بت الذين أحبهم - * عاطف خيري

**بت الذين أحبهم - عاطف خيري

دسيهو منك فيهو
جملة أولياء النحت
سابقين الحواس بي ركعه
نهاضين وينقِفوا من حلوق الشوف
حصان في ضحكتك مربوط
مرق من ليلى ليلك جَنَ
كل ما الموج راودك عن نفسو
تعطشي فيني؟!
تفتحي أطلس الخوف
كل ماالليل زاد نجمة في كتف العسس
جرت العصافير المطار
دخل الشِعِر وَكَر المباشره
والبنات ..
الكلما صابحتهِن
سرقَن نهارك ومغربن
الفي صدور هرطقه
وإشلاق حليب
بت الذين أحبهم
أنّة صريف في كُرنُك الروح
المطر ما ببقى لي زول
المغارب لابسا أقصر من خيال المُفترِي
ونحن مديونين نسيم
تلقاها في أول شريعتا غافيه
فارده شرودا
في إيدا وينقع عافيه
تشبه في الوقع من عشو,
خوفو وكت يطير,
لا يلقى قِبله
لا طفل في إيدو نبله
ولا غصن ذو شوك رحيم..
والبادي أجمل
بت الذين أحبهم ....

منفستو الهمباتة
ـــــــــــــــــــ


(1)

الجسد مصلاية الروح

الروح المفوته كم وكت

الوكت الموهط في النزوح

طالع أعالي الفوق تحت

تحتك ينقز في سطوح

رهن الأصابع ومنفلت

فالت إذا كنت الجنوح

وحدك منادي ومتلفت



(2)

كان القلب..مضيفه

والألم

كما عضَّ الطفل ثدي امو

صار جبانه في البلد

البقت ما أمو

والفاتوني

في طرف البحر ينْحَمو

أو شالو الحجر وانْحَمو

لي قمريه من فَرْط الشجر صاحت

إلى قمري وأجاب

منْ ثمّ ..

هدر دمو



(3)

يا خيل..

يانبي.. يابراك

ياليس من مُرضِع بَلاك

لو شفتَ جوه النار جنين

فاطِنو من سقية هلاك

كان شفت جوه الجنه طين

بالِنو لى آدم سواك

وكان تكفي جقمه من الحنين

وتقنع من الموج الهناك

وماكُنا في جوف الكمين

غنينا غُنوات الفِكاك

صنارة العدم السَنين

صارقيلا وحشه وارتباك



(4)

يا غربه نحن مشينا وين

من طَلعتِك نخلة هواي

ومديت أصابعي على المَدين

فتحت ما شايف سواي

غمضنا.. الله ادانا عين

كورَكتي آدم

دمدم في الغياب

إتصنَّتك كل الجراد الفيني

مسغبة الرتيلا..

الطحلب .. الشوك.. اللُعاب

لسان الواطه يتعَرَفْ على طعم الخطايا

أتَر البهايم في التراب

تَحلِب بصيرة الراعي من شوفتو اللبن

اللغه في زريبة ربها

تعجِن حنوط المعنى في قرع السكوت

هسيس توب يرقه

قلعت خوفا في شط النوايا

إبليس حبيس العِلّه في كلمة سجود

والدود يجيك من شَدّه في لفظة تخمُر

تسمع حنين الشمس لي ضل البيوت

همهمة الجرِح لحظة تعود

من غُربة الجسد الخلايا

لَجَنَة لسان الضو إذا نطق الزوايا

ودُخلَة الكاف الصبي

على نوناً يّرِن خلخالا في قلب النبي

وتسمع زغاريد العدم



(5)

تشوف الغيمه

في مقلة مراية السَهَلَة راخيه رموشا

تنَتْ في ام شديده القهوه

جاتا الدوشه

في طاقة منام هلواسا لاوذ ود قُزَح

طربان وشايلا الهوشه

خَطَفت توبا

قالت... أخ!

نِست باب حوشا .. فاتح

والمطور الليله كيف مَلبوشه

دسيهو منك فيهو

أو سميهو في الخيل الصحاب

البِخشو الحَضره دون مانوبه

من غير ما يدقوا الباب

البَدَسو الفكره في ضحكة بنات نَعَشْ

البِنادَن قمره تغسل جمره

في ريق السحاب

البحرسو الخمره في النخل

البَصَحي التمره نص الليل

إذا نقص الشراب

دِسيهو منك فيهو

أو همباتي

غارِز في أتّر شوفتِك

على رمل المناظر ناب

دسيهو منك فيهو

جملة أولياء النحت

سابقين الحواس بي ركعه

نهاضين وينقِفوا من حلوق الشوف

حصان في ضحكتك مربوط

مرق من ليلى ليلك جَنَ

من دُبُرْ اليقين مقدود

كل ما الموج راودك عن نفسو

تعطشي فيني؟!

تفتحي أطلس الخوف

كل ماالليل زاد نجمةفي كتف العسس

جرت العصافير المطار

دخل الشِعِر وَكَر المباشره

والبنات ..

طَفوا الرتاين ووَلَعَنْ؟!

الخَمَروك فتحوك إنداية ومَشَنْ

الكلما صابحتهِن

سرقَن نهارك ومغربن

الفي صدور هرطقه

وإشلاق حليب

بت الذين أحبهم

أنة صريف في كُرنُق الروح

المطر ما ببقى لي زول

المغارب لابسا أقصر من خيال المُفترِي

ونحن مديونين نسيم

تلقاها في أول شريعتا غافيه

فارده شرودا

في الموج الحَتَلْ في بالا ظنّهَا طافيه

غامْتَه حنانا

في إيدا وينقع عافيه

تشبه في الوقع من عشو

خوفو وكت يطير

لا يلقى قِبله

لا طفل في إيدو نبله

ولا غصن ذو شوك رحيم

والبادي أجمل



(6)

دجيت لوجه الله

مسقط غربتي

وخارب طبع هذا المجاز

لدودي في الغياب

مُشرع ضلمة بقَتي

حتفي..

حبيبي..

ومشتهى أسفي

محاذاتي..

وعلوقي إذا أهنقْ

وفطمتني !

شكرا حزينا

جل من يسهو

ويغمِض فيكا غاية يشبهَك

جالبني في وادي الضريسه

القلبِ فرناغه

وسألتك ذات مشيمه:

_ النهر أعوج من قفاي

- أعفيني

من هادي البلاد الذهلله

أعفي الجبال منَ الصدى

والشارع التحتاني من خمج النسيم

أحلاك مكندك في أَمَسَ الإلفه

بالزول الغريب

أجمل من المركب تَطَلْوِح فِلقه

آه أجمل من الخطا

صاح.....شنو؟!

الدم دميره

النار تَجَقلِب مالا؟!

ماطَعْم الرياح تِنجَم!!

صلي على الهجيج كالنيل

مسك خصر البلاد

ورقص الرقيص الما بيتسمى

طرد من بالو نقنقة البوابير

لايوق الأغاني

يغازل في البيوت

غمَر كل الكماين

وما جناهوالعاشق المخبول من قيف الحبيبه

وصاح : دخلتنا .. مروق هذا النتن والجندب الوطني

إذاَ لابد من هذا الكنيف!


شكرا أشرف هذه القصيدة التى ألقاها فى ود سلفاب عقب رحيل مصطفى وذلك فى تأبين أسرة الفقيد فى إبنهم الراحل مصطفى نخلة السلفاب. وما ألقاه يبدأ من رقم 3

من .... يا خيل يا نبى .. إلى ...... إذا لابد من هذا الكنيف

والكنيف هو دورة المياه أو بيت الأدب

شكرا اشرف و ازهرى.

هذا بالفعل كان اول تأبين للراحل مصطفى و كان فى الحصيحصا يا ابو الزهور.

هذه من روائع عاطف خيرى.


المغارب لابسا أقصر من خيال المُفترِي

ونحن مديونين نسيم

تلقاها في أول شريعتا غافيه

فارده شرودا

في الموج الحَتَلْ في بالا ظنّهَا طافيه

إن لم تخنى الذاكرة ، فى ليلة الحصاحيصا لم يشارك عاطف رغم حضوره وللأسف كان خارج الشبكة والأجابة فى قصيدة مظفر النواب أدناه:

دمشقُ عدتُ بلا حُزني ولا فرَحي
يقودني شَبحٌ مضنى إلى شبحِ
ضَيّعتُ منكِ طريقاً كنتُ أعرفه
سكرانَ مغمضة عيني من الطفحِ
أصابحُ الليلَ مصلوباً على جسدٍ
وأين كان غريبٌ غير ذي قرح
هذي الحقيبة عادت وحدها وطني
ورحلة العمر عادت وحدها قدحي
أصابح الليل مطلوباً على أملٍ
أن لا أموت غريباً ميتة الشبح
يا جنة مر فيها الله ذات ضحى
لعل فيها نواسياً على قدح
فحار زيتونها ما بين خضرته
وخضرة الليل والكاسات والملح
لقد سكرت من الدنيا ويوقظني
ما كان من عنبٍ فيها ومن بلح
تهرُّ خلفي كلاب الحيّ ناهشة
أطراف ثوبي على عظمٍ من المنح
ضحكت منها ومني فهي يقتلها
سعارها وأنا يغتالني فرحي

جايب لي عنقريب هباب وجاي اتحكر في الضل ده

حباب النقر ...... وينك يا ابو احمد مختفى ابقى ظاهر
.......................................... عشت

لك كل الحب ازهرى.

ان يكون النص للشاعر عاطف خيرى و المداخلة من نصوص مظفر النواب شئ بديع.

كلكم عسل ( عسل انت و بسكويت يا النقر ) دى طبعا اغنية جديدة يا ازهرى.

العزيز عوض السيد ؛
طبعا كنت في اجازه يوم الخميس (العيد الوطني للصين) بحكم عملي في شركة
صينية ؛ وكمان الجمعة والسبت

البوست ده عاجبني شديد جدا ؛ فقد حضرت قراءات كثيره للصادق وعاطف
لدي قصيده بخط عاطف خيري كتبها لي في الجامعة سنة 1994 ؛

كان شعرا جذلا وإيقاعه رنّان يحمل موسيقى سنين العمر الأولي .

شكرا يا سيد النقر