ابوجبيهه

استراحة مع عكير الدامر

استعرض الموضوع السابق استعرض الموضوع التالي اذهب الى الأسفل

استراحة مع عكير الدامر

مُساهمة من طرف محمود منصور محمد علي في 24th أغسطس 2011, 14:43

عكير الدامر هو علي إبراهيم عاكير والده من البجا، وأمه من الجعليين بالدامر، وارتبط اسمه بالدامر حيث ولدفيها عام 1906 وتوفي فيها عام 1990 ومن اشهر قصائده الغنائية قصيدة يامولاي

يا مولاي أه من غلبي
من النارو حرقت قلبي

يا مولاي بشكيلك شقاي و غلبي
حظي الديمة من ريدة الأنيس جافلبي
طالت السفرة و إتحفت مناسم?? تلبي
هب الريد تلبي و عاودك الحنين يا قلبي


مالك نفسي مطعونة تملي تنيني
مالك عيني لي الغميد أبيتي تليني
عطشان ديما طفح الموية ما برويني
كاتلاني الطريفية البريدا غريني

الناس عيدت مرقت علي أصحابا
و أنا فريت علي الجاهلة السمح ترحابا
فاطرًا يحكي براق البدودي سحابة
دي لفت قلبي زي لف طرحتا اللافحابا



يتمني الدهب لو لونو يشبه لونك
إشتهت الدرر لو هي تبقي سنونك
مجنون ليلي حالتو أقل من مجنونك
ما دام ليلي كانت في المحاسن دونك


عصباً عني فارقت الضريح لي ربي
كل ما هب نسام منو زاد في جمري
جرحي القرب يبري الداير يبدر عمري
بدرو ليّ تغريد بلبلك يا قُمري

أخضر ليهو ضل فوقو المحاسن شرن
و أفلج فاطرو زي برق السواري الكرن
يتقسم مقاطع في المشي و يتحرن
زي فرخ القطا الأماتو ركن و فرن


عمي الهادي نشاب البريدا ضربني
قسم نومي من تيبان حيايا سلبني
حاكم الصافي أبي يقبل سؤالي صدمني
صبري الكان جميل جربتو و كلو غلبني

عن من أحب أنا غير خاطري فرقت
هايم بي غرام عن حالتي كنت سُرقت
لولا أدمعي ،من ناري كنت حرقت
و لو ما ناري من كترت دموعي غرقت

ختت أيدها فوق إيدي انجذبت خِدرت
حبيت أمشي من كُتر الطرب ما قدرت
بقت الحنة بين إيدي وأيديها اندرت
لولا الحنة بيني وبينها كنت ودرت

شعرك منتظم زي السلاسل فتلو
وعينيك ترقِص الحجر ان بقت شافتلو
الطاؤوسة قاصدة مشيكي ما عرفتلو
وأعصاب الرآك أتكهربت تلفتلو

ممشوق القوام الماوجدتا مثيلو
جفاهو معاى ولا محنة غيرو
جافانى العزيز الكنتا ديمه نصيرو
هو يسوى الغلط وانا اسوي كتر خيرو
]

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: استراحة مع عكير الدامر

مُساهمة من طرف فيصل خليل حتيلة في 24th أغسطس 2011, 15:21


أخضر ليهو ضل فوقو المحاسن شرن
و أفلج فاطرو زي برق السواري الكرن
يتقسم مقاطع في المشي و يتحرن
زي فرخ القطا الأماتو ركن و فرن



شعر غاية الروعة و االجمال عمو محمود


وينك يا عمو ياخى و الله مشتاقين ليك حار


تحياتى

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: استراحة مع عكير الدامر

مُساهمة من طرف محمود منصور محمد علي في 20th سبتمبر 2011, 22:28

شكرا الاستاذ الشاعر المبدع فيصل على المرور
ولو حافظ لعكير الدامر ارجو الا تبخل علينا به
تحياتي

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى