ابوجبيهه

ابكر الحلاق

استعرض الموضوع السابق استعرض الموضوع التالي اذهب الى الأسفل

ابكر الحلاق

مُساهمة من طرف غريق كمبال في 28th ديسمبر 2011, 16:31

صالون حلاقة ابكر الحلاق يقع فى السوق القديم فى صف ناس حاج كوكو وخالد حنجاف وهو بالضبط فى برندة دكان مصطفى الجاك

توجهت نحو الصالون اليوم بعد صلاة الظهر بغرض الحلاقه عند هذا الحلاق التاريخى الذى يدعى ابكر الحلاق

الصالون هو عباره عن تربيزه باليه وبها مشمع يحكى عن الزمن وبالتربيزه دولابين صغيرين وفى الوسط قارورتين ملانات بمحلول الديتول

وشنطه من الزنك صغيره بها محتويات الحلاقه من مكنات على الطراز القديم ومقصات بها مايعود الى السبعينات

وخلفية الصالون بها ستاره من شوالات الخيش لكى تحجب عن الزبون شمس الظهيره


جلست فى الكرسى المعد للحلاقه واتى ابكر الحلاق بعد ان حيانى بحراره وبعد سوالى عن احوال الاولاد والاسره اتى بالفوطه الظهرية اللون ووضعها على كتفى وسالنى حلاقه ولا دقن بس قلت له دقن وراس

بمهاره يحسد عليها بدا المقص يعمل فى شعر راسى وبعده اتى بالمكنه التى تدار باليد وبمهاره دار بها حول راسى وتتخلل هذه العمليات كميه من الونسه والاسئله

وفى ختام العمليه عمل لى ميساج بالديتول ذو الرائحه النفازه وبعدها وبحركات فى الرقبه اراحتنى كثبرا

وبعدها نهض بنشاط من صالون ابكر الحلاق وانا فى غاية المتعه من حصة حلاقه اعادتنى الى الماضى السحيق


بالمناسبه ابكر الحلاق ورابح الحلاق لا ذالوا فى نفس المواقع التى عملوا بها فى هذه المهنه منذ مطلع السبعينات

ولا ذالت معداتهم هى هى لم تتغير

بالحباك الصوالين الجميله للحلاقه التى تعمل معداتها بالكهربه

ولكنى وكثيرين غيرى نجد انفسنا مشدودين الى الماضى ولا نجد المتعه فى الحلاقه الا عند هؤلاء القداما



رايكم شنو الاكسسوارات بتاعتنا هى القديمه ذاتها والديتول بدل الكلونيا والمرطبات


الله يحفطهم
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف محمود منصور محمد علي في 28th ديسمبر 2011, 16:45

يا حاج غريق

تشكر على هذا البوست الرائع والذي من المفترض ان تدعمه بصور للتوثيق خاصة وانك موجود بالحباك..

على اي حال نحن ومنذ ان دخلنا الى ابوجبيهة وخرجنا منها كان الوالد بودينا ونحن صغار الى المعلم رابح ومعه الحاج محمد عبدالله والد رابح.. وطبعا كان موقعهم امام دكان عمنا المرحوم مرغني حتيلة...

واذا كنت انت هناك بلغ تحيباتي للمعلم رابح...

وكان على ما اذكر هناك ساعاتي مشهور ومحلو كان امام دكان سر الختم رحمه الله ..المهم لابد ان تتحدث لنا عن الساعاتية وتذكرنا بهم...

تحياتي
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف فلس في 28th ديسمبر 2011, 17:33

تسلم يازعيم ابكر لحدي الان في محله
وانا لحدي الان بحلق عندو الدقن وطبعا المرحوم استاذ مختار فوراوي صديقه شديد 24ساعة تلقاه متواجد هناك ربنا يرحمه
ويااخ محمود طبعا مالم الساعاتي كان في دكان العم سر الختم وربنا يرحمهم جميعا
لكن عنده ولدان ساعاتية في السوق القدامي او الاكشاك تجاني وايوب مالم
تسلموا رجعتونا للزمن الج
ميل
avatar
فلس
نشط مميز
نشط مميز


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف غريق كمبال في 28th ديسمبر 2011, 17:41

تشكر يا عمو محمود

تقريبا المعلم رابح فى نفس المكان وبنفس المعدات بتاعت زمان

الساعاتى القدام دكان عمنا سر الختم ده عمك المرحوم مالو وله ابناء امتهنوا نفس المهنه وانتقلو الى السوق الجديد

بخصوص الصور الا نحصل على اذن مسبق منهم

زى ما قال فلس داك الزمن الجميل


طبعا الحلاقه عند ابكر لها طعم خاص
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف محمود منصور محمد علي في 28th ديسمبر 2011, 19:13

شكرا ابننا العزيز فلس على المداخلة الظريفة ظرافة ابو عشة نمل السكر..

شكرا الحاج غريق ..رحم لله عمنا مالم الساعاتي رحمة واسعة وان يجعل البركة والخير في اولاده واحفاده...

المهم يا غريق لابد من الصور..

تحياتي
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

حتى الحمير لها حلاقين مشهورين

مُساهمة من طرف محمود منصور محمد علي في 28th ديسمبر 2011, 19:36

بدأت كتل الصوف البيضاء تتطاير من تحت مقصه كقطع الجليد في سوق معتوق بالجزيرة، وهو لا يأبه بأي مخلوق غير الذي يقف امامه في إلفة، يحسبها الناظر مسكنة وخنوع، ليعمل مقصه في صوفه تشذيباً وحلاقة ،فعدو (محمد أحمد ) الوحيد هو العربات والركشات على وجه الخصوص.
(1)
اقتربنا منه وكان منهمكا في حلاقة احد الحمير فألقيت عليه السلام...مد يده مسالماً لنا بعد أن سبقت يده ابتسامة ناصعة، ناصفت شمس الهجير في ضيائها وهي تندلق على وجهنا، ففي هذا المكان بالذات يزاول حاج محمد أحمد مهنته كأشهر حلاق حمير بمنطقة معتوق، مهنة حذق فنونها اسلافه، وصار هو الوريث الشرعي لعرشها، فظل يزاولها منذ الستينات وحتى يومنا هذا ،وما بين حفيف المقص والصوف المتطاير استطعنا أن نظفر منه بهذه الكلمات.
(2)
عن بداياته يحكي العم محمد أحمد انها كانت في 1964 ويضيف: (كنت حينها في ميعة الصبا والفضل للوالد وحلاقة الحمير (وراثة) حذقناها ابا عن جد، فوالدي رحمة الله نال حظاً وافراً من الشهرة في حلاقة الحمير حتى أن سكان القرى البعيدة والقريبة كانوا يفدون اليه ليجمل ويشذب شعر حميرهم.
(3)
طلبنا منه أن يعقد لنا مقارنة ما بين حلاقة الحمير في السابق والآن، ابتسم وهو يضغط على الحمار بيده محاولاً تغيير وضعية رقبته..فقال بنبرة يشوبها الحنين للزمن الجميلSadزمان زمن الدنيا بخير وحميرها كتار)، كنا نعود لاسرنا وابتسامتنا لـ(آخر ضرس ) لم لا والجيب مليء بالجنيهات وقفة الخضار ينوء بحملها الحمار، ونجد عنتاً في انزالها حين نصل المنزل، ولا ننجح في ذلك الا بعد (تلتلة)، حامدين شاكرين، الا أن دوام الحال من المحال. (4)
سألناه عن تغير الحال.. فقال العم محمد أحمد: الناس الزمن ده (اتفلهمت) بدلت الحمير بالبكاسي.. والمواصلات صارت متوفرة و(كمان جابت ليها رقشات ودى مريحة شديد واستهلاكها بسيط، بنزين بى (3) جنيه تلف بيها (الحلال) دى كلها، لكن الحمار يستهلك كمية من العلف، زد على ذلك أن بطئه يكلف كثيرا من زمن الوصول.
(5)
وعن انواع حلاقة الحمير وهل لها اسماء وموضات كحلاقة البشر، رد بلغة اهل منطقته الجميلةSadبلحيل، فيها تلاتة انواع (السيركار، والسير المعرج، والشرافة )...والاخيرة دى بتكون سبعة تمانية. ونستخدم في ذلك انواع من المقصات منها ابو بقرة وابو خروف وابو حصان...قاطعناه بسرعة: (ليه ما في مقص اسمو ابو حمار؟)...فرد تسبقه ضحكته : (يا ولدى المقصات دى صناعة انجليزية والناس ديل ما عندهم شغلة بالحمير ،لكن عملوا مقص ابو حصان وأكيد هو ود عم الحمار).
(6)
عن الصعوبات التي تواجه مهنته يقول: (هى في شغلة ما فيها صعوبة، مرات الحمار بيكون شعرو (سبيبى) يعنى لين.. ومن الصعب إنك تتحكم في حلاقتو، الشعر السبيبي بيشكوا منو حتى حلاقين البشر، واحياناً يرميك حظك العاثر في (حمير شرسة).. وزي دي بخت ليها عود في الخشم اسمو (اللواش).
(7)
سألناه عن امكانية حلاقته للبشر..فرد علينا بسرعةSadابدا ما ممكن لانو الناس بقولوا ليك الحلاقة دي كعبة ..وخفف هنا ..وخلي هناك، وخلي لي باقي شعر عايز(افلفلوا) ،عشان كده الحمير اخير وأسهل من البشر في الحلاقه وانا لو اخلي الشغل ما بحلق لي لزول.. اخير لي (حميري) دي بقيت فاهما اكثر من اي زول .
(Cool
وعن اسعار الحلاقات قال انها تتراوح ما بين (3)الى الـ (4) وال 5 جنيهات ،حسب السوق ،وبرغم بساطة (الشغلانة) الا أن عائدها (بجيب حق الملاح)...على حد تعبيره البسيط.

