور يعني أنا كما انـــا ........... يعني مع العهد القديم وإشاعاتك يا ودمنصــور " بلها ة وشرب مويتها و بلّها تاني .. بتنفعك "
*****_*****
الأستاذ عثمــان موسى ..... بدخل برضـــوب خبرته ....... ويختفي فجأة !!!
تمام يا قريبي .... " القحة و لا صمة الخشــــم "

*****_*****
عوض الله ................ مشى بنفس " نهج البــلاغة " أقصد الصــور الذي سنه الشايب عثمان شاويش .... بدأ بالتوثيق ....... بفتش شنو ما عارف و الله ؟؟...
*****_*****
الشيخ الخوجـــلابي ........ " المجاور " ماشاء الله عليك ....... ادعو لينا بس حضور بنكهة السوح الحبيبة الى قلبي وقلوبكم جميعـــــــــاً .... طيبة الطيبة....*****_*****

*****************_******************
الفئة الثالثة ...
تلك هي الفئة الغائبة تماما....
بره وجوه .......
شيخ المغتربين معتصمبابكر وناس حامد حسن ...... وناس سيف الدولة وناس شيخ حيدر خليل ( الصافي ) وناس حسن خليل ....... وآخرون سجلوا ولم يدخلوا و دخلوا وما رجعو ا ......ومنهم من لانعرفهم اين ذهبــوا ......وكثيرون ............صراحة لم اتذكرهم


*****_**********_**********_**********_**********_*****

المهم يا عوض السيد دي هترشات وملخص صغيروتي كده عشـــان تعرف الاثار البيئية لهولاي البشر الأعضـــاء في منتدى أبوجبيهـــــه .... غائبون حاضرون .....

مبشـــرات :-
عودة الزعيم ود نـــوية..............................
شيخ ياسر موجود في بوستات .... وهو ال Admin " كبير البيت ياالخاتي غرامي عليك "


مكشـــرات :-
(1) الشايب عثمان شاويش رغم خبرته وحسه العالي .... وحساسيته 500 فولت إلاّ أن الكلمات راحت عليهو عندما تفاجأ ب أبوابراهيم في المنتدى ....و عودته اتبرجـــل وقــال " رحبـــوا بأخوكم " الكلمة دي في زمن حسني مبارك سجن 4 الى 3 شهور .... عشان كده الناس متخيلين واحد سجل جديد ........ أو أي بوست يعني


(2) بصفتي الشخصية ً عيالي سافروا ............ عشان كده ماعندي شغلة ...... كتبتا ليكم البوست ده .... عشان الناس تتلمّا ...... وأنا زاتي لا حق عيــــالي ........وكمان سمعتا تحت تحت إنو في لمة مع الشاعر عبدالوهاب الزين .......إن إتلميتوا أحســن ليكم ...... نشطوا المنتدى .......ما تزعلوا يا أعضاء المنتدى من بعض
ياللشباب ...
الذين نسيتهم ولم اذكرهم ........أو( لم أذكرهن) ما تزعلوا مني ........ بلقاكم واحد واحد ....

تســـــــــــــــــلموا جميعاً لطول النفس مع هترشات عودة عوض السيد ........ و البوست ذاتو إسمو مســـروق من ناهد ........ناهد ورينا الســـوق بي وين ؟؟؟؟؟؟؟؟؟؟؟؟؟؟؟

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف الفاتح محمد التوم في 3rd يوليو 2011, 01:03

عييييك نسيت شيخ الزبير ول محمد احمد ......الرجل الذي يجتر الذاكره ..... وتنفث براكينه هوى وعشقاً لتلك الأرض البكر ليس أبوجبيهه أو رشاد او العباسية بل المنطقة الشرقية وجنوب كردفان.....
الزبير محمد احمد انا مازلت أقرأ " ذاكرتك " ذات الأوجه الربع في البوست .... أوعدك بالرد لأني مندهش صراحة....

إنتا مكنونات ومكونات الزمن الجميل ياااااخ

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف ود عشمان في 3rd يوليو 2011, 01:07

كلام في كلام يا عوض دكام ..

ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف الفاتح محمد التوم في 3rd يوليو 2011, 01:18

يخت محنك يا ودعشمان ....... انا بسببي إنتا مساهر مالك .... ماتقول راكب طيارة .. الابتوب ممنوع؟؟؟ههههههههههههههههههها
عوض دكام " رحمه الله بالجنه"
..... كان مدير مستشفى الاسنان ...شالوه من المنصب .. وجابو مدير جديد ....واحد من اصحابو لقاهو بيتحاوم بى بره .. قال ليهو مالك يادكام حايم بى بره ...
رد دكام بسخريته المعروفه :- ياخوى ماضرتى جوه مابقدر ادخل ....!!
**************


الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف ياسر جامع في 3rd يوليو 2011, 08:03

الاخ الفاتح صباح الخير كملت الكلام
مافي
حاجة نقولها

ياسر جامع
نشط مميز
نشط مميز


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف الفاتح محمد التوم في 3rd يوليو 2011, 09:09

باشمهندس ياسر
أشكرك كتير للمرور...
قلنا نفرفش ..... ونفش خلقنا
بدون زعل .... ولا تجريح ...
وديل أهلي ...

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف الفاتح محمد التوم في 3rd يوليو 2011, 09:19

لا أنسى
أخونا أحمد مرحوم....
فاعل نشط ....
نتمنى أن يفرد لينا بوست
عن تعليم اللغة الإنجليزيه " وعلومها "
شرفت ونورت أبوحميد ...

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف أزهرى الحاج البشير في 3rd يوليو 2011, 09:28

هذا يسمونه تنوير بلغة العساكر والفاتح عارفك جاي من الغابة
تحياتي

أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف الفاتح محمد التوم في 3rd يوليو 2011, 09:38

أوه صباح الخير .... بأستاذنا
سعادة ع. ركن ( م )
(قدامى المحاربين )
نحييك للدروس من الأكاديمية

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف عثمان محمد يعقوب شاويش في 3rd يوليو 2011, 13:07


أخوي الفاتح هوووووي ...قالوا الموظف لما ينزلوا معاش بسوي ليه مسامير وشاكوش ومنشار ....وبصلح أي حاجةفي البيت ...وحتي بنجد الكراسي البلاستيك والعناقريب كماااان ... وإنت أخوي الفاتح أنا عارف السر كلو ....عيالك سافروا السودان وماشاء الله وإجازه سعيدة ...وكلامك دا بكي سااااي ...يعني أنا عرفت أنك بكاااااي ...وتقولوا يا متزوجين لو الأولاد عايزين يسافروا وفي ستين ألف داهية ....!!! وعاااد نقعد لجنس البكي دا ...
هوووي أخوي الفاتح : جهز تذكرتك وأتوكل على الحي القيوم وسافر ألحق الأولاد ...
توحة الظريف : أرعرف سلفاً أنك من نوابغ زمانك ...وأعرف أنك رائع بكل ما فيك : من ذوووق ...رقيي...أعرف فيك كتاباتك الجميلة المنمقة ...أناقتك وشعورك الأخوي النبيل ...واعرف أن قلمك نقي بل عفيف وطاهر كنقاء شخصك المنتاز ... وأسأل الله من كل أعماقي أن يجمع شملك وأسرتك يا بكاااي ...ويرزقك بالذرية الصالحة ...ما قل بوليس ...ولك محبتي

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف الفاتح محمد التوم في 3rd يوليو 2011, 13:16

يديك العافية يا عثمان .....
إنتا سيد الظرافة و اللطافة و النضافة ....
باقي لي يومين تـــلاته ...... شكلي حأتصل عليك
وآخد منــّك كاتلوج .....لحدي ما أسافر !!!
خالص الود ياعزيز

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف الفاتح محمد التوم في 3rd يوليو 2011, 18:17

كاميرا .... هترشــات ...
سجلت لأخي النقر دخول وبصمات وآضحة .. طال غيابك وينك ياسيد الإســـم " ود المحلج "

الأخ أبوراس ........ دخول وفكرة ... ممتازة علها تجد النور .. عاجلاً
الأخ الجبالي أبولســاناً حالي ........... مرحبتين ..

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف محمود محمد ابراس في 3rd يوليو 2011, 18:56

والله يا استاذ الفاتح ما قصرته تب
وما خليت كلام ينقال

محمود محمد ابراس
نشط مميز
نشط مميز


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف nashi في 4th يوليو 2011, 07:15

والله الله يختك الاريريف
bom

lol! lol! lol!

nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف Suhad Abduelgfaar في 4th يوليو 2011, 10:12

سهاد "منذ أن رحلت شقتها الجديدة " بقت تدخل وتمرق دون ان نحس بها .....يبدو أن الشقة ناصية .... وهي رومانسية تجلس مع وليداتها لترقب الشمس في شروقها وعند الغروب ..... الغريبة سهاد تسكن مدينة الضباب " كيف ورد هذا لمخيلتي ... لا أدري "؟؟؟؟؟؟؟؟؟؟؟؟
ضحكتنى اخوى الفاتح
صدقنى
تقول قاعد معاى فى الشقه الناصيه
والشمس طالعه ويا له من منظر خلاب
لكن اخيتك جاريه جرى شديد (فوق كم انا ما عارفه)
اخبار بت عمى كيفها وعيالها ربنا يجمعك بيهم
وبينا قريب.
خالص التحايا

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف ابوهريرة عثمان عبدالسلام في 4th يوليو 2011, 13:52

يافاتح يا خطير
بالله يعنى كلام شاويش ده صحيح سفر العيال يخلق الابداع
لكن انت طبعا مبدع بس الابداع ذاد شوية
ده ملخص للجماعة كلهم

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف فيصل خليل حتيلة في 4th يوليو 2011, 14:13


قالوا على شقى و مجنون

دا تصحيح لكراسة الواجب يا شهاب مش كده؟

تسلم و شكرا على لفت النظر الدبلوماسى

تحياتى

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف صباح حسن عبد الرحيم في 4th يوليو 2011, 14:57

ياخي والله كلام جمييييييييييييل
عديل كده وسمح .......
هكدا انت يا الفاتح يا اخوي
احتراااااامي


صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف عوض السيد ابراهيم في 4th يوليو 2011, 19:42

لك تحياتى بلا حدود أخى وعزيزى الفاتح.
انت دائما حكيم ومن نوابغ زمانك كما قال (صافى السريره) ابوعلياء.
أشكرك على هذه الدبلوماسيه اتلمقنعه

عوض السيد ابراهيم
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف الفاتح محمد التوم في 5th يوليو 2011, 11:21

الصين .... لندن ... الخرطوم .... فرنسا ..... السلطنة
إرتــفاع في درجة الحرارة اليومين دي
انعكس إيجاباً في مروركم المهيب
أبوهريرة بس ... ضارب الضل البـــارد
أشكركم ... قلنا نفرفش شويه كده

*************

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف الامين الخوجلابي في 7th يوليو 2011, 08:53

والله يأبو الفتوح ابداع عديـــــــــــــــــــل كدة

الامين الخوجلابي
نشط مميز
نشط مميز


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف nashi في 8th يوليو 2011, 14:57

فرحنا وفرفشنا ساااااااااااااااااكت اخونا عوض السيد تاني اختفي!!
Sad Sad

nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف ناهد عبيد في 18th أكتوبر 2011, 14:56


سلاااااااامات الفاتح محمد توم


ان شاءالله انت والعيال وفطين شٌداد ولضداد

عودة عوض السيد الرياضى وبس ولا شنو ؟؟؟

ثم تعال هنا وين التعويض الفرضتو عليك محكمة المصنفات الادبيه بخصوص الملكيه الفكريه الليلت الاسم وكد ههههههه

والله غايتو جنس غايتو

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف بوعزيزى في 19th أكتوبر 2011, 09:11

*****_*****
البوعزيزي ..... يدخل ساخراً مرة ... ومرات واعظاً ولا يعود للرد على المتداخلين في بوستاتو.... أنا شخصياً افتقتدته ... رجل يحمل روح المباشرة " سيدا "..مصحوبة بمغالطة منطقية...
*****_*****
أخي الفاتح لك العتبى حتى ترضى منا..
وآسف لأني لم ألحظ هذا البوست الا اليوم..
ومشكور يا (سيييييييدا)

بوعزيزى
نشط مميز
نشط مميز


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف الفاتح محمد التوم في 19th أكتوبر 2011, 13:30

شكراً دكتوره .......
عوض السيد .... روحو رياضية خالس خالس
متوهط في المنتدى الرياضي وبس ...."عوووك غشوه يا ابوابراهيم !! "

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف الفاتح محمد التوم في 19th أكتوبر 2011, 13:37

بتنا ناهد ألف حمد الله على الســلامه
اللّى بابي لي العُوبه
يا نديمه

نرجا الراجينا
ولاّ أقول ليكي ماتستعجلي للمحاكم الجايات روابح....

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف الفاتح محمد التوم في 19th أكتوبر 2011, 13:46

عليك بجر النم يا دقر الحرائق
****....*****
البوعزيزي .... نورت البوست بحضورك

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف ناهد عبيد في 8th أكتوبر 2012, 14:58


نزجي لك عمو عثمان التهنئة باختيارك للاشراف علي منتدي تاريخ ابوجبيهه
وهو اختيار صادف اهله
واتمني ان تدعمني في اقتراحي باشراف الاخ عوض السيد علي المنتدي الرياضي
ولك شكري وتقديري

................................................................................
سلامات يا ظرفاء المنتدى
الفاتح محمد توم سلام شفت
احسان حريفه كيف !!! تباصى وتشوت ليكا الكوره ولا رمضان العجب كلما تلقى فرقه فى بوست تزق قصة اشرافها على المنتدى الرياضى بصوره لززززيزه احسان بت امى حمدا بسلامه اخوك واخونا عوض السيد


نتششششششششه
بجيكم صاده بالتانى للبقيه واقعدوا عافيه

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: هترشات الأعضاء ..... بمناسبة عودة عوض السيد..

مُساهمة من طرف الفاتح محمد التوم في 8th أكتوبر 2012, 15:24

سلام بتنا ناهد ...........

إنتي في دا ولاّ ود عشـــمان قال للدكتورة
"عايزنك تمرجيــة "............
دي ككيف نفهمها يا ود جدي ؟؟؟؟
.............................

أما الدكتورة دي وحاة ألله مكجنة الرياضي
لا نزلت لينا بوست ..... ولا ردت في أي بوست في الرياضي
ولا ردت على عمها العزيز شاويش التهنئة بمناسبة إشرافها

..........................................
أما صديقي عوض السيد .... ورانا وشّو وزاع
" نحنا ما مستعجلين عليهو ......
يمكن مشغول
بس ماتنسى إنك وعدتنا في العودة مهما كانت الأسباب يا استاذ عوض ..... "
...............................................
تسلمي بتي ناهد ....... منتظرينك في اللفــة
بعد نشوف " أصحاب الشــــان " على قول خالك فيصل


الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى