الطير المهاجر

الطير المهاجر
صلاح أحمد ابراهيم

غريب وحيد في غربتو
حيران يكفكف دمعتو
حزنان يغالب لوعتو
ويتمنى بس لي أوبتو
طال بيه الحنين
فاض بيه الشجن
واقف يردد .. من زمن

بالله ياالطير المهاجر للوطن
زمن الخريف
تطير باسراع.......ما تضيع زمن
أوعك تقيف
وتواصل الليلة للصباح
.تحت المطر...وسط الرياح
وكان تعب منك جناح في السرعة زيد
في بلادنا بترتاح
ضل الدليب أريح سكن

فوت بلاد وسيب بلاد..وإن جيت بلاد
وتلقى فيها النيل..بيلمع في الظلام
زي سيف مجوهر
بالنجوم من غير نظام
تنزل هناك وتحيي
ياطير باحترام
وتقول سلام
وتعيد سلام


على ..
نيل بلادنا
وشباب بلادنا
ونخيل بلادنا
بالله يا طير
قبل ما تشرب
تمر على بيت صغير
من بابه ومن شباكه
بلمع الف نور
وتلقى الحبيبة بتشتغل
منديل حرير
لحبيب بعيد
تقيف لديها
وتبوس إيديها
وانقل إليها وفاي ليها
وحبي

تسلم عم محمد سعيد وهذه من اجمل ماشذي به وردي ونكمل لك الروعة بصوت وردي
دمت

التحيه ليك يافلس على هذه الرائعه الطير المهاجر ؟؟؟بعدين معاك يافلس ده مابكا عديل وإنت لسع بدرى عليك وأنت بتين بديت الهجره حتى تسمعنا هذا النواح ياراجل شد حيلك والبكا دا قبال سنه غربه عيب طبعا صاحبك الكاد الايام دى موجود فى الحباك والمنقه طلعت أشكال وانواع ومنمص ساااااااااااااااااااااى00تحياتى 00

لكم التحية ول نوية وغريق علي المرور,ويا قدح اخوك عارفو قوي لكن مرات بنسرح بنذكر الحباك

فلس مشكور على رائعة الموسيقار ابو الورود.
لكن يا ود الجرسه شنو ما تشد حيلك يا دوبك فى الروضه

يا العباسي لسه العيد ماجاء
وابن عمي قال الناس الجداد في الغربة لمن العيد يجي بكتروا الجعير انا خايف عليك انت واخوي الفاضل
شدو حيلكم
واخوي غريق ده زول فايق بقول ليكم كده عشان يجيبكم جاريًن

فوت بلاد وسيب بلاد..وإن جيت بلاد
وتلقى فيها النيل..بيلمع في الظلام
زي سيف مجوهر
بالنجوم من غير نظام
تنزل هناك وتحيي
ياطير باحترام
وتقول سلام
وتعيد سلام


تشكر فلس علي روائع فنان افريقا الاول ...
سيب الجرس ذي ماقال الاخوه ...
(الغريب عن وطنوا مهما طال غيابوا مصيروا يرجع تاني لي اهلوا وصحابوا)

تحياتي

شكرا ليك زهير علي المرور,ماجرسة لكن قصيدة جميلة ووردي جميل

لك التحية فلس ....
استمع الي وردي دائما ...وكل مااسمع اغنية اقول بأنها اجمل من التانية ...
التحية للعملاق وردي ...ومتعة الله بالصحة والعافية

لا تعليق يا محمد سعيد يارائع ..لأني قلت " لعمري أنتم آل الحاج البشير تسكنون منطقة تسمى صلاح أحمد ابراهيم "

محمد سعيد اخوك الكبير بحيك ..قد ابدع الشاعر فى اتقان اللوحة بالتشبيهات ..عندما نرد تلك الكلمات فى هدوء ..

في بلادنا بترتاح
ضل الدليب أريح سكن
فوت بلاد وسيب بلاد..وإن جيت بلاد
وتلقى فيها النيل..بيلمع في الظلام
زي سيف مجوهر
بالنجوم من غير نظام
اخوك فريق اول غربة عثمان موسى..