نغمة هلالنا صعب كاساتو دهب
5 مشترك
صفحة 1 من اصل 1
نغمة هلالنا صعب كاساتو دهب
هذه نغمة جميلة واهزوجه حلوة صدح بها جمهور الهلال العظيم في منتصف السبعينات ..جعفر النميري كان مريخابياً وكان يحلم في يوم من الأيام أن يكون رئيساً للمريخ فمعظم رؤساء المريخ من الجيش ابتداءً من أبوالعايلة وانتهاءً بفيصل محمد عبدالله( بالمناسبة كان في حامية أبوجبيهة عام 1966 خلفاً للمرحوم الملازم أول عمر المأمون بحيري ولكن جعفر النميري في غفلة من الزمان وجد نفسه رئيس السودان ولم ينسَ حلمه الأول فأنشأ كاس سماه كاس الدهب فقط بين الهلال والمريخ يلعب في أعياد مايو وكان أول كاس صيغ بمبلغ ستون ألف دولار وكان المريخ في اوجه والهلال به انقسام لعيبة في تلك الأيام وأقيمت يوم 25 مايو 1975 ودخلها على ما أذكر بشرى إدريس واشرف ابنه وكنت أنا في المحيريبا حيث تعاقبت معهم وبستف عزالدين الدحيش دفاع المريخ بهدفين نظيفين زي السم وخرج جعفر النميري غاضباً لأنه وضع أن هذا الكأس الذي يفوز به يمتلكه للبد لأنه كان يضمن أن المريخ سوف يفوز به ولكن عزالدين الدحيش قلب الطاولة في وجهه وفاز الهلال 2 صفر وفي نفس العام 1975 دفع اكثر من 100 الف لصياغة كأس دهب جديد حتى يفوز به المريخ وأقيمت المباراة في شهر تسعة بالرغم من أن عيد مايو انتهى ولكن محبة في فوز المريخ به أستحدثه وكانت المباراة تلفظ أنفاسها الأخيرة والمريخ متقدم واحد صفر وجمهور الهلال خرج من الملعب في آخر حمسة دقايق ولكن كان للرمح الملتهب علي قاقارين رأي آخر وحماهير المريخ في النادي ذبحت الذبائح فأطلق علي صاروخه في الدقيقة 44 ليقتل حلم الوصيفاب ووقف لعيبة الهلال كالأسود للزمن الإضافي ولكن المريخ رفض الزمن الإضافي وبعد مناقشات في وجود نميري وزين العابدين محمد أحمد عبدالقادر وطبعاً والده مريخابي كبير ووجد مبرراً لتأجيل المباراة لميعاد آخر عشان يستفيدوا من الدخل للسيول التي اجتاحت شرق السودان وأعيدت المباراة في أكتوبر 1976 للمرة الثانية عزالدين الدحيش وقاقارين نسفوا المريخ بهدفين
وفازوا بالكاس الثاني وخرج النميري غضبان اسِفا وبعدها بشهور أقيمت مباراة ودية فدخل الهلال يتقدمه علي قاقارين فقام الملعب على أربعاته في وقفة لم يقفها لنميري نفسه وكانت جماهير الهلال تردد أبوكم مين .. يقولوا قاقارين وفاز الهلال في اشهر مباراة أثرت على الكرة السودانية إلى هذا اليوم وفاز الهلال بهدف وحيد للدكتور علي قاقارين ومد حكم المباراة المباراة إلى 63 دقيقة حتى يعادل المريخ ولكن انتهت واحد صفر فوضح حقد النميري على الهلال وتم بالراديو والتلفزيون إلغاء نتيجة المباراة وأن النميري عنده قرار سوف يعلنه في اللقاء الشهري وفيه ألغى حعفر النميري الكورة بالسودان وكان يردد لا هلال ولا مريخ لا هلال ولا موردة لا هلال ولا تحرير انظر كم هلال .. وكان أسوا قرار في تاريخ الرياضة حيث استنكر جعفر النميري كيف لا تقوم الجماهير وتهتف له بينما ضج الملعب حينما دخل علي قاقارين ...
وفازوا بالكاس الثاني وخرج النميري غضبان اسِفا وبعدها بشهور أقيمت مباراة ودية فدخل الهلال يتقدمه علي قاقارين فقام الملعب على أربعاته في وقفة لم يقفها لنميري نفسه وكانت جماهير الهلال تردد أبوكم مين .. يقولوا قاقارين وفاز الهلال في اشهر مباراة أثرت على الكرة السودانية إلى هذا اليوم وفاز الهلال بهدف وحيد للدكتور علي قاقارين ومد حكم المباراة المباراة إلى 63 دقيقة حتى يعادل المريخ ولكن انتهت واحد صفر فوضح حقد النميري على الهلال وتم بالراديو والتلفزيون إلغاء نتيجة المباراة وأن النميري عنده قرار سوف يعلنه في اللقاء الشهري وفيه ألغى حعفر النميري الكورة بالسودان وكان يردد لا هلال ولا مريخ لا هلال ولا موردة لا هلال ولا تحرير انظر كم هلال .. وكان أسوا قرار في تاريخ الرياضة حيث استنكر جعفر النميري كيف لا تقوم الجماهير وتهتف له بينما ضج الملعب حينما دخل علي قاقارين ...
خدورة أم بشق- مشرف منتدى الشعر
رد: نغمة هلالنا صعب كاساتو دهب
يا ابو مصطفى مساء الخير
التحية لسيد الدحيش وقاقرين
هاؤلاء اصابو ابو عاج في مقتل
نشكرهم قاهرين الاهوال
وهذا هو سلوك الوصيفاب على مر التاريخ ومن عليا القوم
الرؤساء في العالم بخططوا لامتلاك القوة النووية لاكن ؤئيس الوصيفاب بخطط لفوز المريخ على الهلال
وحكامته تغني الف نعم للقائد الملهم
التحية لسيد الدحيش وقاقرين
هاؤلاء اصابو ابو عاج في مقتل
نشكرهم قاهرين الاهوال
وهذا هو سلوك الوصيفاب على مر التاريخ ومن عليا القوم
الرؤساء في العالم بخططوا لامتلاك القوة النووية لاكن ؤئيس الوصيفاب بخطط لفوز المريخ على الهلال
وحكامته تغني الف نعم للقائد الملهم
طارق كمبال- مشرف إجتماعيات أبوجبيهة
رد: نغمة هلالنا صعب كاساتو دهب
مات نميرى وتلاشت ثورة مايو وانتم ما زلتم تبكون على الأطلال.
يعنى لما غلبكم الكلام وهزمكم السجال جيتو ترجعو بينا للسبعينات.
بصراحه لن تستطيعو مجاراتنا من انجازات وفنيات و(كشكوش)
يعنى لما غلبكم الكلام وهزمكم السجال جيتو ترجعو بينا للسبعينات.
بصراحه لن تستطيعو مجاراتنا من انجازات وفنيات و(كشكوش)
عوض السيد ابراهيم- مشرف المنتدى العام
رد: نغمة هلالنا صعب كاساتو دهب
صباح الخير اهلنا الطيبين -بحمد الله عدنا ليكم وربنا يشفي الجميع انشاء الله من داء
ياعوض السيد طبعا عارف اخوك جاي خرمان ليكم عشان كدة بس حمي لينا الدارة وخلينا نحوس شوية كدة في المنتدي ونجي نشوف كلام اهلنا ده(بقو ينكتو كلام من زمن نميري هو زاتو وينو الله يرحمو)
دمتم
ياعوض السيد طبعا عارف اخوك جاي خرمان ليكم عشان كدة بس حمي لينا الدارة وخلينا نحوس شوية كدة في المنتدي ونجي نشوف كلام اهلنا ده(بقو ينكتو كلام من زمن نميري هو زاتو وينو الله يرحمو)
دمتم
محمد قادم نوية- مشرف منتدى الصوتيات
رد: نغمة هلالنا صعب كاساتو دهب
يا اخوى الناس ديل اتورطو معانا ورطه شديده وغلبهم اليسوو
عوض السيد ابراهيم- مشرف المنتدى العام
رد: نغمة هلالنا صعب كاساتو دهب
ماانتو بتتكلموا في الماضي والهلال في ظرف سبع سنين أخد منكم ست بطولات دوري والسنة دي أخد منكم بطولتين وما مسك طياشة المجموعتين.
إنتو أبقوا واضحين يا نتكلم عن الماضي ككل فهو تاريخ أو تسكتو عن الماضي وحاضركم أسود مع الهلال حيث أصبحتم ملطشته بجدارة ينافسكم فيها إلا فريق الشمال.
إنتو أبقوا واضحين يا نتكلم عن الماضي ككل فهو تاريخ أو تسكتو عن الماضي وحاضركم أسود مع الهلال حيث أصبحتم ملطشته بجدارة ينافسكم فيها إلا فريق الشمال.
خدورة أم بشق- مشرف منتدى الشعر
رد: نغمة هلالنا صعب كاساتو دهب
يااخوي لو عاوزين يعرفوا الهلال وعظمة لاعبين الهلال العظام الدحيش وقاقرين انصحهم بمشاهدة برنامج اسماء في حايتنا ولحلقتين متتاليتين يستضيف البرنامج الدكتور السفير الكابتن علي قاقرين تكلم عن الهلال وعن المنتخب القومي في تلك الفترة وعن الانضباط والكورة واشياء كثيرة وكانت حلقات رائعة هؤلاء هم لاعبين الهلال في تلك الفترة دكاترة ومهندسين وسفراء
حيدر خليل- نشط مميز
رد: نغمة هلالنا صعب كاساتو دهب
ايوة دايرين نتكلم عن كل شئ -وكدة اي واحد فينا يبداء بي تاريخو هو بالله وينو التاريخ -قال تاريخ قال مخير الله محلي قال تاريخ
محمد قادم نوية- مشرف منتدى الصوتيات
رد: نغمة هلالنا صعب كاساتو دهب
اقرأ ما كتبته أنا يا محمد نوية
اللهم إلا إذا رأيت أن فوز المريخ بكأس الكونفدرالية(كأس الترضية) أعظم من كأس أمم أفريقيا الذي كان للعيبة الهلال فيه القدح المعلا وكذلك وصول المنتخب السوداني لنهائيات أولمبياد ميونيخ أقل من فوز المريخ بكأس دبي الذي تكون من مجموعة رباعية وكاس لا يسوى حتى المجوعة الرباعيةالتي كان فيها المريخ في كأس ابطال الدوري الأفريقي والدليل أن المريخ فاز بكأس الأولى وأتى طيش المجموعة الأفريقية .. غقرأ ما يكتب حتى تعرف التاريخ لأننا سوف لا نقرأ مانكتبه فيكفي أن نكتب.
لقد قلت لك عن الدورة العربية والتي سمي كاسهاباسم فلسطين ولعب فيها السودان بفريق الهلال الذي هزم اليمن 9 صفر وهزم قطر 11 صفر وهزم سوريا 2-1 وهزم فلسطين 2-1 وتعادل مع مصر في النهائي لمة 120 دقيقة وأجريت عليه القرعة في حضور الزعيم جمال عبدالناصر وفازت به مصر وكان يمكن أن تقتسم جائزته وخرج جكسا كهداف للدورة.. ولم اتكلم لك عن جولة السودان في شرق أوربا والتي ابهر فيها سبت دودو وجكسا العالم الأوربي وارجع لكتاب جكسا والأهداف الذهبية كمرجع وشوف الصورة التي تزين الغلاف والتي قام بها جكسا في تصفيات أولمبياد طوكيو وكانت يوم الجمعة 17 أبريل 1964 .
اقرأ يا محمد نوية ومنير وعوض السيد ما أكتب اللهم إلا إذا كنتم بمنطقكم هذا تريدون شطب تاريخ السودان وكتابة التاريخ بعيون المريخ وإذا شطبتوا تاريخ السودان فضمناً شطبتم تاريخ المريخ قبل شطب تاريخ السودان .. لم يقل لك أحد لا تكتب ولم يقل لك أحد لا تعلق ولكن حينما يخرج التعليق عن طور الموضوعية سيصبح الكلام ثرثرة دون هدف ودون إقرار بالحقائق وحينها سنتوقف عن الغلاط وعن الكتابة ونقرأ ماتكتبون.
اللهم إلا إذا رأيت أن فوز المريخ بكأس الكونفدرالية(كأس الترضية) أعظم من كأس أمم أفريقيا الذي كان للعيبة الهلال فيه القدح المعلا وكذلك وصول المنتخب السوداني لنهائيات أولمبياد ميونيخ أقل من فوز المريخ بكأس دبي الذي تكون من مجموعة رباعية وكاس لا يسوى حتى المجوعة الرباعيةالتي كان فيها المريخ في كأس ابطال الدوري الأفريقي والدليل أن المريخ فاز بكأس الأولى وأتى طيش المجموعة الأفريقية .. غقرأ ما يكتب حتى تعرف التاريخ لأننا سوف لا نقرأ مانكتبه فيكفي أن نكتب.
لقد قلت لك عن الدورة العربية والتي سمي كاسهاباسم فلسطين ولعب فيها السودان بفريق الهلال الذي هزم اليمن 9 صفر وهزم قطر 11 صفر وهزم سوريا 2-1 وهزم فلسطين 2-1 وتعادل مع مصر في النهائي لمة 120 دقيقة وأجريت عليه القرعة في حضور الزعيم جمال عبدالناصر وفازت به مصر وكان يمكن أن تقتسم جائزته وخرج جكسا كهداف للدورة.. ولم اتكلم لك عن جولة السودان في شرق أوربا والتي ابهر فيها سبت دودو وجكسا العالم الأوربي وارجع لكتاب جكسا والأهداف الذهبية كمرجع وشوف الصورة التي تزين الغلاف والتي قام بها جكسا في تصفيات أولمبياد طوكيو وكانت يوم الجمعة 17 أبريل 1964 .
اقرأ يا محمد نوية ومنير وعوض السيد ما أكتب اللهم إلا إذا كنتم بمنطقكم هذا تريدون شطب تاريخ السودان وكتابة التاريخ بعيون المريخ وإذا شطبتوا تاريخ السودان فضمناً شطبتم تاريخ المريخ قبل شطب تاريخ السودان .. لم يقل لك أحد لا تكتب ولم يقل لك أحد لا تعلق ولكن حينما يخرج التعليق عن طور الموضوعية سيصبح الكلام ثرثرة دون هدف ودون إقرار بالحقائق وحينها سنتوقف عن الغلاط وعن الكتابة ونقرأ ماتكتبون.
خدورة أم بشق- مشرف منتدى الشعر
رد: نغمة هلالنا صعب كاساتو دهب
قال هلالنا قال -هو بالله من شهر عشرة تاني الهلال ده هلا -كاسات قال ياهو الكاسات المحلية دي -ودي ممكن هلال كادوقلي يشيلها -نحنا خلاص شبعنا من الكاسات المحلية دي وبعدا نجيب تاني للسودان كاسات محمولة جوا-يلا يانفطي وري المحليين حاجة وجيب لينا المرة دي كاس الابطال -الذي بسببه الجماعة قعدوا بكوسو قال تاريخ محلي لمن عجزو منو؟
محمد قادم نوية- مشرف منتدى الصوتيات
رد: نغمة هلالنا صعب كاساتو دهب
صباح الخير علي الجميع- ما احلي ساعات اللقاء -وين ياعوض السيد عمنا ؟
محمد قادم نوية- مشرف منتدى الصوتيات
رد: نغمة هلالنا صعب كاساتو دهب
انا عادة يا ول نويه لا أرد على مناوشات عمك الفضل الا بعد ان اكتب ما اريد الرد به على الورق ومراجعته مراجعه دقيقه لأنو هو زول ما شاء الله حافظ التواريخ والأسماء وكان لقى فرصه بدينا فى راسنا عشان دواسى معاهو دايما بكون على اصل ومسوده.
طبعا جيت من الصباح وفى راسى أجيب الورقه وارد ليك على كاسات الدهب القالو جايبنها من زيورخ دى فاذابى أفاجأ بعد دخولى المنتدى بأن بطل المنتدى الرياضى سيغيب اعتبارا من اليوم ولمدة شهر .... حزنت جدا وحردت الرد لأن بصراحه غياب فضل سيؤثر بشكل كبير جدا على اثراء النافذه الرياضيه مع احترامى وحبى لكل الاخوه الأهله.
كل أوصى أرجو من جميع الاخوه الرياضين مساعدتنا فى الحفاظ على سخونة المنتدى الرياضى لحين عودة صاحب القلم الملتهب اخونا الكبير وعمنا العزيز الفضل له كل الاحترام والود والحب.
نسأل ان يقضى فترته بالبحر ويرجع فى كامل قواه
طبعا جيت من الصباح وفى راسى أجيب الورقه وارد ليك على كاسات الدهب القالو جايبنها من زيورخ دى فاذابى أفاجأ بعد دخولى المنتدى بأن بطل المنتدى الرياضى سيغيب اعتبارا من اليوم ولمدة شهر .... حزنت جدا وحردت الرد لأن بصراحه غياب فضل سيؤثر بشكل كبير جدا على اثراء النافذه الرياضيه مع احترامى وحبى لكل الاخوه الأهله.
كل أوصى أرجو من جميع الاخوه الرياضين مساعدتنا فى الحفاظ على سخونة المنتدى الرياضى لحين عودة صاحب القلم الملتهب اخونا الكبير وعمنا العزيز الفضل له كل الاحترام والود والحب.
نسأل ان يقضى فترته بالبحر ويرجع فى كامل قواه
عوض السيد ابراهيم- مشرف المنتدى العام
رد: نغمة هلالنا صعب كاساتو دهب
وين المحليين يا عوض السيد ؟في هذيمة اكتر من كدة انا افتكر حددناها معاهم بعدا نتوقف عن (fair play) الي حين اشعار اخر
محمد قادم نوية- مشرف منتدى الصوتيات
رد: نغمة هلالنا صعب كاساتو دهب
أوافق على رأيك ولكن ان عادو عدنا..... أيه رأيك
عوض السيد ابراهيم- مشرف المنتدى العام
رد: نغمة هلالنا صعب كاساتو دهب
كلامك كي بعدا تاني بقدرو-بس قادين لي في جُحر ويحيد ياريت لو جابو ليه فايدة أهو سطير وزاتو غلط ماصاح
محمد قادم نوية- مشرف منتدى الصوتيات
رد: نغمة هلالنا صعب كاساتو دهب
الحمد لله اعترفتوا بمقدراتنا الفنية والتاريخية
امشو زاكروا كثير وتعالو نحن جاهذين للرد على طول
عافي منك يا ابو مصطفى
والايام دي شايف الدكتور الجنيد كابي الزوغة
اوعى يكون نسى نظارته
امشو زاكروا كثير وتعالو نحن جاهذين للرد على طول
عافي منك يا ابو مصطفى
والايام دي شايف الدكتور الجنيد كابي الزوغة
اوعى يكون نسى نظارته
طارق كمبال- مشرف إجتماعيات أبوجبيهة
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى