يانجـم ساءلك الشـهادة ** كفاي عذاب روحـي طال جهادا

لسان حال ول نوية وعوض السيد
يانجـم ساءلك الشـهادة ** كفاي عذاب روحـي طال جهادا
يا ول كمبال أنا ما قل ليك الجماعة وقعوا يومداك في جكة ميتة ولآن بهدي لعيالي التتين ول نوية وول إبراهيم عوض السيد أغنية حن ياقمر لصالح عبد السيد (أبوصلاح) جد محمد بدوي أبوصلاح..وطبعاً الجماعة عايزين كتير حبوب ومراهم من العيادة وأخوي إبراهيم عوض السيد أبو عوض مابقصر في الناحية دي وطبعاً يا إحسان وفيصل خليل المعنى واضح .. وياجماعة مسئولين من الخير وين ود اختنا دكتور مرتضى يعالج لينا مرض الدرونات دا مع البسوى والمابسوى

حِـن ياقـمر اوفي لِي ميعادا ** مـنامي خاصـمتو ولَيَّ عـادى
*****
غـمـضة أجـفاني طال بُعادا ** وسـاح دمـعي البِقـالي عـادة
أرجـو مِـن شـوفتك الإعادة ** جـفاك شقا ونــظرتك سـعادة
*****
البـدور ناظـرة ليـك حسادى** ودون حُلي بتضـوي خِلقة سادة
الشـعر فـي القـديم مسـادة ** والـرديف باقي ليـك وسـادة
*****
حزت شـوقي الكِـتِـر ترادى ** وبالجـمـال حـازت انـفـرادا
تومـة الـبـدر قـلبـي رادا ** وامـري سلـمـتـو للارادة
*****
الشـعـور وافـر امـتـدادا ** مـع القِـديـم اتـصــل ودادا
السـهـام زايـد اشـتـدادا ** جـروحي هل تـدري بـي عِدادا
*****
الضـمـيـر الرنـع تهـادى ** نـظرْتو بـي عينـي زاد سهادا
يانجـم ساءلك الشـهادة ** كفاي عذاب روحـي طال جهادا
*****
ليك لحاظ مـاسكة في القيادة ** ولـي جروح مـاشّه في ازديادا
أرجوك ياصـاحب السـيادة ** قلـيل مـراهـم من العـيادة

وامـري سلـمـتـو للارادة...
الجماعة لازم اسلموا امرهم للارادة حسب رايَ الشخصي يا عمو فضل والغريبة المبارة الفاتت فرحوا شوية بالسته وهي حاصل ضرب 3 في اثنين!!!

ما تنسي أن أول بيت في الأغنية ..حن ياقمر .. يعني بالواصح حن ياهلال
وآخر بيت أرجوك يا صاحب السيادة وهو سيد البلد الهلال... عايزين مراهم منه

يا ول كمبال شايف لي صهيوني حايم في المنتدى وما عايز يتفاعل الله يكفينا شر المجموعة رقم سبعة في جدول موزلي ومندليف وعندي ليك لغز يا ول كمبال بعد أن أستعير حرف الكاف من كمبال وكان حليتو بنخلي سبت لبراتو يدي الجماعة ضربة جزاء ثالثة وهو : ك ك الميرغني

الححيبنا الفضل صباح الخير كاريكا جاهذ وانت افرحتنا حد الطرب بالشعر الجميل والجكة الميتة ما انشمت ريحتها بس الجماعة ناس كاركا فطروا بيها عديل والصهيوني الحائم ده الدرب رايح ليهو في الموية ومن زمان قلنا ليهم خلونا نلعب ليكم الشوت التاني الصهيوني قالي دي الشماتة يا ول كمبال وهسع خليناهم براهم عجاجهم وقف والدكتور مرتضي بقى مع في الاول بقى مازمبي ولمن اترصع في داره اعتزل الفن واصبح بيعالج جروح الصهاينه المتفتقة كل يوم والله الا كان يساعين بي ...........................ول عوض السيد عارف
مع حبي

حياكم الفضل وطارق.......... ما الذى يحدث للزعيم....... هل عين الفقيداب أم داعى الاصابات.
كل هذه الاسئله وغيرها مطروحه عليكم للرد

برضو دستوري نازل فى الخرطوم تلاتة ...

أيه حكاية التلاتات الحائمة فى البلد دي اليومين ديل ................ هات لي الخريطة يا أشرف.

اول صباح الخير عليكم اهلي الطيبين (حمر وزرق) اهلنا قالو العترة بتصلح المشي والمريخ السنة عتر لكن انشاء الله السنة الجاية تشوفو!!!!!!!!!!
وانتو الايام دي طبعاً اياكم تتكلمو زي مادايرين نسيتو خلاص مآسي مازمبي ما الدنيا اصلها كدة يوم تفرح ويوم تحزن

الزرق والحمر مش كلهم مسيرية؟

هههههههههههههههه كنتي ظريفة في التعليق علي فكرة بس ماتتضحكي في اللون انا مسيري أزرق ؛ امكن دي الحاجة الوحيدة اللاماني في اللون الازرق(tribe)

عشان كده انا كتبت التعليق وانت يا اخوي دمك ازررررررق مكابرة ساي حكاية الاحمر دي

يا ول كمبال ك ك هي كمين كسلا الراجيهم في المرغنية

هاي ول نوية... إتو خاف عترتكم دى ما بتقوموا منها ..السنه كلها إنتو عترانين .. الحكاية شنو ..

ضربتي جزاء للوصيف في مباراة الأمس في غضون دقيقتين في سابقة لم تحدث من قبل وتم تسجيل الفرق في الزمن بين الضربتين كرقم قياسي عالمي في إحتساب ضربات الجزاء ... أضاعوا الأولى وسجلوا الثانية !!!!!!!!

والله يا الحبيب الفضل انا زاتي خايف من الكمين ده والجماعة صبت فيهم ام برد مرة نحن مسيرية زرق ومرة ميرية حمر وانا لاميني فيكم الا الجنس ياول نوية تعال ساي انضمة على اهلك الزرق وما تنسى الجاب ليه مسيري يبلى بيه
حبيبنا ابو الزهور انا والله زاتي دستوري نزل في خرطوم تاتة

اهلي لقو ناس التعاون ماجايبين حقهم قالو احسن نشيف لينا شغلة غيرهم (غااااااااااااافية سااااااااااااااااي )انا داير اعرف مازمبي غافيتها شنو؟

شنت جماهير الجريح هجوما عنيفا على لاعب الجريح ريتشارد جاستن الذى اصبح ضحية

لكل أحباطات الجريح.تعرض اللاعب الخلوق ريتشارد للضرب المبرح من الجماهير بشكل همجى

الى ان تدخلت الشرطة لانغاذه.

هذا سلوك غير حضارى باعتبار ان ريتشارد لأعب سابق بالمنتخب الوطنى.

نسأل الله التخفيف.

نسال الله ان يلزم محمد نوية و عوض السيد و د. مرتضى الصبر.

تحياتى