الدوحة نوّرت

يهل علينا هذه الايام عمدة المنتدى الاستاز ازهري الحاج ضيفا عزيزا على مدينة الدوحة وقد اسعدنا وافرحنا نحن ابناء الحباك ان يكون بيننا العمدة ابوالزهور والشكر موصول للزعيم الكبير نصر الدين عبد الساتر حيث التقينا بداره العامرة ومعنا كل من د. شيبة ابو زلازل والاخ جابر عبد الساتر حيث كانت سهرة حباكية ممتعة امتدت لوقت متأخر من مساء امس ونقول للعمدة اهلا وسهلا بك في دوحة الجميع ونتمنى لك التوفيق والنجاج في مهمتك

اها يا محمود الصورة نزلناها واكيد بشبه رياك مشار ولا رايك ايه مع تحياتي لابو علياء صاحب الطلب الاول وكل الاخوة

يا بختكم يا ناس الدوحة

ابونوال نتمنى لك اقامة طيبة بين الشباب

تحايا لكم جميعا

الاعزاء احمد مرحوم ، محمود منصور ،الفاتح محمد توم، جابر، فيصل خليل،الزعيم غريق، ابو هريرة وشيخ دبيبة الانجل تحياتي لكم جميعا وشكرا على تعليقاتكم الظريفة ونحن بالجد محظوظين لان يكون بيننا العمدة ابو الزهور ويعني يا ابو هريرة عجبك المكان وايه رايك في الشخصية المشارية دي (كلامك ذكرني ايام الجامعة وكان معانا طلبة من فلسطين فسالني احدهم انت اسم الشامي ده جبتوه من وين فقلت له مازحا اصلوا نحن اصلنا من الشام وجدي الكبيرهاجر من الشام واستقر بالسودان وكان في واحد من اخوانا السودانيين الظرفاءحاضرا فما كان منه الا ان لمس شعري وقال لي مال دوزموند توتو ده يمشي وين ) والعزيز شيخ دبيبة الانجل ملاحظتك في محلها ولبس البنطلون كله عند البعض تشبه بالكفار عشان كده احسن نعمل بنصيحة محمود منصور ونخت ليكم واحدة بالجلابية البيضة ومكوية