يا اخوانا قرمان ليكو حار

هاي اهل الفريق ماكو طيبين .. انشاء الله البقيرات و الغنيميات ملعشيات .. انا قرمان ليكم حار .. و توه جيت من السرحه و فريقنا علي الحدبه الغربانيه جيهت ملجاوط .. تعالوا اشربو ليكم روابه تنفعكم ..

الاخ محمود خليت الكوارو و العربات بقيت تخط صور دبابات كمان .. صحبك ابوهريره بسلمم عليك حار و قال ليك سيب الفوضه البتعمل فيها دي ..

اقعدوا عافيه .. باقي اليومين دي مشقول مع السعيه لانو السنه الخريف تعيس و البار بغبَن .. و الجماعه ما ريحنو كلو كلو كل يوم خمشين ليهم مراح ..
لكم التقدير

هاى ول عشمان بركة الوصل طب

بعدين انت لسة تتكلم فى الكوارو

الان محمود اصبح مسئول من الجهاد فى جنوب كردفان

ولو داير دبابة تحرس ليك البقر بكرة محمود بسلمك ليها

اخى الفاتح احوالك والمدام

طبعا صاحبك لارجع بالفاس ولا العود

هاي ياناس اتو كلامكو دا اليوم حلاتا دي شنو وإنشاء الله دايماً متل دا