ابوجبيهه

لعب اطفال الحباك قديما

استعرض الموضوع السابق استعرض الموضوع التالي اذهب الى الأسفل

لعب اطفال الحباك قديما

مُساهمة من طرف محمود منصور محمد علي في 7th أكتوبر 2011, 18:23

سيارات من علب الألومنيوم .. شاهد الصور
بمناسبة العاب الاطفال فقد اشتهر بعض الشباب في ابوجبيهة في الزمن الماضي بقدراتهم الفائقة في تصنيع لعب الاطفال كاللواري والشاحنات والطائرات حيث كانوا يستخدمون بقايا الجوالين والصفائح والاسلاك والاحذية والقصب وغيرها من المواد المتاحة والمتوفرة في ذلك العهد
لذا نرجو من الاخوة العباقرة والمخضرمين ان لا ينسوا هؤلاء الشباب بافراد مساحة لهم واسعادهم بقدرما اسعدوا الاطفال في ذلك الزمن

وانظروا كيف ان هذه الصور لسيارات مصنعة من علب المشروبات الغازية الفارغة مهارة وجودة واتقان































avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: لعب اطفال الحباك قديما

مُساهمة من طرف غريق كمبال في 7th أكتوبر 2011, 19:57

زولك ده يا محمود ماهر وصنايعى درجه اولى

انحنا بنعرف عربات صناديق البرنجى البلصقوها بالانجل

تحياتى يا محمود
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: لعب اطفال الحباك قديما

مُساهمة من طرف ابوهريرة عثمان عبدالسلام في 7th أكتوبر 2011, 23:47

الاخ محمود طبعا العربات دى برضو صنعوها ليهم لكن تعال شوفنا فى الحباك زمان

عربات البرنجى زى ما قال غريق وهو تارى البرنجى دا قديم كدة

بعدين عربات الطين والقصب

وبعد كبرنا شوية بقينا نعمل عربات السلوك ودى فيها مجاسافات لازم تمشى تقطع السلك الشايك من جنينة الحكومة او جناين خليل الدنقلاوى او الموسسات الحكومية وحتى البوستة القريبة من الشرط ما سلمت سلوكها مننا



طبعا يا محمود اخوك عندو جنينة فى الحباك داير يسورها بسلك شايك وخايف يقطعو لكن اظن طريقة اللب الان اختلفت
avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: لعب اطفال الحباك قديما

مُساهمة من طرف محمود منصور محمد علي في 8th أكتوبر 2011, 09:03

الزعيم غريق
تشكر على المرور لكن عاوزين منك المزيد في هذا الامر خاصة ونحن متاكدين من قوة الذاكرة التي تتمتع بها ماشاء الله
الف تحية
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: لعب اطفال الحباك قديما

مُساهمة من طرف محمود منصور محمد علي في 8th أكتوبر 2011, 09:11

ابوهريرة
مشكور على المرور
انا خايف انت تكون القطعت شجر الدليب كمان مش الاسلاك وبس هههه
المهم الجنينة لازم تسورها بحائط ... يكون زي الجدار الفاصل في فلسطين... الناس سابو الانجل والسلك من زمان... وبعدين طالما انو عندك مزرعة زي حقت نافع معناهو انت من الجبهجية المتسترين وكشفت نفسك
تحياتي
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: لعب اطفال الحباك قديما

مُساهمة من طرف ابوهريرة عثمان عبدالسلام في 8th أكتوبر 2011, 10:04

اخى محمود اخوك ماقطع شجر الدليب لكن كان عندو كارو برحل بيه الشقيق ليلا

ياخ سور فى الحباك خلينى اسور البيت اول انت قايلنى نافع المانافع ولاشنو

انا سعر الفدان عندى بمليون ونصف وفدان نافع بمئات الملايين
avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: لعب اطفال الحباك قديما

مُساهمة من طرف حامدونا حامدونا في 8th أكتوبر 2011, 11:10

تحياتى ياشباب//والله رجعتونا كتير بالحيل-((كانت لنا ايام-فى قلبى ذكراها------)ابن اختى /دلدوم /عارفك مصيبة ومن صغير- تحياتى
avatar
حامدونا حامدونا
نشط مميز
نشط مميز


الرجوع الى أعلى الصفحة اذهب الى الأسفل

رد: لعب اطفال الحباك قديما

مُساهمة من طرف محمود منصور محمد علي في 8th أكتوبر 2011, 12:44

الاستاذ حامد
مرورك حلو جدا زي مرور اخونا هاشم وسط المدافعين داخل خط ستة
وزي قون الاستاذ النور في شباك اريل
لكن عاوزين توثيق وتعريف وطبيعي ان هذه الالعاب قد انقرضت ولاتوجد الان في عصر التكنلوجيا والتطور المزهل ولابد من ان تتحفنا من ذاكرتك القوية ما شاء الله.. وبالله عليك لو عندك صور قديمة لاتبخل علينا بها.
تحياتي
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: لعب اطفال الحباك قديما

مُساهمة من طرف غريق كمبال في 8th أكتوبر 2011, 13:00

شكرا محمود على البوست

طبعا كنا نمشى المحلج وجنينة الحكومه ونجيب منها السلوك

وطبعا مسالة تزبيط العربيه كانت ماله لا تخلو من الموهبه وعاوزه ليها زول فنان

انحنا فى حلتنا كان عمر زكريا وحامد الطيب وابو كليقه ديل صنايعيه درجه اولى

بعد ما نجيب السلوك ناجر الواحد منهم بى تعريفه او يصنع عربيتين واحده له وواحده ليك

والامور تمشى تمام التمام بعد داكط

وطبعا انحنا فى الغالب وبعد السلوك ما بقت مجازفه خاصه من المحلج وكمان

هناك قطاع طرق اولاد العرديبه كن شافو فى ايدك سلك قيامتك ربطت وكمان اولاد حلة الانجل ناس محمد سعيد ديل شرسين بشكل رغم اننا كنا جاين من الفريق لكنهم كانو بخوفونا

طبعا انحنا ساكنين فى حلة الجلابه

والعربات دى تصلح ليك كم عربيه والزباين فى

تحياتى
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: لعب اطفال الحباك قديما

مُساهمة من طرف ابوهريرة عثمان عبدالسلام في 8th أكتوبر 2011, 22:16

ههههههههههه

ياخ انا كان مريت بموقف خفت فيه خوف

المهندس هاشم كان يبن مسجد ابوجبيهة العتيق الحالى دا وجابو الخشب للسقف

وانا جيت لقيت لى خشبه تنفع لصنع ترتر وكنا نصنع الترترات فى الخريف

وشلت الخشبه ومارق براحه شافنى هاشم زلانى جنس زله الله يرحمه بالجنة

وقال الا يكلم لى ابوى

وبعد تعب خليت الخشبة وخلانى مشيت
avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: لعب اطفال الحباك قديما

مُساهمة من طرف حامدونا حامدونا في 9th أكتوبر 2011, 18:11

شيخ-محمود تسلم والله -فى صور-وبحاول انزلها قريب---والله ياغريق ضحكتنى ((قلت حلة الجلابه هوى الجلابه ديل منوووو))ابو هريرة والله اتخييلت الورطه هههههههههههههه-الخشب كان مشكلة(اولاد محمود بخلو
avatar
حامدونا حامدونا
نشط مميز
نشط مميز


الرجوع الى أعلى الصفحة اذهب الى الأسفل

رد: لعب اطفال الحباك قديما

مُساهمة من طرف يعقوب النو حامد في 29th نوفمبر 2011, 17:26

الاخ محمود انحنا فى الفريق بنلعب بطريقة اخرى
بنمشى القنطور وبنجيب الطين. طبعا الارضة بتجيب الطين من باطن الأرض عشان تبنى بيتها او القنطور. طبعا دا افضل من ان يخذ الوحد كوز موية ويقوم يعمل طين لأن الأهل بيرفضو لينا العب بالموية.
نقوم بصناعة أنصاف تيران اى الرأس والرقبة وأهم شيء القرون تكون قوية. ونسمى ذلك تور أمبطاح. بعد ذلك نبدأ مصارعة التيران
الثور الذى ينكسر قرنه يعتبر مهزوم.
avatar
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

رد: لعب اطفال الحباك قديما

مُساهمة من طرف محمود منصور محمد علي في 10th ديسمبر 2011, 16:15

شكرا استاذ يعقوب

وعلى ذكر اللعب بالطين كنا نعمل كرة من الطين ثم نفرغها من الداخل حتى تصبح على شكل علبة فارغة مكونة من عدة فراغات تلاثة او اربعة واحيانا عشرة ثم نحملها ونضربها على الارض بقوة فتحدث صوتا قويا مدويا كصوت المدفع وكنا نتسابق على من هو الذي استطاع ان يفجر اقوى صوت؟؟؟
المهم هو اللعب المتاح والوسيلة المتاحة لللهو في ذلك الزمان وياله من زمان طيب وممتع....
تحياتي
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى