رفضت الشكوي

رفضت الشكوي ؛ يبدو ان فارق النقاط سيزيد

هلال مريخ بعد العيد ... تاني 3

يا رب نشوف ناس جوالات القرض ديل

هووووووووى يا أولاد عبد الرازق والله أقوم عليكم الا تجيبو الخرطوش أبعشره حق أبوكم البطلعو لمن الهلال يتغلب.
النقر امبارح بعد ما كلمتنى مباشرة عملت ليك رساله ما مشت حاولت الاتصال يبدو أن الشبكه كانت طاشه على العموم هذا رقم جاويش وساتصل بك لاحقا:-
00966594085151

والله يا عوض السيد صلاح ادريس جنن المريخاب عديل كده اليومين دي
ما عارفين اتفق مع الزومه ولا الشغيل ولا الدافي ؛
لجنة تسجيلات المريخ دعت لاجتماع الساعة 12 مساء ! اممممك
ا مسك الخشب.

هو بالله باود المحلج اتو يوم صلاح ادريس سوي حاجة عدييل كدة ؛ ما اصلو شغلتو كدة بشتغل شغلة (ورا ورا) مالو مايجي بالباب عدييل ومعروف يااخوي الانتقالات دي موجودة في كل فريق لكن زولكم ده ماعندو منطق وحنكة ؛ انا الشي العارفو بعزف بالعود وبلحن غناء الحفلات (ناس لوكي القرضة واتفقنا والعربية ووحدات كدة مابقدر بقولا) وهو اصلو معروف دايماً بشيل فضلاتنا والله لو جاب ميسي وألفيس لن يعمل شي وسيظل الهلال هو الهلال يوم مدفون ويوم مكتول ويوم مفضوح

يعمل شنو اكتر من 3 الافريقية يا ول نويه ؟

ما دايرين منو اكتر من كده

قلت لي شنو يالنقر ما دايرين منو اكتر من شنو؟؟؟ـ

كنت صريح جداً اخي ود المحلج ؛كنت عاوز ارد لك بالامس لكن لضيق الوقت كان لابد ان أأجل الرد عليك ؛وانا بشكرك علي صراحتك اللامحدودة بمعني كلامك هذا انو الهلال ليس بمقدوره مقارعة الكبار ولا حتي مفكرين في الوصول للادوار النهائية يعني جبنا المحترفين دييل عشان بس نغلب المريخ وده الدايرنو ييمين يا اخوي لو السنة ماكان لقيتو المريخ في اسواء ايامه ندفنكم دفنة مازمبي والناس موش ياكلو جوالات قرض ياكلو (سويبة قرض) يا بت ابوي

شكرا يا محمد .
بس ما سمعت ولا قريت خبر بله والزومه ؟
انا غايتو الزومه ده ما دايرو لكن بله لعااااب .
امشي المشاهير شوف خبر اليوم.

نعم يا اخوي سيكون بلة ومن معه في كشوفات الهلال ؛لكن قل لي ما الفائدة منهم فهو جلب خيرة النجوم لم يفعلو له شي سوي الهذائم المشينة وفي مقبرته كما يسمونها وبلة سيذيد الطين بلة والقصد منه زعزعت الاستقرار في المريخ وهي عادة يستعملها الذين لايعرفون منطق كرة القدم وهذا مايقوم به صلاح ادريس عادةً سنري ماذا يفعل له بلة ان صدق هذا الخبر
مودتي

حبيبنا النقر صباح الخبر الارباب اليوم في القاهرة وبكرة حنلاقي الخرطوم امسية الجمعة لكن اخونا ابو تلاتة دبابير دة لسه الحمة طالعة لية فوق راسو وعمانا ابراهيم عوض السيد عندو صيدلية في البيت تلات حقنة تلات مرات في اليوم لمدة تلاتةايام الحمة بتروح
ولد ابوي بشرى انت رافع كم لافتة

عازمك يا طارق بروفة الخرطوم 3

دقيقة بس يا ول ابوي كمبال ماتطلع انا ماشي الصلاة وجاييك

أمشو يا رشاشات أنا خلاص ماشى البيت الليله الخميس نتلاقى السبت بوضبكم يا النقر وطارق أما ابو الشوش بتاع اليافطات التلاته خلو لى بعرف ليهو كويس.
أقعدو عافيه ليوم السبت

العزومة مقبولة يالنقر بس ناقصين اشرف بشرى وعمنا الفضل
يا حبيبنا عوض السيد: تفارق كيف تخلينا شوقنا وذكرى ماضينا كيف بعدك يكون الحال وكيف تصبح ليالينا
ول نوية غيب وتعال تلقانا نحن يا ما نحن

اذا عرف السبب بطل العجب (العجب سيدو)
تفككت مفاصل لاعبي الهلال مفصل مفصل ولم يعد بفرقو بين الكورة والشلوت ونسوا ان في الميدان حكم نزيه
اهم سبب الاتحاد الافريقي عين الاربعة حكام من اربعة دول يعني لحم راس
وقتها ادركت ان الهلال هالك لا محالة وحينضرب ضرب غرائب الابل وقد كان
خلاص يا ترباس
عارفين ترباس قال شنو يوم يوم خماسية مازمبي
قال مشيت اشرب موية خليت الهلال مغلوب اتنين ولمن جيت راجع لقيتو مغلوب بي خمسة ؛الله يجازي محنك يا ترباس
القون الاول قلنا خلاص
والتاني قلنا ده الاخير
والتالت قلنا مصيبة
والرابع قلنا ده فريق خطير
والخامس الهلال راح فطيس
قلنا عيب ونسكت ونخجل ذيهم بعد الهزيمة المذلة والفضيحة ام جلاجل
لكن اتذكرنا اللسان الطويل وزعزعت العازف بتاعكم ده للمريخ وكمان الذاد الطين بلة الاخبار الملفقة المتعودين عليها قالو لاعبي الهلال قبل مايجو للاستاد واثنا وجودهم في الفندق قدم لهم الجرسون عصير واحتمال العصير فيه منوم او مادة تكتل الحيل وقالو اكيد الجرسون ده مريخابي تصدقو ده كلام ناس عاقلين
كان جاهم بلاء من الله يقولو دييل ناس المريخ
ولو دخلت فيهم خمسة يقولو بسبب المريخ
ههههههههههاااااااااااي ماشفنا العجب والعجائب في معركة المقبرة دكاترة كبااااااااااار بقو ياتبعو التنس والكورة العالمية وقالو امرضونا ناس التعاون والعاصرهم علي ده شنو
وناس كبار طلقو الكورة كلها
ومحاسبين كبار لمن الحساب غلبهم من خماسية مازمبي الله يجازيك يامازمبي لمن دخلتة اخواني في حسابات معقدة مع الشركات والان بقولو مدعوكين بالشغل طبعاً ده كلو اخطاء محاسبية وهم الان في مضب صعب مع المراجعين الله يعينكم

لك التحية اخى محمد و لكن؟

طلبت منكم الكثر من مرة ان تخلوا بالكم من الوصيف نسبة لمروره بظروف غاية التعقيد و لكنكم

لم تستجيبوا للنداء. قف ( كما يحلو لطارق كمبال) نحن فى الهلال نطلب منكم للمرة الاخيرة ان

تنتبهوا الى الوصيف.

تحياتى

هههههااااااااااااااي الناي غلبهم البغولو اكتفو فقط بالوجوه الضاحكة (يعني كلامك صاح لا كين ماقادرين نعترف) شكراً علي الرد الجميل لكن الشي العارفو عنكم اصحاب اقلام ذهبية وكتابات رائعة وانا اشهد لكم بذلك لكن اليوم وضعتو استفهامات كتيرة في عقلي

لسان حال الشباب المريخاب بيقول: لا نوالي هذا الوالي شيلو معاك طوالي . انا حسبتهم قاصدين مولانا