بالسلامه لحرم اسامه عثمان

حرم الوجيه اسامه عثمان طريحت المستشفى الان وهى وضعت طقل جميل اسال الله لها الشفاء ولابنها العافيه

زكاة جلد ان شاء الله يا ام احمد

مبروك الوليد وإن شاء الله ربنا يجعله من أبناء المستقبل العاملين ويسبغ على والدته ثوب الصحة و العافية إنه سميع مجيب.

الله ينطيها العافية .. و مبروك الوليد انشاء الله يطلع ول ناجح و فارس شايل اسم ابوه ما يكون زي عندك العيال الهوانات ديل



مليونين مبروك يا ول عثمان نسأل الله ان يكون بارا بوالديه .. عاجل الشفاء يا رب



اخي الول سمو شنو يا زعيم

بورك فى الموهوب وشكره الواهب
ونسأل الله أن يلبس امه ثوب العافية

أزهرى الحاج البشير كتب:يا ول عشمان سموهو أب كرشولا .. إنتو يا أولاد الضهاري شن دخلكم بعيال البندر

في مثل بقول الما بتلحقو جدعو بالحجار ..

هو بسمو كده طوالى

الشقله دايره ليها ايام يا ود عشمان

الضهارى دى حلوه يا ابو الزهور لى زمن ما سمعتها

تحياتى

الفاتح ول ابوي محمد التوم ..

اليوم جبت لينا عربي جديد انا من ( ولدوني ) كونو الخروف , العتوت او الكبش اسمو ( الحرارة ) اول مره اسمعو ..

و بعدين تعال دايرين اشتري خروف ابو مليونين دا بدون ما اضمن المولود يسمو علي و لا شنو ؟ هوي انقرع ما بخسر لي ملايين ساي في الهواء .. عايز ضمانات ..

اجمل المني ..

غريق كمبال كتب:

الضهارى دى حلوه يا ابو الزهور لى زمن ما سمعتها

تحياتى

الزعيم اتا اول امبارح دا ما قالو لي جيت من ابوجبيهه و هي فرقها شنو من الضهاري ..

بتصل عليك يا زعيم امباكر ضحي لو حيين من الموت انشاء الله ..

اجمل المني

نسأر الله لها السلامة ياشيخ اساامة عثمان. ومبروك الفاارس
جعله الله لكم غرة عين

مرحب بود الباشا الصغير ... وحمداً لله على السلامة للمدام ...وألف مبروك يا أبو أحمد ...ونسأل الله أن يرزقك بالذرية الصالحة دائماً ...ونسأل الله أن يكون من أبناء المستقبل الذين يشار لهم بالبنان .... وماشاء الله تبارك الله ... وكفارة للمدام ونتمني لها الشفاء العاجل يارب ....

شكراً يا زعيم ... إحترامي ،،،

الف الف مبرووك المولود ويتربي في عزكم
وربنا يواليها بالعافية المدام

ول حتيله رسل لي صوره من شهادة الميلاد ..الخرفان اليومين دي غاليه و انت براك عارف الناس مارقه من عيد الضحيه .

اجمل المني ..

كده خلو الوليه تقوم بالسلامه والوليد صحتو تبقى تمام وبعدين نقوم ناكل خروف ود عشمان ابو ملاين ده

مبروك المولود ابو احمد مع امنياتنا بعاجل الشفاء لام احمد

كلنا يا عمده حارسين السمايه

لو كان الول سمو عليَ .. اشبعكم لحم لكن ما محظوظين يا عيال ابوجبيهه ..

اجمل المني

عثمان الدور ده والدور الجاى عشمان

اها رايك شنو

يلا رسل الخروف

تحياتى

بسم الله الرحمن الرحيم
الف الف حمد لله علي السلامةوان شاء الله أجر وعافيه
مع تحيا تي
=========

أزهرى الحاج البشير كتب:يا ول عشمان سموهو أب كرشولا .. إنتو يا أولاد الضهاري شن دخلكم بعيال البندر

بسم الله الرحمن الرحيم
الدكتور - أزهري + ناظر عموم امبرامبيطه- ود عشمان-
مسأكم الله بالخير
طالما ذكرت ابو كرشولا لابد ان نتذكر وأحدا من رجالها عمنا
المرحوم - الشيخ - النور أحمد جلي - يرحمه الله رافقنا عدة سنوات في العمل العام انه نعم الرجل الهادي الطباع
ير حمه الله يرحمه الله - تحيا تي .
=============

الزعيم غريق ..

في مثل بقول جراده في كفه و لا الف طايره .. نحن دايرين الول القدامن دا ..

حتي الان شهادة الميلاد لم تستخرج بعد لذا كل ما نريده منكم هو ( حسن النوايا ) ما تظنو ح نقلع منكم الولد كما حصل في القصة المشهوره لابن امبرمبيطة البار يسن محمد يسن .. علي كل حال نحن مستعدون نضبح تور و نسلم المولود ( عجله ربايعه معزوله عزل من المراح ) في حالة تتم التسمية علي اي حد من ابناء رابطة جارة الوادي بالمنتدي و في تقديرنا فرصة ذهبية بالنسبة لكم و اتشاورو و ادونا رايكم.. يا ابوهريره التور مربوط كشكش الجماعة دا غدا ما تفوتو..

اجمل المني ..

العم الغالي الزبير محمد ..

نسأل الله الرحمة لعمنا النور احمد جيلي ..

مشتاقين لاخبارك يا عم يا غالي ..

حليل زمن الحرارة بضم الحاء وتشديد الراء علي اليمين لو ما شرحتها يالفاتح عيال سنة 2000 ديل مابعرفوها

بعدين بمناسبة السماية دي عندنا واحد صديقنا من أبوكرشولا - الرهد وكنا في السعودية أيامها في المنطقة الشرقية ورزقه الله ولداً وكان هو الولد البكر وسماه (شوقي) فقام أزهري الحاج في دعوة السماية قال ليه اسم المصريين دا جبتو من وين فرد على أزهري

إنت مالك ومالو إن شاءالله أسمي فرعون

أحبتي الكرام جزاكم الله الف خيرا ً وشكري يمتد لكل العقد الفريد بالمنتدي العامر دائماً بأهله ونحمد الله كثيراً ان مني علي ام عثمان بالعافية وخرجوا اليوم بالسلامة من المستشفي. وهم. بصحة جيدة. الان بيننا نسال الله ان يديم علينا فضله ونعمته ولكم منا كل الشكر والتقدير اتصالكم وسؤالكم ادخل البهجة والسرور وخفف عنا الم المرض.

ألف حمداً لله على السلامة يا أبو أحمد . وأسأل الله أن تكون كل أيامك أفراح . وسعدنا بإننا الصغير أبوعفان ...ويربي في عزكم يارب ...آمين ...آمين

الف حمدا على سلامتهم يا ابو احمد

ربنا يديهم العافيه