احصائيات المنتدى

مشكور يا ريس
انت يامحمود ول عشمان السنة دى فى كم ولا لسه ساير

ابوهريرةالمحامي بتاع المشاكل
ياخي انا بعرف المحامين ناس حلالين شبك ومشاكل,,, انت كيف بقيت عكسهم؟؟؟
ثانيا ودعشمان اصلو ما معترف باالاحصائيات دي وقال الاحصائيات دي لو صاح ابوهريرة غائب شهر واكثر كمان يجي الثامن؟؟

ههههههههههههههههههه
انا طبعا ضحكت قبل ما اقرا تعليقك لانى عارفو حيكون مضحك
المره دى صاحبك عشمان الا يكون عبدالعزيز الحلو ويتمرد فى امبرمبيطة

يا ابوهريره
احسن ليك ابعد من ودعشمان ده الراجل ده قال ناوي يرسل ليك فيزا بعدين اذا زعل منك حيطنشك,,
انت نسيت فيصل خليل القريب منك ومسكت في ودعشمان البعيد ول شنو؟؟؟ انت عارف فيصل هو الطلع اشاعة الزواج بتاعك. وقال كان حاضر العقد.. وقال الحفلة كانت بمحمود تاور.. ونحنا صدقنا الكلام ونشرناهو في المنتدى.. وانت عارف نحن ناس بنحب الشمارات!!
وهسع شايفو من يوم ما انت رجعت من السفر لبد سااااااي. كانو ما عمل اي حاجة,,
الف تحية

</A>" border="0" />

تشكر يا ريس على مجهوداتك واعتذر للتقصير الخارج عن الاراده

يامحمود انا عارف ود عشمان الشاغلو شنو ما اصلو كان عندهم هيلمة كبيرة ود الملكة عرس وودنوية رسل ليه الكشاكيش من الكور وعود الصندل رسل السكسك والتلاتل والصفافبر وهو عندو مركوب قديم وهاك يا مردوم لمن الكدو حجر الخواجات القعاد ونا س سهاد وصباح هك يا غنى وصفقة وكتلو الحفلة براهم
وانت عارف يامحمود الملكه وولدها رسلو لينا لكن جماعتك عملو نايمين عشان كدة صاحلك جاء الطيش

يا اخوانا السلام عليكو .. يا اخواتنا السلام عليكنّ ..

اولا الاخ ياسر .. انت عارف الولايه اليومين دي امنها غير مستتب و الناس شاته و في بقرن سرقوهن .. لذا الوقت غير مناسب ابدا ان تذيع فيه نتيجة العشره الاوئل لكن بنعتمد هذه النتيجه كامتحانات تجريبيه يعني نتيجه بتاعت اختبارات عاديه و انا متأكد الاخ محمود الرجل الضكران و الاخت اقبال رئيسة جميعة الرفق بالقوارير سوف يوافوني الراي علي هذا المقترح و لا سيما الاخ الزعيم الذي نثق فيه كثيرا الا و هو غريق كمبال هؤلاء انني ثقه يوافقوني الراي ..

و نقول للاخوه ابوهريره و اعوانه امثال فيصل خليل لا تفرحون كثير نحن قادمون .. قادمون ..

و لكم التقدير

الإمتحان ده مكشوف لبعض الناس عشان كده جابو درجات عالية ، وأنحنا شالو نمرنا أدوهن لأزهري وجابو الأول .
تحياتي ومزيداً من العطاء

الاخ العزيز يسن محمد يسن( ابن امبرمبيطه البار )

الان حصحص الحق .. المره الفاتت الجماعه ديل انا داوستهم في موضوع النتيجة القبل الاخيره دي .. الان الاخ ياسر للمره المليون جاب الاستاذ ازهري الاول لانو انا اؤيد الكلام القلتو دا هو عندو علاقه قويه مع ياسر رئيس لجنة امتحانات السودان يعني ممكن عادي يكشف له الامتحانات .. دا كلو ما واجعني .. الواجعني الاخ الخوجلابي قسم شهادات تقديريه للعشره الاوئل و اعطي الاخ ازهري تلاته شهادة تقديره اتقول مافي زول في المنتدي دا غير ازهري .. الان نحن التلاته ابناء امبرمبيطه انا و انت و الاخ احمد كوكو ما جابونا في صف العشر الاوئل .. علي كل حال نحن ما بنتوقف عن الكتابه في هذا المنتدي مهما كانت التكتلات و الدسائس و الكل يعلم بذلك نحن اصحاب قلم و اصحاب كلمة رصينة ..

لكم التقدير

يا ود عشمان حكاية يس ود امبرامبيطه دى 00احسن تخليها انت عارف هى دى الجايباك الطيش دائما000

الزعيم غريق ..

هههههههههههههههههههههههههه والله ضحكتتني ..

شوف يا زعيم نحن ممكن نضع حلول للشقلانه دي بحكمك مسئزل كبير في وزارة الزراعه دايرنك الموسم الزراعي دا تودي 113 ترتر لناس امبرمبيطه خليهم يزرعو ليهم فتريته و نحن مستعدون نأجل موضوع مفاوضات الاخ يسن محمد يسن حتي نهاية الموسم الزراعي و بعدين نتفاوض .. حتي لا يفهمني البعض خطا " لم نتنازل عن يسن محمد يسن كلما قلته نتفاوض في الموضوع بعد نهاية الموسم الزراعي "

العزيز محمد عبدالله قادم ..

انت زاتك حبوبتك بت قرقر من امبرمبيطه تعال انضم معانا حقك بنمرقه ليك من ياسر .. تلفونك مقفول الوقت كلو افتحو ياخ خلي الناس تنضم معاك ..

و لكم التقدير