أكرم يعترف بأنه السبب فى هزيمة المريخ.....منقول من صحيفة المشاهير الرياضيه

اكد حارس مرمى المريخ اكرم الهادي سليم أنه كان من الأسباب التي ادت لخسارة فريقه لكأس السودان وقال اكرم في تصريحات صحفية أنه يعتذر بشدة لجماهير المريخ على ضياع كأس السودان مشيراً الى أن المريخ لم يكن في يومه وذكر أنه يتحمل جزء كبير من الهزيمة التي مني بها فريقه في المباراة ووعد اكرم جماهير المريخ بتقديم موسم مميز في قادم المشاركات مع المريخ.

نعم اعتزر اكرم ومثله مثل اي بشر يخطاْ نتمني ان لا يكرر هذه البادرة في مثل هذه المباريات
شكراً يا مريخي اصيل

عليك الله يا ول نويه أهبش عمك الفضل بكاريكاتير من النوع أبو كديس.....ما تخلى اى مساحه للهجوم يعنى لازم يكون الوسط مليان وبعد داك أخوك بختّم ليهو عشان نخدّرو ليك لغاية بداية الموسم الجديد......هو بينى وبينك ما بنقدر لكن نحن ما بنقصر معاهو

لسه مشطوب الهلال دا ماتبتوا منو .... زامن أهلنا قالو أكل البايتة مرض ...وقالو البايته بتأذيك وود الحرام بسويها فيك... لو دا حارس مرماكم السنة الجاية أبصم ليك بالعشرة من دور ال16 إنتو برة ..يعني دوري المجموعات في المشمش ...قال أيه قال أكرم يعتذر علي اليمين ناس ( الكفوة) كان كان لقوه في اليوم داك إلا تسمع واي يا با كفاي.. وتسمع جاك وتسمع جيك وتسمع شوووووووو صواريخ سادومبا عابرة قارات ... قال حيرقص قال مع الكاس .. يمكن قايلو الكاس البملا الراس . يا جماعة أخبار مجاهد وريتشارد وأخونا طمبل كنبة

المشاطيب ما برانا شايف برضو اهل الفقيد جارين وراء ايداهور.
وأكل البايته علمتونا ليهو من زمن عبدو الشيخ.....والموسم الجاى بالحسابات كدا حقنا بره وجوه لأن العجايز الفاتو التلاتينات ديل خلاص ما عادش منهم فايده ونحن وليداتنا صغار وعندهم خبره وبعدين فى الوقت المناسب بذكرك الكلام دا يا ابو مصطفى

يا اخوي ماتتعب روحك سااااااااااااي عمي ده معاهو حق دفنة مازمبي دي ملازم يعملو ليها زي ده

يا عم فضل فاقد الشئ لا يعطيه والظاهر الاخوان نوية وابو السيد ديل ممغوصين من يوم المباراة ما تجاريهم ساي تعمل ليك ضغط ساي بس قول ليهم جايبين ليكم واحد اسمو (تشافيز). ما تخافو ما رئيس فنزويلا لا لا لا دا لاعب برازيلي من العيار الثقيل من طراز روماريو ورونالدينهو والله وسبق وتم التفاوض معه من طرف نادي ميلانو الايطالي .
اما بخصوص اكرم قول ليهم السنة الجاية ح يسجلوه في روتانا سينما مع ناس نانسي عجرم عشان يساعدها في رقصة (العشرة بلدي).
والما بتلحقو جدعو

يا محمد عبد الله هوووووووى امشى شوف مازيمبى الخمسكم وشوه سمعتكم.
انت جيب تشافيز ونحن بنجيب موبوتو(موبوتو دا بتعرفو ولا أخلى محمد نويه يعرفك عليهو)