كتاب ونقاد مصريون يحتفلون بأعمال الطيب صالح

كتاب ونقاد مصريون يحتفلون بأعمال الطيب صالح
يحتفل المجلس الأعلى للثقافة بالقاهرة بالكاتب الراحل الطيب صالح، فتعقد لجنة القصة برئاسة الروائي خيري شلبي الاثنين 22 فبراير/شباط الجاري ندوة عنه وعن أعماله الإبداعية ومقالاته الصحفية، تبدأ من الساعة الحادية عشرة بكلمة د. عماد أبوغازي الأمين العام للمجلس الأعلى للثقافة، وتنتهي بكلمة الكاتب يوسف القعيد.

وما بين الكلمتين يشارك أكثر من عشرين كاتبا ومبدعا مصريا في احتفالية الطيب صالح، يبدؤها خيري شلبي مقرر لجنة القصة بالمجلس، فكلمة أسرة الطيب صالح، وكلمة ممثل السفارة السودانية بالقاهرة.

ومن ثم تبدأ وقائع الجلسة الأولى برئاسة د. عبدالمنعم تليمة، ويقدم فيها د. حسين حمودة قراءة في قصة "سوزان وعلي"، يعقبه د. خيري دومة وعدوى الرحيل قراءة في موسم الهجرة إلى الشمال، ثم يتحدث د. سيد البحراوي عن الطيب صالح من منظور ما بعد كولونيالي، ويقدم د. يسري عبدالله قراءة في "دومة ود حامد" ومساءلة الآخر في قصص الطيب صالح.

وفي جلسة تالية يرأسها الروائي فؤاد قنديل تتحدث د. أماني فؤاد عن الطيب صالح في مرآة النقد، ويقدم أسامة عرابي الوجه الآخر للكتابة الأدبية "المقالات نموذجا" في أعمال الطيب صالح، ويتناول د. حسام عقل المجموعة القصصية "مريود"، ويقدم د. مصطفى الضبع دراسة سيميولوجية في "عرس الزين".

وتنتهي احتفالية المجلس الأعلى للثقافة التي تقام تحت رعاية وزير الثقافة المصري فاروق حسني، بمائدة مستديرة يديرها خيري شلبي ويتحدث فيها كل من الكتاب: إبراهيم عبدالمجيد، وبهاء طاهر، وفؤاد قنديل، وعبدالقادر حميدة، وعبدالوهاب الأسواني، ومحمود سالم، وهالة البدري، ويوسف القعيد.

ميدل ايست اونلاين

الطيب صالح
ولدا فالح
من يوم ما تبا
وليدا صالح
...
زولا مفضال ... مستور الحال
ما بيعرف يقول ده محال
مهما اتغرب و مهما جال
تلقى قليبو مع التربال
...
ترابلة بلدو ...
تحت الدومة اتلمو وقعدو
فيهن يونس ود الريس
وداك مريود الديمه مقيس
و داكا الزين زول الله مهيص
...
بت مجدوب ديك حالا براها
مو فهمانى الخبر الجاها
قالو الطيب ... نان مو طيب
قامت وقعدت ... قامت وقعدت
سرخت نان بالصوت العالى
مالو آناس الراجل الطيب ؟!
....
شان ود صالح قلبو حنين
متحمل آلام الساقى بقالو سنين
شان هى نشافا
نشف قلبو و زادو أنين
....
يسأل نفسو ... وين الترباله ؟!
وين يا رب ... وين الرجاله؟!
وين يارب ... وين الصالحين؟!
وين الفقرا ... و ناس الدين ؟!
...
جاهو الرد من بت مجدوب
شوف آ الطيب ... ناسك ديل
ماهن عايشين !!
و الزين داك القلبو حنين
جايى يكورك
ديل عايشين ... زى الميتين !!
...
فيهن ناسا مرضانين
وفيهن ناسا تجار دين
و فيهن ناس كيفن زاهدين
و فيهن ناسا مو قايلين
يجيهن يوم زى يوم الدين
يوما ينشف فيهو الطين !!
...
و حوضنا الكان دايما رويان
ناشف تب
لا فى مطيره
و لا باجور
حتى النيل
الديمه دميرى
يوم الليلى صبح عطشان !!
...
و الزين داك زى الضهبان
يحفر و ينقح فى الحيضان
مو قايل
ود حمد صالح بقالو سنين
فى حوش العمدة هناك مرضان !!
...
وناس الحلى اتلمو صباح
بى فقراهن و الصلاح
سمو اسم الله وندهو رسولو
يغتى الطيب من كل شر
لامن صادى يجيهن راجع
عاد يوم داك يوم الأفراح
...
و كل الحلى بتسأل ... و تسأل
كيفن عاد ود حمد صالح
ياكلو الحوت فى بحرا مالح ؟؟!!
و ناس الزين ...
و ناس مريود ...
ود الريس ...
و بت مجدوب...
متلمين فى ضل الدومه
راجين جية الولد الفالح !!
...
الكل قام واقف لاحيلو
سمو اسم الله و ندهو رسولو
قالو هناك لازم نمشيلو
ولدا مو "مقطوع الطارى"
كل خلق الله أهلن هيلو
...
ود الريس قايد القايدى
و داك مريود جاهن من غادى
و داكا الزين ... جارى يخب
تلب فوق حيشان العمده
أول مره يجيهن صادى
...
و بت مجدوب متبلمى تب
عيونا بكن ...
دموعا جرن ...
على كليمى طلعت خافتى
قالت ديل ياهن اولادى
...
بت مجدوب سرخت فى اللمه
ندهت الله يكشف الغمه
يجيب الطيب ليهن راجع
يتحكر فى قلب الأمه
...
بت مجدوب قالت حرم
عليها نزر لابد من دم
يجيب الطيب من وين ... وين
فشان وسط اهلو يجر النم
فشان قرقير ود حمد صالح
يفرج الكربه يشيل الهم
...
و بدل الطيب جاهن صايح
يبكى يصيح فى زولا رايح
يبكى يكورك بى طول حسو
يا ناس هوى ...
ناس كرمكول ..
ناس الدبه ...
ناس مروى ...
ناس كريمى ...
يا ناس هوى ...
يا ناس من جم ...
أبكو معاى ود حمد صالح
قالو غرق فى بلدا باردى
بلدا فوق ... فوق بحر المالح
...
مات فى بلدا كيفن باردى
و طيرا عجم ...
بلدا ما فيها خلوق تتلم
لا فيها دليب لا فيها نحاس
ما فيها العرضه و ناس حرم
لا فيها بطان يسيل لو الدم !!
...
بت مجدوب يوم نطقت قالت
عاد الطيب ما بتعوض
كلاما كتر ...
و حديسا كتر ...
و ناس الحلى دموعن سالت
...
يوم شافو الجنازى هناك
بت مجدوب دموعا جرن
و كل زول فى بكانو حرن
كل زول لى صويحبو قلد
و قال ... الليلى اتبشتن
...
قامو الفقرا قالو آ ... خوانا
داك قدرا من ربنا جانا
أسألو الله خالق الكون
و الصلاح يقيفو معانا
و روحو الطاهرى يوم الحق
فى الفردوس تعيش فى جنانا
-------------------------- رحمه الله و أسكنه جناته .....مع كل الود

كدي اول علمني بتنزل الصور دي كيف؟

ما نفعت يا اخوي وللتاكيد افتح بوست صور الزعيم
اضف الي ذلك ان العديد من البوستات التي بها صور انا لا اشاهدها!!
اكتفي بتعليقات الزملاء لمعرفة محتوي البوست

وبرضو مشكووور