ابوجبيهه

دبله خطوبه سعرها ستمائه مليون جنيه سوداني

استعرض الموضوع السابق استعرض الموضوع التالي اذهب الى الأسفل

دبله خطوبه سعرها ستمائه مليون جنيه سوداني

مُساهمة من طرف ود عشمان في 27th أكتوبر 2011, 21:30


تناولت الصحافه البريطانية يوم امس حدث خطوبة الملاكم البريطاني امير خان الذي ينحدر من اصول باكستانية و يقيم بمدينة مانشيستر ( بولتون ).. و تحدثت الصحافة عن موضوع خطوبته للطالبه فاريا البالغة من العمر عشرين عام و التي تدرس باحدي الجامعات الامريكية بعاصمة المدن العالمية ( نيويورك ) و كلفة دبلة الخطوبه مائة الف جنيه استرليني اي ما تعادل ستمائة مليون جنيه سوداني ..

دي الخطوبه و لا بلاش ..
avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: دبله خطوبه سعرها ستمائه مليون جنيه سوداني

مُساهمة من طرف محمود منصور محمد علي في 27th أكتوبر 2011, 21:44

طيب يا ود عشمان العروس دي ما عندها اخت اصغر منها؟؟؟

تتزوجها انت

وبعدين انت ممكن تشتري اغلى من هذا الخاتم والملكة بتساعدك وناس

جمعيتنا بساعدوك وممكن نبيع اللواري بتاعتك الواقفة في امبرمبيطة


بدل ما ابوهريرة يضيعها ليك في الفاضي لانو انا شايف اتفق مع

فيصل خليل وختو عينهم عليها

تحياتي
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: دبله خطوبه سعرها ستمائه مليون جنيه سوداني

مُساهمة من طرف ود عشمان في 27th أكتوبر 2011, 22:11


محمود

ههههههههههههههههههه هههههههههههههههه ههههههههههههه

انت داير تقطع ضراعي و لا شنو ..

عندها اخت اكبرها منها طوالي يعني بتكون عمر 24 سنه كده .. عمر الزهور و المني .. لكن لواري ابوجبيهه و لواري امبرمبيطه .. اقول ليك قوله لواري الولايه كلها خايف ما تجيب الشقلانيه دي ..

شكرا يا رائع ..
avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: دبله خطوبه سعرها ستمائه مليون جنيه سوداني

مُساهمة من طرف ابوهريرة عثمان عبدالسلام في 27th أكتوبر 2011, 23:19

يامحمود اللوارى دى فاضية ما بتجيب حاجة الا تون شاحنة بصل

وتكون سفنجات خشنة

التوامس والاواستن اسعارها تعبانة

بعدين ياخ ود عشمان تعبان مالو ما بنت الملكة قاعدة وقالت ما دايره زول غيرو
avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: دبله خطوبه سعرها ستمائه مليون جنيه سوداني

مُساهمة من طرف ود عشمان في 28th أكتوبر 2011, 00:54


ابوهريره ..

مشتاقين ياخ ..

انت عارف صحبي محمود مره يخط لينا صورة لوري و مرة صورة دحش .. ما عارفين زاتو بمتلك شنو من الثروه .. و بعدين موضوع بت الملكه هي ما زالت موجوده و راجيني بس الموضوع سر للغايه ما في زول عارفو غيرك انت و محمود و نتمني فيصل خليل ما يعرفو لانو بحب الخربشه ..

لكم التقدير
avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: دبله خطوبه سعرها ستمائه مليون جنيه سوداني

مُساهمة من طرف nashi في 28th أكتوبر 2011, 03:10

اجش يا يمه حالا البنات لي حدهن ان شاء لله

سعد الهنا يا يمه

أها يا اولاد امي شدو الحيل البنات باقي تاني ما برضن بي اقل من كدي ههههههههههههههههههه

وغايتو راجيه ناس سهاد وصباح وناهد وسوسو وسومه يأكدن كلامي ده او يقولن غيره

والعرسان غالبا مسلميين باكستان دي ما ظنيت ما فيها ناس ما مسلمين

الا خايفه علي البنات كان قالن جنس الكلام ده

اسامه ود عمي المغواري يكتب فيهن قصيدة سلبطه جديده

هههههههههههههههههههه
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: دبله خطوبه سعرها ستمائه مليون جنيه سوداني

مُساهمة من طرف ادم محمد ادم سراقه في 28th أكتوبر 2011, 07:00

و الله يا ود عشمان دا العرس ابوطعم انشاء الله عقبالك
اخاي لكن القروش تجيب سته مراح بقر الا المراح البقول
انا و بعدين الجماعه ديل ما يغشوك تعال بيع مراح كبير
و سير و سوي ليك نقاره و اخد من بنات عمك السمحات
البعشن الضيف و بسترن الحال بلا خواجات بلا سجم
ولا كلامي دا ما صحي؟!!!!

ادم محمد ادم سراقه
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: دبله خطوبه سعرها ستمائه مليون جنيه سوداني

مُساهمة من طرف محمود منصور محمد علي في 28th أكتوبر 2011, 12:46


مكافأة قدرها 10 آلاف يورو لمن يجد.. بقرة!

تشهد مقاطعة بافاريا عملية مطاردة لا مثيل لها بعد تخصيص صحيفة "بيلد" الاكثر انتشارا في المانيا مكافأة قدرها عشرة الاف يورو لمن يلقي القبض على بقرة هاربة تحمل اسم "ايفون".
وكان أثر البقرة ايفون قد فقد نهاية مايو في أحد الأحراج (شرق ميونخ)، وقررت صحيفة "بيلد" السبت تخصيص مكافأة قدرها عشرة آلاف يورو لمن يلقي القبض عليها حية بعدما أبلغت السلطات الصيادين المحليين أن بإمكانهم إطلاق النار على البقرة لأنها تشكل خطرا على حركة السير.
إلا أن قتل البقرة يجب أن يبقى الملاذ الأخير على ما تؤكد السلطات التي تتمنى "كل الخير" لايفون.
ومنذ نشر خبر المكافأة يكثر الصيادون والسكان المحليون في الاحراج المجاورة فيما اقترحت جمعية نمساوية للرفق بالحيوان شراء البقرة في حال عثر عليها حية.
ومطلع الشهر تمكنت مجموعة من الصيادين والأطباء البيطريين من إخراجها لفترة وجيزة من الحرج إلا أنهم فقدوا أثرها عند هبوط الليل.
وذكرت "بيلد" أن السلطات المحلية استعانت بـ "أقارب" البقرة "شقيقتها" فالروت و"نجلها" فريزي، فضلا عن ثور "جذاب" اسمه ارنست في محاولة لاستقطابها. إلا أن كل محاولات "الإغراء" هذه لم تلق قبولا عند ايفون.
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: دبله خطوبه سعرها ستمائه مليون جنيه سوداني

مُساهمة من طرف ناهد عبيد في 28th أكتوبر 2011, 22:56


بالصوح دى الخيتوبه ولا بلاش

ذى الجنيات وحال الولدات والبنوت لحدهم

اجى احسان انسى بس ولا كلمه حال السرور والهناء سعد البنيات

اهلنا قالوا السمعه ولا طولت العمر قلت يا ود عشمان خبر تناولته الصحف دى ما ذاتو بيت القصيد تقعد الدار تنقل لينا فى الخبورات الما ياها فلان لبع فلانه وفلانه خمشت علانه هههههههه
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: دبله خطوبه سعرها ستمائه مليون جنيه سوداني

مُساهمة من طرف ابوهريرة عثمان عبدالسلام في 28th أكتوبر 2011, 22:57

ول عشمان ياها جاتك فى مكانك

البقيرة دى تغلبك عشرة مليون يورو

شيل عكازك المضضب وشد حيلك وما تنسى تشيل معاك سلبة بلاستيك

وبعدين رسل القروش لسراقة يشترى ليك مراح ما تقول اليومين دى البقر رخاص
avatar
ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: دبله خطوبه سعرها ستمائه مليون جنيه سوداني

مُساهمة من طرف فيصل خليل حتيلة في 29th أكتوبر 2011, 08:59


هههههههههههههههههههههههههههههههها

هههههههههههههههههههههها

انت يا ودعشمان الباكستانى مش بتاع البونيه ولا الملاكمة داك ولا واحد غيرو

تانيا يا عمو محمود ياخ ودعشمان دا مرتبط او عاقد على بت هنا ارجوك ما تلخبط عليهو امورو

و لو تلاحظ قال ليك الموضوع سرى لو فيصل عرفو بخربش ليه الامور

هههههههههههههههههههههههها

كد يا ودعشمان شوف لمحمود دا واحدة انشاءالله ابوها يكون رئيس الحرص الجمهورى الايرلندى مافى مشكلة


ههههههههههههههههههها
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: دبله خطوبه سعرها ستمائه مليون جنيه سوداني

مُساهمة من طرف ود عشمان في 29th أكتوبر 2011, 10:13

العزيز سراقه ..

والله ضحكتني قلت لي دا العرس ابوطعم .. اخي شوف لي واحده ليها ( تربلول ) ..

الدكتوره ناشي

ناهد عبيد ..

لو كنت عارف دا رايكن كنت الموضوع دا زاتو ما نزلتو ..

ابوهريره .. البقره قالوا حلوب توه نحن شاتين في الفرقان بندور فوقا .. دي بقره ما بتتفوت ..

فيصل خليل ..

شوف يا زول ما تلخبط لينا سوقنا انت منو القال ليك انت مرتبط .. عشان كده المواضيع الحساسه دي ما بنحب نوريك ليها غير الخربشه ما بتعرف حاجه ..
اما بالنسبة لمحمود هو قال عايز بت بت ملكة هولندا و البت و حبوبتها موافقين بس عندهم خالهم رافض الموضوع دا عشان كده انا ماشي هولندا احسم الموضوع دا ..

لكم التقدير
avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: دبله خطوبه سعرها ستمائه مليون جنيه سوداني

مُساهمة من طرف سومه العمدة في 4th نوفمبر 2011, 09:38

ايووووووووووووووي ايوه دا الكلام الصاح
الزول المابقدر يجيب دبلة متل دا ولا يعتب
كتر خيرك اخوي ودعشمان انك وريتنا البحصل واحنا ماجايبين خبر
هههههههههه
avatar
سومه العمدة
نشط مميز
نشط مميز


الرجوع الى أعلى الصفحة اذهب الى الأسفل

رد: دبله خطوبه سعرها ستمائه مليون جنيه سوداني

مُساهمة من طرف الجبالي في 13th نوفمبر 2011, 11:39

الخطوبه كده بالتأكيد بالنسبه ليهم بحكم معتقداتهم نحن معشر المسلمين وفي المسلمين الكادحين وناس القري والبوادي مابنعرف ننطق حتي الرقم ده
الله يعينهم
والله يدينا مبلغ الدبله ده عشان نعرس للعزابه
لكن شايف اختي سومه الكلام عاجبها
والله كان الدبله قيمتها قدر ده بالتأكيد البوره سوف تكون معضله لايمكن حلها في القريب العجال
الله يخلي المفكرين
وهاك ياعرس جماعي جوك زباين
بالتوفيق ود عشمان

الجبالي
نشط مميز
نشط مميز


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى