النائب البرلماني دفع الله حسب الرسول
+2
غسان حامد عقب
محمود منصور محمد علي
6 مشترك
صفحة 1 من اصل 1
النائب البرلماني دفع الله حسب الرسول
من طرف محمود منصور محمد علي 13th يونيو 2012, 20:26
النائب البرلماني دفع الله حسب الرسول : بناتي بعتهم .. وأنا لست أفضل من الصحابة
ما تكسبينا ذنوب يا بتي كده ما بقدر أعمل الحوار
06-13-2012 06:53 PM
رقبتك ظاهرة وشعرك كاشف .. أنا أتكلم معاك ولا أغض بصري؟؟
لا حول ولا قوة إلا بالله، أتكلم معاك كيف؟".. ثم صمت لبرهة والتفت حتى رأى امرأة محجبة بالقرب منه فسألها "صاح البتعمل فيه البت ده" فأومت المرأة برأسها "لا".. أضاف قائلا "عليك الله دقايق وحأرجع ألقاك غطيتي شعرك، ما تكسبينا ذنوب يا بتي كده ما بقدر أعمل الحوار".
ذهلت وتسمرت في مكاني ولم أرد عليه من هول الدهشة، ربما أحسسني النائب البرلماني أنني من أهل النار.. احترت بين خيارين، أن أرد عليه بطريقتي وأستغني عن هذا اللقاء – الذي كان تكليفا- أو أن أحتمل طريقته وأجري هذا الحوار ، فكان الخيار الثاني..
بهذا الانطباع السيئ للغاية بدأنا حوارا قصيرا مع النائب البرلماني لدائرة المؤتمر الوطني حسب الله دفع الرسول، الرجل المثير للجدل تحت قبة البرلمان بآرائه الجريئة والمثيرة والتي عادة ما تُعنى بمواضيع محرجة وحساسة للغاية تعمقنا للأسف في بعض منها.. فإلى ما أدلى به :
حوار: لينا يعقوب -- صحيفة السوداني
* بدءا هل تمانع في إجراء حوار مع آنسة أو تتحسس في التعامل مع المرأة عموما؟
لا، ما هسه أنا قاعد معاك وبتكلم مع النساء ما عندي مشكلة
* ما سبب ظهورك في البرلمان في المواضيع المثيرة للجدل فقط؟
..يعني شنو؟.. جاءت قضايا عن الربا عرضتها في البرلمان، جاءت المغنية التي تسمى شيرين في الوقت الذي كان يموت فيه الشباب في هجليج لتغني في دار الرياضة بالخرطوم ويموت إخوانكم لأجلكم وأجل أعراضكم فأوقفتها أنا وعارضتها.. هناك شركات تستخدم محاسن النساء لأغراض تجارية فعارضت الأمر.. فما المثير للجدل أعطني مثالا لشيء واحد أثار الجدل؟
* آخر موضوع حساس كان عن الواقي الذكري؟
لا.. أنا في البرلمان قلت إن وزارة الصحة توزع الواقي الذكري على طلاب الجامعات وذلك بحضور وزير الصحة وما جبت كلام من رأسي.. كل مافي الموضوع أن هناك دكتورة من جامعة أفريقيا العالمية اسمها رانيا تلفونها (...) هذه الدكتورة جاءت لدكتور بركات عبدالله الفكي وأحضرت له كرتونة عازل وطلبت منه أن يوزعها بين الطلاب، إلا أن الدكتور قال لها طلابنا على خلق ودين.. بعدها اتصل عليّ الدكتور ومن ثم اتصلت عليها أنا.. والذي حدث أني قلت هذا الكلام في المجلس بحضور الوزير، والبرلمان منعني من أن أقول اسمها، الوزير كون لجنة والايدز كونت لجنة وأحضروا لي التقرير الآن، ونصه أننا حققنا في جامعة أفريقيا العالمية وذهبنا إلى رئيس شؤون الطلاب الذي أكد بدوره أن هذا الكلام غير صحيح.. أنا قلت دكتور بركات عبدالله، ما الذي يجعلهم يذهبوا إلى رئيس شؤون الطلاب إن كانوا فعلا يرغبون بالوصول إلى حل؟.. كان يفترض أن يذهبوا لدكتور بركات وليس شخصا آخر؟.. ناس الايدز يخفوا الحقائق، ولا يريدون الوصول إلى شيء.. قالوا إنهم اتصلوا تلفونيا عليّ وأنا لم أرد لكن أقول إن مستنداتي وأوراقي معي.. لو بنسمح بتوزيع الواقي الذكري بين الطلاب ده مش معناهو دعوة للفساد؟ الناس الشغالين في الايدز أساؤوا للشعب السوداني إساءة بالغة، وينبغي أن يعاقبوا.
* تظهر أحاديثك كثيرا في كل ما يخص الجنس والمرأة؟
من الذي قال.. الربا هل يخص المرأة، تحدثت في الربا كثيرا، لكنكم الصحفيون لا تبرزون الكلام.
* أتيت إلى البرلمان حاملا صورة الفنانة شيرين لتمنع الحفلة،، الآن ماذا ستحمل لمنع زيادة الأسعار لهذا الشعب الذي تحاول أن تحميه؟
حينما تأتي الزيادة سنحضر الوزير.. لكني أحب أن أنبه أن علي محمود جاء قبل ذلك إلى البرلمان وقال عايز يرفع البترول لكني كنت الوحيد الذي وقفت أمامه تماما.. وفي كل شيء رأيي واضح.
* هناك برلمانيون هددوا بالوقوف ضد القرار هل ستكون من بينهم؟
أنا بخلي كلو شي لي يومو وأشوف الوزير ما الذي يريد أن يقوله وبناءً عليه سأقيم.
* يعني لن تأتي بانطباع مسبق؟
يمكن الوزير يقنعك، يمكن الوزير يقول إنه سيزيد مرتبات الشعب السوداني.. فكيف قبل أن أسمعه أقف ضده، أصلا ما ممكن، كلامك مثل النكتة التي قالت واحد هلالابي سأل الغالب منو المريخ ولا الهلال؟ فقالوا له المريخ فقال لهم الحكم خائن، قبل أن يعرف ما الذي حصل..
* لكنك في بعض الأحيان لا تسمع كلام الوزراء، وتأتي إلى البرلمان متنبياً موقفا مسبقا؟
زي شنو؟
* حفلة شيرين؟
حفلة شيرين أنا ضدها وأي زول زعلان من منع حفلة شيرين فليراجع دينه، أنا لم أوقف الحفلة، هناك مسئولين، هناك وزراء ووالي ورئيس مجلس وأعضاء مجلس.
* تُحسسنا أن آراءك مؤثرة على صناع القرار؟
أن لا أتحدث في أي شيء إلا إن كان منطقيا، وأي موضوع أتكلم فيه أحلله من كل الجوانب ولو عرفت أني لن أنجح أو أقنع الناس بكلامي لا أقوله، هل تعلمي أن الليلة التي يفترض أن تغني فيها شيرين هي ليلة سقوط هجليج.. الصورة التي رفعتها كانت شيرين عارية، دي ما صورة محترمة.
* لم تحتمل رؤية القليل من شعري المكشوف وتحدثت عن الغض من الأبصار لكنك احتملت أن ترى شيرين عارية، بل وكنت تحمل صورتها.. شيء غريب؟
عشان أوري الناس أنو لازم يتجاوبوا معاي.. لازم يتجاوبوا معاي.
* يتجاوبوا معك عشان شافوا الصورة؟
في أشياء ضرورية تجعل الدكتور يولد المرأة.. ده حرام؟؟ ربنا قال غض بصرك، وهو لا يجوز،، أنا بسألك إنت؟.
* أنا لا أجاوب أنا أسأل؟
قل للمؤمنين بغضوا من أبصارهم.. المرأة إن جاءت للطبيب متعثرة الشرع يلزم الطبيب أن يولد المرأة.. ما حرام.. ولكل حادث موقف، وجدت امرأة عارية صورها تملأ الشارع، فأخذتها لأريها للنواب، وأقول لهم هذه هي المرأة التي ستحيي الحفل ليلة الجمعة.. الجميع تجاوبوا معي وأوقفوها.
ألا ترى أنك تستخدم عبارات وكلمات جارحة وخادشة للحياء؟
مثل ماذا؟
* لا داعي لذكرها هي ألفاظ وصفية؟
أبدا على الإطلاق.. أنا فقط أنصح كما نصحتك الآن، يابتي غطي راسك ده.
* (مقاطعة) عفوا.. ولكن حتى النصيحة عندها أسلوب يبدو أنك لم تستخدمه؟
أنا سويت شنو.. أنا بضحك معاك وقلت ليك غطي رأسك، شلت فوقك سوط.. أنا أصلا بتكلم كده وأي امرأة ألاقيها بقول ليها كده، وكثيرات اقتنعوا بما قلته لهم.
* اقتنعوا بحديثك وأسلوبك هذا؟
انت عايزاني أقول ليك شنو يعني.. أعزف ليك مثلا، أنا اتونست معاك، وأضحك معك وبقول ليك السماحة في الحجاب والدين بقول كده.. أكتر من كده الكلام بقولوا كيف؟
* ناديت بتعدد الزوجات.. هل تحس أنك تعدل فيما بينهم؟
التعدد ده أنا بقولوا من أجلكم أنتن، الآن في سودانيات موظفات لديهن مال وعربيات وعمرهن فات الأربعين ولم يتزوجن.. فهل سيتزوجهن خريج جامعة عمره عشرين سنة مثلا.. لازم يتزوجهن زول كبير وزير وكيل...
* ألا تؤمن بالقسمة والنصيب والقدر الذي لم يكتب لهن الزواج؟
أنا بحثهم على ما حثاهم به الله، فيه غلط الكلام ده؟؟ بحثهم أنهم يتزوجوا اثنين وثلاث عشان ننظف مجتمعنا، أحدهم يقول لي أن أعين الشباب على الزواج، فقلت له مهما أعنا الشباب على الزواج هناك فتيات لن يتزوجن لأنهن حيكونن أكبر منه بعشرين سنة.
* هل صحيح أنك عرضت صور بناتك على أشخاص؟
بناتي كلهم بعتهم..عرست ليهم.
* بعتهم؟؟ أي شحدت عرسان لهن ولا كيف؟
آي انت ما عندك شغلة.. الراجل البشوف بتي وبتعجبو بعرسها ليهو، سيدنا عمر بن الخطاب ساق بتو حفصة من يدها بعد ما تمت عدتها بعد أن استشهد زوجها عبدالله في أحد، قال لعثمان اتزوجها ولأبوبكر اتزوجها، أنا أحسن منهم في شنو؟.. الشيخ فرح ود تكتوك كان يقول داير لي حمامه قبل ما تقع المنامة...
* لا لم أسمع.. ألا تعتقد أنك تقلل من قيمتهن؟
أصلا على الإطلاق..
* الزواج هل هو فرض عين، يعني إن لم تتزوج الفتاة هل هذه أزمة كبيرة يعني؟؟
القال كده منو؟
* انت خائف ألا تتزوج بناتك، لذا تعرض صورهن على عرسان حتى يتزوجن؟
بناتي كلهم اتزوجوا هسه الحمد لله.. ما عندي غير بت صغيرة بترضع ووحدة عمرها خمس سنين وإن شاء الله يعرسو.
* شيء تريد توضيحه؟
أنا لست مثيرا للجدل، هناك صحفيين يقولون إني أدافع عن الختان الفرعوني، أرجو أن يعلم الجميع أني لم أقل ذلك، هذه المذكرة قدمتها لمن يهمهم الأمر، قدمتها وأقول بناء على ذلك، الختان الفرعوني جريمة في حق الإنسانية ويجب عقوبة من يفعله، ويجب على نواب الشعب أن يسنوا القوانين الرادعة لمن يفعل هذا الختان الفرعوني، والختان الذي أدافع عنه هو ما أمر به رسول الله صلى الله عليه وسلم، وفائدته أنه يمنع الأولاد والبنات من الإيدز، والكلام قالوه أطباء.. "هناك بعض الصحفيين تقول له عمر؛ يسمعها زيد، ويكتبها هند، ويقرأها دعد".. أنا مسلم وأدرس دراسات إسلامية لا يمكن أن أدافع عن فرعون.
منقول.. بوابة النيلين
ما تكسبينا ذنوب يا بتي كده ما بقدر أعمل الحوار
06-13-2012 06:53 PM
رقبتك ظاهرة وشعرك كاشف .. أنا أتكلم معاك ولا أغض بصري؟؟
لا حول ولا قوة إلا بالله، أتكلم معاك كيف؟".. ثم صمت لبرهة والتفت حتى رأى امرأة محجبة بالقرب منه فسألها "صاح البتعمل فيه البت ده" فأومت المرأة برأسها "لا".. أضاف قائلا "عليك الله دقايق وحأرجع ألقاك غطيتي شعرك، ما تكسبينا ذنوب يا بتي كده ما بقدر أعمل الحوار".
ذهلت وتسمرت في مكاني ولم أرد عليه من هول الدهشة، ربما أحسسني النائب البرلماني أنني من أهل النار.. احترت بين خيارين، أن أرد عليه بطريقتي وأستغني عن هذا اللقاء – الذي كان تكليفا- أو أن أحتمل طريقته وأجري هذا الحوار ، فكان الخيار الثاني..
بهذا الانطباع السيئ للغاية بدأنا حوارا قصيرا مع النائب البرلماني لدائرة المؤتمر الوطني حسب الله دفع الرسول، الرجل المثير للجدل تحت قبة البرلمان بآرائه الجريئة والمثيرة والتي عادة ما تُعنى بمواضيع محرجة وحساسة للغاية تعمقنا للأسف في بعض منها.. فإلى ما أدلى به :
حوار: لينا يعقوب -- صحيفة السوداني
* بدءا هل تمانع في إجراء حوار مع آنسة أو تتحسس في التعامل مع المرأة عموما؟
لا، ما هسه أنا قاعد معاك وبتكلم مع النساء ما عندي مشكلة
* ما سبب ظهورك في البرلمان في المواضيع المثيرة للجدل فقط؟
..يعني شنو؟.. جاءت قضايا عن الربا عرضتها في البرلمان، جاءت المغنية التي تسمى شيرين في الوقت الذي كان يموت فيه الشباب في هجليج لتغني في دار الرياضة بالخرطوم ويموت إخوانكم لأجلكم وأجل أعراضكم فأوقفتها أنا وعارضتها.. هناك شركات تستخدم محاسن النساء لأغراض تجارية فعارضت الأمر.. فما المثير للجدل أعطني مثالا لشيء واحد أثار الجدل؟
* آخر موضوع حساس كان عن الواقي الذكري؟
لا.. أنا في البرلمان قلت إن وزارة الصحة توزع الواقي الذكري على طلاب الجامعات وذلك بحضور وزير الصحة وما جبت كلام من رأسي.. كل مافي الموضوع أن هناك دكتورة من جامعة أفريقيا العالمية اسمها رانيا تلفونها (...) هذه الدكتورة جاءت لدكتور بركات عبدالله الفكي وأحضرت له كرتونة عازل وطلبت منه أن يوزعها بين الطلاب، إلا أن الدكتور قال لها طلابنا على خلق ودين.. بعدها اتصل عليّ الدكتور ومن ثم اتصلت عليها أنا.. والذي حدث أني قلت هذا الكلام في المجلس بحضور الوزير، والبرلمان منعني من أن أقول اسمها، الوزير كون لجنة والايدز كونت لجنة وأحضروا لي التقرير الآن، ونصه أننا حققنا في جامعة أفريقيا العالمية وذهبنا إلى رئيس شؤون الطلاب الذي أكد بدوره أن هذا الكلام غير صحيح.. أنا قلت دكتور بركات عبدالله، ما الذي يجعلهم يذهبوا إلى رئيس شؤون الطلاب إن كانوا فعلا يرغبون بالوصول إلى حل؟.. كان يفترض أن يذهبوا لدكتور بركات وليس شخصا آخر؟.. ناس الايدز يخفوا الحقائق، ولا يريدون الوصول إلى شيء.. قالوا إنهم اتصلوا تلفونيا عليّ وأنا لم أرد لكن أقول إن مستنداتي وأوراقي معي.. لو بنسمح بتوزيع الواقي الذكري بين الطلاب ده مش معناهو دعوة للفساد؟ الناس الشغالين في الايدز أساؤوا للشعب السوداني إساءة بالغة، وينبغي أن يعاقبوا.
* تظهر أحاديثك كثيرا في كل ما يخص الجنس والمرأة؟
من الذي قال.. الربا هل يخص المرأة، تحدثت في الربا كثيرا، لكنكم الصحفيون لا تبرزون الكلام.
* أتيت إلى البرلمان حاملا صورة الفنانة شيرين لتمنع الحفلة،، الآن ماذا ستحمل لمنع زيادة الأسعار لهذا الشعب الذي تحاول أن تحميه؟
حينما تأتي الزيادة سنحضر الوزير.. لكني أحب أن أنبه أن علي محمود جاء قبل ذلك إلى البرلمان وقال عايز يرفع البترول لكني كنت الوحيد الذي وقفت أمامه تماما.. وفي كل شيء رأيي واضح.
* هناك برلمانيون هددوا بالوقوف ضد القرار هل ستكون من بينهم؟
أنا بخلي كلو شي لي يومو وأشوف الوزير ما الذي يريد أن يقوله وبناءً عليه سأقيم.
* يعني لن تأتي بانطباع مسبق؟
يمكن الوزير يقنعك، يمكن الوزير يقول إنه سيزيد مرتبات الشعب السوداني.. فكيف قبل أن أسمعه أقف ضده، أصلا ما ممكن، كلامك مثل النكتة التي قالت واحد هلالابي سأل الغالب منو المريخ ولا الهلال؟ فقالوا له المريخ فقال لهم الحكم خائن، قبل أن يعرف ما الذي حصل..
* لكنك في بعض الأحيان لا تسمع كلام الوزراء، وتأتي إلى البرلمان متنبياً موقفا مسبقا؟
زي شنو؟
* حفلة شيرين؟
حفلة شيرين أنا ضدها وأي زول زعلان من منع حفلة شيرين فليراجع دينه، أنا لم أوقف الحفلة، هناك مسئولين، هناك وزراء ووالي ورئيس مجلس وأعضاء مجلس.
* تُحسسنا أن آراءك مؤثرة على صناع القرار؟
أن لا أتحدث في أي شيء إلا إن كان منطقيا، وأي موضوع أتكلم فيه أحلله من كل الجوانب ولو عرفت أني لن أنجح أو أقنع الناس بكلامي لا أقوله، هل تعلمي أن الليلة التي يفترض أن تغني فيها شيرين هي ليلة سقوط هجليج.. الصورة التي رفعتها كانت شيرين عارية، دي ما صورة محترمة.
* لم تحتمل رؤية القليل من شعري المكشوف وتحدثت عن الغض من الأبصار لكنك احتملت أن ترى شيرين عارية، بل وكنت تحمل صورتها.. شيء غريب؟
عشان أوري الناس أنو لازم يتجاوبوا معاي.. لازم يتجاوبوا معاي.
* يتجاوبوا معك عشان شافوا الصورة؟
في أشياء ضرورية تجعل الدكتور يولد المرأة.. ده حرام؟؟ ربنا قال غض بصرك، وهو لا يجوز،، أنا بسألك إنت؟.
* أنا لا أجاوب أنا أسأل؟
قل للمؤمنين بغضوا من أبصارهم.. المرأة إن جاءت للطبيب متعثرة الشرع يلزم الطبيب أن يولد المرأة.. ما حرام.. ولكل حادث موقف، وجدت امرأة عارية صورها تملأ الشارع، فأخذتها لأريها للنواب، وأقول لهم هذه هي المرأة التي ستحيي الحفل ليلة الجمعة.. الجميع تجاوبوا معي وأوقفوها.
ألا ترى أنك تستخدم عبارات وكلمات جارحة وخادشة للحياء؟
مثل ماذا؟
* لا داعي لذكرها هي ألفاظ وصفية؟
أبدا على الإطلاق.. أنا فقط أنصح كما نصحتك الآن، يابتي غطي راسك ده.
* (مقاطعة) عفوا.. ولكن حتى النصيحة عندها أسلوب يبدو أنك لم تستخدمه؟
أنا سويت شنو.. أنا بضحك معاك وقلت ليك غطي رأسك، شلت فوقك سوط.. أنا أصلا بتكلم كده وأي امرأة ألاقيها بقول ليها كده، وكثيرات اقتنعوا بما قلته لهم.
* اقتنعوا بحديثك وأسلوبك هذا؟
انت عايزاني أقول ليك شنو يعني.. أعزف ليك مثلا، أنا اتونست معاك، وأضحك معك وبقول ليك السماحة في الحجاب والدين بقول كده.. أكتر من كده الكلام بقولوا كيف؟
* ناديت بتعدد الزوجات.. هل تحس أنك تعدل فيما بينهم؟
التعدد ده أنا بقولوا من أجلكم أنتن، الآن في سودانيات موظفات لديهن مال وعربيات وعمرهن فات الأربعين ولم يتزوجن.. فهل سيتزوجهن خريج جامعة عمره عشرين سنة مثلا.. لازم يتزوجهن زول كبير وزير وكيل...
* ألا تؤمن بالقسمة والنصيب والقدر الذي لم يكتب لهن الزواج؟
أنا بحثهم على ما حثاهم به الله، فيه غلط الكلام ده؟؟ بحثهم أنهم يتزوجوا اثنين وثلاث عشان ننظف مجتمعنا، أحدهم يقول لي أن أعين الشباب على الزواج، فقلت له مهما أعنا الشباب على الزواج هناك فتيات لن يتزوجن لأنهن حيكونن أكبر منه بعشرين سنة.
* هل صحيح أنك عرضت صور بناتك على أشخاص؟
بناتي كلهم بعتهم..عرست ليهم.
* بعتهم؟؟ أي شحدت عرسان لهن ولا كيف؟
آي انت ما عندك شغلة.. الراجل البشوف بتي وبتعجبو بعرسها ليهو، سيدنا عمر بن الخطاب ساق بتو حفصة من يدها بعد ما تمت عدتها بعد أن استشهد زوجها عبدالله في أحد، قال لعثمان اتزوجها ولأبوبكر اتزوجها، أنا أحسن منهم في شنو؟.. الشيخ فرح ود تكتوك كان يقول داير لي حمامه قبل ما تقع المنامة...
* لا لم أسمع.. ألا تعتقد أنك تقلل من قيمتهن؟
أصلا على الإطلاق..
* الزواج هل هو فرض عين، يعني إن لم تتزوج الفتاة هل هذه أزمة كبيرة يعني؟؟
القال كده منو؟
* انت خائف ألا تتزوج بناتك، لذا تعرض صورهن على عرسان حتى يتزوجن؟
بناتي كلهم اتزوجوا هسه الحمد لله.. ما عندي غير بت صغيرة بترضع ووحدة عمرها خمس سنين وإن شاء الله يعرسو.
* شيء تريد توضيحه؟
أنا لست مثيرا للجدل، هناك صحفيين يقولون إني أدافع عن الختان الفرعوني، أرجو أن يعلم الجميع أني لم أقل ذلك، هذه المذكرة قدمتها لمن يهمهم الأمر، قدمتها وأقول بناء على ذلك، الختان الفرعوني جريمة في حق الإنسانية ويجب عقوبة من يفعله، ويجب على نواب الشعب أن يسنوا القوانين الرادعة لمن يفعل هذا الختان الفرعوني، والختان الذي أدافع عنه هو ما أمر به رسول الله صلى الله عليه وسلم، وفائدته أنه يمنع الأولاد والبنات من الإيدز، والكلام قالوه أطباء.. "هناك بعض الصحفيين تقول له عمر؛ يسمعها زيد، ويكتبها هند، ويقرأها دعد".. أنا مسلم وأدرس دراسات إسلامية لا يمكن أن أدافع عن فرعون.
منقول.. بوابة النيلين
محمود منصور محمد علي- مشرف المنتدى العام و مصحح لغوي
رد: النائب البرلماني دفع الله حسب الرسول
من طرف غسان حامد عقب 14th يونيو 2012, 16:06
اكتفيت بقراءة المقدمة ولم تطاوعني نفسي ومعدتي على
و اكمال بقية غثاء هذا الحسب الله او اي كان اسمه .. !
غسان حامد عقب- نشط ثلاثة نجوم
رد: النائب البرلماني دفع الله حسب الرسول
من طرف غريق كمبال 15th يونيو 2012, 10:40
كده كمل الحوار يا غسان الحوار جميل
وبعدين الراجل ده رايو وانتو ناس تدعو للديمقراطيه
كده خلونا نشوف وجهت نظر هذا الشيخ
بعدين الراجل استاز ومعلم
وبعدين الراجل ده رايو وانتو ناس تدعو للديمقراطيه
كده خلونا نشوف وجهت نظر هذا الشيخ
بعدين الراجل استاز ومعلم
غريق كمبال- مشرف المنتدى الاقتصادى
بطاقة تعريفية ..............((منقول من ويكيبيديا، الموسوعة الحرة))
من طرف الفاتح محمد التوم 15th يونيو 2012, 13:03
الاستاذ/دفع الله حسب الرسول البشير
من مواليد قرية السليمانيه غرب 1949،بالريف الجنوبي لامدرمان جبل اولياء.
خريج جامعة امدرمان الاسلاميه عام 1972م .
عمل معلما بدولة نجيريا الاتحاديه لفترة عشره سنوات 1973-1983م.
يعمل معلما بجامعة افريقيا العالميه منذ عام 1983م.
عضو مجلس امناء دار مصحف افريقيا.
عضو المجلس الوطني علي دائرة امدرمان (16).
عضو بهيئة علماء السودان .
الحالة الاجتماعيه متزوج واب.
له عدة اصدارت من الكتب منها:
1.الدرر في سيرة خير البشر.
2.تيسر ماتيسر من فقه الصلاة.
3.حياة الشيخ عثمان دانفوديو.
4.رسالة الشوري في الاسلام.
5.السياسات الامنيه والاستراتيجيه في السيرة النبويه.
6.مع الشيخ طنطاوي من اجل بناتنا.
من مواليد قرية السليمانيه غرب 1949،بالريف الجنوبي لامدرمان جبل اولياء.
خريج جامعة امدرمان الاسلاميه عام 1972م .
عمل معلما بدولة نجيريا الاتحاديه لفترة عشره سنوات 1973-1983م.
يعمل معلما بجامعة افريقيا العالميه منذ عام 1983م.
عضو مجلس امناء دار مصحف افريقيا.
عضو المجلس الوطني علي دائرة امدرمان (16).
عضو بهيئة علماء السودان .
الحالة الاجتماعيه متزوج واب.
له عدة اصدارت من الكتب منها:
1.الدرر في سيرة خير البشر.
2.تيسر ماتيسر من فقه الصلاة.
3.حياة الشيخ عثمان دانفوديو.
4.رسالة الشوري في الاسلام.
5.السياسات الامنيه والاستراتيجيه في السيرة النبويه.
6.مع الشيخ طنطاوي من اجل بناتنا.
الفاتح محمد التوم- مشرف المنتدى السياسى
رد: النائب البرلماني دفع الله حسب الرسول
من طرف محمود منصور محمد علي 15th يونيو 2012, 17:10
شكرا باباشمهندس غسان وليتك قد اكملت قراءة الموضوع للاخر
فالرجل جريئ وشجاع واكثر ما اثار اعجابي حين رفض زيارة الفنانة المصرية للسودان لاحياء حفلات عيد الميلاد وكان قد وقف وقفة شجاعة في طريق هذه الزيارة.. فالبلد غير ناقصة من الهلس والعربدة والفجور والغناء الهابط ...والبلد في حالة استهداف كبير ومؤامرة عظيمة وهي محتاجة في تلك هذه المرحلة للدعاء وقراءة القران والتحصين وليس الى الرقص المصري...
اخرجوهم ياناس من حلايب ولا نريد اي علاقات فوق العادة معهم ونحن كفاية علينا بندى القلعة وايمان لندن ومونيكا
الف شكر
فالرجل جريئ وشجاع واكثر ما اثار اعجابي حين رفض زيارة الفنانة المصرية للسودان لاحياء حفلات عيد الميلاد وكان قد وقف وقفة شجاعة في طريق هذه الزيارة.. فالبلد غير ناقصة من الهلس والعربدة والفجور والغناء الهابط ...والبلد في حالة استهداف كبير ومؤامرة عظيمة وهي محتاجة في تلك هذه المرحلة للدعاء وقراءة القران والتحصين وليس الى الرقص المصري...
اخرجوهم ياناس من حلايب ولا نريد اي علاقات فوق العادة معهم ونحن كفاية علينا بندى القلعة وايمان لندن ومونيكا
الف شكر
محمود منصور محمد علي- مشرف المنتدى العام و مصحح لغوي
رد: النائب البرلماني دفع الله حسب الرسول
من طرف محمود منصور محمد علي 15th يونيو 2012, 17:14
شكرا زعيمنا غريق واظنك قد وافقتني الراي
شكرا استاذ الفاتح التوم وبرافو برافو برافو على التنوير
شكرا استاذ الفاتح التوم وبرافو برافو برافو على التنوير
محمود منصور محمد علي- مشرف المنتدى العام و مصحح لغوي
رد: النائب البرلماني دفع الله حسب الرسول
من طرف غسان حامد عقب 15th يونيو 2012, 20:37
المحترمين غريق ومحمود .. تحيات من الله مباركات
وجمعة مباركة على الجميييييييييييييييع ..
قال الامام علي كرم الله وجهه:
إِنَّ كَلاَمَ الْحُكَمَاءِ إذَا كَانَ صَوَاباً كَانَ دَوَاءً، وَإِذَا كَانَ خَطَأً كَانَ دَاءً.
و الواحد ما ناقص علل واسقام عشان يجازف ويباري تصريحات ناس
حسب الله و اخوانو تماسيح الدميرة المسمين تجاوزا برلمانيين او كما
سماهم الصحفي الطاهر ساتي (خدم الفكي), وكأنو ارض السودان عقمت
ان تنجب كفاءات تقود دفة التشريع في احد اعرق برلمانات افريقيا
والعالم العربي بعمر قارب الستين عام واليوم تحتله طواييق تخلفت عن
ركب البشرية ستة الف عام زي طايوق خلف الله دآ !
وعشان الناس تكون على اطلاع دي عينة صغيرة من تجليات
نائبنا الكارثة ربنا يديهو طولة العمر :
دي عينة من افرازات سيادة النائب منشورة في الصحف على لسانه
نقلتها كما هي .. مع انو الواحد ما فتش كتير !
ونجي لي ابرز مواقفه في المجلس الموقر:
وعلى حسب علمي انو تم تجريم ختان الاناث قانونا لما ثبت طبيا
بما لايدع مجالا للشك ما يسببه من امراض واضرار للستات لا تقوى
على احتمالها عواتي الجبال لا حاجة لتفصيلها, وافتكر والله اعلم انو
سيادة النائب بدفاعه عن الختان الفرعوني والدعوة اليه والتحريض
على القيام به يخالف القانون ويعرض نفسه للمسائلة القانونية.
الاشتر كمان عاوز يفتي في الطب ! ويغالط المتخصصين
مع انو الـ c.v حقته لا تؤهله لأكثر من ان يكون عضو في
(برلمان السودان) و(معلم) في افريقيا العالمية
نجح في ايقاف حفل شيرين الخيري الذي يعود ريعه لاطفال السرطان
بارك الله فيه وجزاه عنا وعن اطفال السرطان خير الجزاء.
ولكن ماذا فعل هو وكورجة شيوخ قبة البرلمان وهم يجيزون
بالاغلبية كارثة القرض الربوي الذي تم تمريره قبل ايام!
امثال هذا النائب وغيره من العاهات من المسئولين في السوان دة
لو كانوا في اي بلد تانية كان دخلوهم كورسات تاهل تربوي
واخلاقي في الاول ثم يطلعوهم للمجتمع يعيشوا وسط الناس الاسوياء!
وجمعة مباركة على الجميييييييييييييييع ..
كده كمل الحوار يا غسان الحوار جميل
قال الامام علي كرم الله وجهه:
إِنَّ كَلاَمَ الْحُكَمَاءِ إذَا كَانَ صَوَاباً كَانَ دَوَاءً، وَإِذَا كَانَ خَطَأً كَانَ دَاءً.
و الواحد ما ناقص علل واسقام عشان يجازف ويباري تصريحات ناس
حسب الله و اخوانو تماسيح الدميرة المسمين تجاوزا برلمانيين او كما
سماهم الصحفي الطاهر ساتي (خدم الفكي), وكأنو ارض السودان عقمت
ان تنجب كفاءات تقود دفة التشريع في احد اعرق برلمانات افريقيا
والعالم العربي بعمر قارب الستين عام واليوم تحتله طواييق تخلفت عن
ركب البشرية ستة الف عام زي طايوق خلف الله دآ !
وعشان الناس تكون على اطلاع دي عينة صغيرة من تجليات
نائبنا الكارثة ربنا يديهو طولة العمر :
صرح لأحدي الصحف بإنو (متزوج تلاته) وإنو أى راجل بلغ الستين من عمرو وماسك في مرا واحده حقو يستحي !!
أوضح بان المغني زرياب كان سببا في سقوط الاندلس وكوكب الشرق ام كلثوم كانت سببا في هزيمة المصريين امام اليهود (تحليل عسكري فني وكده)!
نصح الشباب بضرورة اكمال نصف الدين والتعدد في الزيجات التي تخرجهم من الفقر الي الغني (شباب مين يا عم الظاهر إنتا مش عايش معانا)؟
دي عينة من افرازات سيادة النائب منشورة في الصحف على لسانه
نقلتها كما هي .. مع انو الواحد ما فتش كتير !
ونجي لي ابرز مواقفه في المجلس الموقر:
تبنى الدفاع عن الختان الفرعوني كما شدد على ضرورة ايقاف الورش والندوات التي تحارب هذه الظاهرة.
وعلى حسب علمي انو تم تجريم ختان الاناث قانونا لما ثبت طبيا
بما لايدع مجالا للشك ما يسببه من امراض واضرار للستات لا تقوى
على احتمالها عواتي الجبال لا حاجة لتفصيلها, وافتكر والله اعلم انو
سيادة النائب بدفاعه عن الختان الفرعوني والدعوة اليه والتحريض
على القيام به يخالف القانون ويعرض نفسه للمسائلة القانونية.
تصدى لمحاولة ايقاف شركة دى كى تى لمنعها من استعمال جهاز شفط الأجنة الميتة فى المستشفيات وخاصة مستشفى بحرى..الشركة وكما صرح وزير الصحة لها عقد مع وزارة الصحة وتمارس نشاطها بمهنية عالية بشهادة الوزير.
الاشتر كمان عاوز يفتي في الطب ! ويغالط المتخصصين
مع انو الـ c.v حقته لا تؤهله لأكثر من ان يكون عضو في
(برلمان السودان) و(معلم) في افريقيا العالمية
حملة تحريضية قوية قادها عضو البرلمان دفع الله حسب الرسول استخدم فيها كل وسائل الإقناع من حديث وألفاظ نابية في حشد تأييد واسع وسط نواب الهيئة التشريعية القومية لمنع دخول المغنية المصرية «شيرين عبدالوهاب» للبلاد ولمنع قيام حفلها الغنائي الذي يُفترض أن يقام بإستاد الخرطوم غدًا.. وقوبل حديث دفع الله من البرلمانيات والبرلمانيين بالتهليل والتكبير.
نجح في ايقاف حفل شيرين الخيري الذي يعود ريعه لاطفال السرطان
بارك الله فيه وجزاه عنا وعن اطفال السرطان خير الجزاء.
ولكن ماذا فعل هو وكورجة شيوخ قبة البرلمان وهم يجيزون
بالاغلبية كارثة القرض الربوي الذي تم تمريره قبل ايام!
امثال هذا النائب وغيره من العاهات من المسئولين في السوان دة
لو كانوا في اي بلد تانية كان دخلوهم كورسات تاهل تربوي
واخلاقي في الاول ثم يطلعوهم للمجتمع يعيشوا وسط الناس الاسوياء!
غسان حامد عقب- نشط ثلاثة نجوم
رد: النائب البرلماني دفع الله حسب الرسول
من طرف غسان حامد عقب 15th يونيو 2012, 20:42
قَالْ شنو "دفع الله ودْ حسَبْ الرسولْ" .....؟! .. بقلم: عصام عيسى رجب
..... وتاااااني:
"هذا زمنُ الحقِّ الضائع
لا يعرِفُ فيه مقتولٌ مَنْ قاتِلُهُ ومتى قتَلَهْ
ورؤوسُ الناسِ على جُثثِ الحيوانات
ورؤوس الحيواناتِ على جُثثِ الناس
فتحسّسْ رأسك ...!!!"
فتحسّسْ رأسك ...!!!""
صلاح عبد الصبور، مِنْ قصيدته (الظِّلُّ والصَّليب)
(1)
يا خي بالجّدْ كِدا، الجماعة ديل لِقوا راحتهم أكتر مِنْ اللازِم ْ....!!!!
أمبارح وأنا بفتح إيميلي، لقيت رسالة مِنْ صديق، وكانتْ عِبارة عن مقال للكاتب رشيق القلم وخفيف الروح: الفاتح جبرا ...... عنوان المقال: "جابت ليها إستحياء ..."، وهو – أي المقال – مكتوب في شهر مايو الفينا دا ....... ولِمَنْ لم يقرأ المقال، فهو بتكلّم عن إجابة "نائب البرلمان السوداني جِدَّاً" المُوقَّر: دفع الله ود حسب الرسول الْبَشير، مِنْ أهَلْنا "الجموعية" زي ما عرّف نفسو، في الحِوار الأجرتو معاهو جريدة "الصحافة" في 4 مايو 2012 م .....
قال شنو سيادة النايب في دفاعو عن نفسو إنو ما عدو للمرأة، حسب ما أوردها الأستاذ الفاتح جبرا في مقاله، قال وهو بكامِل "قواه العقلية": أنا أتحدى أي زول يقول كدا، أنا متزوج ثلاث نساء الحمد لله، ما زي واحد عمرو 60 سنة ماسك ليه في مرة واحدة وما بستحي ....!!!!!
(2)
طبعاً الْبِحيِّر هِنا مُش الإجابة ..... الْبِحيِّر جَدْ، هو إنو رد فعلك يكون شنو لما تقرأ ليك إجابة مُعتبرة وغاية في العبقرية زي إجابة سعادة النايب ودْ حسبْ الرسول .......!!!!! تضحك، تبكي، تنَطِطْ، أو تعمل زي ما قال "عادل إمام" وتمسِكْ ليك أقرب عامود كهرباء وتكَنْكِشْ فيهو بكُل قُوَّتك وتكورِكْ بأعلى حِسَّك: أخُوياااااا .......!!!!!!!
لا وفال ليك سِيادتو يِحمد سِيدو: عضو في "البرلمان" منذ بدايته وموجود في كل دوراته ويعمل أستاذاً بجامعة إفريقيا العالمية في كلية التربية، والآن عضو في لجنة العلاقات الخارجية ......!!!!
هِنا طبعاً ما عندك غير تلجأ، وبإخلاص تام، للدعاء الحااااار وتقول: يا مُثَبَّتْ العقل والدين، ثّبَّتنا و ثّبَّتنا و ثّبَّتنا كمان ..!!
بالله إتخيّلوا معاي إنو الزول البيرمي الدُرَر دي "أستاذ جامعي" (يا ربي تكون دي منسوبة لأهلنا "الجموعية" مع كامل محبّتنا ليهم .....؟!)، لا، ومِنْ دون كُل "الْكَلالي" كُليَّة التربية .....!!!! يا لطيف ألطُفْ .......
وعشان عضو في "البرلمان" من بدايتو، ما غريبة إنو يكون هسَّه عُضو في لجنة العلاقات الخارجية ......
وإن شاء الله ياااارب ما تكون اللجنة دي هي المسؤولة عن التواصل مع البرلمانات العالمية وكٍدا .... الله يستُرْ ....!!!!
قادرين تتخيّلوا معاي سيادة النايب ودْ حسبْ الرسول وهو خالِف كُراع فوق كُراع وقاعِد يحاضِر بي فُتوحاتو دي في ناس الكونغرِس الأمريكي أو أعضاء البرلمان الأوروبي أو ......
وبدون ما الواحد يسرح هنااااك بعيد في أمريكا وأوروبا، تعالوا معاي قريب في سودان "الما مليون ميل مُربّع" دا، وإتخيّلو حال الطلبة البيدرسهم "بحر العلوم" حضرة الأستاذ النايب، وبيلقي عليهم مِنْ علمو النافع الواسع، مِنْ عَينة: (الراجِلْ أصلاً ما مَصمَّمْ لي مّرَة واحدة ......!!!!!!) .......
الغريبة إنو بيدرِّس في كُليّة التربية، شوف بالله موارِد البلَد وعبقرياتها الْفّذََة ومواهبها الضخمة بتضيع كيف ......؟!
بالله دا لو كان بيدرِّسْ في كلية الطِبْ أو أي كُلية عِلمية تانية عندها علاقة بدراسة تكوين جسم الإنسان والبيولوجي وكِدا، ما كان جَهْجَه ليك الطِب والعلوم جَهْجَهةْ الجِنْ ....!!!! ......
أكيد كان سِمعنا بنظرية نشؤ وإرتقاء جديدة لَنجْ وحَقَّتْ الليلة، تقول لينا إنو الإنسان مش كان أصلو قِرد وبّسْ: قِرِدْ وضَبْ ودِيكْ عِدَّة كمان .....!!!! ونظريّات فريدة ما أنزل الله بها مِنْ سُلطان .....
سُبحانك اللهُمَّ غايتو الناس لما تفتري ويَضربا الهوا، بِتِتْجدَّعْ وبِتْبدِّعْ ..... زي ما قبل فترة كدا أتحفنا "الخالْ" إياهو (الخالْ إذا نبّشْ الْقُبور .....) بعزف نشاز يصُمْ الآذان عن شاعر نبيل حبوهو السودانيين قدُر حُبُّو ليهم وأكتر، وشاعر جميل فارق الفانية قبل ما يزيد عن عقدين مِنْ الزمان ..... قال أيه: الشاعر الشّريف دا عطّلْ بي قصايدو مسيرتنا ...... و .....
"وين الْمسيرة عشانْ يعطِلا ليك قصيد .....؟!
الْحاَلْ أمامك شُوُفُو كيف ....!!
ناقصالا شاعِرْ شان تقيف ....؟!
مَ هِيْ واقفة مِنْ يوم "يونيو" داااك
واقفة .....؟! أهَهْ ....!!!!
يا ريتا كان وِقْفَتْ وبَسْ
دي إدَّحْرَجَتْ لي عصْرَها الحجري البعيييد ......
صِبحَتْ خَرابه ومَهزَله
طِيشْ الأُمَمْ
شُكراً جزيلاً يا بَهَمْ ......"
(3)
غايتو أنا هسَّه مقتنع تمام الإقتناع إنو بلدنا دي مش ممحوقة ومنزوعة البركة زي ما بقولوا ..... لا، أكيد نحنا الأُخوة السودانيين ديل عاملين عماااايل أكبر بكتير مِنْ الكبائر ..... وإلا ما كان يكون عِقابنا في الدُنيا قبل الآخرة، إنُّو يكون نصيبنا مِنْ النُّوَّاب والحُكَّام والمُستشارين وكُلْ الكورس والديكور والجوقة والْهَلُمَّه دي ناس زي حضرة النايب ود حسب الرسول .....!!!!
وطبعاً مِنْ تجلِّيات حضرة النايب المُحترم، والبسببها جاتْ تُهمة عداء المرأة، إنو حضَرتو صاحب مُبادرة إلغاء الفنانة المصرية "شيرين عبد الوهاب"، قال أيه: سقوط الأندلس كان وراهو "زرياب" الْمُغنِّي، ونكسة 1967 م بسبب "أم كلثوم"، وسقوط "هجليج" وراهو "شيرين" بأثَر تَقدُّمي أو بأثَر لم يكُنْ أصلاً ......!!!!!
الله بسألك ما شايف أمريكا، مليانة لحدَّها فنّانات وفنّانين: شِيْ "ليدي قاقا" وشِيْ "سنوب دوق" وشِيْ "ريانا" و .... وبعد دا كلو هسه كان قالت ليكم رفعنا عنكم الحظر تتجاروا ليها زي الـ ..... ولا أقول ليك، هي دايرة ليها رفع حظر، ما الجري حاصل حاصل ومِنْ زماااااان 30 يونيو دااااك ........
ما قلنا ليكم الجماعة ديل لِقوا راحتهم أكتر مِنْ اللازِم ْ....!!!! و ..... هاااااتْ يا زمَنْ .....
..... شكلها كِدا عايزة ليها كَسْرة زي كَسْرات الكاتب الْجميل: الفاتح جبرا، مُشْ ...؟! طيِّبْ هاكُمْ:
" .... تجيني،
يجيني معاكْ زمَنْ
أمتِّعْ نفسي بالدهشة ....!!!!"
الله يرحمك يا عُمر الدوش، هو في دهشَة أكبر مِنْ كِدا .......!!!!!!!!!!
الخميس 15 مايو 2012 م
..... وتاااااني:
"هذا زمنُ الحقِّ الضائع
لا يعرِفُ فيه مقتولٌ مَنْ قاتِلُهُ ومتى قتَلَهْ
ورؤوسُ الناسِ على جُثثِ الحيوانات
ورؤوس الحيواناتِ على جُثثِ الناس
فتحسّسْ رأسك ...!!!"
فتحسّسْ رأسك ...!!!""
صلاح عبد الصبور، مِنْ قصيدته (الظِّلُّ والصَّليب)
(1)
يا خي بالجّدْ كِدا، الجماعة ديل لِقوا راحتهم أكتر مِنْ اللازِم ْ....!!!!
أمبارح وأنا بفتح إيميلي، لقيت رسالة مِنْ صديق، وكانتْ عِبارة عن مقال للكاتب رشيق القلم وخفيف الروح: الفاتح جبرا ...... عنوان المقال: "جابت ليها إستحياء ..."، وهو – أي المقال – مكتوب في شهر مايو الفينا دا ....... ولِمَنْ لم يقرأ المقال، فهو بتكلّم عن إجابة "نائب البرلمان السوداني جِدَّاً" المُوقَّر: دفع الله ود حسب الرسول الْبَشير، مِنْ أهَلْنا "الجموعية" زي ما عرّف نفسو، في الحِوار الأجرتو معاهو جريدة "الصحافة" في 4 مايو 2012 م .....
قال شنو سيادة النايب في دفاعو عن نفسو إنو ما عدو للمرأة، حسب ما أوردها الأستاذ الفاتح جبرا في مقاله، قال وهو بكامِل "قواه العقلية": أنا أتحدى أي زول يقول كدا، أنا متزوج ثلاث نساء الحمد لله، ما زي واحد عمرو 60 سنة ماسك ليه في مرة واحدة وما بستحي ....!!!!!
(2)
طبعاً الْبِحيِّر هِنا مُش الإجابة ..... الْبِحيِّر جَدْ، هو إنو رد فعلك يكون شنو لما تقرأ ليك إجابة مُعتبرة وغاية في العبقرية زي إجابة سعادة النايب ودْ حسبْ الرسول .......!!!!! تضحك، تبكي، تنَطِطْ، أو تعمل زي ما قال "عادل إمام" وتمسِكْ ليك أقرب عامود كهرباء وتكَنْكِشْ فيهو بكُل قُوَّتك وتكورِكْ بأعلى حِسَّك: أخُوياااااا .......!!!!!!!
لا وفال ليك سِيادتو يِحمد سِيدو: عضو في "البرلمان" منذ بدايته وموجود في كل دوراته ويعمل أستاذاً بجامعة إفريقيا العالمية في كلية التربية، والآن عضو في لجنة العلاقات الخارجية ......!!!!
هِنا طبعاً ما عندك غير تلجأ، وبإخلاص تام، للدعاء الحااااار وتقول: يا مُثَبَّتْ العقل والدين، ثّبَّتنا و ثّبَّتنا و ثّبَّتنا كمان ..!!
بالله إتخيّلوا معاي إنو الزول البيرمي الدُرَر دي "أستاذ جامعي" (يا ربي تكون دي منسوبة لأهلنا "الجموعية" مع كامل محبّتنا ليهم .....؟!)، لا، ومِنْ دون كُل "الْكَلالي" كُليَّة التربية .....!!!! يا لطيف ألطُفْ .......
وعشان عضو في "البرلمان" من بدايتو، ما غريبة إنو يكون هسَّه عُضو في لجنة العلاقات الخارجية ......
وإن شاء الله ياااارب ما تكون اللجنة دي هي المسؤولة عن التواصل مع البرلمانات العالمية وكٍدا .... الله يستُرْ ....!!!!
قادرين تتخيّلوا معاي سيادة النايب ودْ حسبْ الرسول وهو خالِف كُراع فوق كُراع وقاعِد يحاضِر بي فُتوحاتو دي في ناس الكونغرِس الأمريكي أو أعضاء البرلمان الأوروبي أو ......
وبدون ما الواحد يسرح هنااااك بعيد في أمريكا وأوروبا، تعالوا معاي قريب في سودان "الما مليون ميل مُربّع" دا، وإتخيّلو حال الطلبة البيدرسهم "بحر العلوم" حضرة الأستاذ النايب، وبيلقي عليهم مِنْ علمو النافع الواسع، مِنْ عَينة: (الراجِلْ أصلاً ما مَصمَّمْ لي مّرَة واحدة ......!!!!!!) .......
الغريبة إنو بيدرِّس في كُليّة التربية، شوف بالله موارِد البلَد وعبقرياتها الْفّذََة ومواهبها الضخمة بتضيع كيف ......؟!
بالله دا لو كان بيدرِّسْ في كلية الطِبْ أو أي كُلية عِلمية تانية عندها علاقة بدراسة تكوين جسم الإنسان والبيولوجي وكِدا، ما كان جَهْجَه ليك الطِب والعلوم جَهْجَهةْ الجِنْ ....!!!! ......
أكيد كان سِمعنا بنظرية نشؤ وإرتقاء جديدة لَنجْ وحَقَّتْ الليلة، تقول لينا إنو الإنسان مش كان أصلو قِرد وبّسْ: قِرِدْ وضَبْ ودِيكْ عِدَّة كمان .....!!!! ونظريّات فريدة ما أنزل الله بها مِنْ سُلطان .....
سُبحانك اللهُمَّ غايتو الناس لما تفتري ويَضربا الهوا، بِتِتْجدَّعْ وبِتْبدِّعْ ..... زي ما قبل فترة كدا أتحفنا "الخالْ" إياهو (الخالْ إذا نبّشْ الْقُبور .....) بعزف نشاز يصُمْ الآذان عن شاعر نبيل حبوهو السودانيين قدُر حُبُّو ليهم وأكتر، وشاعر جميل فارق الفانية قبل ما يزيد عن عقدين مِنْ الزمان ..... قال أيه: الشاعر الشّريف دا عطّلْ بي قصايدو مسيرتنا ...... و .....
"وين الْمسيرة عشانْ يعطِلا ليك قصيد .....؟!
الْحاَلْ أمامك شُوُفُو كيف ....!!
ناقصالا شاعِرْ شان تقيف ....؟!
مَ هِيْ واقفة مِنْ يوم "يونيو" داااك
واقفة .....؟! أهَهْ ....!!!!
يا ريتا كان وِقْفَتْ وبَسْ
دي إدَّحْرَجَتْ لي عصْرَها الحجري البعيييد ......
صِبحَتْ خَرابه ومَهزَله
طِيشْ الأُمَمْ
شُكراً جزيلاً يا بَهَمْ ......"
(3)
غايتو أنا هسَّه مقتنع تمام الإقتناع إنو بلدنا دي مش ممحوقة ومنزوعة البركة زي ما بقولوا ..... لا، أكيد نحنا الأُخوة السودانيين ديل عاملين عماااايل أكبر بكتير مِنْ الكبائر ..... وإلا ما كان يكون عِقابنا في الدُنيا قبل الآخرة، إنُّو يكون نصيبنا مِنْ النُّوَّاب والحُكَّام والمُستشارين وكُلْ الكورس والديكور والجوقة والْهَلُمَّه دي ناس زي حضرة النايب ود حسب الرسول .....!!!!
وطبعاً مِنْ تجلِّيات حضرة النايب المُحترم، والبسببها جاتْ تُهمة عداء المرأة، إنو حضَرتو صاحب مُبادرة إلغاء الفنانة المصرية "شيرين عبد الوهاب"، قال أيه: سقوط الأندلس كان وراهو "زرياب" الْمُغنِّي، ونكسة 1967 م بسبب "أم كلثوم"، وسقوط "هجليج" وراهو "شيرين" بأثَر تَقدُّمي أو بأثَر لم يكُنْ أصلاً ......!!!!!
الله بسألك ما شايف أمريكا، مليانة لحدَّها فنّانات وفنّانين: شِيْ "ليدي قاقا" وشِيْ "سنوب دوق" وشِيْ "ريانا" و .... وبعد دا كلو هسه كان قالت ليكم رفعنا عنكم الحظر تتجاروا ليها زي الـ ..... ولا أقول ليك، هي دايرة ليها رفع حظر، ما الجري حاصل حاصل ومِنْ زماااااان 30 يونيو دااااك ........
ما قلنا ليكم الجماعة ديل لِقوا راحتهم أكتر مِنْ اللازِم ْ....!!!! و ..... هاااااتْ يا زمَنْ .....
..... شكلها كِدا عايزة ليها كَسْرة زي كَسْرات الكاتب الْجميل: الفاتح جبرا، مُشْ ...؟! طيِّبْ هاكُمْ:
" .... تجيني،
يجيني معاكْ زمَنْ
أمتِّعْ نفسي بالدهشة ....!!!!"
الله يرحمك يا عُمر الدوش، هو في دهشَة أكبر مِنْ كِدا .......!!!!!!!!!!
الخميس 15 مايو 2012 م
غسان حامد عقب- نشط ثلاثة نجوم
رد: النائب البرلماني دفع الله حسب الرسول
من طرف غريق كمبال 16th يونيو 2012, 10:50
الله يكرمك يا غسان
اخى
ما كل مايكتب صحبح
انا شخصيا كنت فى البرلمان عندما اثيرت قضية الختان الفرعونى
وللامانه والتاريخ لم يعارض الرجل ترك الختان ولم يدعو الى الختان الفرعونى بل الرجل دعا الى ما يسمى بختان السنه وهو اخذ جزء من البظر وذالك حسب اعتقاد الرجل هذه المكرمه تقلل من الاثاره عتد فى حالت الحركه وطول البظر يثير الانثى فى حالة الحركه وعلل ذلك بان الفتاه اليوم كثيرة الحركه وهى فى حالت اختلاط مستمر مع الاجنبى بسبب الدراسه او العمل او المواصلات 0
وفى تقديرى هذا صحيح وحتى الطب اثبت ان الفتاه التى لا تتعرض الى ختان تكون شبقه اكثر من الاخرى
وفى نظرى ان هذه وجهت نظر لا تتطلب كل هذه الضجه التى اثارها الاعلام
واعتقد ان اعلامنا انصرافى فى كثير من تناوله لبعض القضايا ذات الطابع الاجتماعى
الراجل كما اعرفه ورغم اننى اختلف معه عندما طالبنى وبطريقه عنيفه ان اسحب حديثى فى المجلس عن ضرورة التطبيع مع اسرائيل الا انه جيد وجرى ويحمى افكاره بقوه وهذا ما نحترمه فيه
اخى
ما كل مايكتب صحبح
انا شخصيا كنت فى البرلمان عندما اثيرت قضية الختان الفرعونى
وللامانه والتاريخ لم يعارض الرجل ترك الختان ولم يدعو الى الختان الفرعونى بل الرجل دعا الى ما يسمى بختان السنه وهو اخذ جزء من البظر وذالك حسب اعتقاد الرجل هذه المكرمه تقلل من الاثاره عتد فى حالت الحركه وطول البظر يثير الانثى فى حالة الحركه وعلل ذلك بان الفتاه اليوم كثيرة الحركه وهى فى حالت اختلاط مستمر مع الاجنبى بسبب الدراسه او العمل او المواصلات 0
وفى تقديرى هذا صحيح وحتى الطب اثبت ان الفتاه التى لا تتعرض الى ختان تكون شبقه اكثر من الاخرى
وفى نظرى ان هذه وجهت نظر لا تتطلب كل هذه الضجه التى اثارها الاعلام
واعتقد ان اعلامنا انصرافى فى كثير من تناوله لبعض القضايا ذات الطابع الاجتماعى
الراجل كما اعرفه ورغم اننى اختلف معه عندما طالبنى وبطريقه عنيفه ان اسحب حديثى فى المجلس عن ضرورة التطبيع مع اسرائيل الا انه جيد وجرى ويحمى افكاره بقوه وهذا ما نحترمه فيه
غريق كمبال- مشرف المنتدى الاقتصادى
رد: النائب البرلماني دفع الله حسب الرسول
من طرف محمد قادم نوية 16th يونيو 2012, 11:56
لا أري شئ مُحرج في حديث الأستاذ دفع الله حسب الرسول
فهو لم يقل شئ مخالف للدين ؛الضجة هذي كلها سببها الإعلام الذي دائماً مايعارض تناول مثل هذه المواضيع ؛ وأيضاً كان لشركات التسويق دور كبير في تضخيم هذا الحوار لأن هذا الشيخ تسبب في إلقاء حفلة شيرين المزمع قيامها أبان الهجوم علي هجليج وبالتالي خسرت سخارة فادحة
فهذا الشيخ دائماً محل إنتقاد خاصة عند الصحفيات لأنه يعارض مقابلتهن بلبسهن الضيق والمُحزّق
هذا الشيخ رجل جرئ ولا يخشي في الحق لومة لائم ؛أحترم آراءه جداً وحضرت له كذا محاضرة(2008) في وزراة الدفاع؛ ورجل يجيد اللغة الإنجليزية بطلاقة وله تفسيرات عن سيرة الني صل الله عليه وسلم بهذه اللغة؛ هذي جزئية بسيطة عن حياة هذا الأستاذ
فهو لم يقل شئ مخالف للدين ؛الضجة هذي كلها سببها الإعلام الذي دائماً مايعارض تناول مثل هذه المواضيع ؛ وأيضاً كان لشركات التسويق دور كبير في تضخيم هذا الحوار لأن هذا الشيخ تسبب في إلقاء حفلة شيرين المزمع قيامها أبان الهجوم علي هجليج وبالتالي خسرت سخارة فادحة
فهذا الشيخ دائماً محل إنتقاد خاصة عند الصحفيات لأنه يعارض مقابلتهن بلبسهن الضيق والمُحزّق
هذا الشيخ رجل جرئ ولا يخشي في الحق لومة لائم ؛أحترم آراءه جداً وحضرت له كذا محاضرة(2008) في وزراة الدفاع؛ ورجل يجيد اللغة الإنجليزية بطلاقة وله تفسيرات عن سيرة الني صل الله عليه وسلم بهذه اللغة؛ هذي جزئية بسيطة عن حياة هذا الأستاذ
محمد قادم نوية- مشرف منتدى الصوتيات
رد: النائب البرلماني دفع الله حسب الرسول
من طرف مرتضى عبدالعظيم عبدالماجد 16th يونيو 2012, 14:01
الاخ غريق كتب ان الفتاة غير المختونة تكون شبقة أكثر من اللازم!!!!!!!!!!!!!!!
سؤال هل الفتاة حيوان مدلل حتى نتدخل في تكوينها و ن(قلل شباقتها)؟؟ او شبقها؟؟؟؟؟؟
اليس من الاجدى ان نهتم بالتربية و التنشئة الصحيحة و توضيح الصواب من الخطأ على ان نتدخل و نغير خلقة الله؟؟؟؟؟؟؟
النائب حسب الله ذكر ان الختان يقلل من الاصابة بالايدز لدى الرجال و النساء و اصاب في الاولى و لكنه اخطأ في الثانية لأن الختان يؤدي لصعوبات في العملية الجنسية مما يسبب تقرحات و هذا يزيد من نسبة الاصابة بالايدز و الامراض الاخرى.
السؤال المهم لماذا يفتح الشيخ مواضيع هامشية في زمن الناس في اشد الحوجة للأكل و الشرب و هو يتكلم عن شيرين و الواقي الذكري؟؟؟؟؟؟؟؟؟
سؤال هل الفتاة حيوان مدلل حتى نتدخل في تكوينها و ن(قلل شباقتها)؟؟ او شبقها؟؟؟؟؟؟
اليس من الاجدى ان نهتم بالتربية و التنشئة الصحيحة و توضيح الصواب من الخطأ على ان نتدخل و نغير خلقة الله؟؟؟؟؟؟؟
النائب حسب الله ذكر ان الختان يقلل من الاصابة بالايدز لدى الرجال و النساء و اصاب في الاولى و لكنه اخطأ في الثانية لأن الختان يؤدي لصعوبات في العملية الجنسية مما يسبب تقرحات و هذا يزيد من نسبة الاصابة بالايدز و الامراض الاخرى.
السؤال المهم لماذا يفتح الشيخ مواضيع هامشية في زمن الناس في اشد الحوجة للأكل و الشرب و هو يتكلم عن شيرين و الواقي الذكري؟؟؟؟؟؟؟؟؟
مرتضى عبدالعظيم عبدالماجد- مشرف المنتدى العلمى
رد: النائب البرلماني دفع الله حسب الرسول
من طرف غريق كمبال 16th يونيو 2012, 14:27
يا دكتور
نحن مسلمون ونقتدى بما جاء فى الاثر
اعنى الرسول عندما قال لام ايمن (اخفضى ولا تنهكى) كان اعنى يوافق على تغير خلق الله
يا اخى افهم من مداخلتك برضو ان ختان الزكور هو تغير لخلق الله
يا اخى شيخ حسب الله ده ما انصرافى الانصرافين هم الناس القاعدين يهتموا يما يقول ويصنعوا منه قضيه الهدف البعيد منها هو ادانت النظام
نحن مسلمون ونقتدى بما جاء فى الاثر
اعنى الرسول عندما قال لام ايمن (اخفضى ولا تنهكى) كان اعنى يوافق على تغير خلق الله
يا اخى افهم من مداخلتك برضو ان ختان الزكور هو تغير لخلق الله
يا اخى شيخ حسب الله ده ما انصرافى الانصرافين هم الناس القاعدين يهتموا يما يقول ويصنعوا منه قضيه الهدف البعيد منها هو ادانت النظام
غريق كمبال- مشرف المنتدى الاقتصادى
مواضيع مماثلة» فلم عن الرسول صلى الله عليه وسلم
» خادم الرسول (صلى الله عليه وسلم)
» دفع الله حسب الرسول : بعض الصحفيين لا يفهمون شيئاً...
» هل تريد ان ترى الرسول "صلى الله عليه وسلم " ؟!
» معجزة بردة الرسول صلى الله عليه و سلم .. فيديو
» خادم الرسول (صلى الله عليه وسلم)
» دفع الله حسب الرسول : بعض الصحفيين لا يفهمون شيئاً...
» هل تريد ان ترى الرسول "صلى الله عليه وسلم " ؟!
» معجزة بردة الرسول صلى الله عليه و سلم .. فيديو
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى