ابوجبيهه


انضم إلى المنتدى ، فالأمر سريع وسهل

ابوجبيهه
ابوجبيهه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

ساخر سبيل ..جابت ليها استحياء؟!!!

2 مشترك

اذهب الى الأسفل

ساخر سبيل ..جابت ليها استحياء؟!!! Empty ساخر سبيل ..جابت ليها استحياء؟!!!

مُساهمة من طرف nashi 13th مايو 2012, 07:34

ساخر سبيل
12 مايو 2012م


جابت ليها استحياء؟

الفاتح جبرا
elfatih.gabra@gmail.com

يقول عن نفسه في لقاء أجرته معه صحيفة الصحافة بتاريخ 4 مايو 2012م ً (أنا اسمي دفع الله حسب الرسول البشير، من «اهلكم الجموعية» في محافظة ام درمان وعضو في البرلمان منذ بدايته وموجود في كل دوراته واعمل استاذا بجامعة افريقيا العالمية في كلية التربية الآن عضو في لجنة العلاقات الخارجية ) !
لمن لا يعرفه فهو العضو البرلماني صاحب المبادرة في إلغاء حفل الفنانة المصرية (شيرين) والذي كان من المفترض أن تحييه بإستاد الخرطوم والذي تزامن مع أحداث هجليج ، الحوار المذكور أعلاه والذي شمل عدة نقاط تستحق كل واحده منها الوقوف عندها طويلاً إلا أن هنالك نقطة مفروض الزول (يعسكر فيها) عديل كده .. إذ أجاب العضو البرلماني عند سؤاله إن كان عدواً للمرأة بقوله :
- انا اتحدى اي زول يقول كدا انا متزوج ثلاث نساء الحمد لله ما زي واحد عمرو 60 سنة ماسك ليه في مرة واحدة وما بستحي.
أي والله – عزيزي القارئ- ومش كده وبس بل أضاف (أكرمه الله) قائلاً (الراجل أصلاً ما مصمم لي مرا واحدة)
كدي تعالوا معاي نمسك حتة (الإستحاء) دي وبعدين نجي لي مسألة (التصميم) .. السؤال الذي يفرض نفسه بالطبع هو (نستحي من شنو؟) وهل مسألة إنو الزول (ما يتزوج كلو كلو خليك من متزوج واحدة دي خاجة بتخجل وتخلي الزول يستحي؟).. وماذا يعيب يا شيخنا (لدرجة الإستحاء) أن يكون الزول ماسك ليهو في مرا واااحده ؟ أليس افضل من أن يكون لدية عدة نساء و(كورجة أولاد) مشتتين هنا وهناك ؟ وكيف يتسنى لهذا (البستحى) أن يقوم بالإشراف على هذه الأسر جميعها والتعرف على مشكلاتها ومتابعة سلوك أفرادها؟ خاصة في هذا (الزمن الردئ) الذي تصعب فيه إدارة الأسرة الواحدة ؟
ألا توافقني يا شيخنا بان الإسلام يدعو إلى الاسرة القوية المتماسكة وأن هذه الدعوة (الآن) لا يحققها (مع مشقة) إلا (الزول الماسكك ليهو في مرا واااحدة) خاصة في هذا الزمن الممحوق حيث اليوم أصبح بضع دقائق .. والغلاء الفاحش (طلب الفول بخمسة ألف) والدخل المتدني (إن وجد) !
يا مولانا ... تعرس تلاته تعرس سطاشر دي حاجة بتخصك إنتا لكن نحنا نعرس واحده نعرس (نص) ليس من حقك أن تطالبنا بالخجل والإستحاء فنحن يا شيخنا – بإفتراض أيماننا بالفكرة- لسنا (نواب برلمانيين) ومخصصاتنا (الما هية؟) بالكاد تكفينا (لحدت يوم خمسة) .. لا تعرف موائدنا اللوزينج والفلوذج والثريد .. نحاول ألا يمرض واحد من الاسرة (الواااحدة دي) حتى لا تنكشف سوءة (فقرنا) وخلو (أرصدتنا) بل (ثقوب جيوبنا) وعند الأعياد (نشيل هم) ملابس أطفالنا الذين لا يتعدون نصف أصابع اليد الواحدة (النص رضيع وكده) .. أما عن (خروف الأضحية) فقاعد (يجرسنا عديل كده) .. فما بالك لو (تلاته خرفان) رعاك الله ؟ وبعد ده كلو القصة جابت ليها (إستحياء) !
لا شك عندي أن الراغبين في التزاوج مع أكبر عدد من النساء لهم في تبرير رغباتهم هذه صور شتي وهي تبريرات كلها فطيرة (وما بتخش الراس) فهم مثلاً يقولون أنهم بذلك يساهمون في تدني نسبة العنوسة مع إنهم لا يتزوجون ممن فاتهم القطار بل ينتقون صغار السن من الأتراب الكواعب ! وبعدين لو أصلو القصة تخفيض نسبة عنوسة مش كان الأجدي بهم أن يقوموا متبرعين بأموال (زيجاتهم هذه) لتزويج أقربائهم أو جيرانهم من الفتيان الذين لا يستطيعون (الباءة) !
عزيزي القارئ .. نجي لحتة (التصميم) إذ أفاد العضو البرلماني (طبعن بعد إطلاعه على الكتالوج) بأن الراجل أصلاً ما مصمم لي مرا واحدة وهذا لعمري زعم (غريب وعجيب) يتطلب منا الرد عليه بصورة لا تؤثر على الهيكل المعدني الذي يغطي عجلة تغيير السرعة حتى نمنع إنزلاق المكابح فيتأثر (الدفرنش) !!
كسرة :
قال أيه (تصميم الراجل) ... هههههه .. والله يا مولانا إنتو لو عاوزين تبرروا ليكم حاجه ما بتعدموا التبرير !!

كسرة ثابتة :
أخبار خط هيثرو شنو(ووووو)؟
الراكوبه
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

ساخر سبيل ..جابت ليها استحياء؟!!! Empty رد: ساخر سبيل ..جابت ليها استحياء؟!!!

مُساهمة من طرف nashi 13th مايو 2012, 12:48

ما عرفنا رأيكم يا جماعة ولا عجبكم كلام النائب البرلماني دهVery Happy انا غايتو عجبني كلام جبرا شديدLaughing
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

ساخر سبيل ..جابت ليها استحياء؟!!! Empty رد: ساخر سبيل ..جابت ليها استحياء؟!!!

مُساهمة من طرف الفاتح حسن ابوساره 13th مايو 2012, 13:11

يا دكتورة الظاهر جبرة ده خايف من الحكومة عديل كده و شن حملة شديدة على الدكتور بتاع الثلاث ده والطريف في الامر ان الدكتور ذكر حكاية زوجاته لينفي عن نفسه تهمة معاداة االمرأة وبصراحة ما في حب اكثر من كده وطلعنا نحن ما بنستحي ده قاصدنا عديل كده ولازم الواحد يستحي

مع خالص التحايا
الفاتح حسن ابوساره
الفاتح حسن ابوساره
مشرف تاريخ ابوجبيهه
مشرف تاريخ ابوجبيهه


الرجوع الى أعلى الصفحة اذهب الى الأسفل

ساخر سبيل ..جابت ليها استحياء؟!!! Empty رد: ساخر سبيل ..جابت ليها استحياء؟!!!

مُساهمة من طرف nashi 13th مايو 2012, 13:26

الفاتح حسن ابوساره كتب:يا دكتورة الظاهر جبرة ده خايف من الحكومة عديل كده و شن حملة شديدة على الدكتور بتاع الثلاث ده والطريف في الامر ان الدكتور ذكر حكاية زوجاته لينفي عن نفسه تهمة معاداة االمرأة وبصراحة ما في حب اكثر من كده وطلعنا نحن ما بنستحي ده قاصدنا عديل كده ولازم الواحد يستحي

مع خالص التحايا
ان اذاتي قلت جبرا ده بكون خايف من الحكومة وهو في حد ما بخاف من الحكومة ههههههههه
يا اخوي مافيها ايّ حاجه وتستحي ليه
مفروض استحي ابو ثلاثه عشان في مساكين ما لامين في واحده
nashi
nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى