ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

غربتنا ما هنتنا

+4
محمد قادم نوية
فيصل خليل حتيلة
محمود منصور محمد علي
يعقوب النو حامد
8 مشترك

اذهب الى الأسفل

غربتنا ما هنتنا  Empty غربتنا ما هنتنا

مُساهمة من طرف يعقوب النو حامد 16th أكتوبر 2011, 18:35





بسم الله الرحمن الرحمن الرحيم

الأخوة غريق ,سراقة وول نوية والخ ازهرى وفيصل و وكل الأخوة والاخوات عاوز اعرف أخباركم . الفى أبوجبية منو والقاعد فى الخرطوم منو والفى الغربة منو. بالنسبة لى انا موجود فى مدينة نيو يورك بالولايات المتحدة الامريكية. انا شخصيا الايام ديل شايف الناس عايشين فى ظروف غلاء شديد جدا. لكن كل شىء مغدر بارادة الله.
طبعا الظروف الامنية المتطربة هى احد الاسباب, والسياسات الأقتصادية الغير رشيدة . وغيرها
لكن كل يوم لا يشبة امسة.
نحن فى امريكا تاثرنا بالظروف الاقتصادية المتدهورة والسبب هو الحرب الت تخوضها امريكا ضد الارهاب حسب قولهم.
صراحة فى homeless يعني ناس مشردين لانهم فقدوا عملهم ومن ثم طردوا من الشقق لانهم لا يدفعو الايجارات. او تصادر بيوتهم لانهم عجزو عن سداد الاقساط للبنك الذى مول عملية الشراء.
بس فى اشياء الدولة لا تلاعب فيها, الاكل والشرب يعطى كل فرد benefit كرت اسمو البنفت فيه مبلغ مالى من الدولة يتم التعامل فيه لشراء المواد الغذائية من الماء الحوم الى الخبز. ينزل المبغ فى كل شهر.
لذلك ماى زول جعان. التعليم والصحة ايضا ملتزمة بها الولة ماعدا الاقلام والكراسات انت بتشتريها ايضا الطلبة يتناولون وجباتهم كاملة بالمدرسة واذا كانت المدرسة بعيدة بيدوك كرت إسمة metro card عشان يركب القطر او البص لمدة سنة دراسية كاملة.
انا وعئلتى ليس لدينا كرت بنفت لاننى شغال و زوجتى تعمل بجامعة torouh college كلاب تك اى فى معمل الجامعة .

احب ان أوضح شىء عن الناس هنا فى نيو يورك أو السودانين
صراحة فى دكاترة اطباء ومهندسين شغالين تكاسا اى بيسوقو التاكسى و فى ناس اساتزة و موظفى بنوك كبار تكاسى.
كانو يعملون بالتاكسى لان الدخل كبير و كل واحد عاوز يعمل له حاجة فى البلد.
الان اصبح عمل لايرجى منة لكثرة المشتغلين
لانهم يستأجرو عربة التاكسى ١٢٠ دولار يوميا ولمدة ١٢ ساعة

او يستأجروا الميدالية ـ المدالية ثمنها من الستى city ٤٥٠,٠٠٠اربعمائة وخمسون الف دولار وطبعا تصدر من فترة لاخرى.
واذا عاوز تشتريها من اى شخص عليك ان تدفع اكتر من مليون.

هذه الايام الكثير من السودانين ما قادرين يدفعوايجارات الشقق التى يعيشون فيها

كما قال الشاعر
غربتنا ماهنتنا
نواصل المرة القادمة

يعقوب النو حامد

يعقوب النو حامد
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف محمود منصور محمد علي 16th أكتوبر 2011, 22:31

الاستاذ يعقوب
يعني كلامك ده ما نفكر نجيكم؟؟
كل العالم تاثر من جراء الوضع الاقتصادي المتردي
نتمنى لك طيب الاقامة وربنا يسعد ايامك ويوفقك للعودة الى الديار غانما ظافرا موفقا
بلادي وان جارت علي عزيزة **** واهلي وان ضنوا علي كرام
محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف فيصل خليل حتيلة 17th أكتوبر 2011, 11:46


كل يوم فى غربة زايدة بيها كل الدنيا عرفت

لك التحية يا يعقوب النو و للاسرة الكريمة كل امنياتى ان تكونوا فى احسن حال

ربك يستر اخى يعقوب لان الحال من بعضو

تحياتى
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف محمد قادم نوية 17th أكتوبر 2011, 14:47

سلامات ياود النو كيف اخبارك والغربة معاك.الظروف لم تسمح لنا نلتقي من قبل لكن لو في العمر بقية سنلتقي بإذن الله
وتحدثت عن الغلاء والظروف السيئة في السودان والان أكثر من 80% من شعب السودان صارHomeless
والسبب معروف للقاصي والداني. .ربنا يصلح حال سودانا ياخي وكل متغرّب يعود لي أهلوا
إنابةً عن هؤلاء :العم أزهري في السعودية في المنطقة الشرقية"الخُبَرْ" والعم محمود في مكة وأنا في الرياض والقائمة تطول.... ؛اما غريق و فيصل خليل وسراقة دول في السودان
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف يعقوب النو حامد 18th أكتوبر 2011, 06:28

الأخ الفاضل محمود منصور
تحية اليك ولأسرتك.
لازلت أتزكر لما كنا فى ابوجبيهة الجنوبية. و أتذكر تلك الغنوات الحلوة التى كنت تتغناها
ستة صباح والقمر لاح حيرنى وغيرنى وخلانى ليه
على مهلك ياريس على مهلك
هذا حسب ذاكرتى الصقيرة.

لدى الكثيير من الزكريات الجميلة

عندما ذهبت الى عمان وجدت أخوك الكبير أحمد على ما اعتقد فى السويق سلطنة عمان.

بعد أربعين عاما نلتقى عبر المنتدى مرة اخرى

ولكن انت لا أظن ستتزكرنى لانك انت كنت قدامنا. انا و فيصل خليل كنا دفعة واحدة.

انحنا فى امريكا ماعندنا وجيع. لكن خلينا ورانا الوالدين الربونا
وخلينا الشالونا وختونا وخلين الأخوة والأخوات الكانو بحبونا

صراحة أخى محمود أمريكا جميلة وحلوة
ولكن ايدك فى قلبك على جناك المشاكل فى الشارع الامريكى اكثر من شعر الرأس.

المكان الذى اعمل فيه هو اخطر مكان فى نيو يورك وفى امريكا. القتال وإطلاق النار بين عصابات المخدرات يكاد لا ينقطع ابدا فى crown heigts ببروكلين. ورغم ذلك نمارس حياتنا بشكل عادى.ودا كله سببو السود فى أمريكا.
الواحد لو شالو منو الصاحبة girl freind يمكن ان يقتل الصاحبة او الشاب الذى أخذها منه. خلاف ذلك الحياة عادية ماعدا المشى فى الاماكن المظلمة ليلا.
اهم شيئ فى أمريكا العدالة ويحق لك ان تعيش وتعبر عن رأيك بحرية تامة.

يعقوب النو

يعقوب النو حامد
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف محمود منصور محمد علي 18th أكتوبر 2011, 09:02

الاستاذ يعقوب
الف تحية لك ولاسرتك
بعدين انا ما عاوز فيصل خليل يعرف انو انا اكبر منو
ثانيا فعلا ذاكرتك قوية ما شاء الله عليك وربنا يحفظك واعدت الى ذاكرتي اغاني الحقيبة الجميلة التي كنا نعشقها

لاقيتو مع البياح هرب مني
ناديتو قال لي لا داك ابوي مراقبني

اما عن اخي الاكبر المتواجد في سلطنة عمان هو عوض منصور وهو مازال بالسلطنة
وارجو ان تحاول ان تنتقل الى منطقة اخرى وتحاول البحث عن عمل في المناطق الاكثر امنا وفيها عرب ومسلمون وابعد عن مناطق الزنوج الافارقة
ولنا اقارب في لوس انجلوس لو ممكن يساعدوك ممكن ارسل لك ارقام هواتفهم في الخاص
وربنا يعدل الاحوال في بلادنا لنستقر فيها ونترك الغربة التي اخذت منا اكثر مما اعطتنا..
تحياتي
محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف غريق كمبال 18th أكتوبر 2011, 11:58

العزيز يعقوب لك التحيه وربنا يستر عليك وعلى وليداتك

انا فى السودان وشقال فى نقابة الزراع فى الخرطوم ولكن اولادى قاعدين فى الحباك وانا متنقل بين الخرطوم والحباك وما عندى رغبه فى الانتقال من الحباك

قاعد اقابل هذه الايام والدك بشكل يومى وهو يتمتع بصحه جيده ولاذال بيعشق المريخ ويدير مساجلات مع الهلالاب لا تخلو من الضرافه وانا استمتع جدا بهذه المساجلات

لك التحيه يا غالى
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف يعقوب النو حامد 18th أكتوبر 2011, 14:56

الخ غريق مشكور وجزاك الله خير علىالمعلومات المفيدة
و شكرا على اخبار الوالد.
يعقوب النو حامد
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف يعقوب النو حامد 18th أكتوبر 2011, 15:07

شكرا أخى فيصل
ان بخير وعافية
طبعا انا سعيد وانا التقيكم عبر المنبر لنتبادل الاخبار
أرجو أخبارنا عن الغربة فى السعودية

وشكرا يعقوب النو حامد
يعقوب النو حامد
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف فيصل خليل حتيلة 18th أكتوبر 2011, 15:29


اخى يعقوب سلامات يا عزيزى

يا سيدى انا تركت السعودية منذ العام 2002 و رجعت الى السودان الحمدلله و مستقر بالخرطوم

هذا تلفونى و ارجو ان ترسل لى تلفونك

00249912669366

لك التحية و شكرا ياخ على السؤال
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف يعقوب النو حامد 18th أكتوبر 2011, 16:01

أخى محمود أخبارك انشاء الله تمام

مشكور على المساعدة التى تنوى ان تقدمها لى. صراحة انا مبسوط من الحياة فى نيويورك وعندى business صغير وا أمورى الحمد للهعال العال.

أديك معلومة
أهم المناطق واحسنها للعمل التجارى هى مناطق السود. هم قوة شرائية ضخمة هم الاكثر فى نيويورك. انا ماعندى مشكلة لانى لا أشتغل اشغالهم. طبعا القتل الذى تسمع به هو فيما بينهم لان كل واحد
لديه منطقة عمل فاذا دخل أخر لبيع المخدرات سوف تتم تصفيتة.
بس الخوف من الرصاص الطائش.
انت عارف السفر الى كلافورنيا يساوى سبعة ساعات بالطائرة
يعنى زى نيويورك لندن.

طبعا لما نقول الحيا صعبة فى نيو يورك صعبة تعنى ان الانسان ما قادر يدفع الفواتير مثلا فى ناس بيدفعوا ١,٥٠٠ الف و خمسمائة دولالر الشقة الواحدة الموبايل مائة دولار تلفون البيت تمانين دولار الكهرباء ثمانين دولار وفاتورة الغز ب عشرين دولار. فما بالك اذا فقد عملة فى مثل هذه الأيام. او انخفض مستوى الدخل اضف الى ذلك.
أعباء الأسرة.

يعقوب النو
يعقوب النو حامد
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف يعقوب النو حامد 18th أكتوبر 2011, 16:28

الخ الغالى ول نوية سلامات انشاء اللة انت بخير

شكرا على المعلومات المفيدة التى قدمتها لنا
انشاء اذا ربنا مد فى الايام بنتقابل.

يعقوب النو حامد
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف محمود منصور محمد علي 18th أكتوبر 2011, 23:29

الاستاذ يعقوب
اشكرك جدا واتمنى لك التوفيق والنجاح والعودة الى حضن الوطن الدافئ
تحياتي
محمود منصور محمد علي
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف يعقوب النو حامد 27th أكتوبر 2011, 06:17

عندما عدت الى الحباك أخر مرة من نيويورك وجدت تقيرات كبيرة فى مجتمعى الصغير بجبرونا. عندها عرفت تماما ان قول الشاعر هو عين الحقيقة

لو كانت الارزاق تجرى على الحجا
هلكن اذا من جهلهن البهائم

١ـ تركت احد الاطفال يعمل راعى بابقار الاهل فى جبرونا. صراحة ترك الصبى المدرسة لأن جدته كانت غير قادرة على توفير المصروفات المدرسية والملابس والكراسات والكتب, بعد ان تزوجت امه غادرت الحباك الىمكان خارج ولاية كردفان مع زوجها الجديد. صراحة حزنت لهذا الطفل ولكن لا استطيع فعل شيء. بعد ذلك سافرت الى عمان وقضيت فيها ست سنوات ومنها الى أمريكا عام ٢٠٠٣ ونسيت موضوع الطفل الذى ترك المدرسة ليكون راعيا. عدت الى السودان يوليو ٢٠٠٧ لانى سمعت بان الوالد مريض وعند وصولى الحباك جائنى شابا وسيما ممشوق القوام وسلم على بعد ان زكر اسمى. سلمت عليه وعرفت انه ذاك الطفل الصغير تبدو عليه الراحة والمهلة. بعد ما غادر حكى لى احد الاقارب ان هذا الشاب صار من ميسورى الحال وصار لدية راعيان واحد يرعى له الاغنام والأخر يرعى له الأبقار. وتزوج من بنات الأهل. قال لى اشتقت راعيا لمدة عشرين عاما . عملت راعيا لناس فى ابوجبيها وعملت راعيا فى هبيلا وكرتالا وابكرشولا وامبريمبيطة وكل عام يعطونى عشين من الغنم وبعد فترة تلد الغنام والبقر حت عملت هذا المال.

سبحان اله الرازق الذى يرزق من يشاء بغير حساب.

المغزى من هذه الحكاية ان الرزق يأتى من غير حاجة لاى إقتراب او منافسه.

سنواصل,,,,,
يعقوب النو حامد


يعقوب النو حامد
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف فيصل خليل حتيلة 27th أكتوبر 2011, 09:10


نعم اخى يعقوب الارزاق بيد الله سبانه و تعالى

قصة جدا مثيرة و مشوقة

شكرا ليك
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف nashi 27th أكتوبر 2011, 10:13

سبحان الله اخي يعقوب

فرحتني باللحيل بنجاح هذا الشاب

ولا يظلم ربك احدا
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف صباح حسن عبد الرحيم 27th أكتوبر 2011, 11:34

ماشاء الله تبارك الله
الشاب عمل ونجح
الله يحفظكم في غربتكم والاولاد وتعودوا الي ارض الوطن سالمين غانمين اخي يعقوب النو
احترااااااامي

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف يعقوب النو حامد 27th أكتوبر 2011, 15:01

كيف حالك يا أختى صباح وكيف أخبار العم حسن عبد الرحيم والأسرة انشاء الله كلهم بخير. طبعا كل مرة ياتى العم حسن ابو جبيها قاعد يزورنا فى البيت جزاه الله خير. لكن بعد ما طلعت ما لقيت اى خبر عن الاسرة أنشاء الله اخبارهم تمام.
يعقوب النو.
يعقوب النو حامد
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف يعقوب النو حامد 27th أكتوبر 2011, 15:16

شكرا يا دكتورة ناشى وكيف اخبار الوالد عبد الرازق ود الحاج البشير
مشكورة على الرد
طبعا انا عاوز من الاخوان يعرفو الحقيقة أن الإغتراب ليس حلا والبصبر بلقى رزقو. انظرى الطفل عاش الوحدة وهو صقير وتكبد المشاق وهو فى العاشرة من العمر.

وشكرا يعقوب النو
يعقوب النو حامد
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف يعقوب النو حامد 27th أكتوبر 2011, 15:28

شكرا أخى فيصل خليل
الموضوع صراحة عبرة لمن اعتبر
الناس بيقولو الاغتراب حل لضواق المالية
لكن صراح الاغتراب معاناة لا اول لها ولا أخر

وشكرا يعقوب النو
يعقوب النو حامد
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف يعقوب النو حامد 27th أكتوبر 2011, 22:38

٢ـ بعد عودتى من أمريكا الى السودان
وجدت أحد الاهل غير موجود فى جبرونا . فسألت عنه, قالو لى الزول دا سار بالبقر. قلت بقر من؟ قالوا لى الزول غنى وسوا ليه مال تانى البيقعده فى الحلة شنو.
ما أعرفه عن هذا الشاب انه لا يملك الا فأس كان يقطع بها الحطب او مروق الصهب ويقوم بشحنها ويستلم أجره وأعرف أنه يذهب الى الرحمانية ليجمع العسل ويبيعه فو سوق ابو جبيها أى عايش رزق اليوم باليوم أو زى ما بيقولوا الشيوخ من الدرشة للكرشة , والشيء الاخر انه غير متعلم. ولكن كان انسان قوى بمعنى الكلمة ولا يأخذ حق اى زول.

كل ذلك يعود لله الواحد القهار.
ولكن الله سبحانة وتعالى ضرب لنا الامثال فى كل شيئ لنتعظ

صراحة القناعة كنز لا يفنى عندنا ارض خصبة وعندنا فرص كتيرة أمامنايجب الاستفادة منها. و عاوز اقول للاخوه فى الغربة ـ الطوله قماح
يعن الزول ما يقعد يطول يبحث فى مكان واحد عن الرزق و يقل لازم القى شيئ . عد و ستجد رزقك ينتظرك.
الشيخ البرعى رحمة الله قال فى مدائحه

لا تهممك عيشة العيال لا تمقلبك داار الخيال
ان كنت لا تملك ريال رزقك يجيك بى إختيال

وشكرا
يعقوب النو حامد

يعقوب النو حامد
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف ابوهريرة عثمان عبدالسلام 27th أكتوبر 2011, 23:37

بوست جميل

رد الله غربتك ياودالنو

وحقيقة الارزاق بيد الله ومادايره شطارة خالص ولدينا تجارب شتى

لكن على الانسان السعى والباقى على الله يمكن ان تغترب او تزرع او تسرح

بس المهم السعى
ابوهريرة عثمان عبدالسلام
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف يعقوب النو حامد 11th نوفمبر 2011, 08:45

ألاخ الفاضل أبوهريرة
تحياتى الحارة اليك
ومشكورعلى المتابعة السعى هو المهم والرازق رب العالمين.
وشكرا
يعقوب النو
يعقوب النو حامد
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

غربتنا ما هنتنا  Empty رد: غربتنا ما هنتنا

مُساهمة من طرف يعقوب النو حامد 29th نوفمبر 2011, 16:36

الأخ العزيز فيصل خليل
تحية طيبة
تلفونى هو ٠٠١٦٤٦٤٠٩٦٣٩٥
يعقوب النو حامد
يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى