ابوجبيهه

صباحية .... مباركة ...

استعرض الموضوع السابق استعرض الموضوع التالي اذهب الى الأسفل

صباحية .... مباركة ...

مُساهمة من طرف عثمان محمد يعقوب شاويش في 21st فبراير 2012, 09:19

إتصل على أخي العزيز : عوض جاويش .. من مكتبه ..وبسألني عن الأحوال والأخبار ...
وأثناء المحادثة رن الهاتف وقلت لأخي عوض : جاني تلفون من السودان لحظة ... وإذا به أخي العزيز الصغير الأمير / فيصل خليل ... قلت لعوض دا فيصل خليل ...وقال لي يالله مع السلامة ...
بدأ فيصل يسلم بسلامه الأخوي النبيل ...وقلت ليه خليني أتصل عليك دي مكالمة دولية .... قال لي : يا عمو أنا بكلمك كم مره أصلو ...لأ والله تواصل وعادي جداً ...
وإستمرت المحادثه وبصراحة :
فتح معي موضوع ... أرض والدي بأبوجبيهة ...
عوير ود الشاويش وكدا ....
وقال لي أنا كنت بأبوجبيهة.
وفعلاً سكنوا فيه ناس كتار جداً....
وإلحقوا أرضكم ...
قلت ليه نحن أصلاً تسعة إخوةوأخوات ...
فقط نطالب ب9 قطع ....
وقال لي إستعجل وبسرعة ...
وأنا عندي خبر بعض ( ناس الجيش وال(الدهب)) سكنوا بالأرض وبنوا مساكنهم فيها وغرسوا الشجر ....
ونسأل الله أن يسعفني الزمن والحجة الراسخة وشهادة الشهود ...وقريباً سوف أفتح هذا الملف ... ودعواتكم معانا.
وتحدث معي : عن هذا المنتدي الشامخ ...
وقال لي إنت صراحةً غبت كثير ...وكثير ...
وقال لي هذا منتدانا جميعاً ...وياخي إنت (خدوة ) ومؤسس ... كيف (تخيب ) وتشتكي الفتور ...
قلت ليه بالجد زعلت ...من الركود الذي عم المنتدي...
وحينما فكرت في كلامه ... وقلت هذه فترة ركوض وسرعان ما تزول بزوال ظروف بعض الأعضاء الكرام....
وقد طولت عليه المكالمة الدولية لأكثر نصف ساعة ...
وكان مصراً على عدم إنقطاع الحديث إلا أنني أنهيت المحادثة ....
شكراً أخي الصغير العمدة ... وتحلو لي عبارة عمو من شخصك الغالي ... وأتمني من كل قلبي أن نرتقي بهذا المنتدي ليصبح شامخاً قوياً راسخاً لجيلنا القادم ....
ولكم محبتي ،،،،
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: صباحية .... مباركة ...

مُساهمة من طرف ناهد عبيد في 21st فبراير 2012, 09:34


صــــــــــباح الخـــــــير عليكم جميــــــعا

ادام الله الاخوه الصادقه بين الجــــــميع

عمو شاويش ابقى مارق ولك الف سلام وتحيه

واقعدوا عافيه
avatar
ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: صباحية .... مباركة ...

مُساهمة من طرف أزهرى الحاج البشير في 21st فبراير 2012, 09:36

يا ود الشاويش فيصل ضحك عليك بمكالمة طويلة وثبتّ عليك العمومة وإنت في عز الشباب يا راجل عجوز
ألحقوا عوير أبوكم قُبال ما يلحق زراعات أبوي
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: صباحية .... مباركة ...

مُساهمة من طرف فيصل خليل حتيلة في 21st فبراير 2012, 10:16


سلام عمو عصمان و اشكرك على الكلمات الجميلة فى حقى

سلام عمو ازهرى

سلام بت اختنا ناهد عبيد

بالمناسبة يا ازهرى تألمت كثيرا و بكيت اكثر و انا اتجول فى ابوجبيهه و اشاهد بأم عينى اعتداء المواطنين على

مقابر ابشمله الامير ومقابر ابوقيد ..............!!!؟؟؟

على كل تقدمت بشكوى للمعتمد و تحدثت الى الاخ اسامه باشا و سوف اواصل فى مسعاى

اراضيكم موجودة فقط عليكم بالتحرك لحفظ الحقوق و رد المظالم

لكم التحية

تخريفه

قلنا ان عمو عصمان رجل خدوه و ظل يمارس الخيابات و فى المقابل يشتكى من خيابات الاخوة الاعضاء

طيب

يا ابونوال و ناهد عبيد اكلتونا حنك عديل كده ................ انخفض معدل وجودكم الى دون ال 10 فى المية!!؟؟

رايكم شنو؟

تحايا


avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: صباحية .... مباركة ...

مُساهمة من طرف الفاتح محمد التوم في 21st فبراير 2012, 11:21

حلوين حلاوه .... وغاليين غلاوه
فيصل ان شاء الله يوم شكرك ما يجي
دايم التواصل ...يحرجنا دوماً بالمبادرة
ان شاء الله دايماً تامين يا عمو عثمان ....

تخريمة:
عمو عصمان ..الخطة الإسكانية الجديدة بعد تجملا
ههههههههههههههههههههههه

الفاتح محمد التوم
مشرف المنتدى السياسى
مشرف المنتدى السياسى


الرجوع الى أعلى الصفحة اذهب الى الأسفل

رد: صباحية .... مباركة ...

مُساهمة من طرف عثمان محمد يعقوب شاويش في 22nd فبراير 2012, 09:11


العمده/ فيصل . توحة الظريف ...
شكراً على المرور الجميل .

نعم شئ مؤسف يا فيصل أن يعتدي بعض من سكان ابوجبيهة الجدد على مقابر ابوشملة وأبو قيد ...
وهل تصدقوا جنينة : خالي مصطفي بابكر الله يرحمه مسورة ومثمرة إخترقوها واصبحوا يدفنوا تحت شجر المنقة المثمرة ... وأصبحت الآن سائبة ...والأشجار مثمرة ... ودائماً يزيلون السور ...هذا شئ مؤسف ...
جاني مشوار مهم ونواصل .... إحترامي ،،،
avatar
عثمان محمد يعقوب شاويش
مشرف منتدى شخصيات من ابى جبيهه
مشرف منتدى شخصيات من ابى جبيهه


الرجوع الى أعلى الصفحة اذهب الى الأسفل

رد: صباحية .... مباركة ...

مُساهمة من طرف اقبال عبداللطيف في 22nd فبراير 2012, 10:52

عم عمو فيصل سلااااامات ..شوف فيصل جاب ليك عكاز بالبطئ ههههههه..
موضوع سلب ونهب الاراضي موضوع طويل وموجع..ودونك منزل اولاد محمديوسف..سلب مع سبق الاصرار والترصد..الله من جور اهلي لأهلي..احترامي


لا اعرف شيئا تواطأ الناس على هضمه وزهدوا في انصافه مثل الحقيقة
avatar
اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: صباحية .... مباركة ...

مُساهمة من طرف أزهرى الحاج البشير في 22nd فبراير 2012, 10:55

جاييك يا آخر الموانئ
avatar
أزهرى الحاج البشير
مشرف عام
مشرف عام


الرجوع الى أعلى الصفحة اذهب الى الأسفل

رد: صباحية .... مباركة ...

مُساهمة من طرف فيصل خليل حتيلة في 23rd فبراير 2012, 09:07


بالجد تسلم يا ابونوال و ابونا كلنا .......... احبك يا زول

ننتظر نشوف ناهد عبيد بتقول شنو؟

تحايا
avatar
فيصل خليل حتيلة
مشرف إجتماعيات أبوجبيهة
مشرف إجتماعيات أبوجبيهة


الرجوع الى أعلى الصفحة اذهب الى الأسفل

رد: صباحية .... مباركة ...

مُساهمة من طرف jaber abdulsater mohammed في 23rd فبراير 2012, 09:19

اصبحتو عافية يااهل الحبابك
avatar
jaber abdulsater mohammed
نشط مميز
نشط مميز


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى