ابوجبيهه

ســــلام جاكم ..... ياناس العش الجميل

استعرض الموضوع السابق استعرض الموضوع التالي اذهب الى الأسفل

ســــلام جاكم ..... ياناس العش الجميل

مُساهمة من طرف الفاتح محمد التوم في 24th يوليو 2011, 16:48

الســـلام عليكم جميعاً ياناس العش الجميـــل ..... والإلف النبيل .....
غلبنـــا الشوق ...... قلنا نطل عليكم ..... ولو على عجل من هذه النافذه
انشاء الله دايماً تامين و لا مين ....
ياناس الخارج .....
بالأمس حضرنا مطرة عمت الخرطوم نزلت برداً وسلاماً ....
ويومين تلاته ماشين قدام ..........
تسلموا جميعاً ...

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف osama osman في 24th يوليو 2011, 16:53

مرحبا بإبن الخال وحبابك دشليون فى السودان معقولة انت فى السودان ولاحس ولاخبر عيب عليك كنت تقول عشان نعرف وصولك عشان الواجب ونحن ماناس واجب على مرحباً بكم بيننا تحاتى للاسرة الكبيرة والصغيرة

osama osman
نشط مميز
نشط مميز


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف اقبال عبداللطيف في 24th يوليو 2011, 17:02

تسلم ياالفاتح وألف حمدا لله علي السلامة


لا اعرف شيئا تواطأ الناس على هضمه وزهدوا في انصافه مثل الحقيقة

اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف الفاتح محمد التوم في 24th يوليو 2011, 17:03

سلام ياغالي .... ود خالك يا غالي ما طول في الخرتــوم ...
وأنا عارفك يا أسامة صــاحب واجب وعداك العيب...
انشاء الله حنتقابل وقريباً ...... ما تشيل هم...
بالله طمنّا على صحة أختي " بت وهب" ........
طبعاً أنا اتصلت عليهم بس قبل فترة .....وجدتهم جميعاً بألف خير
تسلم ....

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف الفاتح محمد التوم في 24th يوليو 2011, 17:06

لكي التحية اختي الغــاليــــــة اقبـــال .....
تحياتي للعزاز وليداتي وأبوهم ....
" كن ألله طوّل في العمر بنشوفكم .... إن شاء الله "

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف أزهرى الحاج البشير في 24th يوليو 2011, 17:58

مرحب بالفاتح .. بختكم يا ناس الداخل الشهرين الفاتو ول نوية وتوه ده الفاتح جاكو !!!!!

أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف فيصل خليل حتيلة في 24th يوليو 2011, 19:30


الحمدلله يا فاتح انك بيننا اليوم الآن

سعادتنا بطبيعة الحال لا توصف عوووووووووووووووووووووووووووووووووك

زخم كبير

دكتور عبدالوهاب الذين

صباح حسن عبدالرحيم

محمد سعيد الحاج االبشير فلس

و اخيرا حبيبنا الفاتح محمد توم

بسم الله ماشاءالله

عين الحسود اريتا بالعود

الف مرحب و نورتوا الدنيا كلها

تحياتى

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف محمد قادم نوية في 25th يوليو 2011, 08:45

سلامات يا عزيز وحمداً لله علي السلامة لأرض الوطن حتصوم رمضان باااااااارد بس أوع تصومو كلو مع ناس بانت
تحياتي؛؛؛؛؛؛؛؛

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف الفاتح محمد التوم في 30th يوليو 2011, 20:23

استاذنا أبو الزهور...... لك التحية
ول نويه جاكم وكمان بختكم....

يا محمد نوية نحنا ماشين ياقدام ورمضـــان في الشرقية انشاء الله......
إيه يافيصل ..... والله غرقتونا بالكرم الفياض وهذا ليس بغريب ..... الغريب توهان الزمن وسط الإحتفائية والجلسة الأنيقة .... دخلت وخرجت وكأنها ومضة ..... رغم الساعات التي قضيتها وسط ذاك الألق ....

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف فيصل خليل حتيلة في 30th يوليو 2011, 20:38


سلامات يا ميزان الدهب و يا ابوكلاما دهب و يا الكلك دهب

شرفتونا كتير يا فاتح و كل امنياتى لكم جميعا بقضاء اجازة ممتعة انشاءالله

يا سيدى دا جهد المقل و مؤكد مكانكم اسمى و ارفع لكين الله غالب

يا مراحب

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف Suhad Abduelgfaar في 31st يوليو 2011, 09:05

تسلم اخى الفاتح
وربنا يجعل ايامكم كلها سعاده وملمومين دايما
ونحن معاكم .
وبتمنى لكم اجازه سعيده وممتعه
ورمضانكم اكيد احلى رمضان
ربنا يتقبل منا واياكم
تحياتى لبيت عمى والعيال ولكل الاهل

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف الفاتح محمد التوم في 31st يوليو 2011, 18:24

سهاد كيف حالك وازيك في بلد الضباب
حنرسل ليكي شوية من البلد
"دعاش " ...... و"حزمة نــال "
بس اعملي حسابك
ودعشـــمان مايبقى ليكي في رقبتك ...

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف الفاتح محمد التوم في 9th سبتمبر 2011, 21:47

و المرة دي بعد العوده من البلد.....
انشاء الله دايماً تامين ولامين .....
كل سنة و انتو طيبين ....
أسأل الله العلي القدير أن يحقق أماني الجميع

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف عثمان محمد يعقوب شاويش في 10th سبتمبر 2011, 09:26


توحة الظريف بالجد أنت سعيد ...ولكن لم أدري هل أنت الآن بالسودان أم السعودية ... وأرجو أن تسمح لي أن أشكر أخوانا بالداخل ناس الذوووق والأصول :
أذكر منهم علي سبيل المثال لا الحصر :
(1) أسامة عثمان باشا .
(2) فيصل خليل حتيلة .
(3) الزعيم غريق .
(4) عبدالرحمن كمبال.
(5) موسي محمد عيسي .
(6) ياسر سر الختم .
(7) محمد عبدالله قادم .
(Cool أشرف بشري .
(9)مولانا خالد عثمان .
(10) أبوهريرة .
(11) محمد كمبال .
(12) إقبال عبداللطيف والأمورة : ريان . الله يحفظها يارب .
(13) إبنتي ناهد .
(14) سومة بت ناس العمدة . والقائمة تطول ...ومعذرة للذين لم تسعفني ذاكرتي الخربة بذكر أسمائهم ...
والآن بينكم ضيف عزيز : هو ابو الزهور ... واسأل الله أن يقضي إجازة سعيدة بينكم ... وشكراً أخي الفاتح على هذا البوست ... وتفضلوا بقبول معزتي ،،،

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف الجبالي في 10th سبتمبر 2011, 09:30

الف حمد الله علي السلام وسط اهلاك خبرنا وين مكانك الان بالسودان الحباك ام الخرطوم شوقنا كتير وكل سنه والاهل والجميع بخير

ولك الاحترام

الجبالي
نشط مميز
نشط مميز


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف الفاتح محمد التوم في 10th سبتمبر 2011, 11:31

التحية لك أخي عثمان شاويش
و أنت تزرع الفرح في الناس الحــــديقة ....
وسميتهم حديقة لأنهم صراحة غاية في الروعة
و الشفافية في التعامل عندما تكون بينهم .......
شكراً ليكا " عمو عصـــمان "
وأنا الان على بعد 300 كيلو من مرقدك يا عمو
جنبك .... ومشتهي أشوفك قريباً إنتا وكل ناس الرياض
لكم الود وكل سنة و إنتو طيبين

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف عثمان محمد يعقوب شاويش في 10th سبتمبر 2011, 11:37


توحة الظريف يا جرسة !!!؟؟ ما قلتوا نوبا !!؟؟
الف حمداً لله على سلامة وصولك أرض مهبط الوحي بالسلامة ... وتحياتي لأسرتك الكريمة خاصة حكومتك ... محبتي

عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف الفاتح محمد التوم في 10th سبتمبر 2011, 11:40


تسلم عمو عصمان " نوبــا سي ده ؟؟؟؟"
ستصل كل تحاياك الحارة للحكومة ولنا مهاتفة مع بعض ..
************************************
الجبــــالي ....
وينك أنا جيت السودان ومشيت ابجبيها وجبل العمده
التقيت كل المعلمين مع ودعمتي عاشي ((الأخ محمد نور حمــاد..))
كانت أيام جميلة .... بس قصيرة ....
كل سنة و إنتا طيب ....

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف غريق كمبال في 10th سبتمبر 2011, 11:45

شكرا يا حلوينى يا عصمان

ويا اخى الفاتح شنو رجعت بى سرعه كدى

الجبالى حمدله على السلامه غيابك طول يا وجيه

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف محمد قادم نوية في 10th سبتمبر 2011, 11:54

مرحب بيك يا أخونا الرقيق "الفاتح"مشتاقين ياخي طال غيابك ..شكلك وجدت ريحة تراب البلد وحاولت تستعيد ذكريات الماضي
ذي ماقال عنها إسماعيل حسن
-----------------------
اصلى مليت العذاب
جيته خايد فى الضباب
شوق ليالى الغربة فى اعماقى ذاب
الحنين جوه جوفى قصة ماشافت كتاب
الصغيرون بى شقاوة الدنيا يايمة شاب
والله ياريحة التراب
العطش يبس لهاتى وجيت اهاتى جارى لى موية الرهاب
والله ياريحة التراب..جيت تعبان داير انوم
انسى نفسى والشقا القاسيتو فى وادى الهموم
داير الولى النسمة بى فرحة صغير كره السموم
والله يا ريحة التراب
لازم اصل مهما كان
اوعى ما توصينى كنا وكان زمان
الزمان يا اصلى مالييهو امان
ونحن فى ساحاتو زى خيل الرهان
والله ياريحة التراب
لازم اوصل مهما كان
حتى كان سدت سواعد الليل دروب الكون وما خلت مكان
حتى كان جار القدر شدانى فى قاع الزمان
مو ضلام الليل؟ بشيلو وبمشى لى فجر الامان
يا سلاسل القدرة ما برضى الهوان
بمشى فوق المستحيل اقدل واتبختر كمان
لازم اوصل لى مشاتل ريدى فى ارض الحنان
والله يا ريحة التراب

----------------
لوسمحت مدنا بـــــــــ تلفونك
تحياتي؛؛؛؛؛؛؛؛؛؛؛

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف الفاتح محمد التوم في 10th سبتمبر 2011, 11:59

والله يا غريق ...... طبعاً إجازتي كانت صغيرونة ..
وحتى باقي اليومين تلاته قطعوها لينا ...
ما اتهنينا بالخرطوم عائدين...
يكفي اننا شفناكم بخير يازعيم
طبعاً صليت الظهر و اتمطرتــا مع عيسى الباشا
و الخال عزالدين محمد ابراهيم ....
بعدها كان التطواف الجميل على دياركم العامرة
وريحة المطرة ... والأرض البــكر .... وفرح اللقيا
بزول طوّل من الناس..... وناس طولتــا منهم

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف الفاتح محمد التوم في 10th سبتمبر 2011, 12:23


ياول نويه العزيز مساء الخير .....
سماعين ده ... انسان لا يتكرر ..
!!!!
العطش يبس لهاتى وجيت اهاتى جارى لى موية الرهاب
والله ياريحة التراب..جيت تعبان داير انوم
انسى نفسى والشقا القاسيتو فى وادى الهموم
داير الولى النسمة بى فرحة صغير كره السموم

تسلم ياغالي .... انا سأتصل عليك !!! رقمك معاي
الخَبَرْ اللكِيدْ قَالُو ابجبيهها اتْرَشَّتْ
سَارِيةً تَبَقْبِقْ لا الصَباحْ مَا انْفَشَّتْ
هَاجْ فَحَلْ أُمْ صِرَيصِرْ والمَنَايِحْ بَشَّتْ
وبِتْ أُمْ سَاقْ عَليْ حَدَبْ الفَرِيقْ إتْعَشَّتْ

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف فيصل خليل حتيلة في 10th سبتمبر 2011, 14:41


هروب يا شهاب بشكل مريب

الله غالب

الف حمدلله على سلامتك و تستمر طاحونة الوجع الخرافى و اسواق حزننا النبيل


مســامــاتــك بتتشقــق
عشــان تشــرق صباحاتــك
صباحاتك بتعانق مع الفكرة
وتـــأخــذ مــن جراحــاتــك
نضيف إحساسنــا لي بكــرة
يا بــكــرة ....... يـا بــكــرة
يا بكــرة الغصــن نــاشــف
يا بكـرة الفرح يوماتي بيتآكل
حــــزن أطــفال بتــتشــابــا
عــــشــــان تــــعــــــرف
شنو الفــي إيدنا لــي بكــرة
شنو الداخرنــو لــي السكــة
عشــان تشــرق صباحـاتــك
عشــان تقصــر مسافــاتــك
عشــان تبــرق غمــامــاتــك
عشــان تخضــر مساحــاتــك
عشــان بكــرة وبعــد بكــرة.










فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: ســــلام جاكم ..... ياناس العش الجميل

مُساهمة من طرف Suhad Abduelgfaar في 11th سبتمبر 2011, 11:56

الف حمدالله على سلامتك اخونا واستاذنا
الفاتح
والمنتدى نوره زاد بوجودك .
كيف الاهل والاحباب
واكيد اجازه ممتعه
تحياتى لبنت عمى والعيال .

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى