بكرة بنمرق كلنا برة
+2
الفاتح محمد التوم
محمود منصور محمد علي
6 مشترك
صفحة 1 من اصل 1
بكرة بنمرق كلنا برة
بكرة بنمرق كلنا برة شعر:
********************
هاشم صديق
********
اتوكلت عليك
يا الله
بكرة بنمرق
كلنا بره
من كلِ مدينة
من كلِ حواري
من كُلْ حِلة .
بكره بنمرق
كُلْ خلق الله .
ما نخلى منافق
طار بالزانه
ما نخلى معولق
داسنا اذانا .
ما نخلى الباعو
النيل وهوانا
ما نخلى العقروا
لناقة صالح
وحشّوا وريدها
وبالجبخانة.
ما نخلى السووا
الدين تلجين
والعرقى مدوّر
عن عشمانه .
...........
اتوكلت عليك
يا الله
بكره بنمرق
كلنا بره
من كّلِ مدينة
من كل حواري
من كْلِ حِلة .
نقوقى نصفق
للحرية
غُبننا كاسر
ميه الميه
ندوس الكاتل
والف سريه
نقلع حقنا
بالزنديه
ناخد تارنا
وتبرد نارنا
********************
هاشم صديق
********
اتوكلت عليك
يا الله
بكرة بنمرق
كلنا بره
من كلِ مدينة
من كلِ حواري
من كُلْ حِلة .
بكره بنمرق
كُلْ خلق الله .
ما نخلى منافق
طار بالزانه
ما نخلى معولق
داسنا اذانا .
ما نخلى الباعو
النيل وهوانا
ما نخلى العقروا
لناقة صالح
وحشّوا وريدها
وبالجبخانة.
ما نخلى السووا
الدين تلجين
والعرقى مدوّر
عن عشمانه .
...........
اتوكلت عليك
يا الله
بكره بنمرق
كلنا بره
من كّلِ مدينة
من كل حواري
من كْلِ حِلة .
نقوقى نصفق
للحرية
غُبننا كاسر
ميه الميه
ندوس الكاتل
والف سريه
نقلع حقنا
بالزنديه
ناخد تارنا
وتبرد نارنا
محمود منصور محمد علي- مشرف المنتدى العام و مصحح لغوي
رد: بكرة بنمرق كلنا برة
بالليل ده ماشي وين بالليل ده ؟؟؟؟؟؟؟؟؟؟؟؟
الفاتح محمد التوم- مشرف المنتدى السياسى
رد: بكرة بنمرق كلنا برة
استاذ الفاتح
الشيخ ابومحمد
مشكورين على المرور والتعليق وخذو ردي على لسان الشاعر حسين شنقراي
تحياتي
الشيخ ابومحمد
مشكورين على المرور والتعليق وخذو ردي على لسان الشاعر حسين شنقراي
تحياتي
نمرق وين ياهاشم
كلمات: حسين شنقراي
+++++++++++++++++
نمرق وين ياهاشم
الشعب إتبوم
وأصبح كاضم
ما ظني يحاجج
أو حتي يناضم
مهما يطعن
فيهو الحاكم
وعهد الردة
الطوًل ظالم
يمرقوا وين ياهاشم
-------
حليل إكتوبر
والناس الماتوا
حليل القرشي
القدم للحرية
حياتو
مهما الشعب
إتعذب وزادت
مأساتوا
خوفاً مابلعن
حاكم سراً
في صلاتو
ما الليل الحالك
طالت سنواتو
ولازال العهد
الغاشم
ويمرقوا وين يا هاشم
-------
مهما تموتو
ومهما يجيكم
وكلما تولع ناراً
فيكم
خوفكم دايماً
طافيكم
من وين الحرية
تجيكم
قنعان من
خيراً فيكم
شوفوا فكي
يداويكم
شان ما تصبحوا
إنتو الشعب
الخادم
ويمرقوا وين ياهاشم
-------
الناس الحاسين
الوجعة
وضايقين هما
الفجعة
ديل القاعدين بره
وكايسين الرجعة
الديمة بولعوا
للحرية الشمعة
وزادهم أصبح
بكية ودمعة
وآلام في
الجوف الكاتم
ويمرقوا وين ياهاشم
كلمات: حسين شنقراي
+++++++++++++++++
نمرق وين ياهاشم
الشعب إتبوم
وأصبح كاضم
ما ظني يحاجج
أو حتي يناضم
مهما يطعن
فيهو الحاكم
وعهد الردة
الطوًل ظالم
يمرقوا وين ياهاشم
-------
حليل إكتوبر
والناس الماتوا
حليل القرشي
القدم للحرية
حياتو
مهما الشعب
إتعذب وزادت
مأساتوا
خوفاً مابلعن
حاكم سراً
في صلاتو
ما الليل الحالك
طالت سنواتو
ولازال العهد
الغاشم
ويمرقوا وين يا هاشم
-------
مهما تموتو
ومهما يجيكم
وكلما تولع ناراً
فيكم
خوفكم دايماً
طافيكم
من وين الحرية
تجيكم
قنعان من
خيراً فيكم
شوفوا فكي
يداويكم
شان ما تصبحوا
إنتو الشعب
الخادم
ويمرقوا وين ياهاشم
-------
الناس الحاسين
الوجعة
وضايقين هما
الفجعة
ديل القاعدين بره
وكايسين الرجعة
الديمة بولعوا
للحرية الشمعة
وزادهم أصبح
بكية ودمعة
وآلام في
الجوف الكاتم
ويمرقوا وين ياهاشم
محمود منصور محمد علي- مشرف المنتدى العام و مصحح لغوي
رد: بكرة بنمرق كلنا برة
كنا نعمل بفندق هوليدي العليا ...وفطورنا الساعة 7 ص ...والغداء : 1بظ والعشاء : 6 م ...المهم ونحن جالسين نتناول الغداء يجلس على التربيزه التي أمامي سوداني وسوري ( وعملهم بقسم الصالة الرياضية ) ويتحدثون في مجال عملهم وبحرقة ...والسوداني قال للسوري : يا خي إنتا لو ما عاوز تنضم معاهو أنا بنضم ليك معاهو !!!؟؟؟ والسوري ما كان فاهم أي حاجه لا قادر ياكل ولا قادري يوقف الأكل لأن اللغة كانت غريبه عليهو...وأنا ضحكت من جواي وإنفقعت ضحك ...
فيا جماعة صدقوني مافي زول بيقدر ينضم ... والجبان ربي عيالوا ...إلا اللهم الزعل السوداني العجيب البهرس كل شئ أمامه ...أو تحلكم حاجه كبيرة من جماعة أبو نوال وتخرجكم .... كما تخرج الشعرة من العجين ....
شكراً محمود ......
إحترامي ،،،
عثمان محمد يعقوب شاويش- مشرف منتدى شخصيات من ابى جبيهه
رد: بكرة بنمرق كلنا برة
اكتب هاشم
لوجع الشعب
وظلم الحاكم
لضياع الدين
وفسق العالم
المابخاف الله
يسرق عينك
ومابتحاكم
هو البيحاكم
و انت الفاسد
انت الظالم
بنمرق ونمرق
واكتب هاشم
===
أكتب هاشم
شنو البيحمينا
لا المبان
قدر يعمينا
لاكلب الامن
بقدر لينا
لا الرصاص
الكتل الطالب
دفنا شهيد
بي ايدينا
تارنا عزيز
وأكبر راس
مابكفينا
وكان قصرنا
ياتاريخ ما تعفينا
حلاص صممنا
ومابتراجع واحدا فينا
وما بخوفنا أفجر ظالم
وبمرق ونمرق
أكتب هاشم
====
أكتب هاشم
سطرك حرفك
خلي الدنيا
تهتف بينا
ويمه مهيرة
سوي غناك
وخلي العالم
كل العالم يسمع
ليينا
يسمع صوتك
ويشوفا سواتنا
وشن مانسوي
يمه مهيرة افرحي بينا
نشقو دربنا
تخلي السامع
والما شايف
يشهدلينا
شعب مسالم
وبرضو مصادم
بنمرق ونمرق
ويكتب هاشم
فيصل خليل حتيلة- مشرف إجتماعيات أبوجبيهة
رد: بكرة بنمرق كلنا برة
جماعة ابونوال مافيهم كلام ,,,,,,, إلاّ ناس آخره ســاااااكتعثمان محمد يعقوب شاويش كتب:
...أو تحلكم حاجه كبيرة من جماعة أبو نوال وتخرجكم .... كما تخرج الشعرة من العجين ....
شكراً محمود ......
انحنا منتظرين بله الغايب يا عمو عثمان ,, وعدنا بالكنز تحت سجن النسوان في ام درمان
غايتو جنس غايتو !!!!!!
الفاتح محمد التوم- مشرف المنتدى السياسى
رد: بكرة بنمرق كلنا برة
هههههههههههههههههههههههههههههههههها
غايتو جنس غايتو
شكرا عمو محمود و بالله كتر لينا من دى
تحايا
فيصل خليل حتيلة- مشرف إجتماعيات أبوجبيهة
رد: بكرة بنمرق كلنا برة
ألف حمداً لله على سلامتكم ياوريف .........
سعيدين والله ....
قبال محمود ,,,,,
خلينا ننتظر ,, بله الغايب
وعلى فكرة ياوريف !!!
بله الغائب من جنوب كردفان
ووالدته عركية من ابو حراز مدنى " بت الشيخ محمد ود يونس " ...
والده درس القران وتزوج في ابحراز...............
اخطفوا رجلكم مع ابوهريره .....خلوهو يشوف لينا دهب شيبون و أكســير جبل الداير
وبرام الدهب في "كرايه " ....... لعلّ وعسى
سعيدين والله ....
قبال محمود ,,,,,
خلينا ننتظر ,, بله الغايب
وعلى فكرة ياوريف !!!
بله الغائب من جنوب كردفان
ووالدته عركية من ابو حراز مدنى " بت الشيخ محمد ود يونس " ...
والده درس القران وتزوج في ابحراز...............
اخطفوا رجلكم مع ابوهريره .....خلوهو يشوف لينا دهب شيبون و أكســير جبل الداير
وبرام الدهب في "كرايه " ....... لعلّ وعسى
الفاتح محمد التوم- مشرف المنتدى السياسى
مواضيع مماثلة
» نتائج منطقية في تصفيات كأس العالم
» تعزية
» ولله كلنا حزن ...........
» افتخر بتقليدتي وارشفتي
» من روائع المتنبئ
» تعزية
» ولله كلنا حزن ...........
» افتخر بتقليدتي وارشفتي
» من روائع المتنبئ
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى