ابوجبيهه

شطة الجيران طاعمه

استعرض الموضوع السابق استعرض الموضوع التالي اذهب الى الأسفل

شطة الجيران طاعمه

مُساهمة من طرف غريق كمبال في 2nd يناير 2012, 13:46

حين طرق باب بيتنا ... ليقول لى ابن الجيران :

امى بتسلم عليكم وتقول عندكم .... طماطم....!!

ابتسمت من قلبى ....
وقلت له عندنا ... ولو ماعندنا زرعنا لكم بحوش بيتنا
أهلا بجارنا الصغير ....

منذ متى لم يطرق بابكم احد الجيران لطلب
طماطم او بصل او خبز ... !!!

ربما احدنا يقول اننا بخير ونعمه
ولم يعد الطلب من الجيران
له ضروره ...

ولكن لا اعتقد ..
لقد فقدنا الطلبات الصغيره بين الجيران
فقدنا طعم الجيره ...

كان الجار يطلب من جاره بصل
وبعدها يرسل له قليل من الطبخه
ليكون عيش وملح

الان تعد الطلبات بين الجيران عيب وقله ذووق ... !!
وقد تستغرب ان يطرق جارك بيتك بدون موعد
واذن مسبق
واتصال

وقد يتهم الجار بالجنون حين يطلب طماطم
زمان لم تكن الحاله الاقتصاديه مثل الان
اليوم فواتير وديون واقساط واسعار مواد غذائيه عاليه
وعيب نطلب وندق باب الجيران...

زمان حياه بسيطه وقلوب ابسط ...
وصغار الجيران
وجملة ...
امى تسلم عليكم وتقول عندكم طماطم

جميله العباره
بجمال البساطه
وجمال المحب
وجمال روح الجيران الواحده
كنا بيت واحد
وطبخه واحده

اخبرتنى جدتى :
ان الاسر قديما تشعر بمدى حاجه جارها
وترسل له من غير طلب
واذا راعى البيت قضى لبيته ..
لاينسى جيرانه ...

واذا بقى شي من العشاء...
يرسل للجيران طبق ( غريفه )

واليوم يزعل الجار من بقايا العشاء باعتبرها فضله....
ليست المساله بمجرد الطلب

وليست عباره امى تسلم عليكم وتقول عندكم طماطم هى المحك

لا ....

ولكن العلاقه نفسها فقدت طعمها
فقدت دفئها
فقدت الجيرة

لم تعد الحياه لها طعم بعد الاستغناء عن بصل وطمام وخبز الجيران
وحين نعطى الصغير طلبه ... نتنتظر عودته بطبق من عشاءهم ...

ليتها تعود تلك الايام ... رغم انى لم اعشها حقيقه
ولكن احيانا اتمنى عوده ايام ماضيه بزمن جميل
وجيران ترسل وتسأل وتطلب
بدون قيود حياة ممله ورسميات قاتله

احضرت الطماطم لأبن الجيران ....
ووصلت لنهايه كلامى

قول لماما امي تسلم عليكم وتقول ..
اذا عايزين شيء أطلبوا

وخرج الصغير ولسانى حالى يقول:
شكرا لك عشت معك لحظات اصبحت مفقوده ....
بزمن لم يعد الجار يعرف جاره

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: شطة الجيران طاعمه

مُساهمة من طرف الجبالي في 2nd يناير 2012, 14:47

الف شكر علي البوست الراقي الهادف وياليتها من ايام كان الجار فيها اقرب من الاخ
في البندر الجار الا من رحم ربي
ومن طرائف الجيران
والله في احدي الايام وحوالي الساعة الثالثة صباحاً ضربت باب البيت بنت الجيران مع شقيقها الكبير لزوم التامين
وقالت لي امي قالت ادوني ملح
والله صحتني من احلي نومه
وعند اعطائي اياها المطلوب
وانا داخل لغرفتي نظرة لساعة الحائط سالت نفسي وقلت هده ليلة القدر
لان الوقت هوالثلث الاخير من الليل واهميته في العباده
وبحمد الله وفضله كانت ليله حافله بالتضرع الي الله وصارت لي بمثابة الدعوة الحقيقية للعبادة في في الثلث الاخير من الليل الي يومي هدا
وكل ما الاقيها اشكرها واثني عليها علي هدا العمل الجليل
الف شكر ياجاره
مع احترامي والسلام


الجبالي
نشط مميز
نشط مميز


الرجوع الى أعلى الصفحة اذهب الى الأسفل

رد: شطة الجيران طاعمه

مُساهمة من طرف Suhad Abduelgfaar في 2nd يناير 2012, 15:08

ادونا فندكم ندق ونديكم تدقو تدونا

يارب تحفظ لنا الزاكره لكى نتزكر الايام الجميله
والله خوفى حتى الزكرى الحلوه تختلط بالنسيان
(وبين الزكرى والنسيان المسافه قريبه يا انسان )
اخى غريق ربنا يديك العافيه والصحه وفعلا موضوع محتاج مننا الوقوف والصمت
زكرتنى موقف حصل معى قبل يومين ( تعرفت الى اخت سودانيه فى المسجد فى صلاة الجمعه الفاتت وطبعا سودانيه من الزمن الجميل
وكنت ارتب فى مكتبة المسجد فجات لعندى وسلمت على قالت انتى سودانيه قلت ليها طبعا ولا اتمنى ان اكون غير سودانيه مع احترامى لجميع البلدان
وفرحت بيها وفرحت بى لانها تسكن قريب منى ولم نتقابل من قبل
المهم بعد الصلاة طبعا اديدها تلفونى وادتنى تلفونها ومشينا
واذا بها قبل يومين تتصل على وتبارك لى السنه الجديده والاستقلال
وتقول لى والله عامله لى سماحت فول بحلة البريستو وريحته طاقه العماره كلها وقلت الا اتصل عليك تخلى زوجك يجى بالسياره يخاده ليكم عشان الجو كعب
وكان عندك شمار السودان رسلى لى معاه !!!!!!!!!
عارف والله ما اتمالكت دموعى وقلت لا لسا نحن بخير.
كل سنة وانتم ب
الف خير

Suhad Abduelgfaar
مشرف حكاوي المهجر
مشرف حكاوي المهجر


الرجوع الى أعلى الصفحة اذهب الى الأسفل

رد: شطة الجيران طاعمه

مُساهمة من طرف محمد قادم نوية في 2nd يناير 2012, 15:31

شكراً ياحاج غريق علي نبش الماضي الجميل .. هذه العادات كانت دليل ترابط وتكاتف مجتمعنا السوداني الطيب؛ ولكن الان تغيرت المفاهيم ولم تعد الناس بنفس طيبة الخاطر وماكان يقوم به امهاتنا في السابق لن يقمن به اليوم وذلك لضيق نظرة المجتمع
بمعني :
في السابق كانت مثل عبارات " ناوليني خمارك بفوق " والنبي فيك كدة حبة ويكة " واديني شوية ملح"
اليوم مثل هذه العبارات تعتبر " شحدة " عند البعض وتسمع " تحت تحت "ِ
هي مالة ما اولادا التلاتة ما شغالين غالبة حق الملح ؟؟؟
وولدا راكب عربية اخر موديل غالبوا يجيب ليها كل حاجاتا؟؟

وعبارة غايتوا فلانة دي غير ادوني ادوني ماعندها حاجه
رغم اِن هذه العادات تخلق نوعاَ من الترابط الاِجتماعي ولكنها اليوم اصبحت منبوذ من يتصف بها "

نأمل بالروجوع لتلك العادات و الترابط الإجتماعي الجميل

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: شطة الجيران طاعمه

مُساهمة من طرف فيصل خليل حتيلة في 3rd يناير 2012, 10:01


يا له من بوست

زمان كنا بنشيل الود و ندى الود

هذا فعل ابداعى يا زعيم و كل الاخوة المتداخلين اتمنى ان ينال هذا البوست حقه من البحث

لكم التحية

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: شطة الجيران طاعمه

مُساهمة من طرف غريق كمبال في 3rd يناير 2012, 14:11

شكرا يا جبالى

جارتك دى تستاهل ان ترد لها الجميل !!!لو ما معرسه شوف ليها عريس حتى لو بدعوات الثلث الاخير


لك التحيه

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: شطة الجيران طاعمه

مُساهمة من طرف غريق كمبال في 3rd يناير 2012, 14:15

سهاد كتر خيرك على المرور الرائع

وبعدين صاحبتك دى ابقى عليها عشره وجيبيها لينا فى المنتدى

تحياتى

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: شطة الجيران طاعمه

مُساهمة من طرف غريق كمبال في 3rd يناير 2012, 14:18

ول نويه يا رائع لك شكرى

العادات القديمه الجميل منها يجب ان نورثه لاجيالنا القادمه لانه نوع جيد من التكافل فى تلك المجتمعات

تحياتى

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: شطة الجيران طاعمه

مُساهمة من طرف غريق كمبال في 3rd يناير 2012, 14:21

فيصل شكرا على المرور

لم يتبقى لنا الا تلك الزكريات وهى المتكا الذى نعلق عليه همومنا وعلى الاقل يزكرنا اننا لاذلنا موجودين على قيد الحياة


لك ودى

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: شطة الجيران طاعمه

مُساهمة من طرف غريق كمبال في 4th يناير 2012, 14:39

الشطه الدنقابه

كده ادونا حبة عجين

كده يا0000خلى البنيات يورقن لى الخضره دى 000تورق وتفرم ويناولوها بالحوش

كده ادونا ويكا

كده ادينى ليمونه جونى ضيفان دايره اسوى ليهم شربات


الكلام ده يا جماعه مشا وين وبعدين ده مش التكافل الإجتماعى المطلوب


آآآآآآآآآآآآآآآآآآآآآآآه يا زمن

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: شطة الجيران طاعمه

مُساهمة من طرف فيصل خليل حتيلة في 5th يناير 2012, 10:05


معقولة يا زعيم حتى تراثنا و ثقافتنا و عاداتنا و تقاليدنا تصبح من الماضى؟

هل صحيح اننا نعانى فعلا مشكلة فى هويتنا؟

الحلول يا جماعة ربنا يستر

تحايا

فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: شطة الجيران طاعمه

مُساهمة من طرف Ahmed kuku Ahmed في 5th يناير 2012, 11:38

لقد طرأ بعض التغير على مجتمعنا السودانى وتغيرت بعض المفاهيم والقيم المتوارثة ولكن رغم هذا كله ما زلنا
بخير ودليلى على ذلك مثالك انت شخصيا يا زعيم ومثال اختنا سهاد وكتير غير ذلك , هى عادات وقيم تربينا عليها ومستحيل تندثر بالسرعة دى انا متفاءل جدا لانه كتير ما اصادف حاجات هنا فى الغربة تسر النفس وبرجع اقول ما زال السودانيين رغم قساوة الحياة مرارته بخير .
نرجع لموضوعك انا فى سكنى معى مجموعة عذاب من بغلاديش والهند وباكستان زملاء عمل فمرات تكون داير تعمل شاى مثلا تلقاه خلص فعادى جدا تاخد من اقرب واحد بالمطبخ . قبل يوميين زرته ود عمى فى بيته ولقيت عندهم ملاح ام مطيعه ولعلمى انه زوجتو مابتعرف تعملو وهو ترباية الدمازين فسألتهم من وين ده قالت لى مرتو ده من جارتى السودانية وعادى جدا نبادل الحاجات بيناتنا للعلم جارته دى خرطومية ومن برى والاتنين اعمارهن ما بين 20 ......25 سنة يعنى بنات صغار وبرضو مشبعات بالقيم الجميلة دى عشان كده انا متفاءل خير .
شكرا يا الحاج الزعيم وينك ما باين

Ahmed kuku Ahmed
نشط مميز
نشط مميز


الرجوع الى أعلى الصفحة اذهب الى الأسفل

رد: شطة الجيران طاعمه

مُساهمة من طرف غريق كمبال في 5th يناير 2012, 13:45

فيصل

خوفنا على الاجيال انت عارف التسارع المخيف فى الوسائط مشكله

واقول ليك

ولدى الصغير قال لى انت يا بابا عيد ميلادك بتين !!!!

والكبير قاعد احكى ليهو انحنا زمان قاعدين نعانى معاناه شديده عشان بس تشوف وتتكلم مع البنات

قاطعنى وقال لى اعنى زمان حب مافى !!!

حاولت اشرح له وضعنا زمان

تعال شوف اليوم التلفونات والشاتات وووووو

هذا هو الخايفين منو يا مونج

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: شطة الجيران طاعمه

مُساهمة من طرف غريق كمبال في 5th يناير 2012, 13:49

احمد كوكو

لاذال الامل معقود على مثل هؤلاء واؤلائك

لكن المصيبه تاتى بعد حين


شكرا على مرورك والتعليق

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى