أقلام مبدعه فى منتدانا

بسم الله الرحمن الرحيم
اخوتى أحباب ابوجبيهه

اقلام سطرت في هذا الصرح حروفها نظما جميلا وكانت عنوان لاصحابها

الكثير من المواضيع كتبت تجاذبت معنا في المشاركات ردودا وتفاعلا وكانت خير دليل

وعنوان لافراد من خلفها بترك بصمتها لشخصيتهم ، يجب ان نعطيها بعض من حقها ونسال الله ان يديمها منارة للفكر والعطاء وهم كثر بهذا المنتدى .... ولا اريد ان احصرهم .. فانسى احدهم ...

اقلاما رسمت بحروفها روعة الفكر وصفاء نفوسهم هـــم منارات في اتحافنا بروعة حروفهم وجمالها

اقلام تجبرك علي متابعة ماترسمه لانها عنوان للحكمة والرائ السديد مناقشة وطرحا

اقلام جعلت بصمتها واضحة كبذوغ الشمس في وضح النهار وحقيقة لم استطع حصر كل الاقلام الان

ولكني ساعود كل مرة لاكتب هنا عن اقلام مبدعة كان لها الحق علينا ان نسطر لها كلمة شكر وتقدير

لما تمنحنا اياه من عطائها وروعتها وفوق كل هذا وذاك صداقة واخاء اصحابها

لكم تحياتي وتسلموا يارائعون 0000

تسلم يا ابو الزهور واشكرك على المرور

فلنكن يداً واحدة وقلماً هادفا في خدمة امنا الحباك

نعم احسان هذا ما نصبو اليه ونسأل الله التوفيق والسداد وأشكرك على مرورك يا دكتوره

ومالك تنسى نفسك ايها المتواضع...... أنت فاكهة هذا المنتدى ياقميل(ياجميل)دى باللهجه المصريه عشان أولاد بمبه أولاد المعلم حسن شحاته أمبارح ناموا فرحانين

والله زعلة من اعماقي يا ول ابوي لمقاتلين الصحراء واولاد بمبة مرقو منها محظوظين انشاء الله ستكون نهايتم في القلعة الحمراء ؛ وشايفم ليك عملو الهيصة بتاعتم وجهزو طيارتين للاعملامين والفنانيين للتشجيع غايتو حظ السودانين فلوس وطرب ومتعة كرة

الواد الفلتة المتالق دائما عوض السيد ودائما مبادراتك نيرة وهادفة ....قمة الروعة وقمة الابداع
حضــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــور
تهانينا

تشكر أخى أمين على مرورك الجميلوأنت دائما تتحفنا بقفشاتك ومناوراتك التى لا تخلو من المرح......دمت أخى زخرا لهذا البيت الجامع

قالوا يا اخ محمد نوية مؤتمر المرأة 1994 بقيادة د.سمية ابوكشوة -الله يديها الصحة والعافية-واحد من اهلنا جاء سأل ...قل ليكو حاه الجودية في شنوه؟ قالوا ليه هي ما عندك مؤتمر المرأه دول!!فما كان من صاحبك الا ان رد بسرعة ...المرة زول دمَا يسوو ليها جوديه؟!!!!!ما تنسي اللهجه
الكلام جاب الكلام اني زول!!! دمَا تقول فارسة؟

لا يا اختي انتِ الله ماجاب يوم شُكِرك واهلنا البنصحم منو؟ وبقول ليهم مفهومكم ده خاطئ دييييييل يا اختي عندهم راي في حاجة

والله فارسه بدرجة فارس الله يديكى الصحه والعافيه

مقصرين للحباك
حقيقة ابن عمى ابراهيم عوض السيد..ماشاء الله انت كنار المنتدى المغرد ..فى كل دوحة ..بل فى كل فرع من المنتدى تعزف لحنا طروب اوخبرا سعيد اوطرفة تغتال حزن المهجريين..إن لم تكن هدهد سيدنا سليمان اذاغبت برهة اتيت لهم بدرة تثرى المنتدى....والله ياعوض فخر لى انت اخى الصغير..احبس دمعات اخاف عليها ان تسقط فى ارض سبخة يباب تضيع لانها غالية..وابو الزهور اعانك الله على المثابرة ..بين الاسرة والعمل وبين الاسرة الثانية المنتدى اقول واقول ماشاء الله انت الساس وانت الراس فانا مقصر حقيقة قياسا بإنتشاركم وخاصة الشباب ود المحلج وفيصل وحيدر وفضل ود.احسان وودنويه وود كمبال غريق وطارق ومداخلات عبدالرحمن وبقية العقد الفريد وكل الشباب يعذرونى اذا نسيت احد اما الشايب ابو عفان
هذا ماقلناه سابقا فى بوست شهادة انتم الزخر والدخر..والمستقبل ...الزاهر وابن عمى امين ..ابو دم خفيف..زى اولاد بومبه لما كنا طلبه ..يقولوا حبيتك ياسمارة ابودم خفيف..انت سمارة ياابودم خفيف..والفاتح المبدع والمقل ..اجد مقولة قديمة..بغاث الطير اكثرها فراخا وام الصقر مقلاه نذور..فاين الفاتح..

ما تنسي نفسك وحقيقة مقالاتك مميزة وهادفة وتصب في مصلحة الوطن الكبير وامنا الحباك
الله يزيد ويبارك

شكرا أيها الأحباب إننا حزمة واحدة لا تتكسر ونحن مجتمعون ونحن نكمل بعضنا ................. سلام عليكم

والله اخى ابو الزهور ردك بردا وسلام ..لم اجد رد للجميع اشمل من ردك..فاستعير منك..ردك ..كلمة الاحباب ..تنفذ الى القلوب ..المترعة بحب البلد..بين البطحة وخور الضكير ..كانت جزيرة الاحباب..ترقد هادئة..يشق لياليها الملاح افراح ..بالإجازات..الكل يفرح لفرحك..الكل يدير الافراح ..فى الملمات..وعند الشدائد..يواسوا الجراح..فنحن تسمحوا لى اقول حالة استثنائية..درة اسمها الحباك..اخوى امين ايه الجفا..ياخى قول لنا..اووووك..حبى للجميع بدون فرز..لله دركم

لك حبى واحترامى أخى الاكبر ابن عمى/عثمان موسى........والله بحق المنتدى رهيب والكل يستحق الاشاده وللأمانه كما قالت أختى احسان بلغه أخرى أنت مكسب كبير جدا لهذا المنتدى ولو عقدك انتهى بنسجلك فى المريخ

يا ريت قلم الاستاذ فيصل-باللهجة السعودية- يطلع علي السطح

اخى فيصل..الو هل تسمعنى؟؟..الو اخى فيصل هل تسمعنى؟؟ ربما الاتصال ردئ ..نعتذر .ههههههها ..

شكرا اخى عوض السيد على المداخلة ولم ترسل تحياتى لعمى وخالتى السلام امانة ؟؟..شكرا د.احسان ربنا يحفظك وبارك فيك..اما اخى ازهرى عزائى سنلتقى إنشاء الله فى العيد..ول نوية ..(كلكت) اخوك فيصل..وين اخوى محمد عيسى اخو اول دفعتنا ابراهيم..اكيد مدروش تقفيل ميزانية الزملاء المحاسبيين اعذروهم اليومين ديل خاصة اخونا ابو الزهور..والله ابو الزهور ردك واصلنا ..عندما تأتلق الارواح ولا تعرف للبعد محلا..فإن المنتدى بك احلى ليس إلا؟؟؟
صرت اخى فيصل مطلب شعبى..ليس على وزن الساقية حمد الريح!!ولكن على اوتار ودالامين..بعد غربة وشوق..ده ياجماعة اسلوب ابن عمى امين منقة ..استعرته لزوم الكشرة ..لانه خفيف الظل من كان طالبا ..ياحليلك ياامين..ولله دركم جميعا

شكراً اخي عثمان علي هذه الرزنامة الجميلة ونسال ربنا ان يجمعنا بكم حتي نعرف الكثير منكم انشاء ارتب لو الظروف امكنتني اصلكم في العيد مع عمي ازهري
مودتي

لله درك يا ابو عفان .............مشــــــــــــــــــــــــــــكـــــــــــــــــــــــــــــــــــــــــور
ودايما كبسولاتك شافية ووافية

ول نوية هوووووووووووووووووى قلنا ليك اهقل وبطل الشلاقة والحوامة انت رابط ليك سير مرفعين فى كرعينك ديل ولا شنو؟ وسوف لن نفرط فى شماراتك ابدا ابدا بعد اليوم.........
انتهى يا فردة
بصورة للكفيل