ابوجبيهه

الصدفه جمعتنى بها .......... (( امل الميرغنى )) ..........

استعرض الموضوع السابق استعرض الموضوع التالي اذهب الى الأسفل

الصدفه جمعتنى بها .......... (( امل الميرغنى )) ..........

مُساهمة من طرف ناهد عبيد في 3rd ديسمبر 2011, 18:23

سلامات الاعزاء
لكم منى التقدير والاحترام

اسمحوا لى عبر منتدى حكاوى المجهر الانيق ان احاول سرد احداث يوميات زولا شاف وعاش وحكى له وشاهد احيانا ما شافش حاجه وفوق كل ذلك تتحائل وترفض الكلمات مجئيها عنادا لتثبت للجميع ان التعبير احيانا يكون اقل بكتير من الاحساس بالشئ



***********************************************************************


فى غير معياد مسبق وبدون تخطيط ساقنى القدر الى زيارة مدن ليست بالقليله فى بلدى الحبيب من خلال رحلاتى العمليه التى تسمح لى فقط بالنوم والصحو مبكرا الاحظ فقط شروق الشمس سرقه على عجاله وانا خارجه من المدينه على ضواحيها فلى ما تبقى من باقى الوقت الممحوق ان اقضيه ضحوه ومقيل وعصير بدرى حتى يسرع المغيب معلنا بالرجوع مره ثانيه بدون تغير المسار وفى خضم كل ذلك وبنظره عميقه فهمت وعرفت ان المكان انسان يمشى معك يحس بك يشعر يفرح يرقص يحزن يبكى يكره يحب وكمان يتألم صدقونى وجدت ان هنالك قواسم مشتركه بين هنا وهنالك فى الاقاليم المختلفه ولكن يظل للخصوصيه مكان خاص . البئيه لها اثر فى تكوين الانسان مثلا ان يكتسب الهدوء او العصبيه واحب ان اقول التكوين الجغرافى له تأثير كبير على نفسية الاشخاص مثال المشاعر ونجده
واضح فى طريقة اهتمامنا بالاشياء وكيفة التعبير عن حبنا كرهنا فى الاكل اللبس اختيار الالوان واسماء الناس والاماكن وبالتالى نجد السلوك والتصرفات دوما تحكى عن من انت وهى مكتسبات مجتمعيه ولا ننسى اجتهادات فرديه وللجماعه بصمه واضحه فى مسيرة كل احد منا قد نتفق او نختلف ولكن سيظل الاحترام بينا وللود مكان ان ابينا او رضينا .
وامثالنا شاهد على ذلك ان الانسان ابن بئيته
فتعالوا معى




عدل سابقا من قبل ناهد عبيد في 3rd ديسمبر 2011, 19:15 عدل 1 مرات
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف ناهد عبيد في 3rd ديسمبر 2011, 19:07


بصراحه يا اخوتى اعرف ان لكل قصه بدايه وتجدون البدايه بأذن الله

اكيد تطمعون فى النهايه المفرحه او المحزنه

الحقيقه هى مالا اضمنه لكم النهاية ........ قد تتعجبون كثيرا واحتمال ان يسخر بعض منكم او حتى يضحك اكيداكيد معكم حق وكمان ح يقرر البعض عدم قراءتها

ودى اشاره بتقول دى قصه شنو ؟؟؟؟؟ لم نسمعها او نقراها او نألفها من قبل .

السبب لو فى العمر بقيه ح التقى( بأمل )مره اخرى لان الحكايه كلها كانت مجرد صـــــــدفه

واقعدوا عافيه



avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف nashi في 4th ديسمبر 2011, 03:47

الشحتفه كتلتيني بيها هههههههههههههه
اها رجاءا تمي ليناالقصه
متحكرين ومنتظرين
يمه مافي صبر يبل الابري Very Happy
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف صباح حسن عبد الرحيم في 4th ديسمبر 2011, 13:06

منتظرين ناااااااااااهد Very Happy

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف Suhad Abduelgfaar في 4th ديسمبر 2011, 15:16

انا غايتو يا بت عمتى قررت
اجهز الراكوبه والشاي لى اخياتى الدكتوره والصبوحه
وديك يا قعده
وقنبيره
اها منتظرينك
تحياتى
avatar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف ناهد عبيد في 5th ديسمبر 2011, 00:23


سلامات الحبيبات

اخيتى احسان قلت لى صبرا يبل الابرى مافى هههههه انتى تأمرى مش تقولى رجاء . يمه اشتقنا ليك ما قربتى تجى بالتوفيق يا رب .


صبوحه :- اذيك والعيال تحياتى انتى يمه ينتظرك الخير والهناء

سهاد :- حمدا بالسلامه ان شاءالله لمه فى الحرم قولوا امين قبل ده كلوا نشرب الشاى بعد ما نكل الشيه فى الكرامه الليت العوده حقتن بالسلامه من ديار الغربه ومعاكى احسان .
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف ناهد عبيد في 5th ديسمبر 2011, 00:26



المدن الريفيه فى بلادى كثيره وحلقات هذه القصه حدثت فى مدينه تغنى لها شعراء بلادى
هى مدينتنا الهادئة التي تحتضنها السواقى من الناحيه الشماليه والجنوبيه ونهر موسمى وتل جميل ترى كل المدينه وانت تقف غربا عرف عن اهلها طيب المعشر كأنهم أسرة واحدة ، تكاد تجزم ان كل اهلها يتعارفون مع بعضهم البعض رغم كثرة الاحياء .
هى مدينه ريفيه جميله ساااااحره اتفق معظم الناس على جمالها وان اختلف البعض فى ذلك . جمالها و سحرها من طيبة انسانها وتمازج وانصهار الناس مع بعضهم البعض تشتهر بالسحر والمناظر الخلابه خضره وتلال عاليه منحتونه يخرج منها ماء عزب على قول اهاليها لو شربت منه تاااااانى بتجى راجع سبحان الخالق دقه متناهيه ورقه وفن ونقوش تشكليليه تبهر الناظر عندما تنظر بعمق للسلسله الجبليه التى يقصدها اهل المدينه للترويح عن انفسهم فى فترة المساء او لدعوة عزيز زار المنطقه لاول مره ويقصدها السواح والعرسان وعندما تدخل المدينه لاول مره تحس بانشراح صدرك والامان وحلاوه العيش البسيط فيها . بها امتزجت ثقافة المدينه مع الدول المجاوره لها فى كيفية التعبير عن اشياء الناس مثلا فى الفرح فى الاغانى والايقاعات ونوع الماكولات والمشروبات (القهوه ) لها طقوس خاصه جدا وبعض اشكال اللبس الزى امتازت به المنطقه دون غيرها من مدن بلادى . تجد طريقة الكلام عند النساء بصوت ليس بعالى او منخفض وحتى سحنات الناس تكاد تشبه بعضها تماما فى السوق وانت تتجول بائع كان او شارى او حتى متفرج تجد السواد الاعظم الرجال يعملون فى المتاجر والمطاعم وعندما تريد شرب فنجان قهوه او كوب شاى يقدمه لك رجل قهوجى على غير العاده فى مدن اخرى فى بلدى وما احلى السلات على نارحجريه او حتى مندى فى امسيات جميله تخرج الاسره فى بوكسى ملاكى للعشاء خارج البيت وحزارك ان تزكر اسم امراه حتى فى التحرى لبيانات الجنسيه امك ما تقول فيا له من عالم غريب بالجد مدهش
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف فيصل خليل حتيلة في 5th ديسمبر 2011, 12:45


بصراحه يا اخوتى اعرف ان لكل قصه بدايه وتجدون البدايه بأذن الله

شكلو الموضوع للنساء فقط

ما لم تؤكد او تنفى صاحبة البوست صحة الفرضية سوف نحتفظ بمداخلاتنا

شوف ليك هول مصايب

بنات حوه ما بنقدرن الناس كلامم صاااااااااااااااااااااااااااح

تحايا
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف ناهد عبيد في 10th ديسمبر 2011, 00:39

فيصل خليل حتيلة كتب:

بصراحه يا اخوتى اعرف ان لكل قصه بدايه وتجدون البدايه بأذن الله

شكلو الموضوع للنساء فقط

ما لم تؤكد او تنفى صاحبة البوست صحة الفرضية سوف نحتفظ بمداخلاتنا

شوف ليك هول مصايب

بنات حوه ما بنقدرن الناس كلامم صاااااااااااااااااااااااااااح

تحايا




سلامات فيصل
شكرا على المرور
عفوا كتبت اخوتى وليس اخواتى ............ اخوتى من الاخوه وهى تشمل الاثنين معا
يا ناس لم اخص حواء فقط فى الخطاب والله غايتو جنس محن وبالتانى الاعزاء الافاضل كلكم رجال ونساء
ولكم منى التقدير
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف ناهد عبيد في 10th ديسمبر 2011, 00:45




وفى تلكم الرائعه الرؤم تربت امل ابنة على فى حوش جدها الميرغنى الذى يحتضن كل العيله بدفئ العمات واولادهم والاعمام واسرهم والجد والحبوبه البيوت واسعه وكبيييييره مفتحه فوق بعضها الحاله وااااااحده والعلاقه بالجيران طيبه ومشاركه فى الافراح والاتراح . امل طالبه فى الثانوى العالى السنه الاولى مستواها الدراسى وسط والدتها تتمنى ان تتوفق امل وتصير محاميه . ليه محاميه ؟؟؟؟ الله اعلم لسبب تعرفه والدتها . كان يسكن بجوارهم حاج محمد وزوجته زهراء ولهم اولاد وبنات شاءت الاقدار ان يقرر وليد ولد الجيران ود عمكم حاج محمد الزواج من واحده على شرط تكون من بنات الاسر المعروفه ليهم فى الحله تفاديا لتكاليف كثيره . وبدأ رحله البحث مع اخواته البنات وامه . يلا يا وليد رايك شنو فى عواطف ويتلعثم وليد ....... اهااا فااااطمه فا فا فاطمه وتقاطعتها اختهم الكبرى لا لا لا فاطمه شنو سمينه وكمااااااان دمها تقيييييييل . طيب سوسن اخخخخخى مافى غيرها ضعيفه وزريقه . وفلانه لا وفلتكانه بررررررى واخيرا بعد تعب وبحث مستمر وقع الاختيار على امل بت الجيران الوديعه الحلويه التى اكملت الصف الاول الثانوى وطلب وليد من اخته ان تهئ امل وتفتح اضأنها فما كان عليها الا ان قالت ليهو اجى يا وليد دى كمان دايره ليها فتح اضأن وهى اكيد موافقه و ما عندها مشكله وانتا الزيك منو هو لاقنك ولا لاقنك اهو يا اخوى لفحت توبى واهااااا ماشه بالنفاج البينا وبينهم بدءا رفضت امل لسبب انها صغيرونه و تريد اكمال دراستها وتحقق رغبتها ورغبة امها وقالت ليها كتر خير ووليد زى اخوى و الحله مليانه بنوت سمحات وشينات ليه بس انا ؟؟؟؟؟؟؟؟ يا بت عشان انتى دايرنك نحنا ووليد اخوى شارئك وبموت فيك و و و و و و و و وكن للقراءه ح تقرئ والمساء وليد ح يجى ويشرب معاكم شاى المغرب واسمعى منو براكى يا حيبتى وفى المساء جاء وليد وقصر المشوار لامل واقسم ليها بالله انو ح يكون ليها سند وضهر وتب ما تشوف منو شينه وقال ليها زى ما قلتى الحله مليانه بنات لكين انا عاوزك انتى وح اكون زوجك وابوك واخوك وكل حاجه وترددت امل فى القبول و بعد كلام كتير من الاهل والاقرباء وافقت امل وحست بالامان وفرح الاهل بقبولها على الزواج وتمت المراسم و سكنت امل مع نسابتها فى نفس المنزل اوضده قدامها حوش يسع يادوب سريرين وكرسى والمطبخ واحد عاشت مع زوجها واهله فى امن وامان وعندما اتحسنت الظروف استاجر وليد بيت لوحده ويوم الرحول بكت نسيبتها واخوات وليد على امل وطيبة عشرتها الكل يقول يا حليلها ومع الظروف الجديده لم تستطيع العروسه اكمال دارستها مسؤليات البيت والزوج وانجبت العيال فى اعمار متقاربه جدا كانهم تؤم وفى ظل دوامه الحياه المعروفه فى مجتمعنا السودانى البسيط بيت السمايه والطهور وزيارات المرضى بالمستشفى والمناسبات افراح واتراح و رغم ده كلو اصبحت ست بيت شاطره لم تقصر فى واجباتها تجاه بيتها وعيالها ومجتمعها وانجبت اربعه اطفال بت وتلاته اولاد . اما وليد كان طموح جدا وله اهتمامات أدبيه علما بانه خريج قانون طور نفسه فى مجال القانون واصبح زائع الصيت فى البلد الاستاذ وليد دخل الاستاذ وليد مرق وفجأة قرر وليد واسرته الكبيره الرحول الى الخرطوم وبالفعل رحلت الاسره باكملها واستقرت فى الخرطوم حى الصحافه ووليد وزوجته وعياله سكنوا ايضا الصحافه ويفصل بين الاسرتين شارع الظلط . وتأقلمت امل والابناء على الحياه الجديده رغم حبها للبلده التى ضاقت فيها احلى ايام عمرها وكانت تدعو الله دوما يلم شملها مع اسرتها الكبيره وشاءت الاقدار ان يتوفى ابوها واطر جد امل والد امها ووهو من التجار القدامى فى ام درمان ان ينقل ابنته واولادها للعيش معه فى ام درمان حى ( بانت ) لكى يرعاهم وبالفعل انتقلت الاسره فسعدت امل ايما سعاده بمجئ اسرتها رغم حزنهم على الوالد الله يرحمه . استطاع وليد ان يحقق طموحاته فى العمل وهاك يا سفر ومؤتمرات وورش عمل والذى منه وكمااااااان جلسات ثقافيه وعشاء عمل ودعوات اصحاب وكتر خروج وليد حتى فى مناسبات الاسره والاصحاب يخرج لوحده دون مرافقه زوجته و عياله واصبحت امل اما تخرج لوحدها او مع جاراتها وكلما سأله اصحابه عن المدام يبرر بحج واهيييييييييه وكمااااااااان وهميه والله معاها ضيوف الشغاله مرقت واليومين ديل تعبانه شويه مع البيبى وكده . كتر غياب وليد عن البيت ونادرا جدا ما يتناول وجبه فى البيت اصبح لا يطيق حتى الكلام مع ام العيال بحجة مافى تلاقح افكار وكل واحد منا له طريقته فى التفكير والكلام والمدام دى والله سطحيه خالص . فأضرت المسكينه المغلوبه على امرها ان تكلم الحاجه ام وليد عسى ولعلل الحال يمشى فوجدت عكس ما توقعت هووووووووى يا بت ليلى انتى ما بتحسى ولا شنو حسع ولدى ده مقصر معاك فى شنو مياكله ولابسه وسمينه وامينه فسكتت ورجعت بيتها مكسورة الخاطر . فقررت ان تناقش الوليد بعد حضوره وعندما نام الوليدات قالت ليهو يا وليد انا عاوزك فى موضوع مهم اهااااا فى شنو تاااااانى عاوزه تقولى لى مالك متغير ؟؟ لا يا ابو العيال بس عاوزه اقول ليك انك عرستنى باختيارك وطلعتنى من المدرسه وقلت لى كلام حتى الان بيرن فى اضانى وصدقتك ووثقت فيك وزمئلاتى المعاى كلهن تمن تعلمين وعرسن والان مبسوطات والله انا ما ندمانه بس حاسه انك متضايق منى فى شنو انا ما عارفه عاوزاك لو فى حاجه انا عملتها غلط قل لى وانا اوعدك ح اتغيرها باذن الله لانك بقيت نافر من البيت والعيال مشتهنك وكل الناس لاحظوا الكلام الانا بقولوا ده . عليك الله نخت ايدينا فوق بعض ونرجع زى ايامنا الحلوه الزماااااااااااااااان .
خلاص خلصتى كلامك اسمعى مافى حاجه يا زوله انا ماشى انوم نأجل الكلام مره تانيه لانو بكره مسافر الفجر . سجمى سفر شنو وماشى وين ؟ ماشى بورسودان - بورسودان لشنو؟ اسمعى هو تحقيق هاكى المصاريف وما عاوز كلام كتير انا قصرت معاك فى حاجه مصاريفك الخاصه ومصاريف البيت والشغاله وكل طلباتك فيها مشكله ولا بس عاوزه النقه ؟ . بكت بقلبها بدون دموع ولم تضوق طعم النوم فى هذه الليله . ففكرت فى حل أخر لحمايه بيتها فجاءها الحل مسرع هو ان تكلم حسن صديق زوجها وتحكى له بكل ما حصل علما بانه صادق ووفى وحقانى فى زمن قل ما تجد فيه الوفاء والصدق وكتمان السر وفوق كل هذا كان وليد يحترم حسن صديقه جدا اتصلت امل عليه الو حسن كيفك والعيال لو فاضى انا عاوزاك الليله تعال اشرب معانا شاى المغرب فرحب بالفكره وقبل صلاة المغرب حضر صديق الاسره وبرفقته زوجته وابنه وليد جلس مع امل لوحدها وترك زوجته وعيال صديقه وابنه يشاهدون التلفاز . بدأت تحكى امل واندهش حسن من حديثها ووسط دهشته بكت بكاءا شديد تأثر حسن واوعدها خير وقدم لها بعض النصائح وهى ان تحاول فى تغير نمط حياتها الروتينى وتتكيف مع مطلبات الحياه الجديده وتقدر كمية التعب والارهاق وشغل وليد الكتير وان تناقشه فى اوقات مناسبه فقبلت منه الكلام وشكرته وانصرف . بعد ما جاء وليد من السفر اتصل عليه حسن وطلب منه ان يقابله باسرع فرصه ممكنه واتفقا على اليوم الثانى مباشرة التقا الصديقان فى جلسه مكاشفه فقال حسن يا وليد هوى بدون لف ودوران وانحنا ما لينا غير بعض ومن الاخر كده انت مالك مع امل فقاطعه وليد اشتكت ليك ؟ ايوه ياااااااخى تعمل شنو اذا انت ما فاضى وما عاوز تقعد معاها وتسمعها وهى مسكينه ويتيمه وارجو منك بكل وضوح تشرح لى الحاصل عشان نخط النقاط على الحروف . يلا ابدأ انا سامعك وفى تلعثم كده والله يا صديقى هى ما عندها عوجه وام عيالى وصبرت معاى ما قصرت تب لكين هى فى وادى وانا فى وادى . طيب ليه ؟ بامانه هى زوله بلديه وما عندها موضوع تقضى الوقت اما مع ناس امى او امها او نائمه وكمااااااان بقت سمينه ومنتفخه خالص وتهلفط فى الكلام وما عندها طموح خالص شوف الان بعمر زواجنا عندها كم طفل دى امشى بيها وين فى المجتماعات وبصراحه انا احساسى بيها اتغير خالص لانى استعجلت فى الاختيار وكمان هى ما كانت ناضجه فى الوقت داك وما كملت تعليمها وانا استعجلت و و و و وبعد ده كلو ما قصرت معاها اعمل ليها شنو تعبت والبيت اصبح طارد شوف حجم معناتى والكلام كتير يا صديقى وانا صابر ما اشتكيت ليك . يرد حسن عليه بالجد اقول ليك شوف حل والحل ساهل جدا لو انت بتحبها وبالجد شارئها الكلام ده بسيط ومافى مشكله صعبه كلو مقدور عليوه وكل الحاجات القلتها دى مكتسبه والانسان كل يوم يوم بتعلم من الحياه ثم اسمع مش دى امل الانت كنت بتموت فيها . ايوه صاح لكين ده كان زمااااااان وانا استعجلت والزمن اتغير وبقت فى رشاقه وثقافه ومواكبه ووووووووو . حسن يا خساره يا صديقى بقيت ما بهفمك خالص وحتى قناعاتك اتغيرت بالله الخرطوم عملت فيك كده والاسباب القلتها دى كلها واهيه ممكن تقول لى انت ناوى على شنو ؟ بالجد انا عاوز اعرس واحده تانيه وامل هى الاولى وام العيال والعروس الجديده شنطه خفيفه وح تعينى على الحياه لانها فاهمه وواعيه واجتماعيه وووووووووووو . عروس !!! معقوله اتقى الله حيرتنى معاك بتقول فى كلام مستحيل انا اقتنع بيهو. حاول حسن اقناع صديقه لكنه لم يستطيع فقال ليهو يا اخوى الفى رأسك بعرف خلاصك واهم حاجه انك تتقى الله فى امل والعيال .
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف ناهد عبيد في 16th ديسمبر 2011, 21:29

بدأ وليد يخلق فى الاعزار لدعم فكرته بزواج الثانيه ايوه ده حقى الشرعى وربنا ذاتو قال كده والمشكله وين امل ما عاوزه تطور حياتها اعمل ليها شنو ابقى ليها مدرس خصوصى . حسن اتصل على امل وطيب خاطرها بكلمتين وفهمها ان وليد مشغول وعندو مشاريع وبت الرجال لازم تستحمل وتصبر وليد زول قلبو طيب وحنين بس ضقوط الحياه وزحمة الخرطوم من خلال نبرات صوت حسن و حديثه حست امل بشئ ما لكن قررت ان تصبر وتربى العيال فى هدوء ففكرت ان تلتحق بمدرسه قريبه من البيت وتكمل دراستها وهيأت نفسها ولكن الطامه الكبرى رفض الزوج وهاج وزبد قرايه شنو يا هانم انتى ناسيه انو عندك راجل وبيت وعيال وضيوف لا لا انا ما ناسيه وعامله حساب لده كلو وح اوفق بين الحاجات دى كلها بأذن الله بس انتا ساعدنى اسمعى ما عندى معاك كلام زياده مافى قرايه ..... يا وليد اذن انتا النسيت كلامك الزماااان ...... اسمعى ما نسيت لكين غيرت كلامى ولو ما عاجبك امشى نا س امك وخلى العيال وابقى تلميذه هناك وانسى انو عندك اولاد يلا فكرى براحتك القرايه ولا بيتك امل ما لقت زولا وقف معاها حتى ناس امها وجدها قالوا ليها دى قسمتك وقدرك وانتى عندك كوم عيال لازم يتربوا قدام ابوهم ولا عاوزه الناس يتكلموا فيك ويأكلوا لحمنا .... سكتت وضاقت الحنضل وحاولت تغير سياستها لكين وليد مصر على موقفه وبقى ما فاضى للبيت والعيال كل العلاقه بينهم الاسم والمصاريف وويل ام العيال لو ضربت تلفون فى شنو انا شافع اوعك تضربى الا لغرض ضرورى مفهوم .....
وفى ظل الظروف الاسريه المطُربه وامل تعبانه نفسيا فجأه مرض أصغر ابناءها وائل وحالته تحتاج متابعه لصيقه جرعات الدواء وسهر مستمر وفى الصباح تلبس العيال للمدرسه وسندوشات الفطور والترحيل يأتى عند الساعه السادسه صباحا ومراجعة الدورس فانتحل جسمها
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف ناهد عبيد في 16th ديسمبر 2011, 21:31

وفى يوم الخميس عند الساعه الخامسه مساء اتصلت امل على وليد فى رقمه المحمول ورن الجرس رن رن رن لا يوجد رد واتصالها لا يكون الا فى قائمه الضروريات الملحه فعاودة الاتصال مره أخرى اذا بها تسمع صوت ناعم يرد عليها وهى متاكده بانها لم تتصل خطأ .......
الو ...
انتى منو ...
اول ردى السلام ...
سلام شنو ادينى صاحب الرقم بسرعه مش ده تلفون وليد
ايوه يا مدام .....
مدام كمان .........بسرعه وين وليد وليه بتردى انتى ؟؟؟
عشان معاه ضيوف .....
وطق سكرت السماعه
وجنا جنون امل ... ياربى دى منو تكون .... ما اظن طيب دى منو
بعد ساعتين دخل وليد
السلام عليكم

كنت وين ؟

شغل شنو والردت عليا منو ؟؟

ههههههههه هههههههها مبالغه دى سوسن متدربه جديده انا نسيت التلفون فى المكتب وطلعت مشاور ....

الظاهر عليك مبسوط

نسيتو وطا...ل. ع. ت .. لا لا ده كلام واضح والقصه بقت مكشوفه اتختشى يا راجل ...... ياااااخى اتفقوا مع السنيوره بتاعتك

اسمعى مكشوفه ولا غيرو انتى ذاتك ضربتى لشنو ودى شغلى وما من حقك تحددى اتعامل كيف وانا مش قلت

ايوه قلت ما أضرب لكين ضربت عشان اقول

وخرج وليد قبل ان تكمل كلامها متزمر وخبت باب الشارع خلفه بصوت كع كووووووو

حست امل بصوت الباب كأنه صاعقه علي رأسها وانهارت بالبكاء ولم تفق الا بصراخ ابنتها ماما ماما تعالى بسرعه انتى وين وائل تعبان شديييييييد ومنطط عيونه فوق

سجمى سجمى وكر عليا ولدى جسمو سخن زى النار وجرت على الحمام بلت البشكير بمويه عشان اعمل مكمدات

واتصلت بوليد مرات كثيره لم يرد ارسلت رساله ابلغه بحاله ولدنا برضو ما ردا

اتصلت بناس امه وكلمتهم واتصلو عليهو لقوا التلفون مغلق وناس امى بعاد فى ام درمان الحل الوحيد طلعت الدكان وطلبت منو يسلفنى قروش للتاكسى وحق الدواء لمن وليد يجئ رفض رجعت البيت وناديت جارتى ساره بالحيطه عشان تتصرف ليا ماهى اصلها طيبه وظريفه وما قاعده تقصر معاى وللاسف لقيتها مافى .
احترت اعمل شنو فجأة اتزكرت خاتمى وجرى على الدولاب اخدت الخاتم وجريت الظلط وقفت بتاع التاكسى
يلا يا عمو على حوداث الخرطوم وقبلها على السوق العربى محل الدهب وعند مدخل السوق بقى وائل يتشنق وانا ابكى فعمو بتاع التاكسى بدأ اتعاطف معاى اصبرنى يا بتى انتى راجلك وين وليه براكى انتى غريبه هنا ولا شنو وين جيرانك اهلك نسابتك الظاهر ما عندك معامله مع الناس ولا شنو ؟؟؟؟
وصلنا الصائق بعت الخاتم واخدتا المبلغ واسرعنا نحو الحوداث وصلنا الحوداث الساعه تسعه بليل ولحسن حظى لقيت مافى عيانين كتار ونائب الاخصاصى قاااعد الحمد لله ولدا مبروك وقام باللازم هو والتيم المعاه وعمو بتاع التاكسى اصلو ما فاتنى بقى ليا فى محل ابوى الله يرحمه لو كان فى ده كلو ما حصل عليا قرر الطبيب حجزنا لمده 24 ساعه لمتابعة الحاله قلت لعمو كتر خيرك وحسابك كم خلاص امشى

قال لى عيب يا بت الرجال انا ابوك فاطمه حرم ما بمشى علا يجوك اهلك

بكيت زين وقلت الدنيا بخيرها ضربت لناس امى وجدى وفى رمشه عين وصلوا شكروا عمو التكاسى ومشى لكين للاسف وليد ما ضرب واهلو كأنو مافى حاجه ما سألوا منى واولادى براهم فى البيت ضربت لجارتى لقيتها جاءت بيتها وصيتا على العيال قالت لى مافى عوجه بجيهم وما تشيلى همهم خليك فى العيان الله يديه العافيه

جدى قال لى تعالى يا امل خلى الولد مع امك قلت ليوه حاااضر يابا

اسمعى يا بت وين راجلك وين نسيبتك فى شنو ليه انتى هنا براك ؟؟؟

بديت ابكى بحرقه
بطلى البكاء وردى
حكيت ليه القصه
ضرب جدى تلفون لوليد رد هلو يا حاج
اهلا يا ابنى انتا وين نحنا فى الحوداث مع ابنك تعبان شديد

انا وجدو داخلين على العنبر سمعت صوت امى تبكى وهى مسرعه نحو الباب امل يابا الليله وووووووووووب ووب ووب احى احى من وائل الراح وائل ماتتتتتتتتتتتت

لم اصدق ما سمعت وما بكيت حاسه انو امى كانت نائمه وحلمت وبس . اسرعت نحو سرير ابنى لقيت الدكاتره متلمين حول سريره ودخل جدى الدكتور قال يا حاج البقاء لله عندها لم احس بما حولى ودخلت فى حالة اغماء .
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف nashi في 17th ديسمبر 2011, 02:32

يتخلص الامر في تقديري في انانية مستر وليد
Sad
ومنتظرين ومتابعيييييييين
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف ناهد عبيد في 22nd ديسمبر 2011, 22:08

nashi كتب:يتخلص الامر في تقديري في انانية مستر وليد
Sad
ومنتظرين ومتابعيييييييين




تسلمى من كل بلاء يا اختيى معليش واسفه للتأخير فى سرد القصه طبعا بنتظر العطله وكده

تحياتى
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف ناهد عبيد في 22nd ديسمبر 2011, 22:21


فقت من الصدمه ولقيت الامر الواقع الذى لا مفر منه ولدى راااااااح منى حرقتو شديييييييده وجرح عميق فى جواى ينزف ناس بيتنا وجاراتى واهل وليد مكسرين قاعدين فى البيت متوقعين السكلى والصراخ والبكاء من ام الجنى الميت الكانت مصدومه وما بكتو.
لم تنزل منى ولا قطرة دمعه

الجميع:- الله يديكى جنى الحياه ويعوضك شدى حيلك

ام وليد :- يا بتى ما تتأسرى ما انتى لسع صغيره ح تجيبى الولد والبنيه

امى :- يابتى جنى الحشى مو حااااااااار استغفرى الله وارجعى انتى ما قصرتى وده مقطوع منو النصيب لو بس دموعك نزلت كان احسن من الحرقه الانتى فيها

ساره جارتى :- امسكت بى بكت بكاء بحرقه .... و بدهشه !!!!!!!!!!!!!
بسم الله يا امل مالك كر عليا يا اخوانى شوفوا شيخ يقرأ ليها والله ما طبيعيه معقوله دى امل الحنينه

احم احم احم السلام عليكم
دخل جدى اتكلم معاى زين وما خلى فرض ناقص تعالى يا ثريا جيبى العيال لامهم
دخلو حبائبى الصغار ماما صحى انتى زعلانه وتعبانه و صحى وائل تانى ما ح يرجع كل الناس الموجودين حتى جدى بكوا شديد .... الا انا ما نزلت منى دمعه . بست
اولادى التلاته وحضتهم بقوه ... ماما نحنا بنحبك ماما ماما ما تزعلى

دخل وليد وخرج الجميع عدا وعد بتى ظلت منتظره الله الله ليته ما دخل
يا امل وين مفتاح الدولاب والملابس العند الغسال البت جابتهم وكالعاده وووووووو
لم اتفوه بكلمه ولم ارفع راسى هممت بالخروج


وليد..... طيب طيب انا ح اتصرف لو انتى تعبانه ممكن تمشى مع ناس امك بانت ترتاحى شويه كم يوم


وعد :- المدرسه لكين يا بابا

ويدخل ابنى على
بابا فى زول بتاع تاكسى واقف فى الباب وقال ......

بتاع تاكسى !!!!!!!!!


وخرجت مهروله وحفيانه كالمجنونه اردد بصوت عالى شديد اكيد ده الراجل الطيب يا حيليو جاء يسأل من وائل وكل الحاضرين جرو خلفى حتى وليد مجرد ما شفتو انفجرت بالبكاء وارتميت فى حضنو وانا بقول ابوى ابوى ما قصرت معاى لكين صاحب الامانه اخد امانتو بدأ يبكى معاى يا بتى اصبرى اصبرى ربنا ح يعوضك خير فعلا انا زى ابوكى ودهش الجميع ماعدا امى وجدى لانهم قابلوه فى الحوداث وبعد ما هدأنا قلت لجدو انا ماشه ارتاح شويه وانتا احكى للجماعه ووليد عشان يرتاحو من الحيره الهم فيها ويعرفوا الدنيا بخير


وبكره اذا شاء الله بعد صلاة الفجر انا ح انتظرك يا ابوى فشان امشى اشوف مرقد ولدى


عمو :- ان شاء الله بس عندى طلب


امل :- تأمر ابوى اهااااااا انا بسمعك


امشى اغتسلى والبسيلك لابسا سمح وصلى ركعتين لله استغفريه واشكريه واطلبو منو العفو والرحمه وشميلك ريحتا حلوه واشربيلك زنجبيل سخن بنعنان واتغطى ونومى .

حااااااااااااااااضر

ابوى ربنا يخليك يا رب
بس ما تنسا موعدنا باكر ح انتظرك
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف nashi في 23rd ديسمبر 2011, 01:50

ونحن معاها منتظرييين
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف غريق كمبال في 23rd ديسمبر 2011, 10:10

شكرا يا بت اخوى عبيد القصه رايعه

منتظرين
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف ناهد عبيد في 18th مارس 2012, 12:07

nashi كتب:ونحن معاها منتظرييين


سلام دكتوره كيفك وانا جيت اسفه للتأخير
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف ناهد عبيد في 18th مارس 2012, 12:11

غريق كمبال كتب:شكرا يا بت اخوى عبيد القصه رايعه

منتظرين


سلامات عمو غريق والله انا البشكرك على المرور بس للاسف تأخرت اهى محاوله للكتابه فلكم العتبى .

وبالتانى شكر
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف ناهد عبيد في 18th مارس 2012, 12:15


بعد ما مشيت الترب عرفت الدنيا دى ما فيها خير وكل الناس نايمه تحت الواطه والموت احيانا رحمه بكيت زييييين واتفشيت واستغفرت ربى ورجعت البيت راضييييييييييه .
بدأت صفحه جديده فى حياتى ناصعة البياض ورميت كل الالام خلفى قررت اكمل تعليمى واطلع من الجو الكنت عايشه فيهو عسى ولعل الامور تتغير ووليد يرحم نفسو ويرحمنى عشان العشره والوليدات ونظرت المجتمع للمره المطلقه .
ضربت تلفون لامى وحدثتها برغبتى فى اكمال تعليمى فرحت لكين قالت لى يا بتى انا خايفه من ابو عيالك يعمل معاك مشكله وحجه تانيه فكدى اخلى الكلام ده شويه . قلت ليها والله لا وحات تربة ابوى وولدى الانختف منى بحسره والم ووجع ما بخلى الفكره دى حقى وانا ما بقصر فى واجبى تب انا عرفاك علا هو ما كايسلو سبب ساى ونحنا ما ناقصين جوطه وشماته نحنا ولايه وخالك فتر وابوكى الله يرحمو الله يرضى عليكى بنيتى استرينا .
امى ما تشيلى هم

ربنا يستر عليك ويبعد عنك العواريض

امى بالجد انا محتاجه دعواتك وحسك بالدنيا خليكى جنبى .

موقف وليد بقى غريب ما عارفوه متأثر بموقفه الجبان معاى ولا راقد برأى لكين افترضت حسن النيه
يا وليد انا دايره اكمل دراستى وح ادرس مسائى فى المعهد القريب من البيت بالكرعين بمشى بدون مواصلات ما هو قريب من هنا ما شوفتو جنب الصيدليه ورسوم الدراسه ما كتيره وقبل ما امشى ح اعمل كل حاجات البيت وبعد العيال يجو من المدرسه وما بحضر كل الحصص وبقية المواد بجى بزاكرها براى فى البيت عشان الحق اخد ليكم الغداء واراجع الواجبات مع العيال واجهز ليهم لبكره ..
وليد ... وليد ... وليد انتا سامعنى

شكلك جاهزه ورتبتى كل حاجه بس اكيد دايره تبلغينى عشان رسوم الدراسه ولا مش كده يا هانم ؟؟
أمل ....
لا لا والله انا باخد رأيك وبوريك رغبتى والطريقة الوصلتا ليها

وليد .... اسمعى انا ما داير تقصير اطلاقا فى البيت لازم كل حاجه فى مواعيدها وما عندى قروش شغاله ولا حتى رسوم دراستك احسن تخليها السنه الجايه .

امل ... بشتغل براى وما بقصر تب ورسوم الدراسه خليها الله كريم بس انتا وافق .

وليد .... ههههههه هاهاها هااااااها شنو المسكنه والطيبه الحصلت عليك فجأه رغم انى واثق ح تضيعى الوقت وما ح تقدرى توفقى بين البيت والمدرسه لكين امشى نشوف .
امل ... فى نفسى يااااااااا بالله ايه القسوه والاستهتار ده معقول ده وليد كل ما اقول ينعدل يزيد اكيد ده امتحان من ربنا . دخلت جوه بكيت زين وفجأه قلت فى نفسى انعدلى يا مره وانتى داخله تحدى فكرت فى حاجه واحده القروش اجيبها من وين

مشيت المدرسه وطلبت منوهم يقسطو ليا المبلغ على تلاته اقساط مدير المعهد استاز ابراهيم رجل فاضل والوكيله ست فاطمه زوجتو طلعت من كسلا السواقى بتعرف ناس بيتنا كلهم .... احمدك يا رب عرفت حكايتى وقالت ليا ما عندك مشكله وعملت لى تخفيض فى الرسوم طبعا لا يمكن اوضح ليها سوء معاملة ابو العيال عشان عاوزه احفظ شكلى وشكلو فى المجتمع
اليوم كان اربعاء رجعت البيت فرحانه وضربت لست الحبايب وحكيت ليها القصه قالت ليا ابشرى انا بدعى ليك طواااااالى وعندى ليك وصيه تعالى يوم الجمعه انتى والاولاد قيلو معانا ..
يوم الجمعه مشينا مع اولادى وقضينا يوم حلو وقبل ما نرجع نادتنى امى جوه وادتنى قروش قالت لى ادفعيها للمدرسه وما تسألى راجلك وشدى حيلك وما تقصرى تعملى لينا مسكت ضهر .
الله يخليكى يا امى .

ورجعت البيت فرحااااااااااانه ومبسوطه ودات نشاطى وحماسى امان ما الصبر طيب
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف غريق كمبال في 18th مارس 2012, 12:31

شكرا يا بت اخوى

منتظرين وتانى ماتطولى كده
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف Suhad Abduelgfaar في 18th مارس 2012, 12:33

حقيقى الصبر جميل

والله صبرنا عليك يا بت عمتى تتمى لينا القصه
اها غايتو الليله اتزكرتينا ها ها ها ها .
( عزيزتى امل الامل عند ربنا وربنا يصبرك لكن لو سمعتى كلامى
وليد ده ادمسى ) والله كريم

تحياتى
avatar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف ناهد عبيد في 18th مارس 2012, 13:52

غريق كمبال كتب:شكرا يا بت اخوى

منتظرين وتانى ماتطولى كده



جئت مسراع مسراع تسلم يا حاج غريق
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف ناهد عبيد في 18th مارس 2012, 13:56

Suhad Abduelgfaar كتب:
حقيقى الصبر جميل

والله صبرنا عليك يا بت عمتى تتمى لينا القصه
اها غايتو الليله اتزكرتينا ها ها ها ها .
( عزيزتى امل الامل عند ربنا وربنا يصبرك لكن لو سمعتى كلامى
وليد ده ادمسى ) والله كريم

تحياتى



هههههههههههههه سهاد قالوا الصبر جبر

قلت ليها احسن تدمسه هههه

الله يخت محنك انت عارفه يا بت خالى قالوا الصبر صبران صبر على ما تحب وصبر على ما تكره
ولك الف تحيه وسلام
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف ناهد عبيد في 18th مارس 2012, 13:58


حكيت لعيالى بظرفى الجديد فشان يكونوا عارفين يا حليلهم ضحكوا وقالو ليا ماما ح تكونى طالبه زيننا ههههه قلت ليهم انا بعمل ده كلو عشانكم
يوم الجمعه بليل ساهرت فى الطبيخ وجهزت للعيال وابوهم وقمت من النجمه بعد ما العيال مشوا المدارس وابوهم طفش الشغل مشيت سددت الرسوم واختا جدول الحصص ومن هنا بدأت رحلتى مع الكفاح والتعب رحله شاقه ونهارها اقصر من ليلها . شغل بيت , دراسه , مسئوليه زوجه تجاه زوج بدون احساس الزوج تجاهى , واجبى تجاه مجتمعى اهلى , نسابتى , المعارف . بالجد تعبت امى الها يديها العافيه وست فاطمه وزوجها وساره جارتنا الله لا جاب شكرهم .
انا ووليد ازواج بالورق فقط وقدام الناس وليد شاطر عندو مقدره فائقه فى اقناع الناس بانو افضل ادم على الارض (يعنى زوج مثالى ) دائما بحاول ازاكر فى الفتره الصباحيه لمن العيال وابوهم يطلعو والتفاصيل كتييييييييره لكن و بحمدلله انتهت السنه الدراسيه ونزلت الامتحانات وعندما ظهرت النتيجه ربنا عوضنى واحرزت نسبه كويسه جدا و اتلموا الحبان فى البيت وعم الفرح والزغاريد .

وليد ... جاء يحمل اكياس مليانه بالحلوى والتمر وهاك صناديق الببسى الما خمج وفرحان ومسرور مبروووووووك( حبيــــــــتى امـــل ) وسلام بالاحضان قدام الكل .
وليد... بالمناسبه السعيده دى الليله المساء انا عازمكم عشاء بره يا حبيبتى ومعانا الاولاد وناس بيتنا وبيتكم وساره صحبتك وزوجها

امــــــــل ::: نعم ... نعمممممممم قلت شنو يااااااااااا ....وليد

اجى اججججججججى يا بنات امى ده حلم ولا شنو!!!!!!!
وبدأ وليد يتحدث عن التعاون بين الازواج وانو كيف شجعنى على الخطوه الصعبه كما سماها ويتحدث ويتشدق بالكلام ويقول لى ولا شنو يا حبيبتى وانا اقول اه .. اه .......... اه ........اه وقلبى ينزف من الالم .

بعد ما الجماعه كلهم مشوا قلت ليهو يا ابو العيال
انا كنت محتاجك بالجد زماااااااااااااااااان مو الليله عاوزاك تشاركنى الالم قبل الفرح لكين معليش وعلى فكره انا ح امشى معاكم العشاء مش لانى فرحاااااااانه لا لا بس فشان ما دايره اعريك قدام الخلق ما برضو انتا ابو الحلوين
لكين عندى طلب وااااااااااحد ارحم نفسك وارحمنااااااااا معاك
وشكرا على وقفتك النبيله وتشجيعك ليا
ياااااااااااااااااااااا سلام
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: الصدفه جمعتنى بها .......... (( امل الميرغنى )) ..........

مُساهمة من طرف ناهد عبيد في 27th مايو 2013, 12:29


الحمدلله تم قبولى بجامعة القاهره فرع الخرطوم يعنى بقيت طالبه فى الفرع وسجلت ومنحونى البطاقه وشلت الجدول كان مناسب ثلاثه ايام فى الاسبوع بدأت العام الدراسى بكل اجتهاد وخلقت علاقات طيبه مع الزملاء . وليد لمن لاحظ اهتمامى ومثابرتى بدأ فى سخافتو ....

وليد :- اه انتى جاده كده بت جامعه بت جامعه ما خلاص كفايه شهادتك دى وامشى قدمى بيها للتدريس كن بياخدوك !!! اسمعى انا صبرت عليك كتيييييير ولحدى هنا وكفايه . كمان جابت ليها طلوع ونزول ولبس بنات وشلليات وجوطه واهمالك واضح للبيت والعيال وانا اخر واحد فى حساباتك ياااااااااا طالبه ووووووووو ............ووووووووووووو انتى ما سامعه

امل :- اسمع يا ابو العيال انا ما بخلى القرايه مش انتا قلت شجعتنى وووووووو قدام الناس ونجاحى ده كلو بفضل الله وفضلك يلا تم جميلك يا كريم وبيتى واولادى ما بقصر فى حقهم علا الجامعه ما بخليها تب .

بحمدلله انتهت السنه الاولى بتقدير جيدجدا واستغليت فترة الاجازه فى عمل مجموعات تقويه للصف السادس الابتدائى عشان القا ليا قرش قرشين لاحتياجاتى وما سأل وليد . واستمريت بالطريقه دى لمن ربنا وفقنى وخلصت الاربعه سننين بتعب ومعاناه ولكن ربنا عوضنى بتقدير جيد جدا بمرتبه الشرف
.
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى