إقتراحات.... اتمني ان يوافقني فيها البعض!!

الاقتراح الاول:
بعض المنتديات بها مواضيع تناسب منتديات اخري ..مثلاً موضوع تهنئة بزواج يكون مكتوب في منتدي : التعريف بمنتدي ابوجبيهه
اقترح من مشرف المنتدي تحويله للمنتدي المناسب.... أيضاً هنالك بوستات من مساهمة واحده وا اثنتين اري ان تدمج البوستات المتشابهه ........ كذلك احياناً يرسل مفترع البوست مرتين لسؤ الشبكة ويظهر البوست مرتين ويتداخل الناس فيهم الاثنين ارجو من مفترعي هذا النوع من البوستات حذف احدهمها بعد نقل المساهمات للاكتر مساهمات.
الاقتراح الثاني:
تغيير مشرفي المنتديات باناس جدد ونعتبر الان العدد كبير ويمكن افتراع بوست للترشيحات لكل منتدي وتكون العملية الانتخابية ديموقراطية والكترونية تساعد علي ترسيخ مبدأ الديوقراطية المعمول به في المنتدي.
هذا مع خالص شكري وتقديري
احسان عبدالرازق

كلامك حقيقي
نرجو من السادةالمشرفين ان يعملوا على فك الاختلاط الذي حدث في بعض الاروقة بحيث يكون هناك تخصص بحت لكل رواق وعلى الاحوة المشاركين مراعات توزيع المواضيع وانزالها في مكانها الصحيح00
وانا اوافقك الراي تماما في سبيل تطوير المنتدى وليس لي مانع في حذف كل مساهماتي واعادة ترتيبها وتوزيعها من جديد وليس لي مانع ايضا في ان ابدا من الصفر..

الف شكر

احسن كلام تقولو يا محمود منذو ان عرفتك لانك جايط المنتدي دا جوطه شديده موضوع الرياضه تنزلو في الاجتماعي و الافراح تنزلها في السياسي .. نحن بنعفاك من الللخبطه دي بس من اليوم و صاعدا ارجو مراعاة ذلك ..

تحايا قلبيه صادقه

محمود منصور محمد علي كتب: كلامك حقيقي
نرجو من السادةالمشرفين ان يعملوا على فك الاختلاط الذي حدث في بعض الاروقة بحيث ان يكون هناك تخصص بحت لكل رواق وعلى الاحوة المشاركين مراعات توزيع المواضيع وانزالها في مكانها الصحيح00
وانا اوافقك الراي تماما في سبيل تطوير المنتدى وليس لذي مانع في حذف كل مساهماتي واعادة ترتيبها وتوزيعها من جديد وليس لدي مانع ايضا في ان ابدا من الصفر..

الف شكر

سلام عمو محمود وبارك الله فيك عبرت البوست
والفكرة ما بتقلل من مساهمات الفرد بس بتزيد المساحة المتاحة للمنتدي " الباندويث" وبالتالي بتسهل عملية upload لاي محتوي نضيفه للمنتدي.
وبتخلي في شوية نظام للمساهمات
عن الاقتراح فتح فرص للاخرين في مهمة الاشراف عايزين دماء جديدة بس تقول شنو لا الادارة لا الاشراف العام ولا المنتسبين للموقع عايزين يعبروني
وعليه اقدم استقالتي من الاشراف علي المنتدي العلمي وارشح الاخ الدكتور : مرتضي عبدالعظيم فهو الانسب
وارجو ان يقوم الاشراف والادارة بقبول الاقتراح واتمني ان يوافق اخي د. مرتضي
وخالص شكري للجميع ولزهرة منتدانا العم محمود

يادكتوره

مقترحاتك على العين والراس

بس ادينا فرصة لسه المقترح نازل امس

لك منى فائق الاحترام والتقدير

خالص التحايا والاحترام لكم اعزائى
اخى الصغير الكبير ياسر والخال ابو الزهور والاخوه المشرفين

اجمل اقتراح يكتب في هذا المنتدي ..

و انتهز هذه السانحة و ارشح الاخوان احمد كوكو و الاخ يسن محمد يسن لانو عيال امبرمبيطة ما لقو لهم فرصة يخطوا ارجلهم في المنتدي دا

و كده اشوف فيكم زول يرفضوا الاقتراح دا ..

شكرا يا دكتوره ناشي للاقتراح الجميل ..

لكم التقدير

yasir كتب:يادكتوره

مقترحاتك على العين والراس

بس ادينا فرصة لسه المقترح نازل امس

لك منى فائق الاحترام والتقدير

تسلم ويسلم رأسك اخوي
وخذ وقتك مافي مشكلة
تحياتي
vvvvvvvvvvvvvvvvvvvvvvvvvvvvvvvvvv
ومبرووك للعرسان اخوي ربنا يوفقهم تن شاء الله

Suhad Abduelgfaar كتب:

سلامات اختى الدكتوره والله مشتاقه ليك .
انا اوافقك الراى علينا نساعد بعض فى تطور المنتدى بتنظيمه وهى دى طبعا
شغل المشرفين ولاحظة ان هناك بعض المشرفين لم يظهرو فى المنتدى من زمن طويل اى انهم لا يشرفون بسبب غيابهم مع خالص احترامى وتقديرى لهم .
عليه يجب ان يتم تعين مشرفين جدد ويكونو من الشباب الجدد لكى يعكسو طاقتهم ومعرفتهم
لتطوير المنتدى , وكمان بقترح بان يكون مشرفين اتنين لكل منتدى يعنى واحد احتياطى عند غياب الاخر . مثلا (يعنى يضاف دكتور مرتضى الى العلمى مع الدكتوره ناشى ) ولا نسمح لك بالانسحاب من الاشراف نهائ............خلى تلفى وتدورى هههههههههه انسحاب مافى .
وعلى الاخوه الاعضاء عليهم ان يساندو الاخوه المشرفين على تطبيق الصلاحيه لكى يسهلو لهم مهمتهم بكل اريحيه وحب .

تحياتى

خالص التحايا والاحترام لكم اعزائى
اخى الصغير الكبير ياسر والخال ابو الزهور والاخوه المشرفين

وعليكم السلام والرحمة والبركة يا غاليتنا
وكلامك صاح التنظيم مريح شديد
وعرفتيني عرفه في موضوع الزغبير بس الامانه لازم نتخلص منها وندي آخرين يساعدوا شوية ويجددوا في شرايين ودماء المنتدي وباقي لي الجيل الجديد بعرف للنت احسن مننا بمراحل ونكون رسخنا لفهم توزيع الفرص وما نرسخ للاحتكار.
----------------------------------------------------------------------------------------------------
مشتاقين والله وبالتوفيق في امتحاناتك والعيال يا رب
تحياتي لكل افراد الاسرة

ود عشمان كتب:
اجمل اقتراح يكتب في هذا المنتدي ..

و انتهز هذه السانحة و ارشح الاخوان احمد كوكو و الاخ يسن محمد يسن لانو عيال امبرمبيطة ما لقو لهم فرصة يخطوا ارجلهم في المنتدي دا

و كده اشوف فيكم زول يرفضوا الاقتراح دا ..

شكرا يا دكتوره ناشي للاقتراح الجميل ..

لكم التقدير

سلام اخي ود عشمان عساك بخير في غربتك
وتجدني ادعم ترشيحك خوف ساي من تهديدك ههههههههههههه
ولا شكر علي واجب اخوي
تحياتي لك وللاخوة الاساتذة يس واحمد
وحبابكم

المقترح جميل

واضيف ان هناك مشرفين لاكثر من منتدى افتكر ان العضو يجب ان يكون مشرف على منتدى واحد فقط

ليتيح الفرصه لاخرين

غريق كمبال كتب:المقترح جميل

واضيف ان هناك مشرفين لاكثر من منتدى افتكر ان العضو يجب ان يكون مشرف على منتدى واحد فقط

ليتيح الفرصه لاخرين

شكرا اخي غريق ونوافق علي ما ذهبت اليه

اقبال عبداللطيف كتب:المقترح جميل ونوافقك يادكتوره

كتر الف خير يا اقبال

فكرة كويسة .. و أجمل ما فيها تقوية روح الديمقراطية .. و قبول الآخر (أولاد أمبرمبيطة) .. و بدون برتكولات أمنية و تقسيم سلطة (بفتح السين و اللام)
بالممارسة الفعلية و التطبيق العملى .. و من تجليات ذلك التبادل السلمى للمواقع و السلطة فى آن واحد .. يعنى ح نشهد فترة ربيع الحباك .. تغيير و نقل سلمى للسلطة (بدون ثروة مادية) بس ثروة حب و ثروة فكرية .. هاااااااائل يادكتورة .. عقبال ربيع سوريا التى تعانى مخاضاً عسيراً جداً جداً ..
الله يخليك ..

كرم هجانه كتب:فكرة كويسة .. و أجمل ما فيها تقوية روح الديمقراطية .. و قبول الآخر (أولاد أمبرمبيطة) .. و بدون برتكولات أمنية و تقسيم سلطة (بفتح السين و اللام)
بالممارسة الفعلية و التطبيق العملى .. و من تجليات ذلك التبادل السلمى للمواقع و السلطة فى آن واحد .. يعنى ح نشهد فترة ربيع الحباك .. تغيير و نقل سلمى للسلطة (بدون ثروة مادية) بس ثروة حب و ثروة فكرية .. هاااااااائل يادكتورة .. عقبال ربيع سوريا التى تعانى مخاضاً عسيراً جداً جداً ..
الله يخليك ..

السلام عليكم ورحمة الله اخي كرم الدين
حيرتني في إحتفاءك "بالديموقراطية" هنا وقبل شهر اعلنت انضمامك لابو " الشمولية"

وعليك الله ابدل سوريا بالسودان

تحياتي

عمو محمود

نرحب بهذا المقترح

المشوره الشعبيه لجالية جارت الوادى

عوووووووك ول عشمان

مليار صلاة علي حبيب الله

والله اقتراحاتك مهمة واكثر من رائعة يا عمو محمود
ونبهتني لحاجة مهمة وهي احتمال يكون في مشرف من الحاليين يود الاستمرار او الاعضاء يختارونه مجددا للاستمرار ودي ما فيها مشكلة
ويا ريت تبدو بي واهو المرشح الجديد جاهز وينوبكم ثواب

مشكور اخي غريق علي المرور

نقل الخبرات وتبادل المعرفه وتعاقب الاجيال وسلمية تداول السطلة شى مهم جدا احى فيك روح التواضع يادكتوره

اقتراح دكاترة وما فيه كلام

بس يا محمود انا اقترح منتدى الصراع ويكون باشراف جارة الوادى عشان السبارى ود عشمان دا يسكت خالص

MONZAL كتب:نقل الخبرات وتبادل المعرفه وتعاقب الاجيال وسلمية تداول السطلة شى مهم جدا احى فيك روح التواضع يادكتوره

سلام اخي منزل وكتر الف خيرك علي الكلام الطيب
وربك يسهل ان شاء الله ويصبح موقع ابوجبيهه من افضل المواقع واشهرها ان شاء الله
سودانيز اون لاين به 5 الف عضو وهو موقع له اكثر من 10 اعوام
وبحمد الله وفضله علينا اكمل موقع الحباك عام واحد وبلغ عدد اعضاءه الف
اسأل الله ان يتم خمسة آلاف في فترة وجيزة قول معاي يا رب

ابوهريرة عثمان عبدالسلام كتب:اقتراح دكاترة وما فيه كلام

بس يا محمود انا اقترح منتدى الصراع ويكون باشراف جارة الوادى عشان السبارى ود عشمان دا يسكت خالص

مرحب بي محامينا ابا هريرة
اضحك الله سنك

((السلام عليكم ورحمة الله اخي كرم الدين
حيرتني في إحتفاءك "بالديموقراطية" هنا وقبل شهر اعلنت انضمامك لابو " الشمولية"

وعليك الله ابدل سوريا بالسودان))
سلام مربع يادكتورة
الديمقراطية قيمة إنسانية راسخة فى الإنسان .. بالفطرة .. و ما هبة سياسية .. لذا .. قليلون الذين يأنسون فى أنفسهم الديمقراطية .. على الرغم من أنهم يدعونها ..
طبعاً أنا ضد التغيير فى السودان لأسباب جادلناها فى بوست أخر .. سوريا وقعت فى مصيدة المخابرات الدولية .. و بإعتراف عنان .. أن ثمة طرف ثالث ضالع فى المشكلة .. بس بشار ما رجل المرحلة ..
ما أبو الشمولية فدى قصة بلد كاملة ..
مع تقديرى ..
و نعم لربيع منتدى الحباك ..

لا لا لا ..
ما موافقين !

HUBBAKI كتب: لا لا لا ..
ما موافقين !

إلك وحشة علي قول كاظم الساهر يا حباكي اخوي
وبعدين بدأنا فعلياً في ممارسة الديموقراطية وكل " جماهير " منتدي الحباك موافقين
معارضتك مقبولة وعلي العين والرأس وحاول اعمل ليك جماهير امكن تفوز
هذا مع خالص تقديرنا للآراء المناؤئة ولشخصكم

كرم هجانه كتب:
سلام مربع يادكتورة
الديمقراطية قيمة إنسانية راسخة فى الإنسان .. بالفطرة .. و ما هبة سياسية .. لذا .. قليلون الذين يأنسون فى أنفسهم الديمقراطية .. على الرغم من أنهم يدعونها ..
طبعاً أنا ضد التغيير فى السودان لأسباب جادلناها فى بوست أخر .. سوريا وقعت فى مصيدة المخابرات الدولية .. و بإعتراف عنان .. أن ثمة طرف ثالث ضالع فى المشكلة .. بس بشار ما رجل المرحلة ..
ما أبو الشمولية فدى قصة بلد كاملة ..
مع تقديرى ..
و نعم لربيع منتدى الحباك ..

وعليكم السلام والرحمة والبركة اخوي ونرحب برسوخ الديموقراطية " كقيمة انسانية " وكحق للجميع ان يمارسه ويختار من يمثله دون تهديد او " بالجبر والغصب"
عن من يدعونها@ الله يهديهم ويفهمونها علي الوجه الصحيح وكلنا نرتقي لفهم يكون فيه " الزول السوداني " هو الاول
ساراجع البوست الذي اشرت له
كنت اقصد ان نركز مع سودانا اولاً عندما طلب ابدال كلمة سوريا بالسودان
" عشان المثل الكنت بسمعة من حبوبتنا - الله يرحمها برحمته الواسعه ويوسع في مرقدها - بت الجزيرة (( عدالت القٌصص أٌم قٌصة ً عوجاء)) ما ينطبق علينا
وأاكد احترامي لخيارك ولحقك في اختيار ما تريد
++++++++++++++++++++++++++++
@ يا اخوي هوي والله العظيم انا ما من المجموعة دي ..والله صاح

ما ... حقنا نلعب غمدت ..لبدت نص القايلة ..
و حقنا نرقص ... شد و اركب و نغنى شليل فى الليل ...
يا زولة حقنا وحدنا .. دى القمرية .. تنط شركا .. أو ترقد فى الموكيت ..
بس حقنا ما يدخلوا أولاد الليل فى الليل .. ما يدبروا ..لينا الكيد .. بالليل .. ما يشدو سرجهم فى الليل .. وحدنا نحن البنشد سرج الليل ..
....................
تحيا أبوجبيهة و يحيا شعبنا .. الأخد فاتورة يشوف محل يسددا
هى الفنادك دى البتدى الصباح شبال ولا الفنادق ؟؟؟؟؟؟؟؟؟؟
الله يعافيك يا ست احسان

ولا حتكومى .. أما عدالة القصص أم قصة عوجا ..
خليها يمكن شعرها مقصر .. ولا تلفانة .. لكن كريمة و هميمة .. خليها تحاول .. عشان تنال أجر الإجتهاد .. ما طلعت البترول و شربت نصو .. ماطلعت زيتنا و شربت نصو .. أحسن من الجاى .. يصفى الدم فى الواطة حتى ما يشرب منو جغمة ... لا فى شبيحة و لا أباليس ... فى ناس رافضة الفوضة .. أبوك و أبوى أمك و أمى و أهل حتى الناس البرا البدقو الطار و بيحموا فى الدلوكة ..
التناقضات ما عنها حد يا دكتورة ..
((( خليها يمكن تقدر تعدل القصص العوجا .. و بعدين نعدل معاها قصتا )))
كملى القراية بسراع البلد راجياك .. ما الحكومة .. أقصد الأهل فى رجاك

والله الراجني ديل يا كرم اخوي واطاتم اصبحت هههههههههههههه
قايلين القبه تحتها فكي ههههههههههههههه
والله المؤامرة ونظريتها فوبيا سااااااااااااااااااااكت مافي اي مؤامرة الا من ناسك ديل صدقني الكلام ده "وهم ساي"
كان بمقدورهم السير علي خطي الماليزيين وبناء دوله تهز وترز بس نحمدالله انه شوف العين علي سياساتهم ومن داخل كيانهم في اعترافات
وربك وحده القادر عي ارساء الحق في الدنيا والاخرة
نسأله اللطف ببلدنا وتخليصها
وتحياتي لمحمد وامه
=====================================
يا ناس ما قلنا عايزين ناس جديدين لادارة المنتدي والله عملتو لي نفسيات

فيصل خليل حتيلة كتب:

الصبر ضل النبى يا دكتورة ( بعيدا عن الديمقراطية ) المفترى عليها

تحايا و اشواق بطعم الاقاشيه ايام عيد الفطر

ههههههههههههههههههها

جنس حندكه

هههههههههههههههه
والله يا فيصل اخوي الصبر قاااااسي وعلي قول الفوراوي طعناني في محل الصبر هههههههههههههههههههههه
والله باالاكثر اخوي الا كان جيت راجعه البلد "لازمن ولابدن" تضبحوا لي كم عتوت هههههههههههه وتجيبوا بتاع الاقاشي في البيت ههههههههههههه
ولا ما بحصل ليكم طيب ههههههه

أنا خايف تجى و ما تلقى حتى خروف للأقاشى ...
متفق معاك ... كان ممكن و كان ممكن و كا ياما كان ... بس فى تقديرى الإصلاح ولا التغيير فى بلد فيها مليون وجهة ... ما يقوله معظم المراقبون هو إنو المعارضة بكل مكوناتها المسلحة و غير المسلحة... ليست لديها تصور جيد لمستقبل البلد ولا إستراتيجية ولو مرحلية ...
أما قصة ناسى دى زى قصة عدالة القصص أم قصة ً عوجة ... مع ذلك القحة و لا صمة الخشم ... سنرفض بقوة إى إتجاه لإعادة تخريط المجتمع السودانى على أى أسس جديدة و بذات القوة ندعم الخروج السلس من المأزق السياسى و ندعم الإصلاح كطريق أوحد للتغيير ...
و لمن تجى نشوف قصة الأقاشى نعملها بخرفان و لا جداد ههههههه
أرجو أن تتقبلى تعازيي الحارة فى من فقدناهم من الأهل و الأصدقاء

الناس دي وقت تلاقني مافي بتضري ساي ..

ارجو _ شاكرة _ ان يتم تنصيب الاستاذ / عوض السيد مشرفاً للمنتدي الرياضي
واتمني ان يثني الجميع هذا الاقتراح
اولاً لتمكنه من المجال وضعفي فيه
ثانياً لانشغالي التام " معلقه من عرقوبي والله "
ثالثاً كترحيب بعودته بعد كثير إنقطاع*
-------------------------------------------
* استخدام اللغة الفصحي كمحاولة للحصول علي جائزة " ود عشمان " التقديرية

nashi كتب:
-------------------------------------------
* استخدام اللغة الفصحي كمحاولة للحصول علي جائزة " ود عشمان " التقديرية

اري من خلال مداخلتك ملامح لشئ من مبادئ لغة الضاد فاذا اجتهدي قليلا سوف تصلك الجائزه في بلاد الصين ..


اجمل المني ..

خلاص بشد حيلي
بس الاقتراح مالك ما عبرتو يا اخوي؟

nashi كتب:خلاص بشد حيلي
بس الاقتراح مالك ما عبرتو يا اخوي؟

يا دكتوره نانشي ..

怎么是你，我希望你会好起来的

اما فيما يتعلق باقتراحك انا بقيف معك جنب الي جنب و اساندك الرأي و انا عارفك انتي مشقوله بالقرايه و نحن دايرانك تبقي لينا ( تمرجيه كبيره ) تعالجي لينا الناس .. لذا منتدي الرياضه ممكن يشرف عليه عوض السيد .. و اذا الجماعه رفضو ( خلي انطيهم ليك العين الحمرا ) بس في المستقبل عايزنك تساندي و تقيفي مع عيال جارة الوادي ..

تحايا طيبه ..

السلام عليكم يا فيصل خليل ....
ندعم بـ (شدة) أى إتجاه .... و تقف بـ (قوة) ضد التغيير ... هذا موقف
أما فاقد الشيئ .... ياريتو ما أدا .... لو ماندو البيقولو حتى خليهو يتفرج ...
و تانى سلام ....
و لا نرجع نصعد مربع الشعر ... كما قلت فى بوست آخر فى مكان آخر

ود عشمان كتب : يا دكتوره نانشي ..

怎么是你，我希望你会好起来的

اما فيما يتعلق باقتراحك انا بقيف معك جنب الي جنب و اساندك الرأي و انا عارفك انتي مشقوله بالقرايه و نحن دايرانك تبقي لينا ( تمرجيه كبيره ) تعالجي لينا الناس .. لذا منتدي الرياضه ممكن يشرف عليه عوض السيد .. و اذا الجماعه رفضو ( خلي انطيهم ليك العين الحمرا ) بس في المستقبل عايزنك تساندي و تقيفي مع عيال جارة الوادي ..

تحايا طيبه ..

[left]我对不起您！

[left]我没看这个就现在。
感谢你弟弟

تسلم يا فيصل ...
المساحات الخضراء تحاصرها الصحارى و أشياء من حتى ... و تحتاج إلى عالم غير الذى نعيشه أو تورينا وين زقاقات هاشم صديق البيكتب فيها كلامو دا ههههههه
نحن بخير و الحمد لله

ضيعتونا يا إحسان ...
هههههههههههه

اما فيما يتعلق باقتراحك انا بقيف معك جنب الي جنب و اساندك الرأي و انا عارفك انتي مشقوله بالقرايه و نحن دايرانك تبقي لينا ( تمرجيه كبيره ) تعالجي لينا الناس .. لذا منتدي الرياضه ممكن يشرف عليه عوض السيد .. و اذا الجماعه رفضو ( خلي انطيهم ليك العين الحمرا ) بس في المستقبل عايزنك تساندي و تقيفي مع عيال جارة الوادي ..

تحايا طيبه ..
*******************

**********************

استاذى عوض السيد

سهاد عبد الغفار ..

نحذرك من مغبة الموقف و لا ترمي نفسك بالتهلكه

اقبال عبداللطيف ..

انتي بمنتدي تعريف المنتدي .. ساعدينا باللغة العربية الفصحي و لن نسمح باي شخشخه

تحية كبيره لكم جميعا ..