ابوجبيهه

هل تساعد زوجتك في المطبخ ؟؟؟

استعرض الموضوع السابق استعرض الموضوع التالي اذهب الى الأسفل

هل تساعد زوجتك في المطبخ ؟؟؟

مُساهمة من طرف محمود منصور محمد علي في 11th أغسطس 2011, 21:47

صور نادرة للرئيس التركي أثناء مساعدة زوجته بالمطبخ……بالصور

تداولت صحف تركية صورا نادرة للرئيس التركي عبد الله جول تظهره كشخص عادي يمارس حياته مثل مواطنيه.
أبرز الصور كانت لجول وهو في “المطبخ”، يساعد زوجته خير النساء. وتقول زوجته فإنه يجيد طهي الطعام، لكنه بعدما تولى حكم البلاد بات يدخل المطبخ ويشرف على أداء الطباخين فقط.
وتناول ألبوم الصور -الذي نشرته صحيفة “توادي زمان” التركية الأحد 7 أغسطس/آب- جزءا من حياة الرئيس الخاصة بعيدا عن ميادين السياسة وطاولات الاجتماعات.
وأظهرت إحدى الصور “جول” إلى جانب أبيه أحمد حمدي جول في موسم قطف ثمار الطماطم في مدينة قيصري التركية، وصورة أخرى أثناء تجوله مع زوجته على جسر الموستار في البوسنة.
كما تناول الألبوم جول، وهو يمارس هواية التصوير أثناء زيارته كينيا، فضلا عن صورة أخرى وهو ملتح يجوب البحر في مركب سياحي.
[[/size]







الموضوع الأصلي : صور نادرة للرئيس التركي أثناء مساعدة زوجته بالمطبخ……بالصور || المصدر : منتديات
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: هل تساعد زوجتك في المطبخ ؟؟؟

مُساهمة من طرف ابوهريرة عثمان عبدالسلام في 11th أغسطس 2011, 23:23

انت عارف يا محمود نحن عادى جدا واخوك قبل يومين ظبط ليك سجوك بالبطاطس ودمعة دجاج للعشاء



وكان ولدى محمد يضحك ويقول لى انت مراة خلى اجيب ليك جلباب

ونحن طبعا اختافنا كثيرا عن اباءنا

وهم لايقتربو حتى الى المطبخ

انا طبعا لااذكر انو شفت والدى بتاتا دخل راسو حتى فى التكل او فتح حله او شال صحن وفى السابق انا كنت متمسك بذلك يعنى ناس البيت لو مافى مابخش اعد اكل حتى لنفسى لكن الان عادى جدا

الواحد يجى يفتح الحلل ويشوف الطبيخ شنو

وما عارف ده يعتبر تطور ولا تخلف

اها يامحمود كده ورينا انت كيف

ما تكون مسؤل من وجبة العشاء فى رمضان دة
avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: هل تساعد زوجتك في المطبخ ؟؟؟

مُساهمة من طرف محمود منصور محمد علي في 12th أغسطس 2011, 02:36

مشكور يا ابوهريرة
وطبعا الزمن اختلف والان يجب على الرجل ان يساعد المراة في المطبخ وفي التربية وفي تدبير شؤون المنزل
انا من الناس البساعد زوجتي حتى في غسيل الملابس واعداد سفرة الطعام بالرغم من انها غير مقتنعة بكفاءتي في هذا المجال الا انني احشر نفسي رافة بها في كثير من الاحيان. والحياه مشاركة وتعاون ومشروع اعداد و بناء جيل للمستقبل وقديما قالوا اليد الواحده ما بتصفق.
الف تحية
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: هل تساعد زوجتك في المطبخ ؟؟؟

مُساهمة من طرف Ahmed kuku Ahmed في 12th أغسطس 2011, 05:04

ولنا فى رسول الله عليه افضل الصلاة والتسليم اسوة حسنة هو كان يعجن العجين لاهل بيته , فكلنا بنساعد بصورة او اخرى ولا حرج فى ذلك واخوك ماهر جدا فى الطبخ سواءا البلدى او الحديث وبس بكره غسيل العدة. ولك تقديرى واحترامى
avatar
Ahmed kuku Ahmed
نشط مميز
نشط مميز


الرجوع الى أعلى الصفحة اذهب الى الأسفل

رد: هل تساعد زوجتك في المطبخ ؟؟؟

مُساهمة من طرف nashi في 12th أغسطس 2011, 14:31

بكون بالدس ههههههههه

ماعرفه المشكله وين ؟

عادي يا جماعه النبي الاكرم عملها

وخاصة بعد خروج المرأه للعمل ببقي دوام العمل ودوام البيت كتير عليها ساعدوها الله يساعدكم

**************

ابوهريرة اخو النقر صدقني تستحق جائزه مناصفة مع صاحب البوست

**************

احمد كوكو غسلها لينه

امهاتنا بقولن الماعون اللين غسيلو هين



وربنا يبارك في ايامنا وايامكم
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: هل تساعد زوجتك في المطبخ ؟؟؟

مُساهمة من طرف اقبال عبداللطيف في 12th أغسطس 2011, 22:20

السلام عليكم
كدي نشوف باقي خبرات الجماعة
ابوهريرة تعالنا بقادي في اشهر الطبخات عندنا إفطار جماعي..والعدة دي البغسلا منو يادكتورة؟
احترامي


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: هل تساعد زوجتك في المطبخ ؟؟؟

مُساهمة من طرف ابوهريرة عثمان عبدالسلام في 12th أغسطس 2011, 22:28

الاخت اقبال انت ما تعشمى فى مساعدة تاكلى نارك براكى

بس كان ام وشا ملون دى غسلت ليكى العدة حظك
avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: هل تساعد زوجتك في المطبخ ؟؟؟

مُساهمة من طرف محمود منصور محمد علي في 13th أغسطس 2011, 01:15

ياجماعة ما تعملوا ليكم مشكلة في الفاضي.... مش العدة دي انا بغسلها ليكم ... تاني عاوزين شنو...
المهم انو العزومة تتم والاكل يطلع كويس والناس تنبسط
تحياتي

الاستاذة اقبال تم تسجيل الاستاذ احمد كوكو في الجمعية والرجل يعتبر مكسب كبير جدا الف مبروك...

الاستاذ ابوهريرة بالله عليك الصورة دي شنو؟؟ رجع لينا صورة لوران باغبو وبسرعة...

الدكتورة احسان ما تشيلي هم المابغسل اليوم حتما سيغسل غدا واولهم فيصل ود عمي خليل

استاذ احمد كوكو الله يعطيك العافية ومشكور على المرور ودعمك للرئيس التركي والذي هو دعم للعدالة الاجتماعية
تحية لكم جميعا
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: هل تساعد زوجتك في المطبخ ؟؟؟

مُساهمة من طرف ابوهريرة عثمان عبدالسلام في 13th أغسطس 2011, 02:01

انا الليلة قلت محمود اخوى دا الخلاه ما يخش المنتدى من بدرى شنو تارى العدة كتيره

الله يعينك ياخى
avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: هل تساعد زوجتك في المطبخ ؟؟؟

مُساهمة من طرف محمود منصور محمد علي في 13th أغسطس 2011, 07:49


اها يا ابوهريرة غسلت العدة وكمان الفطور جاهز لكن بعد الفطور انت حتغسل العدة,,, تفضلوا
تحياتي
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: هل تساعد زوجتك في المطبخ ؟؟؟

مُساهمة من طرف nashi في 13th أغسطس 2011, 10:20

اممم مممممممممممممممممممممممممممممممLaughing

صايمين ياجماعه

نفسي في صحن الطعمية معزومه عندكم غايتو يا محمود
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: هل تساعد زوجتك في المطبخ ؟؟؟

مُساهمة من طرف ابوهريرة عثمان عبدالسلام في 13th أغسطس 2011, 10:31

والله يا محمود انت بطريقتك دى حتجنن ليك صايم عديل كدة



وبالناسبة دى قالو فى واحد شحاد بشحد فى مسجد سيدة سنهورى فى المنشية طبعا دا مسجد لوصليت فيهو تقول السلام عليكم تلقى يميينك نافع وشمالك عوض الجاز

والشحاد دا جا صدفة يشحد فى الجامع دا قام واحد من المصليين اداه ربطة اظنها من ابو خمسين قام مسكها كده وعاين للرجل وقال ليه ياخى انا خلينى لكن انت بطريقتك دى حتجنن

ليك شحاد عديل كده

وشوف الدكتورة قالت الطعمية
avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: هل تساعد زوجتك في المطبخ ؟؟؟

مُساهمة من طرف Ahmed kuku Ahmed في 13th أغسطس 2011, 13:28

والله يا ود منصور بالغت عديييييييييييييييل كده صينيتك دى تقابلنا بيها من الفجر كده ’آه انا حجزت جوا وفاطر معاك الليلة
avatar
Ahmed kuku Ahmed
نشط مميز
نشط مميز


الرجوع الى أعلى الصفحة اذهب الى الأسفل

رد: هل تساعد زوجتك في المطبخ ؟؟؟

مُساهمة من طرف Ahmed kuku Ahmed في 13th أغسطس 2011, 13:31

سلامات الدكتورة

وصيتك سمحة ولكن غسيل العدة

تارى معاهو قديم
avatar
Ahmed kuku Ahmed
نشط مميز
نشط مميز


الرجوع الى أعلى الصفحة اذهب الى الأسفل

رد: هل تساعد زوجتك في المطبخ ؟؟؟

مُساهمة من طرف Ahmed kuku Ahmed في 13th أغسطس 2011, 13:35

استاذ ابو هريرة ما تخليلها مستورة الجماعة اياهم لو سمعوك ايييييييييييييييييييييييييييييييييك يا ويلك

مع تحياتى
avatar
Ahmed kuku Ahmed
نشط مميز
نشط مميز


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى