ابوجبيهه

شعراء البادية ـــ الهداء والجرداق فى بادية الحوازمة ــــــ كردفان ابوجبيهة

صفحة 1 من اصل 4 1, 2, 3, 4  الصفحة التالية

استعرض الموضوع السابق استعرض الموضوع التالي اذهب الى الأسفل

شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف يعقوب النو حامد في 30th أغسطس 2011, 18:26

ثعريف ـ الجرداق يتعلق بوصف المراة وجمالها

ـ الهداي هو الشاعر الذى ينظم الشعر في الرجال و يمجد صنائعم في الكرم او
الفروسية والحكمة وما الى ذلك.

الجرداق و الهداء - هذا النوع الادب يخص قبائل البقارة دون غيرهم.

اما بالنسبة للطمبور فهو يخص كنانة. بالرغم من ان الطمبور هناك قبائل اخري تغني الطمبور, كالجوامعة و البديرية.

من اشهر الجرداقين والهداين في ابو جبيهة
بليلة الساس وهو موجود في فريق الشيخ حارن.

عمر البنجوس كان جرداقي راقي جدا وهو من الاحامده جاء الي ابو جبيهة واستقر مع الحوازمة .

ومن اشعار٥

الغرام خليته ما خلانا ـ سافرنا البحير ركب البواخ جانا
واي طفنا الجنوب و شفنا اركانا ـ منظر حارنة ما لاقنا
يا ام خشيما ثوترن بعد الصيانة


والى لقء اخر يعقوب النو


عدل سابقا من قبل يعقوب النو حامد في 24th مايو 2013, 00:20 عدل 1 مرات
avatar
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف nashi في 31st أغسطس 2011, 03:52

يا ريت تواصل بدون توقف اخي يعقوب لانه منتدي تراث المدينه كتابه قله وكمان بخيلين

فارجوك لا تبخل بما عندك

وكل عام وانت بالف خير

ومنتظرين مزيد من الابداع
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

الجرداق , الهداى و الطمباري/ يعقوب النو حامد

مُساهمة من طرف يعقوب النو حامد في 31st أغسطس 2011, 05:59



الحقيقة حبيت ان اثحدث عن شعر صار منسيا وشعراء ملاءوا الارض ضجيجا في ماضي الايام.

ساكتب عن عمر خير الله (البنجوس)

وهو يلقي شعر عن بنات الحوازمة




ببلش الجهل بتركه فى حلاته
امكزم الفراق بقينا في حالاته
ياللابسة شباطة من شركة باتا
اليوم يالغاليه يادور اتي من ستاته
لهيجك من حلاته بنسب غلى خالاتة
غالية بت بكان للبشرى من بناته
الزول حديثه فى صدره اخير من شتاته
ليكي عشوق من صغير تاته
ببكي للبن وشايلاتنة اخواته.






عدل سابقا من قبل يعقوب النو حامد في 23rd مايو 2013, 23:39 عدل 1 مرات
avatar
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف Suhad Abduelgfaar في 31st أغسطس 2011, 13:43

اليوم يالغاليه يادور اتي من ستاته
لهيجك من حلاته بنسب غلى خالاتة ......
نعم البساطه والطيبه والطبيعه
والجمال الربانى من غير مكياج ولا
كريمات جمال
طالع من الداخل
ومتوارث من الخالات والعمات والحبوبات .
تسلم اخى يعقوب
بتمنى انا تتحفنا اكثر بالجميل من اقوال (الجرداق والهداى والطمبارى)
لكى نحافظ على ارثنا من (الانقراض)
ولكى نقول للاجيال القادمه( نحن هنا)
التحيه لكل الذين زكرت اسماءهم والى الذين لم تزكر اسماءهم .
كل عام وانتم بالف خير
avatar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

الجرداق والهداى و الطمبار ييعقوب النو حامد

مُساهمة من طرف يعقوب النو حامد في 6th سبتمبر 2011, 20:43

اود ان اشكر
الاخوات سهاد وناشي على هذا التشجيع واتمنى ان تجود الذاكرة ولو بالنزر اليسير مما كنت احفظة.

للشاعر الجرداقي عمر البنجوس

الشتلة ام حرسا لئيم ما بلاعب فيها
الداير الفواكه كله عانيها
ارجوك ياطير الرهو سلم لي عليها
تسلم من النار و البطن الجيباها
ان جيت ازورها لقيتهم منعوا التذاكر
من العيون ياربي يا ساتر
الرقيبه القايدى دستوري فيها نازل
جيب سلامة العقول بكومة المغازل
ياخي يابرشيرش لوتدرى بالحاصل
اهلك حاربونى وكترو المشاكل
مخروطة الضمير المحبه ليه ناسيها
ياليمونه الشالت عقلى وانا سهيت بعاين ليها

معظم اشعار البنجوس كانت في الغزل لقد انشغلنا فترة من الزمن بهذا النوع من الادب في مطلع السبعينات.
avatar
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف ادم محمد ادم سراقه في 6th سبتمبر 2011, 22:49

و الله هذه قمة الروعه يا ود النو و انت رجل مبدع قديم
في تجديد قل ان تجده عند مثقف مثلك!!
حفظك الله باعثا لهذا التراث الجميل و قد لامست هوي قديم في
قلبي يا محط الروعه و الابدع حفظك الله حازميا يحي تراث كنانه و غيرهم و سألون لك سند و ارفدك بمزيد من شعر الهدايين

ادم محمد ادم سراقه
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف خدورة أم بشق في 17th سبتمبر 2011, 11:38

ومن أمجدهم شعراً عمنا أبو خال أم جيدة ...

كان يأتي للسوق فيمدح مباشرة من الراس ويجود له بعض من أعمامنا بالسوق ببعض المال ... والويل كل الويل إذا طنشته .. وفي مرة من المرات أتى السوق هدى ومدح قدام دكان عمنا مصطفى الشفيع وأخونا فانامي طنشه ... فتركه وتقدم حتى أتى دكان عمنا يس منصور وهنالك أعطاه عمي يس أب قرشين... فقال مادحاً عمنا يسن وذاماً من لم يعطوه فقال:

لاقيت الراجل الزين

الهاش الباش ول سيدين

أبو منصور أداني أب قرشين

أخير من عيال الشفيع التتين

خدورة أم بشق
مشرف منتدى الشعر
مشرف منتدى الشعر


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف محمد النو في 18th سبتمبر 2011, 17:36

مشكور عم فضل على الذكريات الحلوة والجميلة الذاكرة فيها الكثير من الماضي والتراث
ربنا يحفظ الجميع

avatar
محمد النو
نشط مميز
نشط مميز


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف غريق كمبال في 19th سبتمبر 2011, 10:07

والله يا يعقوب انت بالجد مبدع ولسع حافظ الجرداق ده كلو

الله يحفظك

لاول مره اعرف ان عمر عبدالله جمعه طمبارى مشهور

شكرا يا ود النو يا راقى

منتظرين
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف محمد قادم نوية في 19th سبتمبر 2011, 14:59

شكراً لك كتير ول أبّا النو(ياقوب).. تمتلك ذخيرة كبيرة من الأمثال و المقولات المأثورة في مجتمعاتنا
الهداي طبعاً أشتهروا به أهلنا (الحُمُر) وكل الناس تهاب الهداي لأنه سليط اللسان ..وياويلك إذا لم تكرم نزله.. ومن أشهر الهدايين أذكر منهم (ام بارات).. قيل نزل عند أحد وجهاء القبائل عُرف عنه بالكرم والجود وكانت تلك السنة سنة جفاف؛اها قام هذا الكريم أكرمه بماعنده ..وكان ديك صغير(فرّوج)بالدارجي ؛أها لمن جا عند منزلته .سألوه :إنشاء الله فلان أكرمك ؛قال ليهم:ضبح لي( فِريريج) وأكلوا معي .. شوف قمة السخرية
ليتك تواصل لنا في هذا السرد الجميل
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف يعقوب النو حامد في 20th سبتمبر 2011, 05:03


الاخوة الاعزاء
ثحياتى ليكو جميعا مشكورين كتير على المتابعة


الجرداق له معانى كثيرة.

قال احد الهدايين في ايام المهدية يمدح فيها الامام المهدى عليه السلام.

داعور الفقرا سليتة
كن مهدى بايعناك
وكن فحل رجال
فحولة كى تبعناك


كان فى هداى بيشكر الصعيد (ام خميرة و مناطق ليا و )

فقال لمحبوبتة
الله والله امشى صعيد الحلفا
ما تمشى صعيد الرواوقى
كن مشيتى صعيد الحلفا
العجلة كن تنية تجيكى معشرى
والجدعة تجيكى مبكرى
والبكر تجيكى متنيى
لحم الزراف تقيلى بى
وكن مشيتى الخلا
من كد الدوم تعيى
وكن مرقتى لى برا الزعف ----- بيه

كن مشيتى صعيد الواوقة
صعيد الرواقى بكبر البطن وبرقق الليدى (الايدى)
ابدقلى بقتل و اب فرار بجنكب لية

القصيدة هذه الهداى بيشكر بلدنا الصعيد(امشرموط وليا وواجة) ويبخس منطقةالرواوقة وهى كادقلى و صعيدها الحلفا هم حوازمةالمنطقة الشرقية

نسيت الكثير
ولكن الى لقاء اخر

يعقوب النو


avatar
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف غريق كمبال في 20th سبتمبر 2011, 14:45

لله درك يا ود النو

رجعتنا 30سنه لى ورا

ايام الزمن الجميل

بعدين انا بزكر اننا كنا مخرفين فى العباسيه 72او71وكان البنجوس فى عز صباهو

والناس تتحلق فى المساء فى خلوة عمنا حامد ابوشنب والبنجوس يتحف الجمهور بالجرداق

وطبعا الحاجه المتزكرها الناس بتشكروا وبتقول ليهو البنجوس العجيل المرضع الما عجيل كوس

وطبعا ازكر جرديقه كان بكررها كثير وكل الصبيان والصبايا حافظنها هى

اشتياقى كتير وكتير الناس عارفنا

يا السايق الباحات للمريود وصلنا

نازل ديس التومه حاوت الاكتاف ماشطنا

خايل قديم التومه مع الشبط لابسنا

انا ازتنى التومه الفى اللعب تتنا

انا ازتنى التومه ام لهيجن كيف طيرت الجنه

قدريشنا فى القلطه دى مسامحنا



نسيت الباقى هى جرديقه طويله


وكمان فى واحد سليمى بقولليهو البنك ده كمان جرداق رهيب بيجى فى بادية اولاد حميد فى الصيف وبجردق فى الحفلات

الجرداق واحد من الفنون المنسيه يجب المحافظه عليه


التقيت البنجوس قبل عام ووعدنى بزياره وتسجيل شريط من النوع القديم وماجد عنده من جرداق


اهلنا سليم مولعين بالجرداق انا بسعى ان شاء الله للتوثيق منهم


تحياتى با ول ابوى النو
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف محمد قادم نوية في 20th سبتمبر 2011, 15:01

غريق كمبال كتب:

اشتياقى كتير وكتير الناس عارفنا

يا السايق الباحات للمريود وصلنا

نازل ديس التومه حاوت الاكتاف ماشطنا

خايل قديم التومه مع الشبط لابسنا

انا ازتنى التومه الفى اللعب تتنا

انا ازتنى التومه ام لهيجن كيف طيرت الجنه

قدريشنا فى القلطه دى مسامحنا

مااجمل هذي المفردات البسيطة التركيب وكبيرة المعني
لم أجد أجمل من تراثنا الخالد
شكراً يازعيم ..فهل لنا المزيد من هذا الإرث العظيم؟
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف غريق كمبال في 20th سبتمبر 2011, 16:03

شكرا يا ول نويه

الزاكره اضحت خربه هذه مقاطع انتزعتها نزعا بعد مجهود اعدكم اننى اسعى ان اوثق لهذا التراث الجميل
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف ادم محمد ادم سراقه في 20th سبتمبر 2011, 17:43

الجرداق من الادب الشعبي الجميل و هناك شاعر جميل من اهلك المسيريه بتكلم في واحده اتزوجها مغترب و سافرها بيها وقال
ام سلمه عوض الله ام خطيبا سعودي
قام بيها قومة حودي
انا شاعر موزون بتكلم فوق حدودي
ام سلمة ذاتا من نسبة اعمامي و جدودي!!
وايضا من شعر الهداي في مشكار الرجال
قال الشاعر اب بزل
بابو ولد احمد دا دابي الترا
ولد الراجل الزين الماك ول مره
ابو عناقريبا مجدعات في الضرا
بابو يوم شاف الضيفان خروفا تكا
ابو غنما بقلبن من الفلا
ولد ام هويدا ابوعينا حمرا
مات قابل ربه انا بدور رده
و الجرداق من اروع تراث الباديه و هو موجود حصريا في بوادي البقاره

ادم محمد ادم سراقه
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف يعقوب النو حامد في 20th سبتمبر 2011, 19:24

الكريمة

اشكرك اخى غريق على هذه الابيات الجميلة صراحة قدمت عمل رائع انت الان فى ابو جبيهة يمكنك ان تقدملنا الكثير وتجمع لنا عدد كبير من شعر الهدايين.

ارجو ثجمع لينا قصص من العم الداهية بريقع والد الاخ البشارى ادم بريقع لانة كنت ارى فيه الراوية الماهر. وادينى اخبار العم محمد المدنى.

و شكرا

اشكرك يا اخى خدور امبشق على مشاركة الشاعر ابو خال ام جيدة

اذكر كان بيشكروا بيقولوا لية -- (ابو خال ام جييدة التبع الصبق الجيزة)

هو حقيقة حدث مهم

اشكر الاخت سهاد على هذه المتابعة لى بوست الجرداق
و كل عام و انتم بخير و سلامى للاسرة

ول نوية سلامات ومشكور على الفروج. ارجوك شوف لينا فريريج من اهلك الحمر لان الهدايين كتر عندهم. كان المرحوم الجد حامد صالح يحفظ الكتير عن اشعر الهداين

اذكر كنت امارض جدى حامد فذكر لى اشعار من ايام يحيى شكلة الفارس المشهور.
وعندما قتل رثاة ول بريرة. وكانت مرثية جميلة جدا عن هذا الفارس.

صراحة لم اسجلها منه.

اخى ادم محمد ادم سراقة.
تحية و احترام

والله كنت احفظ الكثير عن تراث اهلى كنانة طبعا فى جبرونا كنا ساكنين جوار بعض وعارفين الكثير عن ادب هذه القبيلة

ومن الدلالين الكث
وردى مشتولا يوم الجمعة زيارة مقبولة
يوم الجمعة جنى لى احلام
يوم الجمع لقيت غزال الشام
الزول الجننى شليخو من قدام
يوم الجمعة جان لى خبير
الزول الننى شليخو درب الطير

صراح كنانة رايعين


ود النو
avatar
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف يعقوب النو حامد في 20th سبتمبر 2011, 20:10

ادم حامد هو من الرحمانية ويلغب ب (التيلفون).
كان الناس فى الزراعة العمل مضنى فحاول التيلفون
ان يفرفش الناس

فقام بنظم ابياتمن الشعر

كن لى محمد ول هاشم دا التور الاغر
ام دورى مرتة هزت فوقة وقلت لية
القش السنة دى نوروا الشر

وكن لى ادم ولد الدابولة
دا تغل و لقى لية حميض

وكن لى حامد ول حمودة
هنا ما حش حقتا غبينه

وكن لى ابو مريم انعل ابو القطن و موازينه
( ابو مريم هو عمنا التيلفون)


القصيدة طويلة لكن نسيتها

هناك مرة جات زعلانه
ات ابثشكر الناس دول كلهم مالك ما اب تكرن

فقال فيها

فوق الباقات اتى دى الجركس
و فوق الجداد اتى دى الجدادة ام دنكس
و فوق الحراب اتى دى حربة ابو رقيبة ام كبس


ابونا التيلفون لا تحلى الجلسات الا بوجوده فهو من ظرفاء الرحمانية
ود النو
ارجو من محمد النو الاضافة اذا عندو معلومة
avatar
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف ادم محمد ادم سراقه في 20th سبتمبر 2011, 22:04

و الله يا ود النو رجل رايع ولو حضروك الجرداقين لملأو الدنيا
مدحا فيك و يالجد قل ما نجد شباب يهتمون بهذا التراث الداعي
الي الكرم و الشجاعه و ذكر محاسن المرأه و حسن الخلق
فأنت بدوي اصيل اخذتك المدينه خلسة علي حين غرة من فرقان الحوازمه حفظك الله بدويا مجددا لتراث الاهل !!

ادم محمد ادم سراقه
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف غريق كمبال في 21st سبتمبر 2011, 10:37

شكرا يا يعقوب

عمك ادم بريقع انتقل الى الرفيق الاعلى قبل خمس سنوات

الاخ سراقه انت رائع وزكرت كلمت حودى كده ورونا معنى حودى ده شنو

اديكم واحده من جرداق اهلنا سليم

يا مسافر بعيد بتين تعود للوطن راجع

انا البقيت مريض تانى مانى نافع

لتيبت الفيض المتمم شرابا عاجبه المزارع





avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف غريق كمبال في 21st سبتمبر 2011, 15:00

واحده من جرداق اهلنا سليم

مالك يا غرام بعد قلبى ما اقتنع

مجروح فؤادى زاد على الوجع

وين النيه الفى المشى تتفدع

دارسه العمود سايرين معاه بتترنع

حنبجير الجاهله الفاج المساير يرنع

وشك يا جاهله قمر السبعات الطلع

خشيم الجاهله برنجيه فى القطن فقع

عده وفات انا زمانى ياريت تانى يرجع

بعد الفراق انا دمعى سال ما انقرع


جسم الجاهله كيف الطفل البرضع

بنادى بفضل الاه للشمل يجمع

وين الجديه الضاربه الخلا بتجدع

شاف الانيس من الزوال نجع
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف يعقوب النو حامد في 21st سبتمبر 2011, 21:46

حودى ــ هو الاعصار او العصار
وعندما قال-- قام بيها قومة حودى ـ يعنى انها سافرت معه بالطيارة الى خارج السودان. طبعا فى الفريق عندما يجى العصار على الفريق النسوان بشيلن السكاكين و بيقولن حودى ما تقشانا النبى معانا
هذا تشبيه جميل لان الطئرة و الاعصار كلاهما يتجهان الى السماء
avatar
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف يعقوب النو حامد في 21st سبتمبر 2011, 22:37

التومة قصيدة
للشاعر ولد الكبراى ـ هو من اصحاب الادب الراقى
ولكنة قتل ولم يعرف قاتلة. انا لم احضرة ولكن كنت اسمع الالقاء من الوالد النو حامد والخال حسن البشير عندما يتحدوثوا عن ايامهم الخوالى.

يالتومة يالتومة يالتومااااا
دبوقة التومة بالشعر مردومة
مشيت التومة الخواجة نكولا
نفيس التومة فتيل مايقوما
كلمة التومه موزونة تماما
سنون التومة حبوب مفهومة
عيون التومة براق الليل بضوى بين نجومة
كلام التومة بدخل للزول بينة وبين هدومة
البسالم التومة كن مات ما حسفان على يومة

يالتوم يالتومة يالتومااااا

ه
ذه القصيدة تعتبر من الادب الخالد للحوازمة
وهى منذ ايام الاستعمار الانجليزى

لقد بخرت من الذاكرة. ولكن معكم القليل لتتمعنو فيه وشكرا

يعقوب النو
avatar
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف يعقوب النو حامد في 21st سبتمبر 2011, 22:43

اخى غريق
رحم اللة العم بريقع رحمة واسعة و ادخلة فسيح جنات معى الصديقين والشهداء. ارجو ان تبلغ التعازى للاخ البشارى
avatar
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف يعقوب النو حامد في 21st سبتمبر 2011, 22:50

اللخوان سراقة وغريق بصراحة قدمتو عمل رائع جدا
ان حميت ليكو النقارة ارحو منكو تطلعوا المخزون

ود النو
avatar
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف غريق كمبال في 22nd سبتمبر 2011, 13:21

شكرا يا ولد النو

من جرداق سليم

ست ريد البنات بحبك بقتنع

بنده ليكى الوصوفى الحج زار البيت ورجم الشيطان

وطلع عرفات وطاف بين الصفا والمروى

تامه الصفات جميله مضمره

بنده ليكى الصوفى الزاهد عابد ربه بقيم الليل بركع

الماثور انا من الفراق متلوع
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف فيصل خليل حتيلة في 22nd سبتمبر 2011, 14:33


بالجد تسلموا

مشروع ابداعى متكامل

تحياتى
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف ادم محمد ادم سراقه في 23rd سبتمبر 2011, 09:54

الهداي هو اروع من يوصف محاسن المرأه في عفه تامه علي عادة شعراء الجاهليه و احيانا بستخدم اسماء بديله في حالة ذكر المحبوبه فلا يمكن له التصريح باسمها اما عامة النساء فلا بأس من ذكر الاسماء

الدنيا اكله و شربه اخرها كوم تراب

فيا مثل ضربو لينا الشياب

مشيت سوق الشراب لقيت الحنضليه السكر لابسه توب الرباط

بلا ام سيحان الكرفت البارود و شافت الضراب

الجننت الشباب دي ام مهاني يوم قامت يداب

لاحظ في الفقره الجايه الشاعر استعار العرضيه للممدوحه و لم يصرح باسمها

كن نايم بقول العرضيه و كن قايم بقول العرضيه

العرضيه ديك لي هلاك بصوره رسميه

اسمها الحقيقي ما العرضيه لكن داك خليتا بالنيه

اخواني لو مت بسبب العرضيه

اعفوني ما تشيلو تار و ما تشيلو ديه

بشكر العرضيه جاني ام شحاح قال لي اب بزل وصفك للعرضيه

فوق بنات المسيريه

كن فوق الفلايته سروريه

و كن فوق العجايره عمرانيه

العرضيه عيونا هلال الضحيه عيونا فناجيل جوه الفضيه

كن فوق الرزيقات من الماهريه

العرضيه فوق البقر بحب السليميه

الوزينه ام درقات الماكي كنجيه

ادم محمد ادم سراقه
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف ادم محمد ادم سراقه في 23rd سبتمبر 2011, 10:07

النقاره يوم ضربتا

طرت بنات اسرتا

انا قاعد مشاهتا

من بدايتا لنهايتا

فاطمه اضليم هزتا الكوبيه بالظهر جابتا

ام جبر حامد النقاره بتفنتا

البلد الفوقا البنات السمحات انا شبر ماني فايتا

اوريكو البت القصاريه بحنتا

المطبق حكيتا

مبروكه هناك لينا زيارتا

البت لما جات و قدمت لي هديتا

دي صوتا مسكتها اليوم دا كله بتفرج فوق سبيبا

مسيرتا ضراع المكضب اللجي يقيسا

و الكلام دا كله بريد اختا شقيقتا

الخضيره خضرة الليمونه الفوق الجنينه سيتا محوشا

و بغفيرا حارسا الجمال نسبتا قايم من فريقا

ادم محمد ادم سراقه
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف غريق كمبال في 23rd سبتمبر 2011, 18:44

التحيه ليك يا سراقه والله ابداع

الهدايى فن رفيع اشتهر فى غرب السودان

عمك ابو قطاطى فى ابوجبيهه من اشهر الهدايين
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف ادم محمد ادم سراقه في 23rd سبتمبر 2011, 21:29

تشكر اخي العزيز غريق يا محط الروعه و الزوق
ولد النو دا راجل فارس الا نقطع فوقا غنيي لانو جدد لينا فن نادر في طريقه للانقراض
عندنا طمباري من اهلك الكواهله في كلوقي اسمه حجازي ود ابشنب قال
اخواني المعاي قالو لي مجنون
و ما عارفني قاعد فوق جمر كانون
العيون سهم و الحواجب نون
خلاص قطعني بي فوق لي عمل ليمون
و قال بشكر في واحده اسمها حليمه ام رسن
امك تقول حلايم
و ابوكي بقول حلايم
و اخوكي بقول حلايم
البطن الجابتك فيها القرنفل قايم
ريقك عسل جابوه فطور للصايم

ادم محمد ادم سراقه
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف اقبال عبداللطيف في 23rd سبتمبر 2011, 22:34

مرور وتحية


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف غريق كمبال في 24th سبتمبر 2011, 09:48

سراقه

يا للروعه
انت عارف الجرداق والهدى والتطمبر ديل فيهن ادب راقى ومنسى وزى ما قلت فى طريقه الى الانقراض

انا كنت زمان مولع بالفنون الشعبيه الزى دى لكن والله اسع يا اخوى ادم الزاكره مع السكرى ده بقت راكوبه فى الخريف

ماقاعد ازكر اى حاجه لكن اعدكم انا راجع ابوجبيهه فى الايام دى احاول الملم ليكم كم قصيده من الجماعه

البوست دا يستحق التثبيت
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف ادم محمد ادم سراقه في 24th سبتمبر 2011, 20:40

اخي الراجل الزين غريق ولد العمده
تشكر و نأمل انك تمشي و تجينا و الربك مليان و مفضل
طبعا زمان الناس بخافو من الهداي و الجرداقي و الطمباري لان معيارهم تعيس حار في واحد عير واحده قال ليها
انت بتحبي ليكي واحد تمباكي
يوم الخميس شفتا واقف معاكي
و دخل ايدا في جيبا و طلع قروش اداكي
و دردم سفتا حتي الكلم معاكي
الله شالكي و ختاكي
في اللابسين الابرولات و الكاكي

ادم محمد ادم سراقه
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف صباح حسن عبد الرحيم في 24th سبتمبر 2011, 22:23

يا سلام بوست جميل ورائع .....
مشكور صاحب البوست وكل الاخوة
يديكو العافية


صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف غريق كمبال في 25th سبتمبر 2011, 14:57

شكرا سراقه

التمباكى ده الهداى ما جننو جن
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف محمد قادم نوية في 25th سبتمبر 2011, 15:15

ادم محمد ادم سراقه كتب:اخي الراجل الزين غريق ولد العمده
تشكر و نأمل انك تمشي و تجينا و الربك مليان و مفضل
طبعا زمان الناس بخافو من الهداي و الجرداقي و الطمباري لان معيارهم تعيس حار في واحد عير واحده قال ليها
انت بتحبي ليكي واحد تمباكي
يوم الخميس شفتا واقف معاكي
و دخل ايدا في جيبا و طلع قروش اداكي
و دردم سفتا حتي الكلم معاكي
الله شالكي و ختاكي
في اللابسين الابرولات و الكاكي
شكراً يا سراقة..ضحكتني كيف ..كُنت مدبرس بكمية من الشغل ..لكن عندما قرأت كلام ده أنبسطت شديد
هكذا بيئتنا مليئة بالطرائف وحلو الحديث والذم لمن يقع في المحظور ..والتمباكي منبوذ في مجتمعنا مهما كان وضعه الإجتماعي
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف يعقوب النو حامد في 26th سبتمبر 2011, 05:09

يسلام يا سراقة انت يادوب نزلت بى تقلك
هذه القصيدة صراحة ادب راقى


اخواني لو مت بسبب العرضيه

اعفوني ما تشيلو تار و ما تشيلو ديه



فوق بنات المسيرية

كن فوق الفلايته سروريه

و كن فوق العجايره عمرانيه

العرضيه عيونا هلال الضحيه عيونا فناجيل جوه الفضيه

كن فوق الرزيقات من الماهريه

العرضيه فوق البقر بحب السليميه

الوزينه ام درقات الماكي كنجيه

بالنسبة لى صراحة يا سراقة فتحت شهيتى لاسمع منك الكثير
وشكرا لك
يعقوب النو
avatar
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف يعقوب النو حامد في 27th سبتمبر 2011, 05:26




اردت ان أن اعدل فى بعض البيوت لان هناك اخطاء كتيرة


بعض الالغاء للشاعر عمر البنجوس
عن بنات الحوازمة

ببلش الجهل بتركه فى حالاته
امكزم الفراق بقينا في حالاته
يا اللابسه شباطة من شركة باتا
اليوم يالغاليه يادور اتي من ستاته
لهيجك من حلاته بنسب على خالاته
غالية بت بكان للبشرى من بناته
ليكي عشوق من صغير تاته
ببكي للبن وشايلاتنة اخواته
avatar
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف ادم محمد ادم سراقه في 30th سبتمبر 2011, 09:06

اخي و د النو العرب قالو الاذن تعشق قبل العين احيانا
لقد جذبني اهتمامك بفن الباديه و اصبحت اتابع كتاباتك
حتي الثماله
و انا حاديك المزيد من شعر اهلك عيال عطيه
اب زيد الهلالي يوم ضرب المثل
قال اخر الزمن بكتل الشدر و بقل المطر
الكلام دا في بلدنا حصل
ما خلاص الكلام دا وصل
الفساد فوق البلد ظهر
النفوس اتكابرت الناس بقت تمسك الزعل
اخوك كن غلط عليك و جات اعتزر
بتقول الراجل دا فصل
اعوذ بالله من عيشة الجهل
الكلاب ذاتن خلن الشكل
الطيبه الجماعيه معاها الناس تتواصل
انا عندي شباب خطر بضرب بيا المثل
فوقهم انور ابشر ابوجودا بلمح المطر

ادم محمد ادم سراقه
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف ادم محمد ادم سراقه في 30th سبتمبر 2011, 09:18

و في مشكار الرجال الهداي قال
الناس قالو فضيل انا قل ليا ولد العرب الاصيل
انت يا الصقر ابابيل
كن لدم بصدره بخنفره بشيل
فضيل الحازمي الاصيل
الدبيب الدافن المرق يوم اللين
انت السمع الصاري البشرب المصارين
تور ام سقادو الهجم الغافلين
اخي ياقوب النو في مفردات تحتاج لشرح زي
السمع : حيوان مفترس جمعه سموعه
تور ام سقادو: هي كنيه للفيل الكبير
انت طبعا لسان العرب و امريكا لم تغير فيك شيئ
و الله كنت مفتكرك سايرمع الضعاين

ادم محمد ادم سراقه
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف محمد قادم نوية في 30th سبتمبر 2011, 09:49

شكـــــــــــراً ياسراقة كلام جميل ياخي يحكي عن فصاحة وحضور البهدية لدي أهلنا البقارة

وذي ماقلت في كلمات محتاجة لشرح لأنها وليدة بيئة خاصة ومحلية للغاية

بس ماتقول لينا "سايرين مع الضعِيني"
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف ادم محمد ادم سراقه في 30th سبتمبر 2011, 12:56

اخي ول نويه هو فيا بكان احلي من الخلا و لا فيا شغل احلي من الضعاين ؟!
ود النو رجل اصيل امريكا بكل بهارجها و امكانياتها لم تتمكن
من انتزاع حب الباديه من داخله فله التحيه و لك انت كذلك
لانكم نماذح قويه لاهل الباديه في زمن قل فيه التمسك بالعادات
الله يحفظكو في بلد الغربه بركات ابوحوه تور الصعيد!!

ادم محمد ادم سراقه
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف غريق كمبال في 1st أكتوبر 2011, 13:13

قيلتو طيبين يا جماعه

سراقه انت مبدع وول حبوبات بالجد

عيال النو سلام جاكو من الحباك الناس طيبين ولامين وتامين

الا كلام الحركه التعيس ده 00الدواس راقد معاهم الله يستر
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف فيصل خليل حتيلة في 1st أكتوبر 2011, 15:05


بوست غاية الروعة و الجمال

احيك اخى يعقوب النو على فتح ركن من اركان الثقافة السودانية عالى القيمة و كامل الدسم

و احى اخونا سراقة على اضافاته البديعة

اتمنى ان تواصلوا هذا الابداع

شكرا لكم
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف yasir في 1st أكتوبر 2011, 15:05

بوست جميل يستاهل يثبت
avatar
yasir
Admin


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف اقبال عبداللطيف في 1st أكتوبر 2011, 18:13

الله شالكي و ختاكي
في اللابسين الابرولات و الكاكي


الراجل دا معيارا حار


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف محمد قادم نوية في 2nd أكتوبر 2011, 10:53

سلامات ياسمحين عيال أبّا دول مشو وين ؟أرجوا أن تكونوا طيبين وتعودوا بالمزيد ..
جيتكم بالعندي اليوم:
المرة بجيبوها بالكضُب وبمسكوها بالصحي
القنطور اصله التراب - يضرب لمن يتعالى على الناس
حزموني لزموني -كناية على الاتكالية
الصرمان ما عاقل
الحسنة في الملعون زي الشراية في القندول
مُعيار الغايب كيتا للحاضر
البياع طعْاز - يبخس الشي ليقلل ثمنه
العدو العاقل ولا السجيل الغشِيم
الفسل البين ولا الجود الملغوس -المتظاهر بالكرم،احسن منه البخيل
العيال شُقارة القلب - كناية عن تفريحهم للقلوب بالبهجة

الطلعو قبلك ما سلو صمغ - كنايةالوصاه في المهلة - تكون الوصية في ساعة التأني
عن استحالة توصلهم للنتيجة

العريبي كِن ألـ كلْجن مضغ البليلة او السمسم بِغلبه- حينما يعاكس يدعي ان مضغ البليلة لا يستطيعه.
كلامنا بِقى عينين في راس -أي تطابق وتوافق كالعينين بالنظر في الراس
الرخم طيّره قُبال ما يفقع - يضرب لطلاق المرأه السيئة الدنيئة قبل ان تنجب
الدُود ما بيأكل مرته - أي الاسد المفترس لاياكل لبوته يقصد ان يمسك الرجل زوجتة
عِد المُلسِن قُبال المُحسن – أي اقضي للملسن امره قبل الانسان الطيب خوفا من لسانه

الموت ما بتخاف مِنه الا يكتل سجيلك.
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف ادم محمد ادم سراقه في 2nd أكتوبر 2011, 12:32

الله شالكي و ختاكي
في اللابسين الابرولات و الكاكي
اختي اقبال نعتزر لك نيابة عن هذا العربي القح ترددت
كثيرا قبل كتابة هذا البيت و لكني وجدت ان الامر لا يكتمل
روعة دون ذكر هذا البيت مع العلم اني قد حذفت منها الكثير
فلك العتبي و لكل اللابسين الابرولات و الكاكي و زوجاتهم

ادم محمد ادم سراقه
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف ادم محمد ادم سراقه في 2nd أكتوبر 2011, 12:58

الهداي يا يعقوب النو شكر واحده اسمها حنان جمعه قال
حنان جمعه جاتنا لابسه توبا الاصفر
اسم زول شاف حنان كبر
و كل شماشي صفر
حنان لا تسلم علي زول بسف و لا زول بسكر
كل الشباب فوقا امل
الفقير اب سبحه حمر ليها دما عيونا جمن
اتذكر شيبته استغفر

ادم محمد ادم سراقه
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: شعراء البادية ـــ الهداء والجرداق فى بادية الحوازمة ــــــ كردفان ابوجبيهة

مُساهمة من طرف محمد قادم نوية في 2nd أكتوبر 2011, 13:13

حنان دي يا سراقة الهداي دا ماإلكلّمْ عنها كتير شكلها زولة "مسمعا" حتي الفقير أب سبحة لمن شافا عيونا جمن
avatar
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

صفحة 1 من اصل 4 1, 2, 3, 4  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى