ابوجبيهه

بسأل عن نفسي

استعرض الموضوع السابق استعرض الموضوع التالي اذهب الى الأسفل

بسأل عن نفسي

مُساهمة من طرف الجبالي في 14th ديسمبر 2011, 09:57


الاحترام والتقدير ووقفة اجلاال وشوق لمجتمع المنتدي بكل الوان وطبقاته وحرياً بنا بأن نحييهم ونسلم عليهم لانهم اهلنا واحبابنا بقدر غيابي عن صفحات المنتدي ومقادرتي له دون سابق انزار للعيد وحلحلت بعض المواضيع الاسرية بالحباك وماجاورها وبحمد الله عدنا ونحن مطمئنيين علي العقاب ورغم دلك سالت وفتشت وبحثت عن نفسي داخل وخارج جنبات والمنتدي ولم اجد نفسي وان وجدتموني خبروني اين انا وفي اين مكان في المنتدي
والسلام

الجبالي
نشط مميز
نشط مميز


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف محمود منصور محمد علي في 14th ديسمبر 2011, 10:13

اهلا وسهلا بالجبالي

والف حمدا على السلامة.. لكن كلامك كان مبطن باللوم والعتاب الاخوي الخفيف وهذا ان دل على شئ انما يدل على اصالتك وحسن سريرتك واخلاقك الكريمة.. لكن يجب ان تتاكد ان هناك اعضاء تعودنا منهم الانقطاع المفاجئ والعودة المفاجئة وانت منهم ونجد لهم العذر في انهم ربما كانو مشغولين بالجري وراء المعيشة او لظروف الامتحانات او لضعف شبكة الاتصال

وانت من الذين ينقطعون فجاة ثم يعودون بكل الالق والابداع وخفة الروح علما بانك موجود في قلوب اعضاء المنتدى حتى لو ابعدتك ظروف قاهرة عنه ودائما ما نفسر انقطاعك وغيابك هو بمثابة استراحة محارب...
وختاما لك العتبى حتى ترضى ياجبالي وانت جبل لا تخطئه عين ناظرة وصوت لا يفوت على اذن سامعة...
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف فيصل خليل حتيلة في 14th ديسمبر 2011, 10:23


موسى الجبالى يا اخى سلامات و حمدلله على سلامتك

تعلم تماما انك عضو اصيل فى هذا المنتدى و تعلم تماما انك عادة ما تكون اول من تتم دعوته لكل مناسبات

الاعضاء بالداخل و فى المقابل غيابك عن ساحات المنتدى لم يكن معلوم لكل الاعضاء و مع ذلك لك العتبى

جرحنا عتابك يا غالى كونه باللون الاحمر

فى العادة الاعضاء يفتحون بوستات عندما يسافرون يا جبالى

لك التحية و العود احمد

تحايا
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف خالد عثمان في 14th ديسمبر 2011, 10:52

العزيز الجبالى...

حمد لله على سلامتك ولك العتبى حتى ترضى

وكل عام وانت والاهل بخير

اخى عيدنا عليك فى الخاص

راجع بريدك الخاص

تحيـــــــــــــــــــــــــــــــــــــــــــــــــــــــــــــاتى
avatar
خالد عثمان
نشط مميز
نشط مميز


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف Suhad Abduelgfaar في 14th ديسمبر 2011, 11:06

الف حمدالله على سلامتك

اخونا الجبالى



ونورت المنتدى

وانت موجود ما بين جبل كرن وجبل العمده

نعم اخى انى فتحت بوست وسالت من الناس وكنت بقول كمان كل الاخوه والاخوات الغائبين

من غير فرز .

وحقيقى المنتدى فاقدك



ومنتظرين منك ان تعوضنا الفات

تحياتى
avatar
Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف HUBBAKI في 14th ديسمبر 2011, 11:14


ماكا هوين و الله ..
تاوقت كم مرة و لم أجدك ..
إفتقدتك ..
و كنت أعرف أنك بخير ..
صدقني ..
قابلتك و سلمت عليك بحرارة في وسط السوق ..
تحياتي تاني ..
avatar
HUBBAKI
نشط ثلاثة نجوم
نشط ثلاثة نجوم


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف الفاتح محمد التوم في 14th ديسمبر 2011, 12:05

سألنا عليك الليل يا جبــالي
حتى أنوار الصباح
ألف حمد لله على سلامتك
طبعاً أكلتا عشريف الدرت ...
المليل ... العجب سيدو ...وما خليت بليلة
المهم كيف الناس هناك
طبعاً أكيد غشيت الأستاذ محمد نور " ول عمتي عاشي "
حيث أن مكتبه حافل بجمع الأساتذه الكرام
" حليل الحبـــاك "


الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف الجبالي في 14th ديسمبر 2011, 14:45

الاخوة الاحباب الكرام
محمود - فيصل - مولانا خالد - الدكتوره - الحبالكي - ود ابومحمد
والله اثلجتم صدرنا بالمرور الرائع علي الاطلاله الرائعه
الاخ محمود والله فعلاً الشبكه كعبه وما عندنا لاب توب في البلد عارفينكم ناس مأصلين
فيصل خيراتك وبركاتك مغرقانه يا قايد الركب يا راقي
مولانا الف شكر والرساله فعلناً وجتها ولكن دلك مجرد السوال عن حالكم والله وليس عتاب
الدكتوره كما عهدناكم دائماً فخراً لنا
الحباكي وجنا نفسنا بعيدين وبعدنا منكم وحبينا نسال من عافيتكم وانشاء الله طيبين
ود ابو الفاتح قالو جيت البلد وخبر لقيتو في الحباك ويا الف مرحب الاخوة والاصدقاء والاهل
ودلك مجرد سوال عن عافيتكم وليس الا
لكم الشكر والتقدير

الجبالي
نشط مميز
نشط مميز


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف nashi في 15th ديسمبر 2011, 02:01

اول حاجه نحمد الله علي السلامة
وبعدين انت آخر شخص شاف الحباك
وشاف بيتنا زمان
وعليك الله ناس الحله " جبل العمدة" كلهم طيبين؟
والخور والجناين الفي الدرب والدليب
والسيل لسه بجي ؟
وبصل إستراحة المحلج؟
وشجر العوير الجنب المحلج في ولا بقي عليه البقي علي ناس المحلج؟
وشجر الانجل لسه في؟
بركة بالجية اخوي وبركة بي سلامة الاهل


عدل سابقا من قبل nashi في 15th ديسمبر 2011, 02:03 عدل 1 مرات (السبب : خطأ في كلمة اول)
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف ناهد عبيد في 16th ديسمبر 2011, 22:02


اولا حمدا بالسلامه والبركه الجيت

حلوه بسأل من نفسى دى خبينه ....... ياخى معاك حق انا كنت فاكراك ح تسأل من الجبالى المثل بقول كن ما دارك ما لامك

اهم حاجه انوالحباكى لقاك حاول تفتكر اللاقوك

تحياتنا
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف الجبالي في 19th ديسمبر 2011, 11:51

والله البيت طبعاً موجود لاكن لم يكن بالصورة التي الفناها اياه بالتأكيد فقد رونقه المألوف وناس الحله بأكملها تبدلو والله يجازي الكان السببب والاستراحة وسكن العسكر
والخور والله بسرسب والمشيش ومويتو الحلوة وشجر الانجيل حول سور المحلج اكل عليه الدهر وشرب إلا من رحم ربي
الاخت ناهد واختياري لعنوان الموضوع والله مجرد شوق للاهل والاسرة بالمنتدي
الف شكر علي المرور الراقي المعبر
لكما الاحترام

الجبالي
نشط مميز
نشط مميز


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف صباح حسن عبد الرحيم في 19th ديسمبر 2011, 12:01

الف حمدا لله علي السلامة
بركة الشفناك شديد اخي الجباااااااااااااااالي
منور منتداك

صباح حسن عبد الرحيم
مبدع مميز
مبدع مميز


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف عثمان محمد يعقوب شاويش في 19th ديسمبر 2011, 12:44

أخي الجبالي صراحةً رسالتك هزتني من الأعماق ... وصدقني أنا أيضاً لظروف عملي لقد إنقطعت فترة طويلة ثم عدت بلا إنذار أو إستئذان...وحتي تاريخ اللحظة لم أفهم من الذي غاب ومن هو الموجود دائماً بين الأعضاء واللي حارس لينا العقاب ..
فمعذرة أخي ...

الدكتورة الغالية ...لقد لمستي فيني وتر حساس ...و سعالك سمح بالحيل ...وبتتفقدي حي المحلج ...وحتي العوير :[[وشجر العوير الجنب المحلج في ولا بقي عليه البقي علي ناس المحلج؟]]

وأنا أتمها ليك : عوير ود الشاويش ...فشكراً لكي ...تصدقي العوير شالوا أرضوا ...حيازة الوالد لقد قسموها للناس ... ونحنا طلعنا فشوش ...[وبقي عليه البقي على ناس المحلج ....]
وأتمني عند عودتي أن أراجع الأراضي ...وأن نأخذ ما تستحقه حيازة الوالد .... ووالله العظيم أنا حتي هذه اللحظة
لا أملك ولا سنتمتر من أراضي الحباااك ...
ومعظم ناس المحلج وكل ناس جبل العمده ...
وود عابد ...وفطاطات ...ومريفئين ... يعرفون هذا العوير وحيازة من !!؟؟وبس عشان نطلع ملوص دي حاره عشان كدا علقت على مداخلتك الرائعة ... وتسلمي يادكتورة ...
الجبالي لك التحية وكل الحب ...
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف nashi في 20th ديسمبر 2011, 07:26

الدكتورة الغالية ...لقد لمستي فيني وتر حساس ...و سعالك سمح بالحيل ...وبتتفقدي حي المحلج ...وحتي العوير :[[وشجر العوير الجنب المحلج في ولا بقي عليه البقي علي ناس المحلج؟]]

وأنا أتمها ليك : عوير ود الشاويش ...فشكراً لكي ...تصدقي العوير شالوا أرضوا ...حيازة الوالد لقد قسموها للناس ... ونحنا طلعنا فشوش ...[وبقي عليه البقي على ناس المحلج ....]

عمي عثمان الله يعوضكم لكن الحاصل بيورم القلب والفشفاش
خايفين من المرض بس
والله ما عارفاه حقكم بس بيتنا فاتح فيه
وكتر الف خيرك عمو
avatar
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف عثمان محمد يعقوب شاويش في 20th ديسمبر 2011, 08:03


بالله يا دكتورة نحنا جيرناكم وما عارفانا !!؟؟؟
عليك غرامة ...ولازم تحكي نكته قوية وخطيرة ....

وتعرفي أنا ذكرت الحكاية دي ليه عشان كل ناس المنتدي يعرفوا أننا ظُلمنا ...والله بالجد مظلومين ...

وأيضاً قد ظلم صديقي الغالي المرحوم : محمد يوسف إسماعيل ... توفي وتم طرد أبناء المرحوم من المنزل ...
وكنت أتمني أن أجد أحد أبناء الحباك بالأراضي كي ينصف أسرة المرحوم ...والله العظيم حتي الآن مشردين ...وليس لهم أي مأوي ...
معليش يالجبالي ...قلنا نتنفس شوية ...
وتحياتي لكل أهلي ناس جبل العمده ..... معزتي ،،،
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف ود عشمان في 20th ديسمبر 2011, 09:49


العزيز الجبالي

قرمان ليك حار ..

و ناس امبرمبيطه بسلمو عليك ..

اول حاجه معاك حق تزعل و نحن كرابطة ابناء امبرمبيطه بالمنتدي بنساندك و بنقيف معاك وقت الحاره .. كيف ناس ابوجبيهه ما يسالوا عنك ؟؟
مش انت براك الان اذا اي واحد من ابنا ارابطة ابناء جارة الوادي بالمنتدي سجل غياب من المنتدي مافي زول بعبرو و اضرب لك مثل الان الاخ احمد كوكو و الاخ يسن ووووووو و غيرهم من ابناء امبرمبيطه النشطين غايبين لظروف انا بعرفها مافي زول عبرهم و لا سال منهم بعد دا كلو نحن صابرين و ما قلنا حاجه ..

علي كل حال نحن برحب بك و بنقيف معاك في وقت الحاره ..

الاخ عثمان شاويش اذا في ابوجبيهه ما عندك قطعة ارض تعالنا نحن بنديك قطعة ارض مجانا في امبرمبيطه و ما تنسي المنطقه لها مستقبله ..

لكم التقدير

رابطه ابناء جارة الوادي .. عنهم ود عشمان
avatar
ود عشمان
مشرف تعريف المنتدى
مشرف تعريف المنتدى


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف خالد عثمان في 20th ديسمبر 2011, 10:13

يا ااااااااااااااااااا ابوهريرة وعمو محمود وفيصل .....

تعالوا شووووووووفوا....

ود عشمان ظهر بى جاى بحرش الجبالى و عمنا عثمان شاويش شكلو داير يعمل ليه قاعدة جماهيرية من ابناء الحباك حتى يكسب الماطش ويقلبك يا ابوهريرة.....

ود عشمان تحياتى راجع البريد الخاص
avatar
خالد عثمان
نشط مميز
نشط مميز


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف عثمان محمد يعقوب شاويش في 20th ديسمبر 2011, 10:51


يعني يا ود عشمان إنت قاعد تحرض النااااس ...

لكين تصدق والله ضحكتني شديد ....هههههههههههه الله يجازي محنك يا ودعشمان كان داير تمرقني من أبوجبيهة .....
وبعدين ياخي نحنا ناس جارة الوادي ديل ناس عززززاز عندنا شديد ...
وما تتخيل مرورك الظريف كيف يلطف الأجواء ... ياخي ما تجي تعرس من أبوجبيهة أو ضواحيها !!!
لأنك درة ثمينة وغالية ...
الله يحفظك يا ود عشماااان ..... ويحفظ جميع أسرة المنتدي بدون فرز .... محبتي
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف الجبالي في 20th ديسمبر 2011, 13:16

عثمان والله انت راقي والبوسن مجرد شوق ولهفة للحديث معكم وتفقد احوالكم عبر المنتدي الي ان يكتب الله لنا اللقاء
لي الشرف كله بان اتينا لهدا الدنيا وانتم اهلنا
وعارف حديث الدكتوره قلب ليك المواجع ولكن بإدن الله الحق لايضيع وانا بضم صورتي لزاج ود عشمان من الحباك
والله ان تكلمنا عن مشاكل الاراضي بالحباك الحديث حولها يطول ويتفطر لها القلب وانا من ضمن من اكتوي بلظاها
ود عشمان الف شكر وتقدير علي المرور الراقي وتحياتي لاسرة جار الوادي والوقفه البطوليه والله كلامك ده فشا لي قبينتي تب الله يديك العافيه
عهدناكم دوماً اسره مأصله واصيله ونفتخر باننا منكم
شيخ خالد ود عشمان دائماً يتحفنا بدعباته الحلو والراقيه لكم جميعاً بدون فرز علي المرور الراقي
مع احترامي وتقدير والسلام


الجبالي
نشط مميز
نشط مميز


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف فيصل خليل حتيلة في 20th ديسمبر 2011, 13:36


عووووووووووووووووووووووووووووووووووووووووووووووووووك

عمو محمود

لقيت زول يصارع ودعشمان

طبعا يا محمود الجبالى دا مصارع درجة اولى و انا كنت السبارى بتاعو فى ابوجبيهه رأيك شنو فيه؟

ودعشمان كجانتك نجضت

ههههههههههههههههها


avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف Ahmed kuku Ahmed في 20th ديسمبر 2011, 22:59

سلامات العزيز الجبالى الحمدلله رجعت بعافيتك وحركت الناس دى شوية بينك وبينك مرات بحصل جمود كده لكن اتا كسرتو لينا وتبارى المحبين فى الترحاب بعودتك شئ جميل .
الاخ جاويش مع احترامنا ليكم و لبنياتكم الا زولا متل اخوى مطير ما بنجوزه من غير جارت الوادى شوف ليك شغلة تانية .
العزيز فيصل والله مشتاقين ياخ ول عشمان لى حمية وناسك الاتنين كان ابوهريرة او التانى انا جاهز ليهم تب ول عشمان يعقد سبارى ساى .
ولكم ودى وتقديرى
avatar
Ahmed kuku Ahmed
نشط مميز
نشط مميز


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف عثمان محمد يعقوب شاويش في 21st ديسمبر 2011, 09:15


فيصل أنت دائماً زهرة يانعة ...وربنا يخليك لينا ياعمده ...
بس ضحكتني شديد أنك لقيت ليك مصارع وأنك كنت السباري .... يا سلااام عليك وعلى كلااام الزمن الجميل ...
تسلم أخي يا فيصل بروحك الطيبة المرحة .

أخي الجبالي ...آهو البوست بتاعك طلع وماشاء الله ميه بالميه ... كدي رضيناك ولا لسه زعلاااان !!!؟؟؟

بالأمس كنا سوياً مع الأخ العزيز : أحمد كوكو ... ما هذا الإنسان ... أخلاق ...ذوووق ...تهذيب ... بالجد شخص ما عادي ... ويسلم جميع أبناء جارة الوادي الأشاوس ...
بس ود عشمان دا شوفوا ليه طريقه ...
أخي محمود ننتظر أفكارك الجهنمية ....

وتفضلوا بقبول معزتي ،،،
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف يس محمد يس في 21st ديسمبر 2011, 10:37

مرحب يالحباكي وكيف الحباك وراك

يس محمد يس
نشط مميز
نشط مميز


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف الجبالي في 21st ديسمبر 2011, 10:59

فيصل فضائلك علينا كبيره والله نحن نعتز بيك والاخوة بالمنتدي عرفاك فائداً ومربياً لك الاحترام
والله زكرتنا الزمن الجميل الصراع والسباري ورش الفارس بالريحه ولبس التلالات والربك وريش النقاره واللف حول الداره ولمة البنيات وهزات اليد ايزاناً ببداية المسارع والتوشح بالرماد والتراب واظهار العضلات وهده اياماً لم تمحي من الزاكره الحمد لله رغم فترة صراعنا في كل الحلاال والفرقان الواحد ما انكسر ليه رجل او يد او اصبع لكن الفكك والزليط طبعاً مايديك الدريب ولا زال علامات وكدمات الصراع تملي جنبات اجسامنا ومليار يامبدع يافيصل بالاطلاال بنا علي الزمن الجميل
وفي رايك يافيصل ود عشمان ده بتحمل الدرعة طبعاً كنت مشهور بيها
عثمان والله العظيم انا راضي كل الرضي عن المنتدي واهله وبإعتباره اسرتي الكبيره وود عشمان ده الله يخليو لينا لإطلاته الراعة في كلي بوست
الخ محمود كل التحية والسلام علي المرور الرائع تجدنا شارين ومقدرين
مرحبتين بكم جمياً
والسلام

الجبالي
نشط مميز
نشط مميز


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف غريق كمبال في 21st ديسمبر 2011, 14:57

الجبالى سلامات

انا قاعد فى الحباك

انت عارف الحباك بقت كبيره وكلنا بقينا فيها غرباء

كده يا الجبالى اتزكر الزول السلم عليك بحراره فى السوق وكده تكون فكيت لينا طلسم الحباكى ويرتاح اخونا يس

ول عشمان سلام

الداره جاهزه

ما تكب الزوقه
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف الجبالي في 22nd ديسمبر 2011, 10:55

مرحب الاهل الكرام غريق والله البوست مجرد إطلااله للسلام والتحية والترحاب بعد الغياب نعرف بأنكم اهل اصول نعتز بيكم لكم الاحترام وعلي المرور الراقي
والسلام


الجبالي
نشط مميز
نشط مميز


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف اقبال عبداللطيف في 26th ديسمبر 2011, 18:21

الجبالي حمدالله على السلامة
ان شاءالله اتدكرت الزول ؟
شايفاك تزوغ بي جاي وبي جاي
سلم علي العيال


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف يس محمد يس في 27th ديسمبر 2011, 23:50

HUBBAKI كتب:
ماكا هوين و الله ..
تاوقت كم مرة و لم أجدك ..
إفتقدتك ..
و كنت أعرف أنك بخير ..
صدقني ..
قابلتك و سلمت عليك بحرارة في وسط السوق ..
تحياتي تاني ..
ياتو سوق ده يا شيخنا الحباكي !!!! Evil or Very Mad confused

يس محمد يس
نشط مميز
نشط مميز


الرجوع الى أعلى الصفحة اذهب الى الأسفل

رد: بسأل عن نفسي

مُساهمة من طرف الجبالي في 28th ديسمبر 2011, 12:22

مرحب الاخت اقبال علي المرور الراقي - بأمانه الزول الاجراءات الاولية في بداياتها اتونا الفاتحه بالتوفيق
الاخ يس مرحب ياراقي يا مبدع لك الشكر
احترامي


الجبالي
نشط مميز
نشط مميز


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى