ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

الناس .... كلااااااااام الناس

+6
ياسر جامع
nashi
ود عشمان
اقبال عبداللطيف
فيصل خليل حتيلة
ناهد عبيد
10 مشترك

اذهب الى الأسفل

 الناس .... كلااااااااام الناس  Empty الناس .... كلااااااااام الناس

مُساهمة من طرف ناهد عبيد 29th مايو 2011, 11:43

نخاف من كلام (الناس) .. (الناس) تقول علينا ايه .. (الناس) ما عندهم أمان .. (الناس) بقت كعبه الناس اتغيرت
الناس الناس الناس
النــاس .. وكلامهــم ..

عقدة تدور في أغلب المجـالس والمجتمعات

من هم الناس الذين نخاف من كلامهم ..؟!
ولمـاذا
وصل بنـا الحال إلى الخوف منهم إلى هذه الدرجــه ..؟!
هل من المعقول أن نضطر لفعل اشياء لا نرغبها من أجل إرضـاء النـاس ..؟

العاطل عن العمل يخشى كلام الناس

المطلقه تخشى كلام الناس

وكذلك العانس

الفقير يخشى الناس وكلامهـم



ألم نسأل أنفسنــا لماذا هذا الخوف
هل هو فعلا ً خوف من كلام النـــاس ..
أو إنه خوف من المظهر الذي سنظهـر به أمام هؤلاء النـاس ..
فالكثير منــا يود الظهور بالشكل الذي يرده ..
لكنه يخشى من ردة فعل النـاس ومن كلامهـم
..
وماذا سينظرون إليه مستقبلا ً ..؟؟

وبذلك يخسر طموحـه .. ورغبته في الظهور بالشكل الذي يردونه ـ ..
وذلك كلـه بسبب خوفه من نظرة النــاس وكلامهـم ..
والله انا اعلم جيدا ان لكل شخص منكم وجة نظر ورأى فى هذا الموضوع
فهلا ناقشنا الموضوع مع بعض
واقعدوا عافيه
ناهد عبيد
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

 الناس .... كلااااااااام الناس  Empty رد: الناس .... كلااااااااام الناس

مُساهمة من طرف ناهد عبيد 29th مايو 2011, 11:53

قصه جحا ليثبت لإبنه أن كلام الناس غـاية لاتدرك ..
مشى جحا وابنه مع حمارهما فـ انتقدهم النّاس لإنهم لم يستغلوا وسيله النقل الحمــار ..
فـركب جحا وابنه على الحمار فـ انتقدوهم النّاس بعديمي الرحمه كيف يركب 2 على حمـار ..
نزل جحا وترك ولده فـ انتقدو الناس الابن .. وقـالوا إنه ولد عــاق ..
نزل الابن وركب جحا فقـالوا عن جحــا انه لايرحم وأنه قـاسي على ابنه ..
قـام جحـا وابنه وحملـوا الحمـار وهم يمشون .. فضحك النــاس عليهم لبلاهتهــم ..
ناهد عبيد
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

 الناس .... كلااااااااام الناس  Empty رد: الناس .... كلااااااااام الناس

مُساهمة من طرف فيصل خليل حتيلة 29th مايو 2011, 12:23


ههههههههههههههههههههههههههههههههههههههههها

جحا ظريف

النااس ديل مالم يا ناهد

خلاص انا بعمل الحاجة البتريح الناس يا جماعة ( نعمل شنو ما هم عايزين كده )ولا رايكم شنو؟

هذا المجتمع يضج بكم هائل من من التناقضات يا جماعة ................ خلوه كده بس

طيب عشان الناس ما يقولوا دا زول بتاع وهمات خرطومية انا احسن اسكت ساى

موضوع جيد

شكرا
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

 الناس .... كلااااااااام الناس  Empty رد: الناس .... كلااااااااام الناس

مُساهمة من طرف اقبال عبداللطيف 29th مايو 2011, 12:54

غايتو جنس نكيت.
كلام الناس مامنو خلاص.
نغضب الله ونرضي الناس..ومجتمعنا ياناهد مليان بالمتناقضات زي ماقال عمو بتاع كضب النمل..
هسي الناس يقولو علينا شنو...وننسى الحكم.. العدل..
حتى امثالنا طوعناه لذلك
اكل البعجبك والبس البعجب الناس..
لكن كلام الناس كان داير تكملو هملو.
اقبال عبداللطيف
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

 الناس .... كلااااااااام الناس  Empty رد: الناس .... كلااااااااام الناس

مُساهمة من طرف ود عشمان 29th مايو 2011, 13:53


يا جماعه الكلام الكتير الكتبتو ناهد دا انا ما قريتو لكن من مداخلات الناس (انا فهمتكم ) لو دايرين رأي .. من تابع الناس مات هما ..
ود عشمان
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

 الناس .... كلااااااااام الناس  Empty رد: الناس .... كلااااااااام الناس

مُساهمة من طرف nashi 29th مايو 2011, 14:05

سلام جاكم
والله موضوع جميل
وجد يا ناهد الناس تحير
وقالوا ما بتحير الا مغير
ومقولة "اذا اردت ان تعيش عليك بالتطنيش"و
"طنش تعش تنتعش"
والا كان متنا كمد

تحياتي
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

 الناس .... كلااااااااام الناس  Empty رد: الناس .... كلااااااااام الناس

مُساهمة من طرف فيصل خليل حتيلة 29th مايو 2011, 14:11


انا ما قلت ليكم يا جماعة

"طنش تعش تنتعش"
والا كان متنا كمد

هههههههههههههههههههههههها

غايتو البنات ديل حيرونا والله

ياخى تسلمو والله

فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

 الناس .... كلااااااااام الناس  Empty رد: الناس .... كلااااااااام الناس

مُساهمة من طرف ياسر جامع 29th مايو 2011, 21:06

شكرا اخت ناهد علي الموضوع بالجد كلام الناس لا بداية له ولانهاية
اذا كانت الثقه موجوده بأنفسنا ولا داعي للخوف
فالمطلقه تأمن ان الله لم يقسم لها ان تكمل زواجها مع طليقها
والعاطل عن العمل انما هي ارزاق من عند رب الناس والمريض يحمد الله على ابتلائه بالمرض
لا نخشى كلام الناس اذا كنا نسير صح دون تمرد على العادات والتقاليد
الناس يتكلمون ويتكلمون لن يسكتوا على أية حال
ولن نستطيع إرضاءهم في جميع الأحوال, فالأولى عدم الالتفات لكلامهم
رضا الناس غاية لاتدرك
اشكرك على طرحك الواق
عي
ياسر جامع
ياسر جامع
نشط مميز
نشط مميز


الرجوع الى أعلى الصفحة اذهب الى الأسفل

 الناس .... كلااااااااام الناس  Empty رد: الناس .... كلااااااااام الناس

مُساهمة من طرف الجبالي 30th مايو 2011, 08:00

ياخوان ويااخوات
(كلام الناس كان داير تكملو هملو)
لكم الاحترام والاشواق

الجبالي
نشط مميز
نشط مميز


الرجوع الى أعلى الصفحة اذهب الى الأسفل

 الناس .... كلااااااااام الناس  Empty رد: الناس .... كلااااااااام الناس

مُساهمة من طرف ناهد عبيد 30th مايو 2011, 12:43

شكرا على مروركم واراركم

فيصل :- خليك من الوهمات والخراطيم وام دارمين لازم لازم تحصل انتضافه والناس تصل مستوى التصالح مع النفس وبتااااااانى باقى لى ما فى مشكله وما مو هيك

**********************************

اقبال يديكى الصبر ربنا ونحنا كمان يا اخيتى الامثال كمان طوعناها على مزاج الناس فمثلا اكل البعجبك والبس البعجب الناس . بالجد دى صعبه وانا شخصيا ما عندى ليها قدره انتو شفو ليكو حل
معقوله نبنى حياتنا على قيل وقال ( تب دى ما بتبقا فينا )

**********************************
احساااااااااان اذيك
شكرا والله ياا حسان طنش تعيش على قول عائض القرنى . لكن بينى بينك متعبه شويه ولا رائك شنو .
صدقتى الله ينصر دينك كان زمااااان متنا كمد

***************************************

الكلام كن داير تكملو هملو

انت صاح مئه المئه
شكرا على المرور الجبالى
ناهد عبيد
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

 الناس .... كلااااااااام الناس  Empty رد: الناس .... كلااااااااام الناس

مُساهمة من طرف ناهد عبيد 30th مايو 2011, 12:52

ياسر جامع كتب:شكرا اخت ناهد علي الموضوع بالجد كلام الناس لا بداية له ولانهاية
اذا كانت الثقه موجوده بأنفسنا ولا داعي للخوف
فالمطلقه تأمن ان الله لم يقسم لها ان تكمل زواجها مع طليقها
والعاطل عن العمل انما هي ارزاق من عند رب الناس والمريض يحمد الله على ابتلائه بالمرض
لا نخشى كلام الناس اذا كنا نسير صح دون تمرد على العادات والتقاليد
الناس يتكلمون ويتكلمون لن يسكتوا على أية حال
ولن نستطيع إرضاءهم في جميع الأحوال, فالأولى عدم الالتفات لكلامهم
رضا الناس غاية لاتدرك



شكرا ياسر
وانا اوافقك فى كلامك لكن اختلف معاك لو سمحت فى قصة التمرد على العادات والتقاليد والله بالجد فى عادات وتقاليد سئيه وبائسه تحتاج تمرد وثورات وحمل سلاح واحسن حاجه نعمل حاور ومفاوضات
شكرا
اشكرك على طرحك الواق
عي
ناهد عبيد
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

 الناس .... كلااااااااام الناس  Empty رد: الناس .... كلااااااااام الناس

مُساهمة من طرف ناهد عبيد 30th مايو 2011, 13:07


فى مره فى ابوجبيهه ظريفه ربى يديها الصحه والعافيه اسمها بت نور الله انا بحب اتونس معاها لانها حكيمه .

مره قالت لى يا بتى نااااس اب جبيحهه ديلا يعاينوا ليكا من راسك لكرعينك دمن يبهتوكا وتتلولس فى مشيك الله يختهم ليكن انا ما بشتخل بيهم لعنو من اشتخل بالناس مات حما ومن اكل قريد زاد دما
والله ضحكتنى فعلا معاها حق

وارجو ان تعملوا بالنصيحه

من اشتغل بالناس مات هم *** ومن أكل قريب زاد دم

شكرا يا بت نور الله
ناهد عبيد
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

 الناس .... كلااااااااام الناس  Empty رد: الناس .... كلااااااااام الناس

مُساهمة من طرف اقبال عبداللطيف 4th أكتوبر 2011, 19:16

طنش تعش تنتعش

كلام الناس كن داير تكملو هملو

كلام الناس مامنو خلاص


يلا ننتفض
اقبال عبداللطيف
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

 الناس .... كلااااااااام الناس  Empty رد: الناس .... كلااااااااام الناس

مُساهمة من طرف غريق كمبال 4th أكتوبر 2011, 19:53

البعجب الناس شنو

مهما تعمل لا يمكن ان تاتى بالذى يرضى الناس

الناس قالو فى الانبياء المعصومون

عشان كده

نبقى زى الخواجات

اى زول يعمل الفى مزاجو يلبس بنطلون مرقوع ولا حتى ردا

هسع الخواجات ديل قاعدين يتكلموا فى الناس

انحنا قليلين شقله وبس

شكرا بت اخوى عبيد
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

 الناس .... كلااااااااام الناس  Empty رد: الناس .... كلااااااااام الناس

مُساهمة من طرف حامدونا حامدونا 4th أكتوبر 2011, 20:21

تحياتى اختى/ناهد((والله ياقدح كلامك صحيح))الواحد يعمل مجنون بس ((اختى اقبال احب وليدك ده)تحياتى
حامدونا حامدونا
حامدونا حامدونا
نشط مميز
نشط مميز


الرجوع الى أعلى الصفحة اذهب الى الأسفل

 الناس .... كلااااااااام الناس  Empty رد: الناس .... كلااااااااام الناس

مُساهمة من طرف ناهد عبيد 9th أكتوبر 2011, 21:56


شكرا

غريق وحامدونا

كلام الناس ما منو خلاص
ناهد عبيد
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

 الناس .... كلااااااااام الناس  Empty رد: الناس .... كلااااااااام الناس

مُساهمة من طرف ابوهريرة عثمان عبدالسلام 9th أكتوبر 2011, 22:06

الناس دايما يا جماعة تبحث عن المواضيع عنى ماعندهم اى شغلة

لونسيت اشارة عربتك شغالة او فى واحد جلابيته طالعة بره العربيه

تجد الراكب والسائق والماشى على الطريق ينبهوك الاشارة الجلابية

وفى واحدين يقربو يعملو حادث وكلو دا اجتهاد عشان ينبهوك

مره عثمان خليل حتيله قال لى انت لو داير تعرف الناس دى ماعندها شغلة كدى خلى نور عربيتك مولع بالنهار تلقاهم كلهم ينبهوك

عشان كده

احسن كلام بت نورالله يا ناهد
ابوهريرة عثمان عبدالسلام
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

 الناس .... كلااااااااام الناس  Empty رد: الناس .... كلااااااااام الناس

مُساهمة من طرف ناهد عبيد 9th أكتوبر 2011, 22:07

اقبال كلام الناس خلى اسمعى كلامى
ده شنو العملتى فى الطفل البرئ اواب ده كن الهلال ده عاجبكم البسى اللبسه دى انتى وماهل واتصورا بيها وكبروا الصوره ولصقيها فى عربات شامبيون . المسكين شكلو مضايق حكم القوى على الضعيف . فى ظمتك دى الول ده قال ليكم اشتروا لي اللبسه دى

كمان حامدونا بقول ليك بحبك ولدك وبتكونى الغشيمه فرحتى بهدلتى اواب الهلال قال

( ماعندى علاقه بالرياضه )

اقبال شكرا لرفع البوست
ناهد عبيد
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

 الناس .... كلااااااااام الناس  Empty رد: الناس .... كلااااااااام الناس

مُساهمة من طرف ناهد عبيد 9th أكتوبر 2011, 22:10

ابو هريره انتا ما فوقك حسنه الناس دايره تخدمك ههههههههه

لكين بينى وبينك احسن كلام بت نور الله من اشتخل بالناس مات هما

شكرا ابو عثمان
ناهد عبيد
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى