منصور علي محمد خير

اطل علينا قمر جديد وهو اخونا منصور
وهو من اسرة غنية عن التعريف وبطلته لتم شمل ابو جبيهة من ام درمان وبحري والخرطوم
فالف مرحبا بك في بيتك وبين اهلك وعشيرتك

أهلا بإبي جعفر منصور علي محمد خير خيار من خيار وكنت قد تمنيت اليوم فى منتدى آخر أن تشرفونا ، وكان لنا ما تمنينا وما أسرع أستجابتكم .. أنا سعيد بك جدا وتكتمل سعادتى بمعتصم وعبدالعزير والجد محمد خير و الخليفة المهدي ... سلامي للوالدة والأخوات وكل الأسرة وضاءت بك الدور والساحات. الشكر موصول للأخ عثمان محمد يعقوب ود الشاويش ناظر عموم المنتدى.

حللت أهلاً .. ووطئت سهلاً ..
ياهلا بك بين اخوانك وأخواتك ..
ان شاء الله تسمتع معــانا ..
وتفيد وتستفيد معانـا ..
وبانتظار مشاركاتـك وابداعاتـك ..
ســعداء بتـواجـدك معانا .. وحيـاك الله

مرحب (ابوعلي)
** العم ازهري لعلك نسيت المأمون علي محمد خير ؛ وسوف يكون هنا قريبا
ان شاء الله

عفوا أخي مامون .. لك التحية وبرضو خليفة عباسي.

مرحبا بالاخ منصور حللت اهلا ونزلت سهلا والبيت بيتك

يا عوض السيد منصور ده أحمر ومتعصب كمان.
ده النوع البلبس ولدو علي (3 سنوات) احمر طاقيه ولبسه كامله وعلم مريخي
6 امتار ويمشي( التمرين).
* محمد خير علي محمد خير عضوء فاعل في نادي المريخ وقد عزاه النادي بصفه
رسميه في وفاة عمنا علي له الرحمه .

اها الله اداك بقيتو 4

وأيضا عّزاه النادي فى الهزيمة الأخيرة 3/1.

اهلا وسهلا بالاخ منصور علي محمد خير وسلامي الكتير للاخوان واخص اخي محمد خير واتمني انضمامه للمنتدي

حبابو الف يا النقر مافى شك زادنا لكن انا ونويه ومرتضى ما بنقصر بس انشاء الله يكون قلبو حار وبيعرف يرد الصاع صاعين
لانو تعرف الجماعه اى فرصه لقوها ما فوتوها لينا عشان كدا انا الايام دى بالليل بعد الدوام بجهز مقالى واجى الصباح انزل على طول ولكن قبل تنزيل المقال برسل رساله لول نويه حتى يعلم ان المقال سينزل فى غضون ربع الساعه او يزيد قليلا
ستكون لى اتصالات ايضا مع دكتور مرتضى بس رقمو ما معاى ياريت ينزل رقمو حتى تتم استشارات الصفوه للاحتفال بهذه المناسبه التاريخيه التى لا ينبغى ان تمر مرور الكرام
الا ترى قلمى يشع نورا احمرا بهيا
................................................................................................ عشت

مرحب و الف مرحب بالعزيز منصور فبكم يزداد المنتدى وهجا و ألق.

انت أضافة حقيقية للمنتدى و للاخوة رواد منتدى جنوب العرضة و زى ما شايف الصهاينة

مبسوطين.

لك التحية و نتمنى لك وقتا ممتعا.

اهلا وسهلا بالاخ منصور علي محمد خير ومنور المنتدى والف مرحب وتحياتي وسلامي لمحمد خير ونأمل في انضمامه للمنتدى

مرحب بمنــــــصور وسط احبائه واهله وأخوانه ... والله نحن سعداء جدا بإنضمامك لأسرة المنتدي ... وتحياتي لجميع افراد اسرتك الكريمه المهذبه جداً دون فرز ... محبتي ....

عثمان ناظر عموم المنتدى ذكرتهم بالأمس فلبوا نداءك.

والله ياناس المنتدي أخجلتونا بتعاملكم الراقي جداً .... وشكراً لكم جميعاً ... وتسميتك لي يا ابو الزهور اضحكتني كثيراً .... وتحياتي لكم جميعاً ومجدداً مرحب بمنصور الغالي .... محبــــتي .....

مرحب منصور ومنصور دائما باذن الله تحياتى لك ولبقية افراد الاسرة الكريمة