ثورة المهمشين.......... منقول

ثورة المهمشين!
* ماذا يحدث في الهلال؟
* التوتر سيد الموقف.. والاستقالات على قفا من يشيل!
* أي زول تهبشوا في الهلال.. تلقاهو استقال!
* الطاش استقال مع عماد، تلاهما الشاذلي.. وسبقهما قسم خامس وياسر سادس وخالد وهاشم الترمذي!
* نص المجلس استقال والصفحة الأخيرة للجريدة متحكر فيها ياسر فضل المولى براهو.. زي مسمار كليتشي!
* معسكر نيالا زاتو استقال!
* وكامبوس كمان قال ما شغال!
* رفض الحضور وأرسل وكيل أعماله من البرازيل وربط عودته بسداد المتأخرات!
* البرازيلي قال: يا الكنجال.. يا الهلال!
* دي لو حصلت حا تكون أول استقالة بالتلفون.. زي إقرار يوسف كده بالضبط!
* آخر خبر: الهلال (يستقيل) من المشاركة في دورة بني ياس!
* الحصة عند الأهلة فلس شديد.. واستقالات بالجملة!
* ثورة المهمشين التي يتحدث عنها باقان وياسر عرمان اندلعت في العرضة شمال!
* قال صديقي الشاذلي: سنقود المعارضة.. ولن نقبل التهميش!
* أبداً لحكم الفرد لا.. تحيا الديمقراطية كم.. نفديك يا مستقبلا!
* ومكان الفرد تتقدم قيادتنا الجماعية!
* الشاذلي مع الأرباب.. بقى زي شيخ حسن مع المؤتمر الوطني!
* من جانبهما احتج الطاش والعمدة على عدم عدالة قسمة السلطة.. وأعلنا (الانفصال) من جانب واحد!
* أما ولدنا برجاس فقد وقف موقفاً موازياً للطيب مصطفى.. وبات من أنصار الانفصال الطوعي!
* التيجاني أبوسن المتهم برش النجيل يوم رشة مازيمبي متردد ما بين الاستقالة والاحتفاظ بالمنصب!
* الأعضاء المهمشون (رشوا اعتبارهم) احتجاجاً على طغيان الفردية.. وطالبوا بالعودة إلى المؤسسية!
* يعني من هنا ولي قدام.. أي زول عايز يرش الملعب لازم يحصل على قرار من المجلس!
* ولو في زول داير يجيب عصير فييرا لازم بي تصديق!
* حتى الاستعانة بحمامات صديقي أبكر أبو الكدايس تتطلب قراراً من المجلس!
* حمام يطير داخل المقبرة بقرار فردي تاني مافي!
* نهي (لفة راس) بدون مؤسسية يا فييرا!
* حتى خمسات المقبرة لابد أن تأتي بالتصويت!
* والاستعانة بالأنطون تتم بقرار جماعي.. زول يجيب أنطون بي مهارات فردية مافي!
* وقروش الأنطون كمان لازم تندفع بقرار من المجلس!
* وأمين الخزينة لازم يوقع على الشيكات (الراجعة) شخصياً!
* على ذمة الشاذلي قائد ثورة المهمشين: أخبار النادي تأتينا من عامل المعدات بُوكو.. ولا يستطيع أي عضو في المجلس أن يقول كلاماً مخالفاً للأرباب.. إذا قال الأرباب لون المنضدة الأسود أبيض يقول الأعضاء أبيض!
* مافيها حاجة يا شاذلي.. الناس ديل (مبيّضين) النية مع الريّس!
* والنية زاملة الطربيزة.. أقصد زاملة هيثم.. أقصد زاملة سيدا!
* أكد الشاذلي أن أمين الخزينة لم يسبق له أن وقع على أي شيك ولا يعرف أين تذهب أموال الهلال.. ومدير الإستاد خلف الله هو الذي يتسلم نصيب الهلال في المباريات من الإتحاد!
* وقال: بعض صحافيي الهلال رفضوا حضور المؤتمر الصحافي خوفاً من التشفير!
* الشاذلي جاب سيرة شيكات الزاكي.. ويقال إن الزاكي نفسه يرغب في الاستقالة من فطور الجمعة!
* الأنباء الواردة من المقبرة تشير إلى ارتفاع درجة التوتر وتراجع مستوى المؤسسية وتفشي الاستقالات!
* ياستر أستر.. الهلال مالو متوتر؟
* نتوقع من الكاف المبادرة بإرسال قوات هجين لحفظ الأمن في ربوع العرضة شمال!
* ونخشى أن يصل الأمر درجة زرع العبوات الناسفة وتفجير الأحزمة المتفجرة داخل المقبرة!
* ربنا يستر من مخاطر التدويل!
* إذا استمرت حملة التصعيد.. فلا مناص من اللجوء إلى (اليوناميد)!
آخر الحقائق
* في ديار الزعيم الجو ربيعي.. والطقس مستقر.
* اكتملت التسجيلات.. بدون استقالات.. والكاش وافر بحمد الله.
* اكتشف المريخاب النفط وخصبوا اليورانيوم وأرسلوا فريقهم إلى نيروبي.. وشارف بناء حوض السباحة على الاكتمال.
* وحملت الأنباء اعتزام الزعيم بناء مستشفى خاص للعلاج الطبيعي وإصابات الملاعب داخل فناء النادي.
* أمس فتح الزميل رضا مصطفى الشيخ ملف الاستثناء اللقيط عبر برنامج الرياضة اليومي بمهنية عالية.
* من الطبيعي أن يتهرب أعضاء لجنة التسجيلات من الحديث عن الموضوع.. لأنهم لا يملكون ما يقولونه!
* الاستثناء اللقيط غير موجود أصلاً!
* كل مافي الأمر أن الهلال تقدم بطلب لتسجيل لاعبيه أمادو وبركية تحت السن ليتمكن من تصعيد منير والنعيم.. وتكفل سكرتير الاتحاد ورئيس لجنة التسجيلات بالموافقة باستثناء خصوصي!
* سُكتم بُكتم.. لا من شاف ولا من دري!
* عندما علم المريخ بامر الاستثناء ضغط على الاتحاد فسمح له بضم وارغو في السنية وإعادة الشغيل.
* التحية لسكرتير اتحاد بورتسودان الأستاذ محمد إبراهيم حميدة.. لأنه تحدث بشجاعة وصدع بالحقيقة المرة.
* هناك منشور واحد للتسجيلات أصدره الاتحاد بتوقيع مجدي بتاريخ 9/12 ونص فيه على أن العمر المحدد للاعبي السنية 1/1/1991 فما فوق!
* أي قرار يخالف ما صدر في المنشور المذكور غير شرعي ولا يُعتد به.
* تجاوزات لجنة التسجيلات ليست جديدة.. الغريب حقاً ألا تتجاز القانون.
* في يونيو سمحت للهلال بإعارة لاعبين أجنبيين لناديين وهميين.. وتكفل رئيس الاتحاد وسكرتيره بإزالة آثار الفضيحة لمجرد أن الصدى أثارتها!
* ثم قبلت اللجنة تقريراً مكندشاَ سمحت به للهلال بتجاوز سقف الشطب والتخلص من زرياب بدعوى أنه تعرض لإصابة تحرمه من العودة إلى الملاعب.. وتكفلت لجنة شئون اللاعبين بإلغاء القرار غير الشرعي.
* كما سمحت لجنة التسجيلات للهلال بتجاوز سقف التسجيل أيضاً!
* مجلس إدارة الاتحاد مطالب بمحاسبة من تورطوا في إصدار الاستثناء اللقيط وإقصائهم من اللجنة نهائياً.
* معتصم على الخط.. بعد أن أصبح شداد مثل ملكة بريطانيا.. يملك ولا يحكم!
* الدكتور.. ورث الدكتاتور!
* نترقب ما ستؤول إليه ثورة المهمشين ضد حكم الإقطاع في العرضة شمال.
* استقالة الثلاثي.. زلزال هاييتي!
* الشاذلي الذي أعرفه منذ التسعينات يمتلك ما يكفي من الشجاعة للجهر برأيه في كل الظروف.
* لو الطربيزة سوداء.. يقول سوداء!
* أولى ثمرات ثورة المهمشين انعقاد اجتماع للمجلس بعد بيات شتوي طويل!
* تحيا المؤسسية.. والسندكالية الهلالية!
* نخشى أن يتطور الأمر إلى درجة حمل السلاح لمقاومة سيطرة المركز على الأطراف!
* حكومة كافوري في خطر داهم!
* معظم كُتاب صحيفة الهلال استقالوا!
* يا إبراهيم عوض إنت مش حا تنتشروا معاهم؟
* ختاماً نتساءل عن موديل العربة التي نقلت مجدي إلى يوسف محمد.. في أنغولا!
* العربية سبب الأذية!
* تقوم بينا.. تودينا للسادة!!

الود داير يلمها كفر ووتر لكن الشاذلى قال ليهو ما علينا نحن يا أرباب.
اخر الأخبار كامبوس برضو شارط جيتو بارسال مبلغ 500ألف دولار ولا ما يجى.
انت تدى منو وتخلى منو يا أرباب الهنا.
والله جنس ديون..... من سويسرا الى ريو دى جانيرو

هوي يا شباب يا مريخاب انتو بتقولوا في شنو والله يا هو المسل زاته الفيك بدر بيه قبال ما يعايروك بيهو
نحن خدورنا لسع ما انبشق فيكم

خدوره امبشق قرّب يقول(تسليييييييييم).
نحنا والله (ختيرين ختاره)

ياعوض السيد وول نوية
ياجماعة:
(ارحموا عزيز قوم ذل)
اسع البوست دا الليلة غير الصفوة ومداخلة صغيره من ود كمبال تانى فيهو زول...الناس ديل كان دقو الدلجة مرة واحدة تانى (نكاوى) منو...ماشيفين خدورهم ذاتو خلا (البشك)..معناتعا بطنهم طامة..عشان كدة شوفو ليهم ليمونة وعطرونة سيبو زيادة الوجع عليهم... لامنى يفرفرو شوية تانى قوموا عليهم

قال الخدور (ينبشك) قال.. والله تانى كان (انكشح) عديل مايسوى لينا حاجة.

اولا حمدا لله على سلامتك يا دكتور وجيتن جيت
نحن ما استسلمنا وانتو بتعرفوا استراحة المحارب ويلا هاك من الاخر

اخشى على لاعبي الاحمر من نفسيات

زي لعنة وارغو يديها الدافي كمان جرعات

وترجعوا زي اول مغلوبين بالسبعات

وتطلعوا من المولد زي الفات

يجي سادومبا في رمشة عين يديكم بمبة ينسف مليارات

ويجي امبيلي تقول يا احمر ويلي من ستة متواليات

ياحمر لا تحزن لو كنت مهمش او راحات

لوكنت معلب او طازج نكهات

لو سيارتك كرت او مدمن ركشات

كان سلطتك سادة ام بفول حاجات

لو ماكل نيم او ايامك سالكات

لو في فندقة ناجح في فتة وشايل مادة سلطات

لو مفطوم بالدوم ولا عيشتك بوظة وكت كات
لو حظك كج واقف تج او ماشة معاك طوالي زي الوالي ليك نفحات

لو شبتك طاشة او ابراجك عاتيات

لو خالط موية مع البنزين ام سالم مكنات

لو خائف من ضغط او سكر شجع ازرق وانسى الفات
يحيا الموز ابو نقطة المختوم باحلى بصمات

غريبة الدنيا يوم تديك شلوت ويوم تديك ضحكات

عليك الله يا ود ابو الجنيد طقع ولا ما طقع