بلادي أنا..بلاد ناسا ....مواريثهم كتاب الله

بلادي أنا
بلاد ناسا في أول شئ
مواريثهم كتاب الله ،
وخيل مشدود،
وسيف مسنون حداه درع،
وتقاقيبهم تسرج الليل مع الحيران
وشيخا في الخلاوي ورع
وكم نخلات تهبهب فوق جروف الساب
وبقرة حلوبة تتضرع وليها ضرع ،،،
وساقية تصحّي الليل مع الفجراوى..
يبكى الليل ويدلق في جداولو دمع
يخدر في بلادي سلام ..
خدرة شاربي موية النيل ..
تزرد في البوادي زرع
بلادي أنا بتشيل الناس وكل الناس
وساع بخيرها لينا يسع،
وتدفق مياه النيل علي الوديان
بياض الفضة في وهج الهجير بتشع،،،

القصيدة يامحمد أهديها لكل الشيوخ والعمد والنظار بمنطقتنا العزيزة الذين أصابتهم ألسنة السفهاء من أولادنا, وصراحة زعلت أنا ,وزعلت لزعلك وزعل الأحبة في المنتدى

عزيزي الحبيب المخلص فيصل .... مافي زول بعرف حبك لأولاد الحباك و تراب الحباك ورمل الحباك وناس الحباك , أنا عشتك من زمن فيصل ( ما عايز أقول السنة شان ما يقولو كبرتو ) عشان كده عايزين نرطب الجو فقط.... شكراً لك نشرت عطراً عبقاُ