أحدث المقالات - كوكتيل
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف غريق كمبال في 29th ديسمبر 2011, 13:03

محمود شكرا على الاضافه المضحكه

تحياتى
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف فيصل خليل حتيلة في 29th ديسمبر 2011, 13:11


نعم يا زعيم هذه الفئة الاجتماعية المهمة جدا التى تشكل جزء مهم من وجداننا

سعدت ايما سعادة لتناولك هذا الموضوع فأنت زعيم و كفى

شكرا عمو محمود على اضافتك الرائعة

تحايا
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف غريق كمبال في 29th ديسمبر 2011, 14:11

انت عارف يا فيصل مشيت اليوم الصباح واخزت حصة ونسه مع عمك منصور وكنت شايل الكمره فى جيبى حسب كلام عمك محمود ان اصور ابكر الحلاق وصالونه المتواضع واصور عمك رابح الحلاق

جلست لساعات ولم استطيع فعل شيى

حتى التصوير لهؤلاء اراه طمس لهذه الاصاله التى ظلا يحتفظان بها انا يا عمو محمود لم اجد مدخل مناسب لكى اقيف فى نص السوق الكبير واصور

احاول اكلف واحد من الصبيه ان يفعل ذلك

تحياتى
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف فيصل خليل حتيلة في 29th ديسمبر 2011, 14:20


يا سلام على الأصالة

اسمع شوف قرنق و خلى يتكلم معاهم انو الصور ستنزل فى منتدى ابوجبيهه و خليه يصورم عليك الله يا زعيم

تحياتى
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف غريق كمبال في 29th ديسمبر 2011, 15:33

قرنق الايام دى ساكى الدهب

الليل والنهار جارى كرن

انت عارف يا فيصل قاعد احفر فى بير بتاعت مويه للبهائم فى ابونضريب وبعدين البير جابت حجار وانا كنت جالس فى دكان الفاتح سر الختم وبعدين قرنك قال لى البير كيف قلت له جابت حجار

طوالى الفاتح ومن غير ما يشعر قال لى نسبتوهن !!!!!



طبعا الدهابه لو الواحد بيرو جابت حجار طوالى بيقوم بعملية التنسيب دى

والتنسيب هو تحديد نسبة الذهب داخل الصخور

تحياتى
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف الفاتح حسن ابوساره في 13th مارس 2012, 09:13

تسلم يا زعيم على هذا البوست الرائع ومداخلات الاخوان اوالتى ارجعتنا لابو جبيهة المنحوتة داخل وجداننا وانا زيك كثيرا ما احاول ان اصور بعض الاماكن والشخصيات لكن اشوف الموضوع تقيل واخاف الناس يفهموا الموضوع غلط وكلامك عن الدهب ذكرني بالعزيز الهويرة واثناء اجازتي الاخيرة ذهبت الى الحميض عشان اشوف بعيني موضوع الدهب ده حقيقة ولا لا وكانت معي كمرة ومجموعة كبيرة من الاهل الذين انتهزوا الفرصة وذهبوا معي ومنهم من لم يشاهد الحميض من قبل رقم وجودهم الدائم في ابي جبيهة المهم بعد ما وصلنا هناك كنت متحرج جدا في حكاية الصور دي وشايف الناس زي المستهجنين الحكاية كده وفجأة اطل علينا الهويرة وقام بتنظيم جولة قد يعجز عن ترتيبها اكبر رجالات العلاقات العامة وقد اراحنا من حرج التصوير وكان بقول للجماعة دي قناة الشروق وبعد يومين حتشوفوا صوركم طبعا كل ذلك بإسلوبه المرح والبسمة التى لاتفارقه ابدا فله ولكم كل الود
avatar
الفاتح حسن ابوساره
مشرف تاريخ ابوجبيهه
مشرف تاريخ ابوجبيهه


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف فيصل خليل حتيلة في 13th مارس 2012, 09:30


و الفينا من آهات أليمة فى حكاوينا القديمة

تسلمو الزعيم و ابوسارة
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف الفاتح حسن ابوساره في 13th مارس 2012, 09:51

اسعد الله صباحك ابا احمد واخر ما صورته وانا اغادر الحباك كان المحكمة الاهلية وقد انزوت كثيرا وموقف العربات الجديد شمال دياركم العامرةولا ادري لماذا هذا الحنين الجارف دوما الى تلك الربوع
avatar
الفاتح حسن ابوساره
مشرف تاريخ ابوجبيهه
مشرف تاريخ ابوجبيهه


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف غريق كمبال في 13th مارس 2012, 14:58

الدهب الدهب كاد عقلى يذهب

الدهب فيه حكاوى
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف الفاتح محمد التوم في 13th مارس 2012, 16:38

ههههههههههههههههه والله بوست متعه يازعيم
شكلك مشيت لعمي ابكر و ضارب عصيدة بملاح تقلية طاااااعم

أنا غايتو بتذكر عمنا ثــاني في برندة دكان عمنا مصطفى مطر
بنفس التفاصيل .....التربيزة و المكنه و شريط رفيع من جلد " الجلد بسنوا بيهو الموس " لزوم القطعية
ياسلالالام ياغريق ..........."أيام زمان كانت أيام "
نسأل الله ان يرحم من رحل عن الفانية منهم بالجنة يارب

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف غريق كمبال في 14th مارس 2012, 11:25

الفاتح

انت عارف الناس ديل تشم فيهم عبق التاريخ بكل اصالتو

ياسلام 00الحلاقه بصابون الفنيك والديتول مع المهاره الفائقه

زمن
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف Ahmed Murhoum في 28th مايو 2012, 16:11

إنتو عايزين تبكونا ولا شنو
avatar
Ahmed Murhoum
نشط مميز
نشط مميز


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف محمود منصور محمد علي في 28th مايو 2012, 17:45

ياسلام عليك ياود مرحوم الاصيل

احييت البوست الذي من المفترض ان نواصل فيه سبر اغوار الشخصيات الهامة في ذاكرة تاريخ الحباك الناصع الجميل المعتق بعبق الاصالة والتراث الخالد والمعطر برائحة الخضرة والجمال...

المهم الكز لينا الزعيم غريق عشان ينزل لينا صور... ولا نريد ان نحرجك يازعيم بطلب صور لاشخاص اذا كانت صعبة لكن صور لينا بدل عن ذلك مثلا صور عشوائية من الاسواق ومن المستشفى القديم والمدرسة الوسطى والمحلج والاشياء والمواقع التاريخية العريقة ((((والصورة ب500ريال كاش داون ..وده عرض احسن من الشغل في الذهب ههههههههه))

تحياتي
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف غريق كمبال في 2nd يونيو 2012, 13:56

نحباتى محمود

ارجع الحباك والصور تصلكم يا رايعين
avatar
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: ابكر الحلاق

مُساهمة من طرف محمود منصور محمد علي في 2nd يونيو 2012, 21:40

زعيمنا وحبيبنا الغارق الغرقان في حب الرسول صلى الله عليه وسلم.... دعواتنا اليك ان تكون دائما غريق في حب المصطفى عليه افضل الصلاة واتم التسليم..
وعلى العموم ما تعمل زي مونج وابوهريرة ومحمود هنوة وودجامع المهندس ..يعني وعدك لنا لابد ان يكون وعدا صادقا ونحن في انتظار الصور متى ما سهل الله لك الطريق الى عروس الجبال الحباك ولا نريد صور من امبرمبرمبرمبيطة لانها جافة وقاحلة ...

صور من المحلج ومن بيوت المحلج ومن المدرسة الوسطى سابقا والجنوبية خاصة والمستشفى العريق والسوق القديم واي مشاهد تذكرنا بالحباك.. ومن خلال صور المحلج ممكن احدد ليك اعمار الفاتح التوم وفيصل خليل وطبعا نحن كنا اطفال عندما كان فيصل بيعمل حداد في المحلج مع عمنا محمد مطر رحمه الله...

تحياتي
avatar
محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى