الزعيم يتألق ويطمأن الصفوه

تألق رفاق الملك بالأمس عندما حلّو ضيوفا(ثقال) على فريق سان جورج الأثيوبى فى اول بروفه لكأس الأنديه الأبطال التى لن يرضى الزعيم هذه المره بغير نيل شرفها(الما عاجبو يلملم شباشبو).
ثنائيه رهيبه ومرعبه تشكلت بين المحترفين (ابولستك) وارغو والنفطى أفزعت خصوم الصفوه من أى نزال مرتقب (يا ويل الفقيد).
خرج المريخ بنتيجه ايجابيه كما توقعنا حيث تعادل بنتيجة هدف لهدف..... جاء هدف الزعيم من توقيع القادم بقوه عبد الحميد السعودى بعد ان استفاد من الكره المتبادله بين الرهيبين النفطى ووارغو والتى سقطت خلف الدفاع ليعالجها ولدنا بنجاح معلنا أول أهداف الصفوه فى الدقيقه 20 من شوط اللعب الاول.
يا ويلهم يوم 27فبراير
النفطى ووارغو حاجه عجيبه....وحبيبنا فقيد البلد الراجيهو ما شويه.
..... هيبه وجبره ......
.... قروشنا ما راحت شمار فى مرقه ......
.... الله يدينا الفى مرادنا .......

يا ابن عمي صباح الخير يبدوا انكم لسه ماصحيو من النوم
نحن راجينكم اللبلة
وقروشكم راحت شمار في مرقة من زمان
ونحن جبنا كاسنا محمول جوا

صبحك الله بالخير يا ابن عمى.
اذا كان التاريخ يعترف لكم بهذه الكأس فنحن لا نمانع من الاعتراف بها.
أسأل التاريخ ورد علىّ

سلامات ابو السيد ؛كلك خير وبشارة وحلاوة كمان------
نعم استعرض رفقاء الملك فيصل في الهضاب الاثيوبية واتو بنتيجة جيدة من فريق عنيد في أرضه في مباراة اثيت فيها الثنائي الخطير وارغو والنفطي انهما من كوكب اخر وان الملاين التي انفقت فيهم كانو يستحوقنا بكل جدارة ؛حيث بداء استعداد المريخ من هذه المباراة للادوار المتقدمة في البطولة؛ حيث موقعة ام درمان في الاياب ماهي الا مجرد اداء واجب فنتيجتها مضمونة ؛فهذا الموسم سيكون موسم استثنائ لرفقاء الملك وهدفنا الاول الابطال وبعدها سنسترد بطولتي الدوري والكاس من المحليين
التحية والتقدير

جيتا جيت من قبيل راجيك.
شفت الابداع دا كيف

I love the elite
بتستاهل التكريم انت يا الزعيم.
40مليون لكل لاعب من المريخ على انجاز 2008.
يا ربى الارباب بكون أدى ناسو كم.

اخواني المريخاب مبروك علي النتيجة الايجابية وانصحكم ان لا تفرطوا و تسرفوا في التفاؤل لانو الكورة شوطين يجب ان تجهزوا انفسكم للشوط التاني
والله ينطيكم الفي مرادكم

حيدر الحبيب الشوط الشوط التانى مضمون

سيظل الزعيم زعيم ....
امين اخي حيدر...

شكرا يا زهير يا زعيم..... ولك ما اردت باذن الله

امين وربنا يدينا الفي مرادنا
وطيب يازهير ول خالتي انت مادام معانا مالك من زمان ماجيت جربت المديدة الحارة دي شايفك بتعاين ليها من بعيد ولا دايرها لمن تبرد
نحنا سعيدين بيك وخش طوالي !!! كيف يكون الحال لو ماكنت زعيم بلد
تحياتي

زهير يشبه الصفوه ولا يمكن يكون غير ذلك

الرميم مش الزعيم من رمة عليه دين من سانت جورج قوامه تسعة أهداف في أكبر وأبشع هزيمة عرفها المريخ وأوشك الوحدات أن يكررها

سان جورج الذى سيلقى حتفه فى الرد كاسل بعد اسبوعين.
استاذى الغالى اذا كان أقرب معنى مرادف (للرميم) هو (الفتات) أو (الأشلاء) فحقا انتم أولى بها لأنكم الان اداريا وفنيا وماليا تقبعون فى عداد الجرحى والمكلومين.
لا استقرار ولا تجديد لاعبين زى الناس ولا قريشات..... اذن من الأولى بأن يكون رميما.... لا شك حبايبنا الفقيداب.
كل حبى واحترامى لك يا غالى يا ملتهب الفضل

بس بنعرف نصقع المريخ ..هاك سادومبا دا..

يكفي انو المريخ اذاق المحليين هذيمة ختم بيها الوري وحملهم كاس الدوري مسيييييييييييييييييييييخ

ول نوية اخوي انت كلامك معنا فى الكاسات المحمولة جوا وسكتناك. تانى ما عندك معانا كلام... بعدين تعال هنا الدورى ختمنا نحنا بانبراشت الود كرومى والا نسيت يا ول...س س سادومبا.

الزعيم رهيب وعجيب..... كوره واداره زى السم
نحن السنه دى نار منقد.
ارجو الراجيكم

استاذى الجليل عوض السيد . نحنا والله زهجنا من الجمل الانشائية بتاعتكم دى. كل سنة قادننا على قول حسن بسبوسة نار منقد نار منقد وفى النهاية نلقاكم برد ساى .هسى فى حد جاب سيرة البرد يا ود يا شلباية...

الكانو قادنكم زمان خليهم لكن المره دى انا بقدكم من واقع معاش يا الفا ضل يا ود ابوى.
الحمدلله الخير كتير ما ناقصانه حاجه لا مفلسين ولا مشتتين زى الناس المكلومين.

هاك الثنائيه دى
رصع بلا هواده جوه البلد وبره البلد

ده بدون ايمان لندن

سلامات يا اخونا ماكان تجيب اخر مباراة في الدوري الممتاز عشان نشوف الراكوبة رقص البجي بجي كيف؟
تحياتي

شكى الارشيف ومل من المكلومين

آراء وتعليقات : عبده قابل

نشرت: 17/02/2010 - 04:16 عدد رقم 6637



المريخ تواضع امام سانت جورج:

< من خلال مشاهدتنا لمباراة المريخ وسانت جورج الاثيوبي من قناة النيل الازرق جاء اداء المريخ غير مقنع اذ كان مجمل الاداء في اغلب فترات المباراة مهزوزا ولم نحس باي اختلاف في ما كان يؤديه المريخ في الموسم الماضي رغم التجديد الذي حدث في صفوفه، ورغم التدريب الذي وصفه الكثيرون بانه سيجعل من المريخ في هذا الموسم قوة ضاربة.
< نعيب علي مدرب المريخ في مباراة سانت جورج اشراكه لاربعة لاعبين من اللاعبين الجدد الذين لم يسبق لهم اللعب مع الفريق في التنافس المحلي اذ كان من المفروض ان يشرك اكبر عدد من اللاعبين القدامي نسبة لانهم يفهمون بعضهم جيدا والانسجام والتجانس بينهم ظل متواصلا منذ فترة طويلة، ولكن ربما للمدرب رؤية اخري يعرفها وحده!!!
< خلاصة القول ان المريخ لم يقدم العرض والاداء المطلوب خاصة وان الكل من خلال الاخبار التي كانت تاتي من معسكره بكينيا كانت تؤكد ان المريخ اصبح فريقا متجانسا وقويا يستطيع ان يكتسح خصومه مهما بلغت قوتهم، ولكن للاسف لم نر شيئا من ذلك في مباراته مع سانت جورج وربما اجل المريخ ذلك لمباراة الرد.

وسلملي علي التألق

المباريات التنافسيه خارج الأرض لها طابعها الخاص حيث لا يمكن للفريق الضيف ان يهاجم على حساب ظهره.
من ناحيه أخرى مهما بلغت قوة الفريق اذا كان خصمه ضعيفا فلا شك هذا سيؤثر على الشكل الفنى للمباره فى معظم فتراتها.
ولكن سنعدكم بسهره كرويه ممتعه فى السابع والعشرين من فبراير الجارى

ياجماعة مسعولين من الخير انتو وين كاسروكا ابو ساطور ولا كمان طلع ماسورة افيدنا ياول كمبال اوعة يكون جاه مرض الجقجغان

أفيدك أنا يا فلس يا حبيبى.
احتياطى الزعيم بحجم التشكيل الأساسى.
عرفت كاسروكا وين ولا أقول ليك يا (قشطه)

يا حبيبنا محمد سعيد الزول ما طلع ماسورة
والشقيى ديل كلهم وباء مصابين
كلو من مال الحرام بعمل مرض اكتر من الجقجغان

عليك الله يا ابن عمى الزمن دا.
فى فرق بين مال الحرام ومال الحلال عند الجماعه اياهم
بس تاكل وتقش (قدّومك)

يا عوض السيد والله مشتاقين لك بس اليومين ديل في عصرة انتحابات
وانشاء الله سنهديكم فوزنا

شكرا استاذي عوض السيد...واخي ول نوية ...
انا مريخابي منذ نعومة اظافري ...احب الاحمر الوهاج ...
والمديده كان بردت بسخنها...

هوي يا وهير امشي اضبح حروفك بي زولك ابو شبطايا داك

أحبك يا زهير يا صفوه

تسلم يازهير واكيد بتحمي المديدة وننتظر طوفانك
دمت

شكرا كتير الاستاذ /عوض السيد...
تشهد اليوم مدينة كادقلي لقاء الزعيم مع هلال كادقلي ...
لاابالغ ان قلت لكم بان الوفود التي حضرت الي كادقلي منذ الامس تضاهي حشود مبارات الجزائرومصر في ام درمان ...يحملون اعلام ورايات الوهاج...
وبعد دقائق سوف نتوجهة الي مطار كادقلي لاستقبال الابطال ....
واعدت رابطة مشجعي الزعيم بكادقلي احتفالا مصاحب للمباراة...
ول كمبال تعالوا شيلوا من جماعتكم ....
سوف نوافيكم بالمزيد بعداللقاء....

بالله عليك الله يا زهير ما تفوت حاجه أدينا كل شئ بالتفاصيل الممله وننتظرك.


ركّز على النفطى وكتّر من وارغو

اليلة ياعوض بس تاكلوا ناركم, ووصي زهير الليلة يبقي ليك خبير كروي ويديك التقرير انا خايفو يقول ليك ديل طلعوا مواسير, بعدين دايرنكم تشاهدواقناة الجزيرة الرياضية ستة عشان تشوفوا ابداعات حبيب البلد الماخمج تسلموا

باكر خليك حضور من الصباح عشان نديك المعلوم من ابداعات الزعيم التى لا تضاهى.
انت ناسى نحن عندنا تار معاهم

يا زهير اخوى والله دى بالغتا فوكا شن جاب الجزاير ومصر للمريخ. ..وبعدين استاد كادقلى دا قدريش لامن يشيل الخلق الذكرتها دى.كتر للجماعة من وارغو

الله يستر

والله مجهز الكمره من الصباح ...
وسوف نوافيكم بالصور من داخل الاستاد ...
الفاضل اخوي ...والله من كتر الناس ...انا مشيت البيت عملت لي قراصة حتي الاكل في السوق خلص ...
وكان شفتا الرايات ...الحمر تتوهج في سماء كادقلي ...والله الوفود داخل الاستاد قبل وصول بعثة الزعيم ...

تحياتي...

الفاضل يا ود ابوى.....(يا قلبى يا مكتول كمد).

يا زهير اخوى الجماهير دى عاوزة تشاهد كورة والا جاية للسفسفة.الله يستركم من اولاد كاديقلى ..لك ودى