قصيدة جديدة بعنوان ظروف الغربة

لما تحكم فيك ظروفك
وتبقى وسط الغربة جايل
خلي قلبك ينسى حزنو
مافي غير الحب بدايل
اصلو دربك كلو وحشة
وانت فايت الزحمه قايل ؟
سيب ورود الشوق تفتح
تلقى حزن الدنيا زايل
لو تطول ايام فراقك
بكرة تجمعنا الاصايل
تحت ضل المنقة ترفل
في ثياب الحسن ماثل
ياحليل عينيك ...حلاتا
ضمختنا اريج رسايل
من عبابك كنا ننهل
كيف معين نبعك فضايل
نستريح في ظل رموشك
انت قايل ريدنا ساهل ؟
اصلو عشقنا ليك فارق
انت ما وطن القبايل
كيف نفوت ريدك نعدي
ونحن في ريدك اوايل ؟
تبقى فكرة بكرة احلى
لكل جميل عشقو الاصايل
19/1/2013
ام درمان

غربة طالت بيها كل الدنيا عرفت

شاذلى سلامات يا شاى الصباح

ظهورك جميل و غيابك كتير

تحايا