ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

دكتور الجنيد قرمان ليكم حار

+4
غريق كمبال
nashi
محمد قادم نوية
فيصل خليل حتيلة
8 مشترك

اذهب الى الأسفل

دكتور الجنيد قرمان ليكم حار Empty دكتور الجنيد قرمان ليكم حار

مُساهمة من طرف فيصل خليل حتيلة 12th يناير 2012, 13:01


اليوم الآن تم القبض على دكتور الجنيد فى الجى ميل ماسينجر و تحدثنا كثيرا عن المنتدى

الجنيد بدوره عبر عن قرمه الحار ليكم كلكم و بيسلم عليكم سلام حار و بيعتزر عن الخياب

التحية ليكم و للدكتور الجنيد
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

دكتور الجنيد قرمان ليكم حار Empty رد: دكتور الجنيد قرمان ليكم حار

مُساهمة من طرف محمد قادم نوية 12th يناير 2012, 13:29

مرحب بدكتور الجنيد ..طال غيابك ياخي أرجوا أن تكون بخير هذي من سنن الحياة الغياب والظروف دي ..المهم المواصلة مع الأحباب
شكراً يامسار علي الوصلة المفرحة ..طبعاً الحكاية قلبت من "الكمال" لـــــ "المسار" شوف الدنيا دي غدارة كيف
محمد قادم نوية
محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

دكتور الجنيد قرمان ليكم حار Empty رد: دكتور الجنيد قرمان ليكم حار

مُساهمة من طرف nashi 12th يناير 2012, 13:30

حباب عمو الجنيد
ويا ريت يعود ومعاه امين منقه
وكل الغايبين
من الرواد
cheers
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

دكتور الجنيد قرمان ليكم حار Empty رد: دكتور الجنيد قرمان ليكم حار

مُساهمة من طرف فيصل خليل حتيلة 12th يناير 2012, 13:31


تمام يا نويه فى الطريق الى باقان

هههههههههههها

فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

دكتور الجنيد قرمان ليكم حار Empty رد: دكتور الجنيد قرمان ليكم حار

مُساهمة من طرف فيصل خليل حتيلة 12th يناير 2012, 13:43


مرحب دكتور الجنيد

قرمانين ليك موت

شكرا
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

دكتور الجنيد قرمان ليكم حار Empty رد: دكتور الجنيد قرمان ليكم حار

مُساهمة من طرف غريق كمبال 12th يناير 2012, 13:49

الجنيد عندو مشكله فى الدخول للمنتدى ويا مدير حل المشكله ولو عاوز تلفون الجنيد نلزو ليك
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

دكتور الجنيد قرمان ليكم حار Empty رد: دكتور الجنيد قرمان ليكم حار

مُساهمة من طرف د.الجنيد احمد سليمان 12th يناير 2012, 14:01

ماذا أقول...
أن الكلام فضيحتى...ومقلتى يجرحها البكاء.
حبابكم ألف والله الشوق كتلنا..ولكن دابما مشكلتى عصلجة التكنولوجيا ويظهر انو عجزنا وغلبنا حفظ آلية الدخول...التحبات لكم وانتم تسألون عن كل غايب وتلك لعمرى من شيم الاكرمين...شكرا ياسر على المعالجة العاجلة وشكرا فيصل على البحث الاثيرى...شكرا غريق...وول نويه وشكرا الدكتوره وشكرا كل الاحباب بالمنتدى والله الشوق ليكم بحر من باريس
ولندن والصين.... لى جوه الجوه فى السودان فى.... صى الوادى والفرقان

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

دكتور الجنيد قرمان ليكم حار Empty رد: دكتور الجنيد قرمان ليكم حار

مُساهمة من طرف yasir 12th يناير 2012, 14:02

غريق كمبال كتب:الجنيد عندو مشكله فى الدخول للمنتدى ويا مدير حل المشكله ولو عاوز تلفون الجنيد نلزو ليك

شكرا يازعيم مشكلة بسيط وتم حلها

مرحب بيك دكتور الجنيد
yasir
yasir
Admin


الرجوع الى أعلى الصفحة اذهب الى الأسفل

دكتور الجنيد قرمان ليكم حار Empty رد: دكتور الجنيد قرمان ليكم حار

مُساهمة من طرف د.الجنيد احمد سليمان 12th يناير 2012, 14:09

شكرا ياسر....ياخى الله يخليك ويعليك ويطرح البركة فيك

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

دكتور الجنيد قرمان ليكم حار Empty رد: دكتور الجنيد قرمان ليكم حار

مُساهمة من طرف الفاتح حسن ابوساره 12th يناير 2012, 14:14

هلت البركات واشرقت الانوار سعداء بعودتك ابا احمد ولا تحرمنا من طلتكم البهية
الفاتح حسن ابوساره
الفاتح حسن ابوساره
مشرف تاريخ ابوجبيهه
مشرف تاريخ ابوجبيهه


الرجوع الى أعلى الصفحة اذهب الى الأسفل

دكتور الجنيد قرمان ليكم حار Empty رد: دكتور الجنيد قرمان ليكم حار

مُساهمة من طرف فيصل خليل حتيلة 12th يناير 2012, 14:31


مرحب دكتور

الدعوات لاخونا ياسر بالاستعراس او الاستوزار

تحياتى
فيصل خليل حتيلة
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

دكتور الجنيد قرمان ليكم حار Empty رد: دكتور الجنيد قرمان ليكم حار

مُساهمة من طرف د.الجنيد احمد سليمان 12th يناير 2012, 14:39

ابو الساره حبابك والله مشتاقين....ياخى م طولت الغيبه...شايف البو صلاح قريب الجية...هل نعشم فى رفقتكم له؟...والله الاستعراس يا غريق مابناباهو لى ياسر لكن الاستوزار سمح..وكان بقى...الاستعراس براه بجى...بالصف..لامن يعزل عزل كمان....الله يديه الفى مراده

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

دكتور الجنيد قرمان ليكم حار Empty رد: دكتور الجنيد قرمان ليكم حار

مُساهمة من طرف الفاتح محمد التوم 12th يناير 2012, 14:50

أخونا دكتور الجنيد قصتي معه طريفة جداً .... وصلت المنظمة والكلام ده في رمضان الماضي في إجازتي ...وعند الباب استقبلوني أحسن استقبال .... ولحسن الحظ الوحيد الذي كنت أعرفه كان الأستاذ الأخ جمال حسن .... سلم عليا في الباب قرب المظلة وخرج في عمل .....تقدمت نحو المكاتب.... مكتب الجنيد فيهو سكرتارية معتبرة ... سألني الشاب فقلت ليهو قول للدكتور خالك....أدخلني السكرتير... سلم علي دكتور الجنيد ... جلست ونحن نتجاذب أطراف الحديث عن الأهل أولادك زوجتك فلانه والناس الذين حوله ... أخبار أم روابة.... عندها عرفت أنه يتنظر كلمة يعرفني بيها لكني زدته في التوهان عندما قلت " كردفان خرّفت فقد كنت في الحمرة القوز قبل أيام و الناس منهمكة في الزراعة في الرجيلة " ذكرت عدد من القرى قرب أم روابة وطبعاً هي قرى فيها أهل أم زوجتي .... صحيح زرتها لأداء بعض التعازي ...المهم طارت عصــافير دكتور الجنيد وروحتـــو وتوهتــو تماماً والناس يدخلون ويسلمون لا يعرفني أحد ... ولا أعرف أحد يعتقدون أني من منظمة أخرى أو صديق تابع للجنيد ... والجنيد ينتظر أي فرصة أو هفوه ... دخلت بت شابة وسلمت علي شديد جداً ... وهي موظفه معهم دكتور الجنيد تأمل خيراً في أن المشكلة إنحلّت .... ولكن الموظفه أعطته تقرير وقالت أنا ماشه مشوار قصير وجاية ... حقيقة أنا ماعرفتها وهي لم تقل إسمي ولكنها سلمت ســلام سودانية بت بلد,,,, ودكتور الجنيد دور المسألة في راســو قلبها يمين شمال ... لا أحد أسعفه بالتعرف علي " مافي طريقة ..وأنا اتصفح جريدة وأحادثه وهو منهمك في شغل الكمبيوتر يسترق النظر..... استمر هذا الدور لمدة 15 دقيقة لم يعرفني ولم يقلها وانا علمت أنه تائه تماماً ولم أقل له ذلك والجنيد محرج يسألني .... شعرت بأنه يفكر بسرعه وفي اتجاهات مختلفة ((خالي .... منو !! الزول ده مافي واحد من المكتب تعرف عليه ....)) فاجأته قائلاً لم تعرفني .... قال نعم والله أنا في أشد الحرج ...معليش يا خال ماعارف أقول ليك شنو..... بعدين بدأ يطرح الأسئلة إنتا جيت أبوجبيهه متين وكمية أسئلة ... وأخيراً قلتا ليهو دكتور أنا الفاتح..... الرجل طار من ورا التربيزة وسلّم علي تاني من جديد واخذ يردد يا ااااخ أنا دارت في رأسي أكثر من مليون فكرة (((الجلابية و الشال و المركوب أنا قلتا أكيد مفتش .... ياربي يمكن خالي ..قريبي .. الزول ده ما من أبوجبيهه..... وما شفتو في جنوب كردفان ...لالا ده زول حكومة ســـاي ..وجاي لأمر هام .. ألله يستر .... الموظفين لم يعرفك أحد .... البت فلانه سلمت عليك ...استبشرت خير ... لكنها لم تردد أكثر من التحايا ورمضان كريم بطبيعتها التي نعرف .... " هكذا قال لي الجنيد....
صراحة كانت لحظات جميلة ..... وبعد المقلب دخل الأستاذ جمال عائداً من خارج المنظمة عاود السلام و السؤال ...جلسنا نتحدث ونسأل بعض ...دكتور الجنيد حكى له الحكايــة...ضحكنا كثيراً ... وافترقنا في أجمل لحظات...طبعاً أخدت موبايلو على أن أفطر معاهو في أحد الأيــام .... لكن لم تسعفني الأيام ....لإعادة اللقاء بهذا الرجل الطيب الهميم....
دكتور نحنا برضو و الله سائلين منك ..... لك التحية آلاف...
شكراً ياوريف على هذه المســاحة الجميلة ...... تحياتي

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

دكتور الجنيد قرمان ليكم حار Empty رد: دكتور الجنيد قرمان ليكم حار

مُساهمة من طرف د.الجنيد احمد سليمان 12th يناير 2012, 15:08

يا ود محمد توم...سلامات ياخى.....من ديك وعيييييييييك....والله ياالفاتح مع جرى الدنيا محرج معاك ..مفروض نعرفك رجعت متين..ولا لسه قاعد فى السودان..ولا...ولا...لكن جميل الليلة طليتا...والله الشباب ماقصر...سؤال شديد حتى فك الله الكربة اليوم بفيصل وياسر حلو المشكلة علشلن نقابل هذه الطلعات البهيه....الفاتح ياجماعة موسوعة وهو كالغيث اينما وقع نفع...وهو حين زارنى مشكورا فى المكتب...حرك كل خلايا التفكير فى جهازى العصبى لأعرفه وشحذ طاقات مهوله عندى لأتعرف عليه...لعل وقود التفكير عندى الآن هو من قوة الدفع التى ولدها عندى حين جاء...ألم اقل لكم انه كالغيث...كان يمكنه ان يعرفنى بنفسه مباشرة ولكنه استفز ذاكرتى وانعش الخامل من خلاياها وربما اعاد تكوينها من جديد..فتقلصت حاسة النسيان عندى..ان صح التعبير..

د.الجنيد احمد سليمان
نشط مميز
نشط مميز


الرجوع الى أعلى الصفحة اذهب الى الأسفل

دكتور الجنيد قرمان ليكم حار Empty رد: دكتور الجنيد قرمان ليكم حار

مُساهمة من طرف الفاتح محمد التوم 12th يناير 2012, 15:25

والله يادكتور مشتاقين ...... وأنا رجعتا العباسية بعد يوم من تلك النفحات التي مازالت عالقة من ذاك اللقاء النبيل يااااخ ..... إنتا بتعرف كويس شعور الواحد... عندما يلتقي أحداً من ناس الزمن الجميــل ....شعور لايوصف ...
في زيارتي للحباك يا جنيد .... كنت أسابق الزمن عشان أغطي أكبر عدد من الناس في فترة وجيزة .... والمواقف كتيره وجميلة ..... منها :-
صليت في مسجد أبوجبيهــة العتيق صلاة العصر وحينها كان هناك عدد من الدعاة الشباب قدموا من الخرطوم كبرنامج رمضاني في المسجد...إلتفت يميني فوجدت عمك عبدالرحمن الزاكي و عن يساري العزيز أخي وحبيب الكل جعفر كمبال.....وكان الرجل يلقي المحاضرة و الكل يستمع بإهتمام ... أولاً عرّف نفسه وقال (هناك مجموعة معي في هذا التطواف) ...يبدو لي أنّ عمك عبدالرحمن الزاكي وأخونا جعفر .... على طول قالوا في سرهم أكيد ده واحد من المجموعة و يقصدونني أنا..." بنفس تفاصيل اللبس جلابية وعمة وشال ... وفترة طويلة لم يروني ... ولم يسمعوا بمقدمي لأن أبوجبيهه بقت كبيرة جداً ... "
بعد أن انتهت المحاضرة قام الجميع للسلام على الشاب الذي يحاضرنا وأنا منهم ...وحسب فكرة شيخ عبدالرحمن وجعفر تسابقوا علي أولاً ليسلموا عليا ويرافقوني الى الشاب المحاضر
سلموا علي سلام حار جداً وانا أسلم عليهم أسميهم بأسماءهم ...وإذا بالدهشة و الضحكة تعلو وجوههم وبصوت وآحد قالوا " و الله سلمنا عليك يالفاتح لأننا افتكرناك مع الجماعة" ذهبنا سوية وسلمنا على الشاب وانصرفنا ووعدتهم بالزيارة والحمد لله وفقت في زيارة شيخ عبدالرحمن و الغالي جعفر ...وقد كان برفقتي الى حوش الناظر الأخ حاج غريق كمبــال الذي رافقني مشكوراً مأجوراً في تطواف لأداء واجب العزاء في صديقنا طارق " يرحمه الله بالجنه".....
أبوجبيهه عندي فيها مواقف كتيرة جميلة في زيارتي تلك...
((الحبـــــاك أمة من دهب)) .......
بتمنى أن أراها دوماً تنعم بالخير .......

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

دكتور الجنيد قرمان ليكم حار Empty رد: دكتور الجنيد قرمان ليكم حار

مُساهمة من طرف غريق كمبال 15th يناير 2012, 17:33

الدكتور سلامات

والله ياسر وراك الدرب اوعاك تودرو تانى

تحياتى
غريق كمبال
غريق كمبال
مشرف المنتدى الاقتصادى
مشرف المنتدى الاقتصادى


الرجوع الى أعلى الصفحة اذهب الى الأسفل

دكتور الجنيد قرمان ليكم حار Empty رد: دكتور الجنيد قرمان ليكم حار

مُساهمة من طرف الفاتح حسن ابوساره 19th يناير 2012, 08:46

حبيبنا ابو احمد ان شاء الله لو الامور ظبطت سأكون معكم في الحباك مع نهاية هذا الشهر ويمكن اجي مع صلاح في نفس الطيارة بس دعواتكم تتم الموافقة على الاجازة مع خالص تحياتي والى ان نلتقى قريبا في امان الله
الفاتح حسن ابوساره
الفاتح حسن ابوساره
مشرف تاريخ ابوجبيهه
مشرف تاريخ ابوجبيهه


الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى