ابوجبيهه

مطلوب رجل تساهيل لست بيت شاملة

استعرض الموضوع السابق استعرض الموضوع التالي اذهب الى الأسفل

مطلوب رجل تساهيل لست بيت شاملة

مُساهمة من طرف اقبال عبداللطيف في 5th يونيو 2012, 23:23

فيها شنو لواي راجل سهل ووفر لزوجتو فرصة لتصير ست بيت شاملة ...مثلا يساعدها في استمرارية نهلها للعلم عملا بالسنة وحتى تنفعو بتطوريها لنفسها وتنفع اولادها والمجتمع ...ويدخلها دورات تدريبية لتصليح الاعطال الكهربائية ودورات اخرى .ولانها الوحيدة المتواجدة بالمنزل لتستطيع تفادي المخاطر وتشخيص العطل وبكده توفر زمن تواجد الفني بالمنزل وتوفر قروش كمان لانو بعض الفنييين يبتزك لجهلك ...او تتعلم قيادة السيارة وما بالضرورة يشتري ليها عربية ...وما فيها حاجة لو فتح ليها حساب في البنك وخت ليها رصيد كويس وللضرورة احكام
وقبل كل هذاوذاك يحرص على ان تتعلم امور دينها


لا اعرف شيئا تواطأ الناس على هضمه وزهدوا في انصافه مثل الحقيقة

اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف nashi في 6th يونيو 2012, 15:40

سلام يا اختنا
لا تحلمن بعالم سعيد ههههههه
Very Happy
ما شايفه الجماعة قروا موضوعك وما علقوا عليه Laughing

nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف الفاتح حسن ابوساره في 7th يونيو 2012, 09:32

معقولة يا إقبال عشان الواحده تكون ست بيت دي كمان علقتوها لينا في رقبتنا وكمان خلاص زمنكم فاضي وكتير عشان تخشوا دورات في الكهرباء والميكانيكا ودورات اخري.... كمان حرام عليكم الكهربجية المساكين ديل يأكلوا عيش من وين وكمان بقى فيها عربات وحسابات بنوك يعنى الدهب والكنكشة بقت موضة قديمة وما نسيتو وصية الحبوبات الرجل يا بتي ما تخلى ليه قرش زائد في يده
يعني عاجبك كده يا دكتورة اهو من محراشك خليتينا طلعنا الجوانا ورحنا في ستين داهية
تحياتي

الفاتح حسن ابوساره
مشرف تاريخ ابوجبيهه
مشرف تاريخ ابوجبيهه


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف nashi في 7th يونيو 2012, 09:37

الفاتح ابو السارة كتب :يعني عاجبك كده يا دكتورة اهو من محراشك خليتينا طلعنا الجوانا ورحنا في ستين داهية
تحياتي
lol!
اضحك الله سنك اخي الفاتح
واسمح لي اعطيك وسام الشجاعة من الدرجة المنتازة هههههه
والله الدهب بقي موضه قديمة والتعليم ما خلي بيت الحمدلله
البنوت بقن واعيات
وإقبال بتاعت cherry موقوتة ههههههههه
تحياتي وتقديري

nashi
مشرف المنتدى الرياضى
مشرف المنتدى الرياضى


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف محمود منصور محمد علي في 7th يونيو 2012, 09:49

انا على ثقة تامة لو ان الرجل اعطى المراة حرية وصلاحيات كاملة لتصبح امراة شاملة ستؤدي الدور افضل من الكثير من الرجال لاسباب كثيرة اقلها ان المراة تمتاز على الرجل بقوة الصبر والتحمل....

على العموم معليش يا استاذ الفاتح خلي روحك رياضية واقبل بالمراة الشاملة وماتكون زي فيصل خليل مكابر وعنيد..

شكرا يا استاذة اقبال ودكتورة احسان وانا متابع وموجود ولو اي واحد قدم اعتراض على طول بدخل.....

طبيبة تداوي بلمسة ايد.... معلمة هادمة لجهل عنيد
مهندسة واعية ورايا سديد


<br>

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف الفاتح حسن ابوساره في 7th يونيو 2012, 10:34

تسلمي يا دكتورة

استازنا محمود يازول انت بتتكلم جد هم نسوان الزمن ديل خلو للرجال حرية ولاصلاحيات بس حكاية الصبر والتحمل دي عندك فيها حق خاصة مع الاولاد وخصوصا البنات

وينك يا فيصل من الانبطاحات دي

الفاتح حسن ابوساره
مشرف تاريخ ابوجبيهه
مشرف تاريخ ابوجبيهه


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف اقبال عبداللطيف في 7th يونيو 2012, 10:37

ههههه والله يا دكتوره دخلت قلت اكتب البوست الشافو خلو
الفاتح الكلس شغالين بالوصيه والوصيه جوه في قلوبنا الوفية حافظين للبيوت ومفضيييين للجيوب

الصامد محمود انت معروف صاحب مبادئ ومثل عليا
سدد الله خطاك ...بس اقرع ود عشمان من البوست دا


كل التقدير


لا اعرف شيئا تواطأ الناس على هضمه وزهدوا في انصافه مثل الحقيقة

اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف محمود منصور محمد علي في 7th يونيو 2012, 10:44

هذا البوست حصري وخاص لاعضاء جمعية الرفق بالقوارير

ممنوع دخول فيصل خليل وودعشمان والفاتح التوم وابوهريرة

ولا عذر لمن انذر

جمعية الرفق بالقوارير
فرع المملكة

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف الفاتح حسن ابوساره في 7th يونيو 2012, 10:57

اقبال عبداللطيف كتب:ههههه والله يا دكتوره دخلت قلت اكتب البوست الشافو خلو
الفاتح الكلس شغالين بالوصيه والوصيه جوه في قلوبنا الوفية حافظين للبيوت ومفضيييين للجيوب

الصامد محمود انت معروف صاحب مبادئ ومثل عليا
سدد الله خطاك ...بس اقرع ود عشمان من البوست دا


كل التقدير

انا الظاهر دخلي لي في ممزق على رأي ابونا حارن طيب الله ثره

ومادام دي شعاراتكم نحن من هسع رفعنا الراية وينكم يا فيصل وابو هريرة وودعشمان كان ما ظهرتوا بعد كلام اقبال ده تقطع فيكم غنيوة وبصراحة محمود ده طلع طابور خامس عديل كده

الفاتح حسن ابوساره
مشرف تاريخ ابوجبيهه
مشرف تاريخ ابوجبيهه


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف محمد قادم نوية في 7th يونيو 2012, 11:09

الفكرة في رأي جيدة بس لواديت كل هذه السلطات للمرأة حتصبح من وزيرة بالدولة إلي وزيرة إتحادية كاملة السلطات وكل زمام الأمور بيدها

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف اقبال عبداللطيف في 7th يونيو 2012, 11:17

هههههه الجماعة ديل بارض المعسكرات بسوبا
نازلين دورات امناء ولايات للجمعية ....الفاتح خليك رافع الراية
ول نوية سلامات نعل مافي عوجة؟ ...الفكرة جيدة وبس...كراع جوه وكراع بره

احترامي لكم


لا اعرف شيئا تواطأ الناس على هضمه وزهدوا في انصافه مثل الحقيقة

اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف محمد قادم نوية في 7th يونيو 2012, 11:51

مرحب بيك إقبال كيف الأخبار
ذي ماعارفة نحن لسه مادخلنا نظام الوزارات دا لو أيّدنا كل هذي الصلاحيات لحواء حيكون مؤشر خطر قادم علينا

محمد قادم نوية
مشرف منتدى الصوتيات
مشرف منتدى الصوتيات


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف ابوهريرة عثمان عبدالسلام في 7th يونيو 2012, 17:25

ياجماعة دة كلام شنو دا هى الحاجات دى ياتو مرة بتقدر عليهم

والبيت والعيال

كدة خلى نشوف راى الجماعة

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف ناهد عبيد في 11th يونيو 2012, 10:50


ســــــلامات
وليكم وحشه

ههههههههه ...... اسمعى كلام اخيتى احسان يا خالتى اقبال .
تفجير القنابل ممنوع الا لاغراض انسانيه الوثيقه الدوليه بتقول كده ... انقرعوا ....

استاز محمود منصور اللسامى كترن عليك
ابو كوارو ... ابو لوارى .... طابور خامس دى شينه من الفاتح ابو ساره وانا ما رضيتا ليكا ...

ولكم فائق الاحترام

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف الفاتح حسن ابوساره في 11th يونيو 2012, 11:14

حمد لله على السلامة ومنورة يا ناهد طبعا الجماعة كلهم زاغو من القنابل واولهم ود عشمان وفيصل والفاتح محمد توم بعدين يا استازه كترت الاسامي دليل على اهمية المسمى وانا اتأكدت انو استازنا محمود برئ بس الطابور الخامس هو ابوهريرة ما شايفه رده كيف

الفاتح حسن ابوساره
مشرف تاريخ ابوجبيهه
مشرف تاريخ ابوجبيهه


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف محمود منصور محمد علي في 11th يونيو 2012, 12:27

استاذة ناهد

الف حمدا على السلامة

طبعا الاسامي دي لزوم التطفيش من الجمعية وهي مؤامرة من فيصل وود عشمان ومدعي الحجج ابوهريرة... وانا غيرت اللواري خلاص وبنيت لي راكوبة وقاعد فيها وخارس الجمعية..

لكين يالله عليك الراكوبة دي مش احسن من بدلة ابوهريرة الغبشة دي؟؟؟ الصورة من خور الدليب قال من الصين هههههه هههه
وبعدين الفاتح غير كلامو لمن عرف الحقيقة وهو اتصل علي يود الانضمام الى الجمعية وخلاص سجلناهو والفاتح يعتبر مكسب كبير للجمعية ودعم قوي

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف ناهد عبيد في 11th يونيو 2012, 13:06


وين الراكوبه يا استاز محمود منصور ده كورنق

وفى النيل الازرق بسموه نيفاشا والله ما عارفه وجه الشبه

ولكم تقديرى

ناهد عبيد
مبدع مميز
مبدع مميز


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف محمود منصور محمد علي في 11th يونيو 2012, 18:44

يا استاذة ناهد

يبدو ان العولمة لم تحط رحالها في السودان بعد

دي راكوبة صناعة صينية.. اما الكرنك صناعة تايوانية

تحياتي لعمنا عبيد و لوالدتك والاخوان صلاح عبيد واسامة عثمان وفي انتظاركم في العمرة

تحياتي

محمود منصور محمد علي
مشرف المنتدى العام و مصحح لغوي
مشرف المنتدى العام و  مصحح لغوي


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف ابوهريرة عثمان عبدالسلام في 12th يونيو 2012, 00:00

هههههههههههههههههههه هههههههههههههههههه والله يا محمود ما عارفين الحكاية شنو

ياخ انت ما بتفرق بين الراكوبة والكرنق وضهر التور وتيفاشا وضهر التمساح

انا ما عارف لكن اهل ود عشمان لو لقو كرنكك دا بتشو ليك الشم ضحى وكان ما عاجبك اشتكيهم لود عشمان

ابوهريرة عثمان عبدالسلام
مشرف المنتدى الاسلامى
مشرف المنتدى الاسلامى


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف اقبال عبداللطيف في 12th يونيو 2012, 00:39

ابوهريرة سلامات المورينقا عاملة شنو معاك مع الدولار الطلع ونازل دا
الحريم يتعلمن ساااااكت الشغلة ويخلنها ...


بت اختي والله منورة وفي غرض انساني يااخوانا اكتر من كدا ؟انا ختيت القنبلة وفجرتا الدكتورة هههههه مابموت براي يا احسان

محمودالجماعة طلعوا ما مواكبين دي راكوبة بالجديد وصممت حسب رغبة الجمعية وسياسة التقشف الاتبعتا الجمعية مؤخرا ...

الفاتح اهلا بيك عضو جديد في الجمعية ومقدرين تعبك والجري جريتو عشان تنضم للجمعية ههههههه


لا اعرف شيئا تواطأ الناس على هضمه وزهدوا في انصافه مثل الحقيقة

اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

رد: مطلوب رجل تساهيل لست بيت شاملة

مُساهمة من طرف اقبال عبداللطيف في 12th يونيو 2012, 00:42

محمود حواطك مسكت ود عشمان ما شاف البوست
الحمدلله ما تفك السبحة بالله ههههههه


لا اعرف شيئا تواطأ الناس على هضمه وزهدوا في انصافه مثل الحقيقة

اقبال عبداللطيف
مشرف ركن الاسرة
مشرف ركن  الاسرة


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى