موبوتو ولدنا

اقام نادى المريخ الرياضى حفل عشاء فاخر على شرف الكوتش كاربونى المدير الفنى الجديد لنادى المريخ . تحدث فى الحفل السيد جمال الوالى رئيس النادى مفندا السيره الذاتيه الحافله للمدرب مؤكد انه هذه المره مصمما على الصبر على هذا المدرب بالتحديد لما له من انجازات ملموسسه. واكد جمال الوالى انه اتفق مع الارباب صلاح ادريس بعدم تسجيل اى لاعب من المريخ فى الهلال او من الهلال فى المريخ حتى لا يؤثر ذلك فى مسيرة الناديين.
واكد رفض العرض الذى تلقاه مدافع المريخ الباشا من نادى النصر الليبى كما وافق على ذهاب المالى لاسانا فانى الى الدورى الاسبانى.
كاربونى المدير الفنى للمريخ لم يخفى تمسكه بمحترفنا النيجيرى ستيفن وارقو الذى هو الاخر تلقى عرضا من نادى بلد الوليد فى الدورى الاسبانى. مؤكدا انه لاعب فلته ولاينبغى التفريط فيه
واخيرا بشر السيد جمال الوالى الحااضرين من الصفوه بقرب اكتمال صفقة القاهر موبوتو لاعب مازيمبى الكنغولى....... انشاء الله الود حيكو ولدنا قريب وتانى ما بنعرف غير الخمسات.
................................................................................................. عشتم

المريخ نادي عريق وله جزور راسخة وقامة فارعة بغامة نخيل الشمال وصلابة ابنوس الجنوب
كما له مسيرة طويلة اظهر من خلالها بطولات عديدة ونادرة هذا ما لا يستطيع احد نكرانها
وكونه يتعاقد مع مدرب جديد هذه اول خطوة في الاتجاه الصحيح
لكن يا حبيبنا عوض السيد انا بقول ليكم ما تسجلو موبوتو احن تسجلو بلية وماردونا مع بعض وتعالو للازرق حرم نرقعكم بتلاتة
صبحان الله انجمة دي لونها اتغير فجأة للازرق

اشكرك حبيبى طارق على هذه الاعترافات الجميله التى هى اصلا يشهد لها التاريخ. نحن ما دايرين بيليه ومارادونا لانهم الاثنين من امريكا الجنوبيه ونحن اولاد العرضه الجنوبيه.
موبوتو دا نحن جايبينو لانو بعرف يدى خمسات . ونسيت اقول ان الصفقه لموبوتو وزميله فى مازيمبى لاعب الوسط بس لا يحضرنى اسمه الان والله بعد دا رصع تقيل انتو خليكم على امبيلى وسادومبا المواسير ديل.
شايف يا طارق كامبوسكم قال مؤمل على مباراة الرد ..... انت رايك شنو ولا احسن تنتظر الكاريكتير البجهز فيه ول نويه.
...................................................................................................... عشت

نسى الاخ عوض السيد ان يزكر ما تم الاتفاق عليه ايضا فى هذا الاحتماع.

حيث تقرر ان يشرف السيد جمال الوالى على ادارة دائرة الكرة بنفسه و هذه هى المرة الثانية فى تاريخ

الرياضة ان يتولى رئيس النادى هذا المنصب,فقبله تولى بيرليسكونى رئيس ايطاليا و رئيس نادى ميلان

ادارة الكرة بالنادى.هل ينجح الوالى مثلما فشل بيرليسكونى فى هذه الادارة؟

تحياتى

سلام عليكم اهلي الطيبين معليش اليوم اتاخرت عليكم فت البنك ؛ لكن اقول ليك كلام يا عوض السيد هو الجماعة دييييييل لسع مع صلاح ادريس ومآسيه احسن يشيفو ليهم حاجة تنفعهم غير الشغلة دي والله وصحبك ده راجيه ليك تاني بي شغل تغيل ؛ وشايف برضو وحدين فيهم بقي يكّسرو لينا التلج وكدة لكن ده كلو مابنفع الا احددا ليك معاهم لو ماقالو لي نحنا خلاص طلقنا اسامة واخوانو مابخليهم 0

السادة/ نوية --- عوض السيد ----- د.مرتضى.

مداخلاتنا معكم فى المنتديات الاخرى لا تعنى سوى استمرار التواصل و اثراء المنتدى بالمداخلات.

حربنا معكم على مستوى المنتدى الرياضى سوف لن تنتهى حتى لو رفعتم المنديل الابيض.

حربنا مع المريخاب جميعهم حرب لرد كرامتنا و ثأر لما قمتم به بعد هزيمتنا المزلة من الكنغولى ( مازيمبى )

عليكم الاستعداد جيدا و تجهيز كل اسلحتكم الدفاعية لان اسلحتكم الهجومية ضعيفة ( يعنى حتلعبوا مدافعين )

و اعلم تماما علل اسلحتكم الهجومية.

هذا بمثابة انزار و عليكم تجيز ملاعبكم و لاعبيكم.

و شكرا.

رئيس رئيس رابطة سيد البلد ( البرارى )

فيصل خليل محمد أحمد

هههههههههههههههههههههه وينو اسلحتكم انتو ؛ لو عندكم سلاح الجماعة يضربوكمو يدفنوكم جوة يبلدكم خمسة مرات؟
ده سلاح فشنق ساي كان ضرب مابوجع وماباذي

بينى وبينك يا ول نويه فيصل دا كان لقى فرصه بتمجد فينا عشان كدا شد الضراع جيب الكاريكتيرات الجهنميه الجابت ليك ود عمى كمبال طاير بنمره 5
بعدين الريس بتاع الصفوه رفع شعار لا للاخفاقات ... انتو بس امرقو من كترة بين القدامكم دى (كارثة الرد ) ونحن بعد يجى ولدنا موبوتو بس نشتغل رصع جوه البلد وبره البلد

http://pktncw.bay.livefilestore.com/y1pJ-n6vBotvBt2-fSTf4ccMtnHKHSl8k5iPIgl-1vFKCapBjAVhr7KuabJKBjH9BNi4vdvlzEfPmSCLfQ3-qQlwq8HvsDDUDSi/topicimg%20copy.jpg

اخوي محمد حرام عليك جدا بموهبتك دي وتكون مريخابي
يا زول ارجع لرشدك

الزول قاعد فى بيت المواهب ماخد راحتو بالكامل ....... انتو الباب مفتوح ليكم تجو تبقو صفوه وموهوبين زى ولدنا ول نويه. تعالو ساى ما تخجلو زى بيتكم يا طارق والله ما بنكلم زول
.

سلام اخوي عوض السيد ؛كنت ناوي لي صحبك ده تاني لكن عارف سيارتي عندها حمة شوية كدة وديتها للدكتور اداها الحين خمسة حباية بقت كويسة ؛ انت عارف صحبك داير يزوغ من الجماعة يجينا لكن خايف من كلام الناس الكبار والصحفين البتكلمو تحت تحت ديلك

انا وعدتو انى ما اكلم زول. هو بكون خايف منك انت تكب الشمار لناس فيصل لكن كان داير حليفه عديل احلف ليهو
قول ليهو نوم قفى وتعال ضيافتنا five stars for five days to five persons,but he should pray five times a day.
Thats all