ابوجبيهه

الإخوة وجميع أسرة المنتدي الأعزاء ...

استعرض الموضوع السابق استعرض الموضوع التالي اذهب الى الأسفل

الإخوة وجميع أسرة المنتدي الأعزاء ...

مُساهمة من طرف عثمان محمد يعقوب شاويش في 12th يوليو 2011, 13:30


التحية لكم جميعاً دون فرز ...وبشكركم كتير كتير على الفترة والأيام الجميلة والتي قضيناها مع بعض .... وأرجو لكم من كل قلبي التوفيق ...وأتمني لكم ولأبوجبيهة التقدم والإزدهار ...وأسأل الله أن تري الجمعية الإستثمارية النور ... وفي هذا اليوم الثلاثاءالموافق :12/07/2011م أعلن لكم إنسحابي الكامل من هذا المنتدي الرائع ومن كل قلبي أتمني لكم التوفيق ....إحترامي
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف محمد عبد الله قادم في 12th يوليو 2011, 13:55

عم شاويش طبعا مستحيل نخليك تنسحب بدون ما نعرف السبب ثانيا ما ممكن وما معقول انت قلب المنتدى وتفاحتها لا ثم لا ياخي يا جماعة الحقونا عفو علينا نحن ما خربنا
avatar
محمد عبد الله قادم
نشط مميز
نشط مميز


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف الطيب الشيخ حسين كندة في 12th يوليو 2011, 14:05

استاذ عثمان أنا للم ألتق بك شخصيا وعرفتك قلما رائعا وفكراً نيرا وانسحابك من المنتدي يعني أن تحت الرماد وقود نار يكاد يكون لها ضرام
ولو لم يطفأها العقلاء حرقت الجميع.
استاذ عثمان دخول المنتدى حق خاص أما الخروج منه فهو حق عام ولا يجوز لك القيام به إلا بموافقة أعضاء المنتدى . ل
لذا نقول أن خروجك من المنتدى مرفوض جملة وتفصيلا . وإن كان في الأمر شئ فأنا أدري بأن في المنتدي من يستطيعون حل مشاكل دولة ناهيك عن منتدى
اكرر الدخول للمنتدى حق خاص أما الخروج منه فهو حق عام وانت رجل عام وليس ملك لنفسك



كل الجروح بتروح  **** إلا التي في الروح

خلي الــقلب شــــــباك **** نحو الأمل مفتوح

avatar
الطيب الشيخ حسين كندة
مشرف التراث
مشرف التراث


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف محمد عبد الله قادم في 12th يوليو 2011, 14:16

يا لروعتك يا كندا بالجد نحن لا ولن نسمح لمثل الهرم الكبير عمنا شاويش بالمغادرة الا على دمائنا وانا ايضا اضم صوتي لصوتك لم التقي به سابقا بل عرفته بقلمه ايضا عبر المنتدى وكان نعم التعارف شجرة استظلينا تحتها ولا زلنا فكيف يمكن لهذه الشجرة ان تسقط من فوق رؤسنا وتتركنا بلا ظلال
نعم اكيد زي ما بقولوا العود لو مافيهو شق ما بقول طق اكيد عم شاويش زعلان من شئ لكن لكل شئ حل ونحن نقسم لك يا عم شاويش ما دخلنا هذا المنتدى والتقينا باعضائه الا لكي نكون اسرة واحدة في السراء والضراء وقد كان
عليه نتذلل اليك ونترجاك ان تحيز عن هذا الانسحاب ورجائنا بك كبير
محبتي
avatar
محمد عبد الله قادم
نشط مميز
نشط مميز


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف غريق كمبال في 12th يوليو 2011, 14:44

ابو علياء ده كلام شنو0000زكرتنى زمان نلعب البلى فى الحباك ام الحفره واللين والواحد لما يخرت الجماعه يملأ جيونو نلى ويقول يا جماعه انا فريت ما داير العب تانى !!!!!!!كده يا شاويش فارى ماشيى وين ؟؟؟؟؟؟؟؟ بعدين شفت كلام الشباب ديل سمح كيف واصرارهم قوى كيف

كده احكى ليك الحكايه دى حصلت اليوم فى الحباك

طبعا اليوم عندنا ضحوى من الصباح 00وبعد ان فطرت فى البيت بالكسره بملاح الباميه المفروكه مشيت على الجنيد فى الصيدليه وانا راجع من الجنيد وجنب دكان عمنا المرحوم المقوارى وجدت مجموعه من الجماعه وافين قدام الدكان ومعهم فرعون وابكير ومحمد الامين واخرين وعندما اقتربت منهم هتف فرعون وبطريقته الدراميه المعهوده


الشعب يريد اسقاط النظام

توقفت وخاطبت الجميع 000مالكم نظام شنو الدايرين تسقطو 00ضحكوا بطريقه جعلتنى استغرب من جديد 000

قال لى فرعون نريد اسقاط رئيس اتحاد الخضر والفاكهه بابى جبيهه

طبعا ده عمك صديق التعايشى


قلت لهم الا تستعينو بمرتزقه افارقه



اهه يا شاويش كم فريت وين تلقى اخبار زى دى



طبعا انت وابوالزهور وياسر 0000مافى ليكم طريقه تخلونا فيها المنتدى ده الا تسلمو 00زى ما بقولو لعيسى


محنتى وتحياتى ابها الشايب
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف غسان حامد عقب في 12th يوليو 2011, 17:35

السلام عليكم يا نـاس ..
أنـــا مـا قاعـد اخـش المـنتدى دا كـتيـر لكـن بالــرغـم مـن كـدا
كل مرة أجـي ألقـى نداء لعـودة احد الأعضاء أو وداع من آخر
أو جــودية تـقـوم و تقـع عشــان فـي زول لملـم عـفشـو و نـوى
الرحيـل ..أنـا ما عارف شنو القـاعد يحصـل بين الناس هنا ..
ومــا بــقدر أحــكم علــى دوافع الناس و ما بقــــدر احدد طريقة
تفاعلهم مع بعضهم البعض في هذا المكان لقلة تواجدي بينكم ..
لكن الشي البقدر أقوله انو المنتدى قام في المقام الأول لمد حبال
الربـط بيــن أهــل أبوجبهة الجميلة و كان ليهو دور مقدر فــــي
احداث وصــال جميل بين الناس .. عشان كدا حقو النــاس
تحافظ على القيمة الجميلة دي وتكتفي بيها وتقصر دور المنتدى
على كدا وبس وتسيب كل ما له أن يهيج الحساسيات بين النـاس
دمتم ودامت مواسم فرحكم زي ما بقولوا ^_^ ..









avatar
غسان حامد عقب
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف أزهرى الحاج البشير في 12th يوليو 2011, 17:46

عشان كدا حقو النــاس
تحافظ على القيمة الجميلة دي وتكتفي بيها وتقصر دور المنتدى
على كدا وبس وتسيب كل ما له أن يهيج الحساسيات بين النـاس
دمتم ودامت مواسم فرحكم زي ما بقولوا ^_^ ..


شكرا يا غسان على هذا الكلام الجميل
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف الفاتح محمد التوم في 12th يوليو 2011, 19:09

أخي شاويش ..... تحياتي و أشواقي لك عزيزي الغالي
الشباب ماقصـــروا في سرد أسباب دوام هذا التواصل بصورته الرايعه....
عبر هـــذا المنتدى......
شوف غريق جاب ليك .... أخبــار جميلة كيف ؟؟؟؟
اللمة و النفس البارد ..... حلاوة الناس !!!! و ناوي تفوتنا ؟؟
ياراجل ....!!!

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف ود عشمان في 12th يوليو 2011, 23:34


العزيز شاويش ..

اتا الداوسك ياتو ؟؟
avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف ود المحلج في 13th يوليو 2011, 08:21

أعتقد ان حساب جاويش تهكر !
لا اصدق ان كيبورده كتب الكلام أعلاه .
او كميرا خفيه !
علي كل لا اصدق ابدا.
avatar
ود المحلج
مشرف المنتدى العام
مشرف المنتدى العام


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف غريق كمبال في 13th يوليو 2011, 10:06

ما تعبرنا يا شاويش0000ما قادرين نتصل بالتلفون الشبكه كعبه
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف Ahmed kuku Ahmed في 13th يوليو 2011, 17:00

سلامات اخى ود شاويش شنو يعنى كراعى حارة على المنتدى ولا شنو والله عقدتنى عديل يدوب انا داخل المنتدى بتعرف على ناس تقوم انت تتخذ مثل القرار المفاجئ ده ,وزى ما قالو الشباب الدخول من حقك تقررو لكن الخروج فلا , كدى خليك معانا شوية .مع خالص تحياتى
avatar
Ahmed kuku Ahmed
نشط مميز
نشط مميز


الرجوع الى أعلى الصفحة اذهب الى الأسفل

الاخوة وجميع افراد اسرة المنتدى الاعزاء

مُساهمة من طرف التجانى الطيب الزين في 14th يوليو 2011, 09:27

ابو علياء تحياتى اتفق مع توقعات ابو احمد دى كميرا خفية ساااااكت لكن الله يكضب الشينة فى زول بجرى من بيتو وبخلى وبهمل اولادو واسرتو نحن ماصدقنا عندنا شبر فى الفراق الشاسع دا بلمنا باهلنا واعزاءنا وبعيشنا فى جو الاسرة وزى ما قال الزعيم وين نلقى زول يونسنا بالمفروعة ام شطة خضرة كان فرينا واشتتنا من المنتدى دا وبعدين نراكم عمد ومشايخ وزعماء وحكماء الادارة الاهلية بالمنتدى وقاعدين وراقدين قفى باعتبار ال ماعندو كبير تاه ولما حكمائنا وعقلاءنا يفرو ومايقدروا يتحملوا حماقتنا بغض النظر عن الحاصل شنو منو البعدل عوجتنا واخيرا اتمنى ان تكون هذه كميرا خفية لانو والله بجد راح نزعل منك ونقيف كتير فى اعلانك الما بشبهك هذا ونقول ليك دا ما كلام دا اكبر يا كبير

التجانى الطيب الزين
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف محمود منصور محمد علي في 14th يوليو 2011, 10:54


استاذنا وقدوتنا وقائدنا شاويش
؟؟؟؟
؟؟؟؟؟ ؟؟؟؟؟؟ ؟؟؟
؟؟؟؟؟؟ ؟؟؟؟؟
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف يس محمد يس في 14th يوليو 2011, 11:17

ده كلام شنو يا شاويش ، ماشي وين ، لقيت ليك أهل غيرنا ولا شنو ، هل في زول بهرب من نفسو . إحتمال تكون مسافر لجهة ما فيها نت ولا إيه ... إلا كده أما خلاف ذلك فلا عذر . إما إذا كان هناك زعل بالزعل مرفوع .

يس محمد يس
نشط مميز
نشط مميز


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف الحازمي في 15th يوليو 2011, 22:41

دا كلام شينو يا شاويش دايرين نعرف قصة الانسحاب هل في واحد من اسرة المنتدى قاليك لام جارح؟؟؟؟؟؟. ودا طبعا ما معقول والانسحاب مرفوض وممنووووووووووووووووووووووووووووووووع منعا باتن
avatar
الحازمي
نشط مميز
نشط مميز


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف الامين الخوجلابي في 16th يوليو 2011, 10:54

الاخ العزيز عثمان شاويش اذا اسيــــــــــــــاد المنتدى طلبوا الانسحـــــــــــــاب انا اقول شنو ؟؟؟؟؟
لك مني كل تقدير واحترامي
avatar
الامين الخوجلابي
نشط مميز
نشط مميز


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف غريق كمبال في 16th يوليو 2011, 14:11

والله يا جماعه ابوعلياء ده كلاموا اظنوا جد0000كده فتشو لينا بالتلفون
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف ابوهريرة عثمان عبدالسلام في 18th يوليو 2011, 14:40

قالو اذا عرف السبب بطل العجب
السبب شنو
انا والله اول مره ادخل البوست
وفوجئت
تمامابالكلام داكلام شنو

نحن ما عايزين زعل ولانقاش لاسياسه ولا كوره
avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف الزبيرمحمدأحمد في 18th يوليو 2011, 20:45

بسم الله الرحمن الرحيم
المحترم الاستاذ / عثمان شاويش
========
لك التحية والاحترام ‘ حبي للحباك وناسه جعلني اوهرول لانضمام لهذا الصرح الانيق أول يوم لدخولي للمنتدي لاحظت نشاطك ومواضيعك الجميلة وبدأت اتعامل معك وكأنني أعرفك من زمان - موش هيك - ؟؟وفجأة يعلم الله منذ فترة شعرت انك غير طبيعي ‘ هذه المنتديات نعمه من نعم الله علينا ان نتواصل ونتعارف ومعرفة الرجال كنز غالي وفجأة تقول انا مُنسحب والله خساره والمراجعه أفضل من مُنطلق انسا ني يارجل يا عظيم == الشعب يريد اِستمرار الرئيس ==
وبالله التوفيق / تحيا تي
===============

الزبيرمحمدأحمد
نشط مميز
نشط مميز


الرجوع الى أعلى الصفحة اذهب الى الأسفل

رد علي اعتذار عثمان محمد بعقوب شاويش

مُساهمة من طرف عبد الجليل ابوعاقلة في 22nd يوليو 2011, 00:26

الاخ عثمان لك التحية وانا لم اكن من ابناء ابو جبيهة ـ ولكن عرفت ابناء ابوجبيهة في السعودية وعبر هذا المنتدي ـ فاصبحت واحدا منهم لاني اعتبر ان ناس ابو جبيهه هم القيم السودانية والقلوب الرحيمة التي اجتمعت علي الحب في الله وعلي الفضائل ولنا دليل في الاثر علي ذلك في قول الرسول صلي الله عليه وسلم حيث قال سلمان منا آل البيت وسلمان فارسي واقول لكم والله لقد احببناكم في الله من صميم قلوبنا واصبحنا دوما علي طريق الحق نلتقي مع هذا العقد الفريد وهذه الوجوه النيرة امثال الاخوان غريق كمبال وابو الزهور وود عشمان الظريف والفاتح ابو السارة وشخصك الكريم وكثير من اخوانا واخواتنا بالمنتدي عبر تواصل وجداني وفكري واصبحنا نفضل منتداكم علي كثير من المنتديات التي نكتب فيها اكثر من 10 منتديات واعمل مشرف علي بعض اقسامها كسودان قوو ولكن هنالك ناس كما قيل لانستغني عنهم وكما قال اخونا الطيب الشيخ الدخول ملك لك والخروج ملك للجميع ومافي اي قبول لهذه الاستقالة ونحن في ميدان الاصلاح والنباء

عبد الجليل ابوعاقلة
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

الإخوة وجميع أسرة المنتدي الأعزاء ...

مُساهمة من طرف عبد الجليل ابوعاقلة في 22nd يوليو 2011, 00:39

بسأل كيف سواها شيخا فينا مو درويش
ومحال نجفاك او تتركنا ياشاويش
واعرف انو عسل غير ابر مافيش
ومعروف يالرايق انت خاتي الطيش
ومحال تترك منتدانا وليك عذر مافيش

عبد الجليل ابوعاقلة
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: الإخوة وجميع أسرة المنتدي الأعزاء ...

مُساهمة من طرف ناهد عبيد في 16th أغسطس 2011, 22:26


ده كلام شنو ده ؟؟؟؟؟؟؟
ما تشفوا ليكم بهول
انا ما فاهمه اى حاجه

اكيد دى الكاميرا الخفيه صح يا عمو عصمان

رمضا ن كريم
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى