ابوجبيهه

يا مغتربين ندعوكم للحباك

استعرض الموضوع السابق استعرض الموضوع التالي اذهب الى الأسفل

يا مغتربين ندعوكم للحباك

مُساهمة من طرف غريق كمبال في 12th يناير 2012, 15:13

الحباك الايام دى بقت مغتظه بالناس بصوره كبيره وعدد سكانها ارتفع بصوره كبيره والدهابه ضيقوا علينا الواطه وبقينا غربا وسط البلد والبلد جوها الناس بتاعين القروش من جميع انحاء السودان وبداوا فى جميع الاعمال حتى المطاعم اصبحت استثمارات خارجيه حتى الحلاقه غزوها والتجاره اصبحة حكرا على الوافدين اعنى يندر ان تلقى ليك واحد من ناس الحباك عندو دكان معدا بعض الاسماء مثل عادل واولاد العمرانى والباقى كلو وافدين 000يا ناس هووووووووى الحقونا

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: يا مغتربين ندعوكم للحباك

مُساهمة من طرف الفاتح محمد التوم في 12th يناير 2012, 15:48

والله يا حاج ..... كلامك صــاح .... البلد وحدها بقت حاجة تانية و تخيل أنا زرتها في رمضان يعني فترة كان زمان فيها ركود تجاري .....لكن لاحظت حركة تجارية غير مسبوقة في الخريف وفي رمضان كمان ... وخاصة مع ظهور الدهب ستكون أكثر حركة ....... وطبعاً ده الموسم ... بس سؤالي أسعار العيش كيف ؟؟؟؟
لأنو أخوك جاذف " عامن اول " ...وزرعت في شرق ابودوم ... بشرنا الوالد بإنتاجية لابأس بها ....لكنه يشتكي النزوح لبعض أهلنا من الجبال .... لتأثر المناطق تلك ...بالظروف المعروفة ....لكنه مبسوط ومستبشر بإنتاج الشرقية ..
انتابني هاجس وتفكير في شبح مجاعة لعدم الإنتاج في المناطق المتأثرة ....وكمان ياحاج المواشي كيف والفيوض .... في فترة الصيف القادم....
نسأل الله أن تنعم ديارنا تلك بالخير العميم ... وأكيد يا حاج " العرجــا لمــراحا "......

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: يا مغتربين ندعوكم للحباك

مُساهمة من طرف د.الجنيد احمد سليمان في 12th يناير 2012, 15:50

يا زعيم غريق....سلامات
قال ليك كان فى واحد بكورك: حلقونا....حلقونا....قام العمده قال للحاجب: كدى شوف الناس ديل الحلق ليهم منو....فام الحاجب ولامن جاء راجع قال للعمده:ديل ناس الحى الفوق دقشهم سيل وقاعدين يستغيثوا وبيقولوا: الحقونا..ألحقونا... يا زعيم الا توافقنى بأن السيل فيه الخير... الزحمة فيها الرحمة..وأذا ناس البلد بقو شاطرين ممكن يستفيدو جدا من التجار والعمال الوافدبن...قروش كتيره داخله..يبقى خير.... داير تدبير..فلنأخذ المفيد من الوافد ونجبره على ترك الضار..وحبه حبه..جرام حرام...وافد وافد...نبنى بلدنا ونودع زنقة زنقة...ولا شنو يا رعيم؟ هاك الكيلو دا

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

رد: يا مغتربين ندعوكم للحباك

مُساهمة من طرف غريق كمبال في 12th يناير 2012, 16:36

الفاتح تحياتى كيف اخبارك

العيش غالى جدا وبختك يا راجل فى التقا بجيب الميه

والبهايم حالها يحنن طبعا اهلك البقاره والفلاته دخلو الجنوب تووووووش

وقالو الرهيفه التنقد بس المهم البهايم تشرب

الفيوض جميعها محتله من قبل الخوارج ومافيها الا الطير

المجاعه حاصله حاصله

وربك يستر

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: يا مغتربين ندعوكم للحباك

مُساهمة من طرف غريق كمبال في 12th يناير 2012, 16:41

الجنيد حمدله على السلامه

طبعا انت شاهد عيان

كده المغربيه كده او الصبحيه تعال على حلتنا بى جاى والله غبار ساكت تآمن

راس المال وين انا داير الجماعه القاعدين بره ديل يجيبو لينا الضحاكات اللموها دى عشان تدور هنا بدل قروش الوافدين ديل

تحياتى

غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

رد: يا مغتربين ندعوكم للحباك

مُساهمة من طرف يعقوب النو حامد في 17th يناير 2012, 01:38

يا حليلك يا غريق
انا قاعد فى أمريكا وقرمان للدولار. البرد خوفنى ما أمشى الشقل. بس شغالين من الدرشة للكرشة. ما فى وفر متوسط الصرف اليومى خمسين دولار اكل وشراب. الإيجار الشهرى ٧٦٠ دولار وعاوزين نشوف شقة اوسع ب ١٣٠٠ دولار. الكهرباء٨٠ دولار التلفون النترنت والتلفزين٨٠ دولار . الغاز ٣٠ دولار الموبلات ٣ موبايلى ٥٠ دولار الولد وامه ٨٠ دولار خليك من التزمات البلد والمجاملات فى امريكا.
كيف نوفر مال.
كدا يا ناس غريق أبدوا لينا اولا فى الإستثمار و بعدين انحنا بعدكم.



يعقوب النو حامد
مبدع مميز
مبدع مميز


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى