عندما يدقس العريس .... منقول

نصيحة لكل عزابي .....

كالعادة وخلافا لكل دول العالم التى تتم فيها مراسم الزواج فىيوم او اثنين وبأقل التكاليف الممكنة نجد ان الزواج السودانى هو عبارة عن مسلسلمكسيكى يستمر لايام وايام يجتمع فيها الاهل والاحباب والجيران وجيران الجيرانوالاقارب من الدرجة الخمسمائة بعد الالف وينفق فيه اموال طائلة تكفى لبناء مستشفىحديث او فندق 5نجوم او رواتب المعلمين فى احدى المحافظات وتبدأ الحكاية بعد ان تحسبالقلق عندما تجد ان معظم اصدقاءك قد دخلو القفص الذهبى طائعين مختارين_اؤمن تمامابمسألة القفص ولكن لدى تحفظات كثيرة على حكاية ذهبى دى_المهم تحس وتأخذك غضبة حمقاءوتناجى نفسك وانت فى حفلة زواج بالخطر احد الاصدقاء (والله الواحد بعد دا يشوف ليهمرا. معقول هناى الاهبل دا يعرس وانا لسه قاعد براى زى تور الساقية) عندها يستعرضخيالك قائمة طويلة من معارفك البنات ابتداء من ناس نونة زميلتك فى الروضة مرورابصديقات مرحلة المراهقة الكتار وحتى زميلات الجامعة والشغل وبنات الحلة وبناتالاعمام والاخوال وباقى الاهل ثم وبسرعة تنسى كل اولئك النساء فى حياتك عندماتسترعى انتباهك الحسناء الجالسة فى ركن قصى فى حفل ذات الصديق الاهبل,تحبها من اولنظرة وتراقب حركاتها وسكناتها, تلاحظك هى لكن تعمل ماشايفة وتتلاهى بمكالمة وهميةفى موبايلها وهى ترمقك من طرف خفى كما يفعل الصياد المحترف ,المهم تتعارفوا بواحدة منالطرق الكثيرة وجلسة جلستين فى الكافتريا ثم (ياهناى والله انا ماممكن اطلع وانزلمعاك كدا ساى, الناس تقول علينا شنو؟ سمعتى حتبوظ) ثم تمسح دمعة وهمية من عينيهافتأخذك الحماسة وتقول (والله ياسوسو_ودا اسم دلع يقبل آلاف الاسماء منعا للمشاكل_اناناوى اصل بيتكم بس انتى عارفة الظروف والعرس بيكلف كتير وووووو) فتقاطعك سوسو بحنيةثعلبية وبنعومة الافاعى (انا مادايرة منك شى, انت بس تعال اخطب والعرس يتأجل لحدماالظروف تتحسن) فتصدق الكلام من عوارتك وتحدد يوم الخطبة وتأخذ ثلة من اهلك وقليلمن جيرانك واصدقاءك وتقصد بيت الملاك المختار وتفاجأ انت واهلك بحشد كبير فى بيتالعروس وخيمة كبيره امام البيت وصوت المايكرفون يردد (تست تست واحد اتنين تلاتة تستتست) تأخذك الدهشة قبل ان يأخذك ابو العروس جانبا, يعدل عمته التوتل ثم يقول (واللهياولدى انحنا خطوبة ومسخرة ودخلة ومرقة ماعندنا,عشان كدا قررنا نعقد ليكم طوالىوالعرس بالراحة) ثم بأبتسامة محذرة (ولا رايك شنو؟ جرررررررررررررررر) وقبل ان تدلى برأيك غير المعتدبه اصلا يكون وكيلك ووكيلها قد اتموا عقد القران فى الخيمة وتحولت انت بقدرة قادرمن مشروع خطيب الى زوج-مع وقف التنفيذ-بسرعة البرق ثم يغمرك المعازيم (مبروك ياعريسمبروك ياعريس بيت مال وعيال) وانت كاضم ماقادر ترد وتسمع احدى عمات العروس وهى تقول (شوفوا ياخوانى من الفرحة لمن ماقادر يتكلم) ثم تطلق زغرودة مدوية وهى تبتعد تجتاحكمعها رغبة فى لكمها فى فمها لتخرس الى الابد .. فرغم انها صارت شرعا حرمك المصونالا انه يجب عليك ان تقوم بطقوس مهولة ومراسم عرس كامل لأستلامها!!! وعندما تثورعلى الوضع وتحلف بالطلاق ان تمشى تجرها من شعرها وتجيبا بيتك بدون حفلات او كلامفارغ وتخلص .. تفاجأ بأن المعارضة تأتيك من الداخل أى امك واخواتك (ليه مادايرنانفرح بيك؟ انحنا اقل من الناس البسوو الاعراس؟ والله لو ماعملت عرس ماعافيين منك؟عليك الله عاين دا, داير الجارات ياكلن وشنا؟) فترضخ للأمر الواقع وتبيع قطعة ارضورثتها عن جدك الرابع عشر وترهن بيت ابوك وتبيع الكمبيوتر والموبايل وتزوغ ببعضالصناديق ثم تستلف من 10-15صديق واخيرا جدا تجد نفسك حالق جديد ولابس بدلة سوداءلون الحداد!!!- متأبط شرا هي عروسك المصونة والتى جاءتك فى هيئة فيل صغير بعد اننجحت وصفات التسمين التى قامت بها العمات والخالات وبعض الصديقات الخبيرات, تأتيكمتدحرجة فى فستان ابيض-لون الفرح!!! -فتجلسا تحت بقعة ضوء مزخرفة عليها كرسيان تعرفبالكوشة- والتى لاول مرة تدرك معناها- الجميع فى الحفل فى رقص هستيرى والفنان يصدحبسعادة غير مبررة (شن بتقولوا فى الفرح البعذب سيده والريد البضيع زولوا!!) فتلمسالاغنية فيك اوتارا حساسة وتكاد تطفر الدموع من عيونك, وتجول عيناك على الحضورالسعيد وتتوقف عيونك على آخر العزاب من اصدقاءك وهو يرنو اليك بحسد تارة وتجولعيناه بين الحسناوات تاره اخرى وتكاد تقرأ افكاره وهو يفكر (هسى فلان الاهبل دا عرسوانا قاعد براى زى تور الساقية؟) فتكاد تصرخ فيه محذرا ولكن صوتا خبيثا فى داخلكيهمس بمكر وحقد (وانا مالى, هو أنا فى زول حذرنى؟)؟"عشان كدا لمن تمشي مناسبة حتلقىالجكس بعاين ليك وبيبتسم ليك أعمل حسابك لأنو بضحك عليك ودنقر راسك طوالي وأعملفيها أهبل ولو حاولت تتكلم معاك وتشاغلك أبكي عشان تقول عندو نفسيات ولو أصرت وعملتفيها مصلح ودكتورة أصرخ وأقطع فيه كف وقوم جاري أخير ليك يقولوا مجنون من يحننوكبالجد" نصيحة من داقس (انتو ما سمعتو بالمثل الساير اليومين ديل البمد صباعو بيجرومن ضراعو والبعاين بعينينو بيجرو من اضنينو)نصيحه من داقس تو.

"شن بتقولوا فى الفرح البعذب سيدو والريد البضيع زولوا"
اتفق معك ان المودة والرحمة يا أبو الزهور هي الأصل في الزواج لكن الظواهر الاجتماعيه التي اجتاحت مجتمعنا وجعلت مش ( صورت ) من الزواج هيصة وردحي وهيلمانة ربما يثقل حملها على الجبال , و ( شيال التقيلة ) قاعد في كوشتو . وعرسان كتار بطلبو أغنية " براي سويتها في نفسي وقلبي الحبّ ماقدر " طبعاً حب السترة وماقدر تكاليف السترة ,, العرس البقى زي سعر لعيبة الكورة , ادى الى عزوف كثير من الشباب عن الزواج وبالمناسبة فعلاً خلو المهــر المكتوب في الورق قليل , وقالوا نحن مع الحديث بقصد البركة والسعادة ,, لكن عملوا نقاط تفتيش ,وحواجز حيث أصبح دفتر مالي 15 متوفر في يد أهل العروس والعريس ومن حق الحنانه وحق الكوفيرة وايجار الصبوان و............ وعندنا هناك حق نزيلة العروس وصويحباتها من العربية ... وحاجات كتيرة..... حامياني مساحة الرد اقولها..
شكراً يا حادينا الذاكر المستير على البوست, إذ لابد من توثيق الحادث و الجاني و المجني عليه ,ناهيك عن الخساير ,, ده أكان ما فيها سيطان ,,,,

يا ابو الزهور
درس مجاني لمن يهمهم الامر
يا ول نوية قال لك اعمل فيها رايح

هيييييييييييي هو انت قايل ول نوية براهو ماكلنا سوي
شكراً ياعم علي النصيحة
لكم مودتي

ابو الزهور الموضوع حى ويستحق الوقوف عنده.
الموضوع يخاطب بصفه رسميه ول نويه/طارق/أشرف.
ابن عمى..... الدروس المجانيه لمن يهمهم الأمر انتهى عهدها بانتهاء الحدث.

اخى ابو الزهور صورت المشهد الخانق لتدحرج قصة الخطوبة التى تتحول الى زواج بكمرة رقمية ثلاثية الابعاد ((حديث النفس للنفس العريس الداكس))..
اخوى ابو الزهور الا توافقنى بعد الزواج ندمن ذلك السجن الحديدى ليس الذهبى..كمان لما تزهج تقول عاوز تتزوج على ام العيال ..فكيدهن عظيم..فقوم عليك بدمير اقتصادى عاوزيين نغير الفرش..عاوزيين نجيب تلفزيون بلازما ..عاوزيين نغيير الراكوبة..كلا حسب وضعه ..تلقى المسكين غرق فى ديون..

أوافقك تارأي تماما .... أين أنت يا عزيز

عندما يدقس العريس .... منقول

عندما يدقس العريس .... منقول

رد: عندما يدقس العريس .... منقول

رد: عندما يدقس العريس .... منقول

رد: عندما يدقس العريس .... منقول

رد: عندما يدقس العريس .... منقول

رد: عندما يدقس العريس .... منقول

رد: عندما يدقس العريس .... منقول