الطير المهاجر

الطير المهاجر
صلاح أحمد ابراهيم

غريب وحيد في غربتو
حيران يكفكف دمعتو
حزنان يغالب لوعتو
ويتمنى بس لي أوبتو
طال بيه الحنين
فاض بيه الشجن
واقف يردد .. من زمن

بالله ياالطير المهاجر للوطن
زمن الخريف
تطير باسراع.......ما تضيع زمن
أوعك تقيف
وتواصل الليلة للصباح
.تحت المطر...وسط الرياح
وكان تعب منك جناح في السرعة زيد
في بلادنا بترتاح
ضل الدليب أريح سكن

فوت بلاد وسيب بلاد..وإن جيت بلاد
وتلقى فيها النيل..بيلمع في الظلام
زي سيف مجوهر
بالنجوم من غير نظام
تنزل هناك وتحيي
ياطير باحترام
وتقول سلام
وتعيد سلام

على ..
نيل بلادنا
وشباب بلادنا
ونخيل بلادنا
بالله يا طير
قبل ما تشرب
تمر على بيت صغير
من بابه ومن شباكه
بلمع الف نور
وتلقى الحبيبة بتشتغل
منديل حرير
لحبيب بعيد
تقيف لديها
وتبوس إيديها
وانقل إليها وفاي ليها
وحبي الأكيد

وزي وطناً ... وكت أشتاقلو ... برحل ليهو من غير زاد ... وزي فرح البعيد العـــاد
... ...

هؤلاء رموز من رموز الفن السوداني وردي وصلاح احمد ابراهيم وهذه واحدة من اجمل ماتغني به وردي(الطير المهاجر)
شكراً اخي غريق علي الذوق المرهف

بالله ياالطير المهاجر للوطن
زمن الخريف
تطير باسراع.......ما تضيع زمن
أوعك تقيف
وتواصل الليلة للصباح
.تحت المطر...وسط الرياح
وكان تعب منك جناح في السرعة زيد
في بلادنا بترتاح
ضل الدليب أريح سكن
إبداع منقطع في الكلمات و الألحان والاداء

شكرا غريق للاختيارات الموفقة دائما ...بعدين ماتراعي شعورالجماعة ...ول نوية دا شكلوا دمع...
تحياتي

الطير المهاجر

الطير المهاجر

رد: الطير المهاجر

رد: الطير المهاجر

رد: الطير المهاجر

رد: الطير المهاجر